السلام عليكم ورحمة الله وبركاته !!!

أنا متزوجة من 6 سنوات وعندي أطفال .. أسكن في شقة صغيرة غير مرتاحة فيها أبدا ..
وليس لدي خادمة ..

زوجي إنسان ... لازلت لا أفهمه !!!

يحب السهر مع أصدقاءه لساعات متأخرة يوميا ... لا يمل من الجلوس معهم يعني يقضي معاهم معظم اليوم ....(ويقول معاهم أستفيد من الوقت في قراءة الكتب او مناقشة موضوع ديني ) ويرجع البيت بوقت متأخر يجلس على الكمبيوتر أو يقرأ كتبه !!!

خيره كلللللللللله لأصحابه يعني ماعنده مشكلة يوصل صاحبه لمدينة أخرى ولا يوصلني أنا ولو لبيت أهلي !!!

وهو أيضا لا يحتمل أبدا أن يرجع ويجد حتى لعبة واحدة ملقاة على الأرض


أنا بصراحة جدا تعبانة لأن عيالي مشاغبين جدا وشقتي صغيرة جدا وضيقة وماعندهم مكان يلعبون فيه وهو لا يساعدني أبدا في الأطفال حتى في أبسط الأشياء .. ولا في البيت .. ولا يحب أن يخرج معانا أو يطلع الأطفال يلعبوا ... !!!

بالأمس كنت تعبانة من الأطفال وشغل البيت .. وكنا عند أهله ورجعنا البيت وانشغلت أغير للأطفال حتى ينامو .. دخل ووجد اللعب مرمية عالأرض ... قام يصرخ ليش البيت مو مرتب ؟؟
أنا بصراحة انفعلت وقلت له وش فيها لو رتبت اللعب مكانها .. راح وتركني .. رجعت أبكي قلت له ليش ماتساعدني أبدا وليش ماتحس فيني وانا تعبانة ولا أسمع حتى كلمة شكر منك.. والخ .. و جاء ابني الصغير يبي مااي قلتله روح لأبوك يعطيك !!!

قام ضربني ضرب حتى أغمى علي !!! وماهي أول مرة يضربني .. بس بهالشدة أول مرة !!!!

في الأول قلت بروح لبيت أهلي ... وبعدين قلتله بكلم أمك (أمه مرأة عاقلة وحكيمة) ببات عندها الليلة

هو اعتذر وقال ماكان قصدي .... واليوم توقعت إنه يكفر عن غلطته بس طلع مع أصحابه ولا رجع للحين الليل !!!!
والله نفسيتي محطمة ومدمرة
هو يحلفلي إنه يحبني .. ومشكلتي إنه أحبه !!!

بالله عليكم قولوووووولي شسووووي ؟؟؟؟؟
أقوووول لأهلي ؟؟؟؟
سبق وإني قلت لأمه وهي تكلمت معاه ....
وأحس إني ما أبي أقول لأهلي لأن زوجي أولا هو ولد عمي .. وتانيا أمي ماكانت تبيني أتزوجه لأن العصبية والضرب معروفة عليهم !!! بس أنا اللي عاندت وقلت إني أبيييه !!!

وأخااف أسكت يزييييد لأني أحسه تعود على ضربييي !!!!!



أرجوووووووووووووووووووووووووووووووووكم ساعدوووووني أنا محطمة ومنهارة

__________________

والله الحل بيدك لازم تردعينه باسلوب 0المفروض تقاطعينه لاتكلمينه لاتاكلين معه لاتناضرين فيه 0حتى يغير اسلوبه ويتوب معاد يعيدها لانه اقسى ماتمر به الزوجه ولا تنساه الضرب0

طيب ماقلتي بعد ما امه كلمته تغير فتره مثلا ولالا؟
وهل في تغيير بحياتكم ولاروتين

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ايووه المفرووض
ماتكلمينه ولا حتى تقومين بواجباته
روحي كلمي اهلك يووقفونه
عند حده
كذا بعدين يتعود على ضربك واهانتك
خليه يزعل ينطق بطقاق
اهم شي انتي صحتك سعادتك
خليه يحس انك وراك رجال
زوجك مايستحي على وجه
قالك يحبك طيب تحبهاا وتضربهاا
يقولك كذا
علشان يهدي بالك
اسمعي كلامك وانا اختك
علمي اهلك
عليه لا تعطينا مجال ولا فرصه مره ثانيه
وقفيه عند حده
علمي اهلك او اهله

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

لا تكلمي اهلك!!!!

اهلك نقطة ضعفك! انتبهي و سيرمون الدنيا على راسك بكيييف و ليشششش تزوجتييييه...
و يعاتبونك ب: تستاهلي لانك انت تبييييه من الاول...

انصحك ان تسرعي و تهجمي على نقطة ضعفه هو........ أمه!

اذهبي لها مرة بعد مرة و سترجعه طفل من جديد بإذن الله... شكلها امرأة بكل حق و حقيقة...

مرة أخرى اذهبي لأمه و قولي لها انا احب ابنك كثير و احب اولاده و احبك انت فوقهم و لكن ما لي غير الله
ثم انت ....الخ.!!!!

