السالفه باختصار
تهاوشنا
وغلط عليه وعلى ابوي واخواني في الهواش ذا وكان السبب منعني من دوامي وليش منعني كان السبب وراي ماكلمت اخته وانها مريضه ذا الاسبوع وانا والله اتصلت على امها عشان اجيهم هم ساكنين سوى قالت امها احنا في السوق

رحت مع اخوي بعد ما اخوي طلبه واستاذن منه في اخراجي من البيت ورحت مع اخوي وجلست اكثر من شهرين
ماسال عني


الزبده ابي اروح البيت الم ثيابي واغراضي كلها
من باعتي بلا زود بعته بالناقص

عطوني رايكم
دخلوا المصلحين بس هو رافض يجي ويعترف بغلطه ويعتذر وانا حالفه ما ارجع الا باعتذار منه وكانت الشهرين مهله كافيه لو فيه خير استغلها
اتوقع خلاص
ماعاد ينفع
عطوني رايكم








تم تغيير العنوان ليتناسب مع المضمون

__________________
من عاش لله ومات لله فقد ربح دنياه وأخرته...

الله يصلح مابينكم يارب

دام اخوك اخذك مجبور يرجعك ﻻنك خرجتى من بيتك مو هوا طردك وانا تعرضت لنفس موقفك ورجعت بيتي
اما بالنسبة للمشكلة اذا انتى شارطة علية مو من حقة يمنعك

وبقلك كلمة فى اذنك اكتشفت ان بعض الرجال الشكل الخارجي رجل والمخ مخ بزر تحورفينة وتسايسينة على ماتبين
بالكﻻم الحلو واللين مادخل فى شي اﻻ زانة

الله يكون بعونك يارب
ودي اسالك اختي انتي عصبيه وتردين عليه صح
صدقيني الصوت العالي والعناد ماينفع مع الزوج وشكل زوجك شمالي لان نمطه بيموت ع اهله ويحب انك تحشمنهم
واذا بتكسبين زوجك حبي اهلي
او اقراي عن الانماط وانتي تفهمين زوجك عدل
بالتوفيق🌹

حبييتي ارجعي البيت وعطي زواجكم فرصة

خلك ذكية وارجعي بيتك وترا هوا ينظر انك بعتية لما خرجتى من بيتك وانتى نفس الشي والرابح الشيطان ﻻتكبرين اﻻمور وتوصل للطﻻق وتندمين والسبب تااااافة وصدقيني من اول لقاء بينكم بيذوب الجليد والجفا الحالي وافتحي صفحة جديدة معة انسي الىصار وطنشي طنشي كثيرررر وخلك اكثر صمت معاه
ﻻ تراددينة قولى ابشر من عيونى وﻻتنسين هوا الى اخترتية شريك لحيباتك من
بين الرجال حبية اسعدية عشان نفسك ورضاء لله
والحياة مفروض نعيشها بحلوها ومرهها
وقولىى الحمد لله ﻻهو مدمن وﻻ فاقد عقلة وﻻ ضربك مشكلتك بسيطة ﻻتكبريها وتندمي
وربي يصلح مابينكم دعيت لك مع اﻻذآن

اختي اصلح الله حالك
الموضوع مو كبير عشان تروحي وتلمي عفشك من بيتك
وتزيدي كراهية زوجك لك
هو زي ماانتي تكابري هو يكابر
بغض النظر عن مشكلتكم هاذي
هل زوجك سكير ويضربك وخوان وماينفق عليك
اذا لا ..
اصبري وحاولي تدخلي احد يحل مشكلتك مع حفظ كبريائك
وكرامته كرجل
ممكن غلط ع ابوك واخوانك بساعة غضب وممكن استفز وغلط عليهم بدون قصد انتظري ليه مستعجله...
ملاحضه ..
من مجربه لاتخرج الزوجه من بيت زوجها ع اسباب بسيطه لان بخروجها
تكبر الفجوه وتسبب جفاء وعناد للطرفين

__________________
(سيدة الموقف)
لم ننساك ونسأل الله ان تكوني أنتي وأولادك بخير

اشكركم جميعا

قلبي يغلي منه عليه ماتعودت ولاعمره مخلوق تطاول على ابوي
شلون اسكت له من جدكم انتوا ؟؟
والله لو اني متطاولة على امه ولا ابوه كان قوم الدنيا حريقه
اخته العله من اول يوم تزوجت فيه اتطاولت على ابوي وصلحت نفسي عاقله اعتذرت مني ومشيتها لها

من رحت لاهلي استانست اواودم يقدرون الحياة ولاعمري جرحوني بالكلام عنه
عقليته بيد غيره

لو طاوعتكم ورجعت دوامي بيكون ضمن الضحيايا المقدمة عشان يرضى

صدمتني ردودكم

والله يا اني ادعي عليهم كلهم .

__________________
من عاش لله ومات لله فقد ربح دنياه وأخرته...

حبيبتي اعطينا اكثر عن حياتك معاه
كم سنة متزوجين
وهل لديك اطفال

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اكبر غلطة سويتيها هو خروجك لانة يعتبر
تهرب وضعف من مواجة المشكلة وحلها.الان
انتي متمسكة بموقفك وبقوة وزوجك كذلك
كذا لا يصلح الحال لازم منكم واحد يتنازل
ولكن بشروط الاحترام والتقدر من اولويات
الحياة الزوجية وما يمنعك عن عملك الا اذا
فية اختلاط

__________________
سبحان الله وبحمده سبحان الله العظيم

دامك أنتي إلي طلعتي مستحيل يجي ياخذك

لأن الرجال يشوفون ألي تطلع من بيتها هي إلي ترجع


الله يصلح ما بينكم