السلام عليكم ورحمه الله وبركاااااته..

انا جديده معاكم بالمنتدى ...وحابه اشوف رايكم بمشكلتي..!!

ابيكم تفيدوني بليز لاني تعبت معاها ..

ابحكيلكم الوضع من البدايه ,,

توني متزوجه لي 9شهور زوجي اصغر العنقود وعمره 25سنه ربي يطولي بعمره فديته ,,بس مشكلته انه فتح بيت لامه قبل لايتزوج ب3سنين ,,

اعطتني خبر قبل الزواج بان الوالده رح تعيش معانا ..تقبلت الفكره وماشلت همها ابد ,,تزوجت وجلست شهرين واسبوعين وبعدين رجعت لنا كنت مشتاقه لها لانهاكانت طيبه معاي قبل الزواج,,
جلست شهر الامور زينه ولكن بعدها ,,بدأت تتغير ةتبان نار الغيره فيها معا اني انا وزجي ما نتصرف قدامها بأي شي بالعكس علاقه اخوان بوجودها بس مو عاجبها انا متفاهمين ديام نسولف نضحك ماعمرها شافتنا غير كذا ,,
كنت ادخل اسمعها تسب فتي اسكت تطورت لامور الين صارت تتدخل بغرفه نومي ومايدخلها شي الا بعلمها طلبت من اخت زوجي تجي تنام عندنا اسبوع تجي تشوف الوضع كيف ,,,وربي ماكمل 3يوم والاوهي تطلب تبي ترجع بيتها (تقول كيف متحملين هالوضع)..
وامور كثيره بس ماابي اطول ,,
بس ابعرف كيف اتعمال معاها ...المشكله تهددني بالطلاق((بدال الزوجه زوجه ع قولتها)<<طبعا انا بعدها ماصرت اكلمها يدوب سلام وكيف الحال ؟؟

والي خايفه منه انها تدعي علي واهي صايمه مع اني واثقه اني ماضلمتها ولاتدخلت فيها بس لاني زوجه ولدها..تتوقعون تستجاب دعواااتها؟؟

ساعدوني بليز لاتبخلون علي ,,
تحياتي..

حبيبتي
عامليها بما يرضي الله وارضي زوجك ولاتتشكي عن أمه ابداا
اتحملي منها اي غلط ولاترادديها بالكلام وخليها تحس انها سيدة البيت
ان شاء الله راح تهداء وتعرف غلطها معاك
أم الزوج دائما تاخذ حياة ابنها بالعناد مع زوجته
لكن اذا شافت هدوء الزوجه واخلاقها تغير وضعها معاها
الله يوفقك ويسعدك في بيتك وحياتك

يااختي انا ام زوجي كانت دايم تتدخل في خصوصياتي وقالت يوم زواجي بدل بنتكم اجيب ميه غيرها وصرت ادعي بالليل ان ربي يكفيني شرها ويشغلها بنفسها والحمدلله خفت ذحين ومعد تتدخل مثل اول فانصحك بالدعاء في الليل واهديها هدايا لاني مجربه الهدايا تهدي نفسها وتصير تخف عنك غيرتها ولاتخافي لودعت عليك طالما انتي ماظلمتيها والله يكفيك شرها

اعانج الله يا اختي
في بعض الأمهات تغار من زوجة ولدها خصوصا اذا كان البكر او اخر العنقود
عامليها بكل ود ورحمة..وفرحيها بهدية حلوة..(تهادو تحابو )
في شغلة مادري اذا بتفيدج ولا لاء..اتفقي مع زوجج انكم متخاصمين وروحي اشتكي لها منه..!

