السلام عليكم ورحمة الله وبركاته
انا وزوجي رجعنا بلدنا لظروف واختي فرحها كمان اسبوعين وهي اللي قاعده مع والدتي ووالدي واحنا قاعدين في شقة ايجار وعقدها هيخلص كمان شهر ونص واهلي هيبقو لوحدهم ووالدي بيشتغل طول اليوم من المستشفي للعياده مش فاضي ومامتي هتبقي لوحدها لان اخواتي التانيين مسافرين وانا مش هقدر اسيب مامتي لوحدها طول اليوم مش هستحمل وانا وزوجي بندفع مبلغ كبير في شقتنا الايجار وامي عرضت عليا اننا نروح نقعد معاها في شقتهم ونوفر ايجارنا منها تهتم بيا وزوجي يوفر عشان مشروعه وامي هتبقي مبسوطة اكتر لو روحنا قعدنا معاها وعشان ناجر شقة جديده انا وزوجي اقل حاجة سنة واحنا كمان اربع شهور يا هنرجع السعودية يا زوجي هيعمل مشروعه هنا وهيبقي حوار كبير نقل اللاثاث وانا عايزة اقنعه انه يوافق نقعد مع اهلي الفترة دي لحد حتي اما اختي الكبيرة ترجع من السفر هي مفيش معاد محدد ترجع فيه بس بنحاول نرجعها في اقرب وقت وحتي لو رجعت واحنا عند اهلي الشقة كبيره وهتكفينا وانا اهلي طيبين وهيعاملو زوجي احسن معاملة المشكلة ان العلاقة بينهم مش كويسة اووي من بعيد لبعيد بسبب سفرنا وان زوجي انطوائي اما عرضت علي زوجي رفض وقالي مش هبقي مرتاح انتي تقعدي عند اهلك وانا عند اهلي يا ناخد شقة ايجار وانا مش هيناسبني اعيش انا وابني في مكان وزوجي في مكان والمسافة بين اهله واهلي عشر دقايق اقنعه ازاي يوافق يعيش معايا عند اهلي ونوفر الايجار وانه هيبقي مرتاح واهلي مش هيتدخلو في حياتنا وهنعيش كانه بيتنا وهما الضيوف لاني مش هستحمل اسيب امي تقعد يوم لوحدها مش عارفة اقنعه زاي ساعدوني وقولولي رايكم اعمل ايه
جزاكم الله كل خير وبارك فيكم

(تم تعديل العنوان ليتناسب مع الموضوع)

علاقة زوجك بأهلك هي سيد الموقف هنا،
ودامها مو كويسة وأقرب الى الرسمية ، أحترمي رفضه
اذا زوجك ما يفضّل الانتقال فلا أنصح بالضغط عليه او ايجاد حلول لايقناعة
هو مرتاح كذا . ولا شكى من ناحية المادة وتقديرك لهالشي حلو بس خليه على راحته
ودام المسافة مو بعيدة تقدرين تمرينها بشكل يومي او كل يومين ،

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

مرحباً أختي

سنفكر معك إن شاء الله بعدة حلول وسنبدء بها

إذا كانت شقة والديك واسعة ويمكن تقسيمها ولو غرفتين منفصلة أو غرفة منفصلة ( المهم باب مستقل للدخول والخروج )

ويمكن عمل ذلك بوضع أبلكاش عن طريق النجار ثم يدهن بالبوية بشكل جمالي أو جبس أند بورد

وربما سيكلفك الفصل بعض المال

ولكن ليس مهم فهو سيكون لمرة واحدة فقط ولن يكلف كثيراً .. ويمكنك أن تشرحي لوالدتك أنك ترغبي بالبقاء معهم ولكن زوجك يستحي ولذلك ترغبي بالفصل وحتى لو أستدعى الأمر أن تستلفي من أهلك مبلغ الفصل .. وعندها يمكنك أن تقنعي زوجك بأنكم منفصلين عن أهلك مع مراعاتك لهم