__________________

............................استوصوا بالنساء خيرا............................
هي الايآم دآئـرة ~ فلآ تفرح ولا تأسى ~ وكن بالله ذآ ثقـة ~ فإن الله لا ينسى أخوكم

ما ينفع يا اختي انك تسكتي ..

اهلك لازم يصير عندهم علم بالموضوع لازم يوقف له رجل من اهلك عشان يعرف انك وراك رجال ما ترضى لك بالاهانه ..

زوجك لازم يحترمك و يقدر اللي انت تقومي به من رعايته و رعاية ابنائك ..

زوجك ينطبق عليه المثل اللي يقول من أمن العقوبه اساء الادب ..

ماابي اشيشك على زوجك بس ضربك الين اغمي عليك ؟!!!!!!!!!!!!!1111 واليوم قالك سامحيني وراح لاصحابه وانتي ساااااااااااااااااااااااااااكته ؟!!!!! حبيبتي يمكن بكره يذبحك اليوم اغمي عليك بكره يكسر يدك والايسبب لك اعاقه واحد عشان قلتي له اعطي ولدك مويه سوا ذا كله لو قلتي شي اكبر وش بيسوي انصحك خذي موقف حازم ووقفيه عند حده روحي لامه وخبريها وخليها تحل الموضوع هو عارف انك مو قادره تلجأي لاهلك عشان كذا مستهون الضرب هو عارف ان مافي احد يقدر يردعه عشان كذا مااخذ ر احته اذا مانفع الكلام مع امه اهلك مالك بد منهم اهلك مصيرك تلجأي لهم اليوم والا بكره خليهم يعاتبوك بس اكيد بيتصرفو صح حبي نفسك ولا تخليي اي بشر بالدنيا يهينك

__________________
ربي اجعلني مقيما الصلاة و ذريتي ربنا وتقبل دعاء
يارب ارزقني واختي الاولاد الصالحين تامين الخلق والخلقه يااااااارب
اتمنى كل من يشوف توقيعي يدعيلي ويدعي لاختي

أخواني الأعزاء :

المشكلة إني أول ما جاني وتأسف وراضاني سكتت ورضيت بس من داخلي نزييييييف
حتى إنه بالأمس لما قلتله برووح عند أمك .. قال طيب .. اتصل عليها بالليل وقال لها انا بجيبلك الحين فلانة والأطفال .. قالت ليش .. قال لها ما عاد أبيييهم !!!
بعدها أنا كنت برووح لها .. بس أغمى علي تاني (من التعب واللي صار) قام ماصار من الروحة عند أمه
اليوم هي نادتنا حتى نتغدى عندها !! ماكلمتني في الموضوع لأنها حست إني ما أبي أتكلم فيه ..
وأنا رغم إننا قعدنا لوحدنا ما قلتلها شي !! ( لأن هو قام يقولي لو سألتك قولي لها أي شيء " مايبيني أقول " وأنا من غبائي ما قلتلها حتى الحين رجعت للبيت ... وهو للحين مو سائل فيني !!!!!!

والله حطمني !!!! نفسيا وجسديا !!!!! مشوووووشة وماني عارفة كيف أتصرف !!!

رهوومة :
نعم والله أنا طول اليوم وأنا أتألم وأبكي وأحس وماني قادرة أنسى هالموضوع أبدا !!!!

عاشقة الغالي :
هو يحب أمه كتيرا ويسمع كلامها ... ندم وقالي إنها سمعته كلام قوي !!

اقهرتني الدنيا :
أنا ماعندي أخوة أولاد !!! وبابا يحبني جداااااا جداااااااااااا وأخاف لما أقوله تصير مشكلة كبيرة وبعدين والله ما أبي أشغله بمشاكلي أخاف عليه .... يكفيه المسكين يدور ليل نهار حتى يسكني في مكان أحسن من هنا !!

م زيتون :
رايك أروح لها بكرة وأكلمها ؟؟؟ أو أطنش عليه ولا عاد أكلمه ؟؟؟؟؟

أميرات :
ياريت تقري على ردي السابق اللي فوق !!! ماعندي إخوة أولاد !!!!

ساعدووووووووووووني أرجوووووووكم انا جدا مشوووشة ومنهارة

وهي نفسها قالت لي لا كل شي يا بنتي إلا الضرب !!! لا ترضين أبدا إنه يضربك !!!!!

__________________

حبيبتي ليش سهلتي الامر يوم ضربك اول مرة الا اذا كنتي تستاهلي الضرب
لا تسكتي له يعني ضربك لين اغمى عليك المرة لجاية وش بيسوي
علمي امه دامه عاقلة وحكيمة مثل ماتفضلتي اكيد بتحل لك المشكلة
واذا صار المرة الجاية وضربك لا قدر الله روحي بيت اهلك ولا تعلميهم عن السبب دام اللوم بيجي على راسك
لابد تكون عندك ردة فعل حتى يتوقف عن الضرب
الله يعينك ويهديه

__________________

دمعة مفارق :
والله عندك حق ... أنا صرت خايفة منه !!!! وأحس نفسي مكسووووورة لأني ماعندي إخوة يوقفون بوجهه !!!!

__________________