السلام عليكم
بصراحه انا تعبت مع زوجتي
كان عندي كم موضوع بالمنتدى وحليته بنفسي وظلينا مبسوطين حتى قبل شهر
اول شي تجامعني مره بالأسبوع ( يوم الخميس)
بالذات هاليوم تكون مبسوطه معاي
وباجي الأيام
تطلع ( بيت امها أو بيت عمها أو عند صديقاتها)
وفوق هذا تتأخر عالبيت
انا صحيح مااحب احبس زوجتي في البيت لأن بالنهايه اهيا انسانه ولها اهل وصداقات
ولكن أبيها على الأقل تحس بوجودي بالبيت وانها تهتم فيني وفي بيتي
يعني لو تأخرت الى الساعه 3 ترجع تنام ماتقعد معاي الا يوم الخميس فقط لا غير !!
انا موشرط كل يوم اجامعها
ابيها على الأقل
-اجامعها بالأسبوع مرتين الى 3 مرات موأكثر
-انها تخصص وقت معين تجلس معاي
بتقولون مابتحبني ؟
نعم تحبني واحبها وهذا كلام مافيه نقاش
من شهر تخرج كل يوم وتتأخر ولاتريدني ان احاسبها
الا يوم الخميس ترجع عشان اجامعها فقط
ياجماعه انا إنسان
لو اشتهيت زوجتي وأجلس معاها هذا من حقي
ولكن ماني عارف ليش اهيا تعاملني جذيه ؟
انا صحيح اخرج وروح عند اصحابي ولكن ما أتأخر عالبيت لأن بالنهايه انا رجل على قدر مسؤولية الزواج
وانا مومثل شباب هاليومين اللي 24 ساعه يجلس عند اصحابه ويترك أهله لحالهم في البيت
لا انا نوعي الحمدلله أنظم وقتي
وقت مع زوجتي
ووقت مع أصحابي
ووقت للشغل
ووقت للراحة والنوم
ووقت للممارسة الرياضه بعض الأحيان للحفاظ على صحتي
ولكن اهيا لا
مرتبطه كتير مع اهلها وبيت عمها
والحين بديت اتضايق وقول لنفسي ليتني شديت عليها شوي في البداية
لأن قالت خلني على راحتي متى ماحبيت أرجع أرجع البيت
ياجماعه أبيها تحس
يعني موحاله انا لو أبغى زوجتي الاقيها كله ببيت عمها وببيت امها مايجوز انتي بنت متزوجة لو زوجج بغاك اجلسي معه
هيا تحبني بجد ومع هذا تعاملني بهالطريقة
وفوق هذا ماتبيني أشتكي عند اهلها ولا اطلع مشاكلنا خارج بيتنا
كلامها صحيح ولكن
اذا انا ناقشت معاك بهدوء مانفع
بشده مانفع
وتقول لاتفكر بموضوع الطلاق لانها تبي الأستقرار
انا بديت أتعب جددددددددددددددددددد
ولكن حاليا انا ما أكلمها وبديت ماادخل الوتساب ولا اتصل عليها كيفها تبي ترجع ان شاء الله 6 الصبح ماعاد يهمني
لين تحس فيني
وذا ماحست فيني بقولها رجعي الى بيت أهلك
انا اعرفها اهيا تخاف تروح عند اهلها ويعرفون الموضوع لانها ماتبغى احد يعرف مشاكلنا
هيا تخاف من امها كثير
لان امها حرصت عليها انها ماتتأخر وانها تخصص وقت معي ووقت مع صديقاتها
ياجماعه مايجوز متزوجة وتتأخر تالي الليل
ان كلمتها عصبت
بهدوء
بعصبية
بسلوب راقي
مافي فائده
ماتحب احد يتحكم فيها
اذا ظلت على هالحال انا بطلقها
لأني ما أحس انني متزوج
كأنني متزوج مسيار
وانا متزوجها زواج شرعي على سنة الله ورسوله
أبي أحس اني انسان متزوج وفي حرمه تحس فيني لو شوي بس
تم تعديل العنوان ليتناسب مع المضمون