السلام عليكم ورحمة الله

الله يسعد مساكم وايامكم يارب ,

عنوان المووضووع عارف غريب

لكن فعلاً انا في حيرة إلى امري واحتاج مشورتكم

انا متزوج منذ سنة تماماً .. عمري 25 احضر الآن ماجستير في التوجيه والإرشاد النفسي

و زوجتي عمرها 18 سنة بصف 2 ثانوي ..

انا ارى الدنيا بعين زوجتي .. وهي ترى الدنيا بعيني

اللهم لك الحمد تحبني وترضيني بكل بقدر ماتستطيع واذا اقترب عيد ميلادي

تبيع قِطع من ذهبها لكي تكرمني وتقدم لي اجمل وارقى واغلى الهدايا ..

وانا كذلك غير مقصر عليها ابداً .. مشكلة زوجتي تخاف من الجلوس في المنزل وحدها

مجرد لبسي للثوب على طوووول تلبس تبغى تروح بيت اهلها .. وهذا اثاره جداً سيئة

البيت يظل 6 ايام متّسخ وقذر اكرمكم الله , عنيدة جداً طلباتي متأخرة في تنفيذها , ملابسي

كوي وغسيل برا مشكلتي :




* البيت داااااااااااايم وصخ لأنها تخاف وتنرعب من الجلوس بالبيت بدوني واذا صرت انا موجود
اظل نص ساعة وانا اقول قومي رتبي قومي نظفي وتقول اوكي .. اوكي .. اوكي .. اوكي ..
ويطوووووووف الوقت ولا ماشوف ولا شي .. واذا جيت اروح انام تلحقني اقولها والمطبخ تقولي اخاف
اقولها ( قلت لك الف مرة قبل شوي قومي قومي ) ويبدأ مسلسل التبريرات و الوعود الخربوطيّة

* في الجماع تجيها الشهوة في الشهر ممكن مرة او مرتين وانا توي شاب ما تشبعني ابداً , هي ماترفض اذا طلبت لكن تتظاهر لي بالإستمتاع وهي مو خاشة جو تحاول ترضيني وهذا يسعجني ويحرجني ..


* وفي النهاية احب اقولكم خوفها من الجلوس في البيت وحدها مسبب مشاكل كبيرة وكثيرررررررررررررررررة
منها تأخري عن العمل , تم انذاري بالفصل , يتأخر تحضير الطعاام , الملابس X



والله عارف بتقولون فرق العمر و و و والله يشهد عارف اني لازم اصبر بس مشكلتي ابغى كل شي منتظم
ومكتمل ...

اقترب من الاربعين وما زلت اموووت من الخوف اذا كنت لوحدي
فما بالك بابنة ال18
ما عليش وانا اختك لا تحسب انها تمثل او تكذب
ولا تستهين بمشاعر الخوف اللي تحس فيها
غصباً عنها

الله يبعد عنك الخوف ولا تنسي صلاة الليل

تم نقل الموضوع للقسم اﻷنسب

وعليكم السلام ورحمة الله وبركاته ..

زوجتك بعدها صغيرة .. ان شاءالله مع الوقت تتعلم تتحمل المسؤلية ..

انت ساعدها في شغل البيت .. ما بياخذ اكثر عن ساعة او ساعتين في اليوم خاصة انكم ساكنين لوحدكم وما عندكم عيال .. ولا تطلعون قبل ما تخلص على الاقل الاشغال المهمة .. وبتنعود ان شاءالله ..

__________________

ياقلبي صغنوووونه توها..مع الوقت واذا جاكم عيال بيختفي هالشي ان شاءالله ،،طيب استاجر شقه قريب من بيت اهلك او اهلها وريح راسك..واذا ع الشغل استاجرو شغاله مره كل اسبوع تجي من الصباح لليل تلمع لكم البيت تلميع وتكوي ملابسكم

شقتي من الوالد الله يطول بعمره ( عمارة الوالد وكل واحد من اخواني له شقة لكن زوجتي تتخيل حاجات )
فكرة الشغالة رافضها تماماً بنت لساتها ورد تو بدري تعتمد عالشغالة خوفي تعتمد عليها مع باقي العمر

شكراً اختي الكريمة

* فارق العمر مناسب ..
* في العلاقة الخاصة .. جزاها الله خير ماقصرت تجاهل تصنعها هي تحاول ماتقصر ناحيتك ..
* نظافة البيت وترتيبه شيء اساسي .. محد يحب يجلس بالفوضى ..
لازم قبل ماتحط راسها للنوم تنظفه كله .. اجلس معاها وفهمها هذا الامر ..
* بالنسبة انها تبيع من ذهبها عشان تهديك .. زيد من مصروفها شوي .. أكيد مايكفيها ولا ماكان باعت من ذهبها ..

يا اخوي تصرفات زوجتك طبيعية جدا مقارنة بعمرها سواء بالخوف او بالجنس

بعض من هن في عمرها ما فكروا بالزواج اصلا

انت خذت فتاة صغيرة نسبيا ولا زم تراعي هذا الامر لغاية ما تكبر شوي وتنضج

شاكر لك مرورك الكريم اخي الغالي

ومالنا الا الصبر

ماشاء الله مرورك اسعدني و فتح ببالي شغلات كنت غافل عنها
الله يسعدك