السلام عليكم ورحمة الله

تعرفت على شاب عن طريق الانترنت و حادثته بالماسنجر


احببته و احبني

و هو يحبني كثيرا وانا متاكده من ذلك

هو شاب طيب و خلوق ويتمنى ان يتقدم للزواج مني

و لكن ظروفه الدراسية صعبه

باقي له ثلاث سنوات لاتمام دراسته

فصعب تكون في اي خطوبه الان

يحاول معي يوميا لاراسلة عبر الهاتف المتحرك

و لكني رافضه تماما تماما

بل كل يوم ارفض اني اكلمه بالماسنجر

ثم اعود بارادتي

و اعود و انا مشتاقه له

و الله انا متضايقه من نفسي و كرهت عمري جدا بشكل ما تتخيلوه

هو ما يمانع لما اتركه بالماسنجر

بس اذا كلمته طلب مني استخدم الهاتف

و هذا انا رافضته تماما

طيب الحين انا بكيت اليوم

و عاهدت الله اني معاد ارجع له ابدا

و لكن قلبي يشتاق

خاصه اني اعرف مواعيد دخوله

خبروني الله يرضى عليكم دنيا و اخره

ثبتوني و ادعو لي بالهداية و الصلاح

و الله لا تحسبو اني مستانسة على نفسي

بالعكس متضايقه جدا

و اعرف اني اللي اسويه غلط و لا يرضى رب العالمين

مستغربه من قسوة قلبي

و الله اني اكلمه في الماسنجر و اقول يارب اغفر لي و اهديني

بس ارجع اكلمه

و لما ابند منه اقول يارب خلاص هذه اخر مرة

و تمر عشرة ايام او اسبوعين

و ادخل و اكلمه مرة ثانية

علما انه هو تارك لي الحرية

اكلمة متى ما ابغي

هو يقول لا تتركيني

بس يقول على راحتك انا اخاف عليك و احرص عليك

بس لما اكلمه يقول خلاص نستخدم الهاتف عشانك بتكوني زوجتي


و انا و الله رافضه نهائيا و اقول الله يستر علي في الدنيا و الاخرة و يتوب علي

الحين ارجوكم عطوني و سائل للتوبه الصادقة

كيف اثبت و كيف اتوب و كيف ارجع لله كيف احس بالندم و كيف ابدل سيئاتي حسنات

ارجوكم ساعدوني و ثبتوني بعد الله

و ربي اني محتاجه

عاقبوني صارخو علي سوا اللي تريدوا على الاقل الحين في فرصه

قبل ما يصير اي شي ثاني و يتطور الامر

اليوم يوم طلب مني استخدم الهاتف

قلت الله ياخذ روحي قبل ما اكلم رجل غريب و تنقص رقبتي و لا كلم رجل غير محرمي

و الله اني اريد التوبه الصادقة من هذه المحادثات نهائيا و اتوب و ارجع بس ابغي اثبت

ارجوكم ساعدوني

كان الله في عونك

أولاً: بالنسبة له فأقول فري منه فرارك من الأسد ولا تنخدعي بكلامه المعسول إنما هذا
هو أسلوب الذئـاب فأحذري.

ثانياً: أكثري من التوبة والإستغفار واطلبي من الله أن يصبركِ ويعينكِ وان يرزقك الزوج
الصالح الذي يخافه ويتقيه فيكِ.

__________________

انا مع الاخ المؤمن بالله ,,

صدقيني هالحركات حقتهم معروفة واستغرب من تصديقك له اسأل الله ان ينير بصيرتك
للحق ,, كيف يقول لك مارح اتزوج الا بعد ثلاث سنوات عشان يعلقك بحبه وتشيلي فكرة
الزواج من راسك حاليا؟؟
الشيء الثاني يقول لك على راحتك اذا تبين تكلميني او لا عشان يعطيك الأمان وانه يحبك
ويبيك تسوين الي تبين وهو كذاب ,,

الشيء الثالث لما تدخلين الماسنجر يقولك خلينا نكلم بالتليفون لأنك بتصيرين زوجتي ؟؟
زوجتك بالظلماء ؟؟؟

