السلام عليكم...

شلونكم شعلومكم؟؟ وحشتووووووني كلكم صار لي زمان ما شاركت في المنتدى فقلت اليوم بأشقر عليكم شوي ما دام بكره ما دام اني خلصت مذاكره....و فيه شي أبي آخذ رايكم فيه

ليلة أمس كنا أنا و زوجي جالسين نسولف عادي..و مدري أيش جاب سيرة أول ما خطبني و يوم نظرتنا الشرعية (يعني من سنتين و نص تقريباً) و كذا فهو قال لي بأقول لك شي..قلت له أيِش؟..فقال لي إنه أول مره شافني ما عجبته و فكر "هذه اللي يقولون عنها حلوة؟؟؟ "...لأني كنت مرتبكة و حالتي حالة و شوي و أبكي...بس يقول يوم صار يكلمني عجبته شخصيتي و طريقة تفكيري و يوم شافني مره ثانية شافني بمنظار ثاني (حسب تعبيره)

الحين أنا كلامه هذا ضايقني شوي..مع اني في نفس الوقت أحس إن ما عندي سالفه...ساعات أفكر خلاص هذا موقف منتهي ما المفروض أشغل بالي فيه...بس ساعات أفكر أقول ما دام إني ما عجبته ليش استمر في الخطبه؟؟ يعني أصلا الغرض من النظرة الشرعيه هو "جس النبض"...و ما دام انه ما ارتاح لي هذاك اليوم كان المفروض انه يبطل و يقول خلاص كل شي قسمة و نصيب......فكرت أسأله ليش استمريت بس بعدين قلت لنفسي بلا عبط لا تسوي من الحبة قبة و تفتحي على نفسك باب..........بس المشكله ان أنا مو قادرة أنسى كلامه كل ما تذكرته يضيق خلقي

وش رايكم عندي سالفه ولا لا؟؟؟

__________________

أقول لك شي بصراحه بس ما تزعلي


صدق ما عندك سااااااااااااااااااااالفه الحين


متزوجه من سنتين ونص وسعيده مع زوجك


وتجي سالفه مثل هذي تكدر خاطرك


انتي ما كنتي عاجبته في البدايه بس الحين اكيد


انك عاجبته ونص وألا كان ما تزوجك من الاساس


لا تشيلي هم انسي السالفه


وشكراً

أ م لندا

صدقت أم لندا فيما قلت صحيح انها ما عندها سالفة.


أختي الفاضلة إنما هذيه وساوس شيطانية تعوذي بالله .........

الحب ليس مرتبط بالجمال فقط ... وياما ناس ما أعجبوا بزوجاتهم في أول نظرة ولكن ... عندما يتغلغل الحب في القلوب

تصبح الزوجة ملكة جمال الكون في عين زوجها ...

لا عادي يا عمري


لا تتضايقين لانه برر لك ليش ما عجبتيه


لانك كنت مرتبكه وتبكين ........والخ


وش افضل عندك انه يقول اول ما شفتك ما عجبتيني وبعد ما عرفت عجبتيني وحبيتك

ولا يقول العـــــــــــــــــكــــــــــــــــــــــــــــس



اكيد الاولى اهـــــــــــــــــــــــون هذا دليل انه حبك لشخصيتك مو لشكلك بس






احكيلك عن خالي اول ما شاف زوجته جته غلقة (كتمه) ابدااا ما عجبته على انهاا مره مملوحه وكيوت البنت ومو بس كذا حتى ايام الملكه مو مقتنع





بـــــــــــــــــــــس تعالي شوفيه يوم تزوجها...........تسوى الدنـــــــــــــــــيا عنده الى درجه انه يحرجها بالمدح عندناااا ويقولي اني اموت فيها الله يديم عليهم الهنااء






وهي نفس حالتك مع انك اهووووووووووون بكثير يعني بس الشوفه الي ما عجبتيه






فوســــــــــــــــعي صدرك




الحــــــــــــــياة حلوة بــــــــــــس نفهمها...







اخـــــــتك,,,,شوقي للحبيب

__________________

معندي شي اقوله البنات وفو وكفو

وسعي صدرك .. واهم شي انه حاطك بعينه الحين ويحترمك ويحبك .. انا مرات ما احب ناس في لقائي الأول معهم كذا ما ارتاح .. وهذا يكون عاده طبع بالواحد انه ما يحب اي واحد يدخل في حياته جديد بس مع الوقت تبدي تتغير الأمور وتبدي شوي شوي ترتاح له وبعدين تنقلب الي صدااااقه قويـه وتستمر لسنين ويمكن يكون من اعز اصحابك ..

يعني الدنيـا ما تسوى ... وعيشي حياتك

__________________
رحمك الله يا ابا فيــصل .. رحمة الله عليك

اللهم اغفر له وارحمه وعافه واعف عنه وأكرم نُزُله . ووسع مُدخلهُ . واغسله بالماء والثلج والبرد ، ونقه من الخطايا كما ينقى الثوب الأبيض من الدنس ، وأبدله داراً خيراً من داره ، وأهلاً خيراً من أهله وزوجاً خيراً من زوجه وأدخله الجنة وأعذه من عذاب القبر ( ومن عذاب النار )

اختي مس ملقوفه
هذا شي عادي
حتى انا زوجتي اول ما عجبتني
والان هي كل الدينا بالنسبه لي ؟؟؟؟؟؟؟

__________________

ذكرتيني باول بيوم خطبني زوجي نفس الشي ما عجبني بس بعد ما ملكنا صرنا نتكلم بالتلفون بس ما نشوف بعض المهم من خلال كلامي وضح لي اني مو عاجبته حيل مثل مدح اهله بس استخار وخذاني لما قالي قلتله اوكي مر عند الباب بعطيك شي وعطيته صورتي لابسه بنطرون وبدي ومولابسه حجاب يقولي والله لو شفت الصوره طرت بالسياره 180 وانا مشغل الاغاني وابوس صورتك لاني مو مصدق شكلك بدون حجاب
ومن يومها واهو يتذكر اني مو عاجبته بس يقول بس بدون حجاب بالصوره غير فعادي خليها ذكري حلوه واهم شي رايه الحين يا ملقوفه وبالتوفيق

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين


لايرد القضاء الا الدعاء

اطرحي هذا السؤال على (عشرة السنتين ونصف ) اللي عشتيها معه فتعامله معك خلالها وكذلك احترامه لوجهات نظرك ومدى ما لمستيه من محبة وود ..
كل هذا سيجيب تساؤلك عمليا وليس نظريا وعلى الورق فقط ..فإذا كانت تمام ( ترى ما عندك سالفة )
ـ
أما إذا كانت عشرته تبين غير ذلك فاعلمي أن ما قاله عبارة عن فلتة لسان أخرجت ما بداخله وفي ذيك الساعة ( عندك سالفة )
عموما لا تشيلي هم ترى الرجال أحيانا يلحنون ألحان ما لها داعي .