إذا لم تعجبك الفكرة لعلنا نفكر بشئ آخر

بصراحه حل عجبني جدا لان اخي كان عامله في بيتنا القديم عشان يفتح شركة صغيره وعرضته علي زوجي قالي ما احنا هنبقي في غرفتنا المشكله لو صحيت قبلك وحبيت اعمل قهوة فطار يعني المشكله عنده في المطبخ انه يتحرك وقت ما يحب وشوية يحسسني انه ممكن يقتنع وممكن لا وقالي يعني هنروح نقعد عندهم ونتحكم في شقتهم ونعمل باب هيبقي شكلها وحش وانا اهلي عادي والله حتي لو جاب اصحابه يقعدو معاه مش هيتكلموا لان اهلي متعودين علي كده دايما بيتوهم مفتوحة حتي للاغراب والله كان اخويا بيجيب ناس غريبة تقعد معانا عشان سايبين بيوت اهاليهم واهلي كان بيعاملوهم زينا واكتر وهو عارف الحكايات دي وشاف ان ابن خالتي وقرايبينا كانو بيجو عندنا عادي بس معرفش ليه مقفلها عليا وانا هموت لو سبت امي ساعه لوحدها والله اما اختي بتخرج ومش بعرف اروحلها هو بيشوف دموعي ويقعد يعلي صوته ويتريق عليا لانهم سايبين ابوهم وامهم لوحدهم ومش بيروحو لهم غير كل فين وفين يقعدو عشر دقايق ويمشو وعايزني ابقي زيه
ربنا يباركلك في افكارك وكلامك الجميل بجد انت ونعم الاخ جزاك الله كل خير ربنا يسعدك دنيا واخره وهستني افكارك وافكار باقي الاعضاء ربنا يعمل اللي فيه الخير

اللسلام عليكم
شخصيا انا ضد هذه الفكرة
ما تصلح اختي انت وزوجك في بيت ووالديك بالغرفة اقدامك
ان شاء الله فهمتي قصدي
واي رجل عند مروءة ما يقبل هذا الامر
خليه يستاجر بماله وبكرامته احسن والله يعوضه
وما هي الا فترة وتعدي ان شاء الله
انا ماما وبابا ساكنين لوحدهم
وانا مستاجرة وبثمن غالي
لكن يستحيل اقبل بفكرة مثل هيك
ممكن سؤال
زوجك قابل انك تروحي لعند امك يوميا؟ صراحة استغربت هذه النقطة
وكم لكم متزوجين؟

متزوجين من خمس سنين

براحتك اختي اسالي اي سؤال انتي عايزاه انا هنا بدور علي حل ومن حقكم عشان تعرفو تقولولي حل تعرفو حاجات كتير تساعد في الموضوع وانا علي استعداد للاجابة علي اي سؤال
بالنسبه للفكره انا فاهمة قصدك بس الشقه كبيره ومامتي هتبقي لوحدها طول اليوم بابا مش بيقعد في البيت بينزل الصبح يرجع يتغدا وينزل يروح العياده ويرجع يتعشي وينام والشقة ٣ غرف واتنين حمام وفي غرفة جمب حمام فيهم وبعيده عن باقي الغرف وهي ذي اللي هنقعد فيها وغير كده مامتي عادية جدا مفيش تكلفة في اي حاجة ولا اي تصرف ودايما قاعده في غرفتها لوحدها يعني الشقة هتبقي فاضية لينا وزوجي هيبقي مشغول ومش هيبقي في البيت كتير وامي مش متعوده انها تبقي لوحدها احنا بنخاف عليها نسيبها لوحدها واخواتي ظروفهم مانعاهم واحده مسافره بعيد والتانيه فرحها بعد اسبوعين واخويا في بلد جمبنا مش هينفع يسيب حياته هناك وزوجته وابنه ولو اختي الكبيره ربنا قدر رجوعها قبل ما مامتي تبقي لوحدها المشكله هتتحل لكن للاسف وضعها صعب وفي بلد محاصره وصعب خروجها ربنا يرجعها لينا في اسرع وقت وانا وزوجي قاعدين في شقتنا كبيره وقاعدين في غرفه واحده بس ومش بنروح غير المطبخ والحمام يعني تقريبا هيبقي نفس الوضع وانا عارفة اهلي هيحسسوه انهم هما اللي ضيوف ومش هو الضيف
جزاكي الله كل خير علي اهتمامك وردك عليا

مع هذا الراي
ما لقيتم شقه في نفس العماره اللي فيها اهلك؟

للاسف مفيش كلها تمليك مش ايجار ولا حتي في جمبها
جزاك الله كل خير علي ردك

طيب اختارو حل يرضي الطرفين مثل انكم تستأجرو شقه تكون جنب امك علشان تروحي لها متى مابغيتي وتطمني عليها ويحس زوجك بالاستقلال زي ما يبي

__________________
السعداء أشخاص علموا أن الحزن ؛ لا يجدد قديماً ؛ و لا يعيد ماضياً ؛ و لا يرد غائباً ؛ فتركوه جانباً و ابتسموا .

للاسف دورت علي شقق ايجار في نفس المنطقه كلها تمليك وحتي لو لقيت صعب يسيبني اروحلها اليوم كله وانا مش هقدر اسيبها لوحدها ولو ساعه جزاكي الله كل خير