شلون زوجته وهو اصلا ماخطبك ثاني شيء قاعدين تكلمون بعض بالخفاء وش معناة هذا
معناته شيء غلط وحرام ,, بعدين حتى لو كان بيصير زوجك ماتكلمينه الا بعد الملكة ,,
وقفلي كل شيء بوجهه وامنعي نفسك قبل مايتمكن منها الشيطان ,, اليوم نفسك
بيدك وتقدرين تمسكينها وتتلاحقين عمرك بس باكر مايندرى نفسك تفلت من يدك لاقدر الله
وساعدتها الندم ماعاد ينفع ,, الله يحفظك ويكفيك شره ويرزقك الزوج الصالح الي يحبك ويخاف
عليك وينسيك هذا الذئب البشري ,,

نسخت لك ردي مرة ثانية ,, استغرب انك مصدقته هالشكل ؟؟
انت تعرفينه معرفة شخصية ؟ سألتي عنه بالدوام والشغل والاهل عشان تثقين فيه
هالثقة ؟؟؟ هو الحين يبغى يعطيك الأمان عشان تتأكدين من صدقه بعدين
ياخذ الي يبيه الله لا يقوله ربي يحفظك منه ومن شره وينزع حبه من قلبك ,,
ويرزقك بالزوج الصالح ,, الحقي نفسك ياقلبي ولا تضعفين ابببدا ,,

تخيلي أنك ملك الموت يقبض روحك وأنت تتحادثين معه وتبعثي على معصيتك لله

عزيزتي مهما قال ومهما خلاك على راحتك لا تغتري بكلامه ترى والله الشباب عليهم اساليب تخليك تصدقينهم مهما كنتي ذكية ...

فيه شباب يسوون انفسهم طيبين وانهم مايبغون يضغطون على البنت علشان البنت تصدقهم وتتطمن لهم وبعد مايطيح الفاس بالراس يقولك انا ماضربتك على ايدك ولا جبرتك على شي ..

ولو فرضنا انه صادق صدقيني ماراح يحترمك ولو صار زواج بينكم على اتفه سبب واتفه مشكله بيذكرك انك انتي الي فرضتي نفسك عليه وبيشك فيك ..

عزيزتي انتي تتوهمين هالحب ..انتي عايشة في فراغ عاطفي علشان كذا توهمتي انك حبيتيه وعلشان كذا لازم تشغلين نفسك بأي شي واطلبي منه يحذف ايميلك وانتي احذفي ايميله .. في البداية بتحسين باشتياق له لكن بعد فترة بتحسين براحة نفسيه...

الله يهديك ويصلحك ويستر عليك

انصحك تشيلي الكمبيوتر من عندك فتره شهر على الاقل
واشتياقك له من عمل الشيطان لا تخلي الشيطان يغلبك فكري انه مبسوط لضعفك وسماعك لوسوسته
وايضا الشاب الذي تراسلينه لو انت اخته اوزوجته لم يرضى لك ان تكلمي او تحادثي غير محرم فكري وانقذي نفسك قبل فوات الاوان

__________________
ا

استغفري ربك

واشغلي نفسك باموور بالمنزل او بالدارسه او بالقراءه وقراءة القران الكريم

وتذكر العذاب

واهتم بنفسك والله سبحانه هو الي يرزقك انشالله بزوج

ام قصة هاتف وتلفون ماتمشي وبالعكس يطلب هاتف وبعدها يطلب لقاء

وهكذا حتى خلاص يخدعك

وانتبهي

__________________
[marq][gdwl]الانسان دايم له محب ومبغض وهذي امور كلها [/gdwl]ماتخافنــا[/marq]:14:

والله والله والله

انه كذااااااااااااااااااااااااااااااااااااااااب

يا حبيبتي وش تبينه يقول ؟؟؟؟؟؟

معروف بيتمسكن ليما يتمكن

لكن ادري انك ما بتصدقين حتى ويتركك بعد ما يشبع منك !!!!!!!!!!!!!!

تبيني اقسم مرة ثانية؟؟؟؟؟؟؟؟؟؟؟؟

والله انهم كذابين حتى لو حبوا ما يبون زواج

والله لتعضين على اصابعك ندم وحسرة وحياء من الله

واسالي مجرب