السلام عليكم ورحمه الله بوركاته
اخواني واخواتي ..اناقبل فتره كتبتلكم موضوعي انه ممكن اتطلق ومع الاسف الشديد انه هذا الي صار
لاكن الي محيرني انه زوجي يتصل على وكلمنى على ايميلي من ايميل ثاني وبعدين وكلمنى بلجواااااال
وواجهني بهل شي وقالي انه هو طبعا الاسلوب متغير والكلام غيرمااكانه هو المهم انه قلي انه يبيني ويبي
يردني بس ابوه حالف على امه بلطلاق لو انه ردني وهو قالي اني انزل من بيت اهلي بليل مثل الحرامي واطلع معاه
لانه زوجي والى الان انا بذمته بصراحه انا مارديت عليه الي اني سالت شيخ وقالي انت الين الحين تجوزيله وانتي بذمته
وانه ممكن يردني باي لحظه .......وماباكذب عليكم من يومين غيرت رقمي وقلت ارتاح بس الي تعبني اني افكر بكلامه وافكركيف كنت عايشه معاه وانه زوجي وانا مثل ماتعرفو المراءه تغفر وتسامح وترجع مثل ماكانت بس المشكله اني مااقدر ارجعله والله حياتي معاه صعبه بكل المقايس ....
والادها من هذا كله انه مسجلني بموقع زوج ومختارني بقائمه المفضلين لديه هو بصراحه ماقالي بس انا شفت قبل فتره في ايميله رساله من هل موقع ومااضن احد يتجراء يحط ايميلي غيره والله ماادري وش اسوي؟؟
وهل موضوع حق الموقع شفته اليوم ارجوووووووووكم ريحوني انا بديت احس بلندم باني غيرت جوالي
وبديت اشتاق له وللبيت من اول ماتطلقت ....والله لايكتب الطلاق على المراءه والله يعني
اختكم كيدتهم

__________________
]

كيدتهم
ليه اهل زوجك ما يبغون ولدهم يردك
اختي هل انت سببتي مشاكل معاهم

__________________

	في المدرسة نتعلم لنمتحن وفي الحياة نمتحن لنتعلم

نقل الى قسم المتزوجين

اسباب طلاق ايه هي اختي
وهل اسرته لها دخل في طلاقكم
ما دام هو رايدك وانت لسة بتكني اليه حب وممكن ترجعا فهميه انه لازم يراضي ابوه على اساس ما يكون مشاكل بعد رجوعكما
الله يوفقك ويكتب لك الي فيه خير

انا مع الاخوات

شنو سبب الطلاق حتي نفهم الموضوع

__________________

السلام عليكم ورحمه الله وبركاته
اخواني واخواتي انا قبل شهرين تقريبا كتبت موضوعي وجاتني ردود الاخوان
والاخوات ولكن انا الحين صارت معي تطورات كثيره بس مو مفرحه وهي ....
اني انا وزوجي تطلقنا طلقتين وهذا الشي صار بسبب وهو اني انا وهو لنا فتره بس نتضارب وهو على طوول ايد طويله وانا كم مره جيت بيت اهلي بسبب هل موضوعوهو على نفس الحال ابوي تدخل اكثر من مره بس نفس الشي وانا بصراحه طلعت ويمكن طلعتي غلط بطريقتها لاني خليت اخوي يمر علي وياخذني وحتى هو مايدري زوجي وحتى اخوي مايدري اننا متضاربين بس انا الي قهرني انه اتصال على امي ويقولها عيووب والله انها مو فيني وبعدين اتصل ونا مخليها جووالي مغلق بس تجيني رسايل (هذي خدمه بلجوال) وارسلي رساله انه بلمستشفى وبعدين انا رديت عليه ويوم كلمني طلب مني اسامحه وقلي مايصير خاطرك الا طيب بس المشكله انه مايبي يطلع ويسلم على ابوي مع العلم انه ابوي كان جاي من السفر من اسبوع ولا رضى يجيله يقوولي ابوكي جاي من جهاد يعني وخلاص اكتفا انه شافه بعزاء عندنا طبعا هذا يوم مانا جيت عند اهلي والحين هو رافض يجي عند اهلي يقولي انتي ترجعي البيت طبعا هل كلام يوصلني عن طريق الرسايل بسببهل خدمه الي انا منزلتهاوكلم ابوي امس ويقوله اذا مارجعت بنتك البيت الين يوم السبت انا بنزل المحكمه واطلقها وانا والله ماعاد في قلبي اي معزه له بسبب هل افعال بس خايفه اندم بعدين
عشان كيذا ابي اعرف رايكم في مشكلتي وياريت تنصحووني لو كنت غلطانه واسفه على الايطاله واسفه لو غلط بلكلامات اختكم كيدتهم



هذي مشكلتي وساعدوني الله يسعدكم

__________________
]

الله يكون بعونج اختي
بس انا اعتقد ان الطلاق مو حل لهالمشاكل البسيطة
اختي اتجهي لربج واستغفريه وحاولي تسمعين كلام ريلج وتكلمين اهله وتعتذرين منهم وتتسامحينهم
ان شاء الله يستجابون ويطيحون يلي في راسهم
ولا تحاولين عقبها تستفزين ريلج علشان لا تكبر المشاكل

حبيبتي لو مايبيكي كان ما كلمك وكان ما قلك انا بدي اياكي بس اخر شي بس غيرتي رقم جوالك اكيد حيعمل الحركه هذه انو يتكلم مع ابوك ويحكي الي قالو المهم ارجعي له والله باين عليه يحبك موت لانو يقلك اطلعي معي يعني مو قادر يستغني عنك هل انت تسكنين مع اهله؟؟؟ واذا ساكنه معهم اطلعي هذا من رأيي والله يهديكي واذا مارجعتي تذكري انك رح تكوني مطلقه يعني اشي مو سهل بالمره ارجعي لزوجك احسنلك والله لا يجي خلاف

__________________
سبحانك اني كنت من الظالمين

حبيبتي من الواضح أنكي لازلتي تحبين زوجك والدليل أنه بمجرد أن كلمكي قد حنيتي إليه لما لا تعيدي شريط ذكرياتك معه وتكتبي اللحظات الجميله والتعيسه وتقارني بينها فإن طغت الأمور الحسنه عن السيئه فعودي له ولتكن حياتك ملؤها الصبر فالحياة أخذ وعطاء وزوجك هو جنتك ونارك أما إن وجدتي سيئاته تطغى على حسناته فلعله الخير لكي بتركك له وفي النهاية صلي الإستخارة فستكون لكي نعم الموجه لما فيه صالح لكي

__________________
... ( بالحب نعيش أجمل حياة ) ...