السلام عليكم ورحمة الله


احس يديني كلها ترجف
زوجي مسافر
وعرفت هذا بطريقتي ولا هو ما قال
ولقيت بشنطته شمعدانات الفواحة
وفلوس سعودية
ايش يعني
اواجهه ولا لا
كيف اتصرف
لا حول ولا قوة الا بالله

طبعا واجهيه و اسأليه حبيبتي
بس على رواق
ان شاء الله بتطمني

__________________
أبسط شيء في الأناقة نظافة قلبك

أي رواق يا ميمي !
ماقدرت

احسني الظن و اقطعي الشك باليقين،،، عليكي بالمواجهه اختي الفاضلة.

حبيبتي انزين مهو ممكن شاريهم لك !! او انجبررر انه يشتريهم لان بكل البلدان لما يجبهم سائح يحصلوها فرصة يصرون عليه يشتري منهز الباعه المتجولين ومنهم حتى بالسوق ومنهم اللي بزورك بالفندق ! هالشي طبيعي ... كلميه باسلوب حلووو واسئليه هاذي نغصه لك منه ؟! ..

هو اليوم رحلته
واليوم شفت شموووووووووعي بالشنطة !

نفسي أحسن الظن
لكن هو ماتركلي مجال ودخل الشيطان بيننا
هو يرفض يقولي فين رايح !
واضطر أنا ابحث وراه

المستجدات
واجهته
ومرة يقولي انا لسع ما رتبت شنطتي اصلا
ومرة يقولي أنا رميتها رمي بالشنطة بدون قصد
وذحين بطلعها ﻷمي
》 ﻷن الشنطة كانت مفتوحة

وجلس يقولي والله ما اسامحك على تفكيرك
قلتله أنت بحركاتك هذي خليتني اشك فيك
ليه منتا واضح معايا ليه ماتقولي فين بتسافر
قال ماني قايل وبس امي اللي تعرف واتصلي اسأليها
ولو أمي شكت فيا والله ما اقبلها منها مو انتي تجين تشكين !

وبعدها قال انا قلت اللي عندي ومن حقي ادافع عن نفسي وبكيفك !
قلتله فين رايح اتردد يقول ولا لا
لكن بعدين قالي المغرب
قلت المغرب وشموع مع السلامة !!


ما اخذت شوية إلا عمتي تتصل
تقول أشبكم متزاعلين إنت وولدي
قلتلها خليها مستورة ياعمة
والله ما تمنيت يوصلك و نثقل عليك ونشغل بالك
تمنيت نحلها بيننا !
ارتبكت وقال هوا جاني معصب ورمى الشموع على الكرسي
وهوا قالي من قبل العيد ان عندكم شموع مو محتاجينها
وجلست تقول الحرمة لازم تصبر
وعشان البيبي
والرجال هذا طبعهم
طبعا نهائيا ما قالت ان ولدها غلطان

قلتلها من حقي ياعمة اعرف فين انا مو جارية فبيته !
وأنا ماعمري لحيت عليه
لكن يخبي ومايبغاني اشك فيه
هذي صعبة
ووانا كلمته وقلتله لا تدخل الشك بقلبي
لو دخل ماني مستعدة اعيش حياة النكد
وهو بالفم المليان قال شكي ماعليا منك

فيد وحدة ماتصفق ولا تبني بيت !

قامت تذكرني ان طبع الرجال كذا وتوصل فيهم لدرجة يهددون بالثانية
قلت لو كل الرجال كذا مو معناته يعني هم صح
ولو وحدة صبرت وقدرت تعيش غيرها مايقدر

لما شفتها تحاول تلملم الموضوع قلت
يصير خير وانهيت النقاش

عادي عندها انو رايح يتمشى
مو رايح يغلط !

ادعوا ربي يهونها عليا

بطني أحسها تتقطع من القولون