السلام عليكم ورحمة الله وبركاته
أصبحت زوجة أولى 💔
كنت اقرأ القصص في هذا المنتدى ولَم اتوقع يجي هذا اليوم الي اكتب فيه قصتي ،،
أصبحت زوجة أولى قبل أسابيع قليله ..كانت صدمه هزت كياني وكسرت قلبي،،ياااترى بيجي يوم اقدر أنسى فيه هذا الالم يااترى بيجي يوم جرحي يطيب ياترى بيجي يوم اضحك واعيش بدون مافكر في الي صار وفِي زوجي حبيبي وهو مع امراه ثانيه تشاركني فيه،،
تزوجنا عن حب وعشنا أيّامنا بحلوها ومرها كنّا طلاب كملت دراستي الجامعيه بصعوبه مع الحمل والأطفال رزقنا بثلاث اطفال وهو كمل نجاحاته وبدا يكبر في وظيفته وانا ادعمه وواقفه معاه نفسيا وجسديا ماقصرت معاه ماطلبت لا وظيفه وطلباتي قليله عشان ماثقل عليه وكنا ننتقل من مدينه لمدينه وكان يسافر وكنت اكتشف خيانات ولا عمري شكيت والا خرجت من بيتي زعلانه صبرت وبكيت وتحملت وكان يقولي احبك بس أحب أعيش مغامرات وأحس أني مرغوب وقلبي فندق بس انتي الغرفه الرئيسيه لك ومهما اشوف مافي زيك ،، كنت أتعذب بس عشان احبه وعشان أولادي كنت اصبر وأتحمل وبعد عشر سنين حسيت قلبي مات وماصار في حب بديت أعيش حياتي واخرج وانبسط مع صديقاتي وأهلي وصار مايفرق معي راح والا جاء حتى هو حس وصار يقولي تغيرني وماصرتي تحبيني زي اول سفرياته قلت وصار يسافر معاي ومع الاولاد ويقول سحرتيني ماصار استأنس مع الشباب في السفر قلت له هذا الدعاء هو السحر الحلال واستمرينا ع الحال هذا تقريبا 9سنين وقبل كم شهر تغير وصار يزعل من خرجاتي وهو جالس في البيت بس مامنعني من الخرجه ومن تغييراته إنّو صار ينام في غرفه ثانيه بعذر إنّو ولدي الصغير يزعجه وهو عنده دوام استغربت عمره ماكان ينام بغرفه ثانيه وماصار يتكلم معاي ويسولف وصار يلمح بالزواج ،،
الين جا يوم ابوه كان عندنا وجلس يسولف معاي وفجأة صار ينصح ان الوحدة اذا تزوج زوجها تصبر عشان اولادها وكأنه يتكلم عني انا انصدمت وقلت ليش فلان بيتزوج !!!قال لا بس يمكن يصير
بكييييييت وبكيييت
وفِي نفس الليله سالت زوجي وتكلمنا كثيررررررر قالي ايه بتزوج بس مو الحين وكأنه طعني بسكين في قلبي بكييييت كثيررررر وقلت له أتمنى أني في حلم واصحى منه ،،
قال اصبري وساعديني دوري لي وحده وقام يوصف لي وش يبغى 💔 كان جوابي ماقدر أساعدك لكن ربي يساعدني ويساعدك،،ونمت هذي الليله بحضنه جريحه ومكسوره،،
اليوم الثاني قال معزوم على عشى هو وابوه وانا قلبي يقول انه مو عشى انه شي ثاني بس كلامه بالليل خلاني اكذب إحساسي وقالي روحي اسهري وانبسطي مع أخواتك ورحت ووسط وناستي كلمتني وحده من قريباته قالت هزنا الخبر وكلنا زعلنا قلت اَي خبر مافي شي وان شاءالله مايصير شي قالت لاااااا صااار واليوم ملكته
نزل الخبر علي زي الصاعقه كنت ارتجف وجسمي باااااارد مادري كيف تماسكت وربي لطف بحالي أرسلت له رساله فلااان فلاااان اليوم ملكتك؟؟؟؟
صح
صح
قال من قالك قلت وصلني الخبر وباركت له بعدها انفجرت بكاااا وربي عالم بحالي،،،
أسفه طولت عليكم بس أتمنى تدعون لي وأكمل قصتي في موضوع ثاني😭😭😭😭

كملي القصه
والله يصبرك

آآآه الله يصبر قلبك و روحك ..
دآم الفاس طاح بالراس اللحين ، اطلبي منه يحرص على العدل ،، لا تهملين نفسك لعل وعسى يرجع لك وحدك بعدين ،،
الله يسخره لك ويزيده تعلق بك ويرجع لك مايبي غيرك

اللهم اميين ربي يسمع منك ويسعدك ياارب

اللهم اميين ربي يسمع منك ويسعدك ياارب

اميين يارب وجزاك الله خير
ان شاءالله بكمل القصه قريب

الله يرزقك الصبر.

انتبهت انك عضوة قديمة مرة و توك تشاركين الله يعينك ، سبحان الله بعد هذي السنوات ،

الله يرزقك الصبر
ما في احد مرتاح اولى او عاشرة

البلاء درجات اخية وهذا اخفهم
اهم شي اولادك وصحتك

الله يصبرك ويعوضك بالخير الكثير