السلام عليكم انا عضوة جديده بالمنتدى
طالبتكم تساعدوني وتشورون علي في مشكلتي، انا متزوجه من ثمان سنوات وعندي 3 اطفال ، عمري 27 سنة ، زوجي طيب ويقول انه يحبني بس انا اشك والسبب انه لما يكون راضي يكون معاي زين بس لما نختلف يسبني بابشع المسبات ويهددني بالطلاق ويضربني ويتفل بوجهب بعد ويفولي روحي بيت اهلك مابيك ، وانا الصراحه ارد عليه مااسكت بس مو مثله طبعا يعني لي ضربني على وجهي انا ابعد يده عني واحاول ابعده عني بس مااضربه الضرب اللي يعلم علا الجسم ، المهم امس بالليل اختلفنا علا موضوع تافه فجاه ثاار وضربني علا وجهي وطيحني علا الارض وقام يشتم ويقول اشياء ماتنقال وراح الصاله قفل علا نفسه الغرفه ، قمت انا ادق الباب عليه ابيه يهدي ويرجع لعقله بس تم يسب ورحت انا نمت في غرفتي، وثاني يوم ارسل لي مسج انه بيتزوج علي ويبي يطلقني الخ الخ ، وعلا فكره هاي مو اول مره يقول هالكلام لا من خمس سنوات وانا علا هالحال المهم لما جا الليل اليوم رحت له مكتبه برا اطق الباب عليه ابي اتفاهم وياه وقام وطلع لي من ورا الباب وماسك واير وضربني ضرب حسبي الله عليه يقول عشان جيتي مكتبي وانا مانعك مو صاحي متسبب علي ، جسمي واقسم بالله كله الوان وكدمات والله اني تعبت وش اسوي وين اروح مااقدر اطلع من البيت اخاف من شماتت الناس واهله مايحبوني وفي نفس الوقت خاطري اادبه مع ان اشك ياربي عوضني باخير منه

الله يعينك اختي .. ويهدي زوجك ..

تقولين زوجك يحبك .. واوقات العكس .. فـ اكيد انه يحبك .. لنه مستحيل يقول احبك وهو يكذب

الناحية الثانيه ..

زوجك اخطاء الله يهديه بضربك ..

بس انتي المفروض من اول ماتردين عليه اذا سبك .. اذا شفتيه عصب المفروض تتركينه ..

لا تروحين تلحقينه وقتها .. اهو من نفسه راح يهدا ..

صدقيني بمجرد انك تردين عليه السب .. ماراح توقف مشاكلكم .. بيسبك كل يوم وانتي تردين ؟؟..

نصيحه
اذا عصب او قام يسبك .. اتركيه .. او .. اذا بتردين قولي .. الله يسامحك ..

صدقيني اذا شاف ردك واسلوبك .. راح يتغيير 190 درجه .. للافضل طبعاً


اتمنى لك التوفيق

الله يكون بعونك ،،،

انصحك نصيحة وحدة و من تجربة لاني كنت مثلك ارد عليه و ما اقصر..

لا تتكلمي من يغضب،، لا تكوني بوجهه من يعصب اهربي و انفذي بجلدك

اول ما يهدى رح يجي و يبوس راسك و مو شرط يعتذر شفهيا بس بالكلام..

اما الضرب والله مدري وش اقول؟؟ يمكن فيه ناس خبرة تفيدك

Renol زوجي مايهدى عقب مايضربني يتم كارهني الى مااجي انا وافتح الموضوع وبعدها يعتذر
Ana-mjnonk ليه مو ممكن انه يكذب اللكلام ببلاش قصدي مو يكذب بس يمشي الحياة، ومثل ماقلت لو يقعد شهر مايكلمني عادي عنده استغرب منه
شلون اوقفه عند حده ، ودي اخليله المكان احس هاذا الشي اللي بيادبه بس وين اروح ؟ ماادري اليوم كلمت اخوي وقعدت ابكي اقوله متضايقه بس ماقلتله السبب وشو ، خفت تكبر المشكله ويمكن مااستفيد شي