تقبلي ودي

حبيبتي عليك بالدعاء

عامليها باسلوب محترم وراقي

لا تحطي براسك تصرفاتها واعذريها

احترمي غيرتها فهذا ولدها و كان معها لسنوات طويله قبل ما تستفردي انتي بي ( علي حسب تفكيرها )

لازم لازم تراعي غيرتها ولا تثيريها ( مو لازم الضحك والسوالف والتفاهم الزايد يكون امامها )

بالنسبه للدعوه .. دعوه المظلوم هي المجابه و شوفي اذا كنتي ظالمه او مظلومه

وربنا يعينك وييسر امورك معها

__________________
زي القمر زي

حبيبتي في مثل ينقال عند الناس

يقول لادخان من غير نار

هل بحثتي بالأسباب

و استنتاجك بصراحه احسه ماله طعم اللي اهي تغار منك

حبيبتي هاد ولدها فاهمه ايش يعني ولدها

واحساس الغيره اهو ما ينبع من زوجته ابداً

بس تزعل منك اذا ما كنتي

1-مريحته
2-تسمع فيكي كلام كويس من ولدها
3-محافظه على بيت وا سرار بيتك
4-ماتتكلمين على زوجك عند الناس
5-تهتمين في زوجك من الناحيه الماديه ((مدامها عايشه معاكم مو معناته لو جابلك شي اصريتي عليه وثقلتي عليه انها بتغار لالالالالالالالا اهي تزعل لما تشوف ولدها مقهور او زعلان او متضايق))

و اعذريني احنا نسمع الشكوى منك بس بمسألة الغيرة من غير ما تقولين لنا

ها الحرمه الكبيره المسكينة ويش سوت عشان تستنتجين كذا

برري بموقف عشان لا نظلمك او نظلمها

ولو انتي خايفة من دعواتها فراجعي نفسك لو كنتي ظلمتيها

ترى دعوة المظلوم ما بينها وبين الله حجاب كيف لو كانت أم

اي وضع اللي يخلي البنت ما تتحمل امها ؟؟؟؟؟

كلامك مره مبهم وهل انتي بتقولي نفس الكلام على امك؟؟ لو كانت مكان ام زوجك

اشوف ان من العقل لو البنت قالت معليه هاذي امي بحسبت امك تحمليها ولكي الأجر

لا تحاولي تقعني نفسك او تلتمسين منا مساعده بإقناعك إنك على صواب دون أدله

الظلم مو حلو ابد

وينقلب على صاحبه مهما طال حبله او قصر

اختي عامليها مثل ماتعاملين امك وعادي اذا تدخلت في بعض الامور هي ام زوجك


وتشوف ان لها حق في تصرف في بيت ولدها عااادي حبيبتي تحملي

__________________
لااله الا انت سبحانك اني كنت من الظالمين

مرحبا حبيبتي
انا عندي ام زوج اقسم با الله انها كانت من ليله الزواج ماتبيني
ورافضه زواجي من ولدها لاني مش من نفس القبيله
بس مع السنوات والايام الي مرت علينا عرفت اكسب كل اهله مش بس امه
كانت تسبني بوجهي وكنت اسكت لاني لورديت بطلع انا قليله الادب الي ترادد ام زوجها
كسبتها با الادب با الطيب بالهدايا قال الرسول صلى الله عليه وسلم (تهادو ا تحابوا)
اهديها لو شي بسيط انتي ومدت ايدك
لا تردين عليها عامليها كانها امك تمام
وراح تشوفين النتيجه كيف بس تحملي
والله المستعان

شوفي يابنت الناس

هذي امه

اول انسانه في حياته حبها ونام في حضنها

وهي اكثر مخلوق أحبه وتحمله وخدمه

25 سنه وهو في حياتها

وانتي 9 شهور فقط

مخيره اما ان تحبيها أو أن تحبيها

لانك لو ماحبيتيها ستغضبين الله أو ستفقدين زوجك

والله يصلح الحال

تسلمولي والله يسعدلي قلوبكـــــــــــــــــــــــــــــــــــم كلكم على الردود ..

حبيت اوضح شي انا عارفه انها امه مهما صار بس هي الي جالسه تنفر الي حولها منها..وبدليل ابنها الاثنين الكبار قاطعيناها وحتى زياره او اتصال مافيه بينهم والسبب لانهم مرو بالمرحله الي جالس يمر فيها زوووجي ..

ان شاءالله تنحل الامور والله يجزاكم الجنه ..
فديتــــــــــــكـــــــــــم,,
تحياتي..