اقتباس:

المشاركة الأصلية كتبت بواسطة Roseparis27 Renol زوجي مايهدى عقب مايضربني يتم كارهني الى مااجي انا وافتح الموضوع وبعدها يعتذر Ana-mjnonk ليه مو ممكن انه يكذب اللكلام ببلاش قصدي مو يكذب بس يمشي الحياة، ومثل ماقلت لو يقعد شهر مايكلمني عادي عنده استغرب منه شلون اوقفه عند حده ، ودي اخليله المكان احس هاذا الشي اللي بيادبه بس وين اروح ؟ ماادري اليوم كلمت اخوي وقعدت ابكي اقوله متضايقه بس ماقلتله السبب وشو ، خفت تكبر المشكله ويمكن مااستفيد شي

اختي ما يهدى لانك اكيد ما قصرتي و رديتي عليه

الضرب مدري وش حله بس هو غلط و اكبر غلط جربي اشتكيه لحد كبير يخجل منه بحيث يخوفه تخويف

وانتي من اول مرة بدا يضربك المفروض اخدتي موقف عشان لا يكرر عملته...

اذا انتي بيبتك قوليله ابي اروح بيت اهلي و سوي نفسك زعلانة حيل و اذا سألك قوليله انت تعاملي معاملة مو زينة و تمد يدك علي و لازم تاخدي موقف و لا تضعفي و لا تستسلمي و لا تقولي بيطلقني او لا لانه موضوع مو سهل و ما ينسكت عليه.. هذا تعنيف و اذا اعتذرلك
هدديه و قوليله اذا بتمد علي يدك بشتكيك و ما بسكت،، و هذه اخر مرة و احلفيله انك ما بتسكتين و خله يحس بنبرة جدية في موضوعك ...

و زي ما قتلك من يعصب اتجاهليه هو احسن حل

Renol اشتكي له لمنو ؟ ابوة ولا امه ؟ مايحبوني يمكن يكلمونه بالموضوع بس احس بيتشمتون علي اعرفهم مايحبوني ، ابوي متوفي ، ماعندي الا امي والصراحة احس لو امي تدخلت هالمره راح تتدخل كل مره ويكفيني تدخل امه وابوه وهالمره بعد اهلي ! واخوي الصراحه فككرت اقوله بس اخاف يكذب علي زوجي لاني مااثق فيه مع انه انسان يصلي

ظروفي صعبه حسبي الله ونعم الوكيل لو اصور لكم الكدمات اللي في جسمي منه ماتصدقون واجد تمادى علي

لازم يعرف اني احس ووجودي بالبيت كل مره بعد مايضربني غصب علي ، يارب تفرج همي والله جسمي متورم منه ووجهي ، انا لو برا البلاد كان مب كفو يرفع يده علي يخاف على نفسه يمسكونه ولايسمعون صوتي ابكي ، مافيه رجوله اللي يضرب مرة

والله اني اغلي عليه من داخلي منقهره احس بذل واهانه وي لي شفته اقتله

شوفي اختي حاسة فيك وشيء صعب مررررة ان اقرب شخص لك يطقك

اختي شوفي
امس كنت اقرا معلومة تقول الزوج ما يقدر يستمع لزوجته اكثر من ربع ساعة متواصلة
هذا في حالة السوالف الهادية فما بالك في النقاش!

ومعروف الازواج لما يعصبون غالبا ما تظهر عصبيتهم بشكل جسدي يطق ، يصرخ على ولده، يكسر شيء

عشان كذا
1
لا تحاولين تناقشينه او لو ناقشتيه لا يتعدى خمس دقائق والباقي اعتمدي على امور ثانية مثل النظرات الانسحاب

2
لما يعصب لا تكونين قدام وجه اطلعي من المكان اللي هو فيه .. لان جلوسك امامه يشوفه بلحظة الغضب تحدي خصوصا لو كنتي تردين .. و استحالة رجل وهو معصب يركض للمكان اللي انت فيه عشان يمد يده خصوصا لو كنتي تهربين منه.. طبعا ما ننسى لكل حالة واذ