السلام عليكم ورحمة الله وبركاته


بادخل بالموضوع ع طول وابي رايكم وخاااصة فئة الرجال ابي اعرف كيف تفكيركم
... انا مملكة من شهرين ونص والأمور بيني وبين زوجي تمام التمام الحمدلله أحبه وهو بعد ,, لكن النقطة اللي مخوفتني منه احسه بخيل نوعا ما بس كنت اطنش
واقول بعد الزواج اعرفه زين ,, ودائما دائما يجرحني بكلامه اذا كان معصب واسكت ولا اعاتبه واذا جا يعتذر اوضح له ان الموضوع انتهى وانا مقدرة ظروفه لكن الوضع زاد ,,

هو ماادري وش كان حاط بباله عن موضوع الزواج وتكاليفه مع العلم انه كبير عمره 37 سنة ماشاءالله وراتبه زين الحمدلله
كان دايما يقولي عن مهري انه غالي وليش اهلي طلبوا منه كذا ويلمح انه اهلي طماعين ويقارن بيني وبين بنت خالته وكيف ان ابوها ساعد زوجها انا كنت انجرح واسكت
مع العلم إنه مهري أقل من كل بنات أقاربنا لأنه بالجماعة متفقين على مهر محدد ابوي طلب اقل منه ,,
وكمان دايما يلمح لي عن أخته انها موظفة ومستقلة براتبها وتساعد زوجها وهاتك يامدح فيها انه صغيرة وموظفة ومستقلة مادياً وماتحتاج لصرف زوجها ووو ( اخته اصغر مني بكم شهر بس )
وكيف انها شالت حفلة زواجها وتكفلت بها والخ ,,
الين هنا كنت انجرح وعاادي اسكت عشان مايزعل ,,
لين امس بالليل كلمني وكان متنرفز وانا فاهمته انه معصب بس يظهر لي انه عادي
( وله يومين على هالحال متضايق وكل ماسألته قال ولا شي انا عال العال )
تناقشنا في موضوع بسيط وزعل وكان كلامه مرره مررره يجرح خنقتني العبرة وحبيت اغير الموضوع وكان هو طالب مني من العصر صورة لقصة شعري وارسلتها له وماعلق عليها قمت وسالته شفت الصورة ؟ قام رد علي بصوت عالي ( ايه مي حلوة القصة مااحب هالقصة ) صدق بغيت ابكي بس كتمتها وقلت له عادي اسويلك بعدين اللي تحب
رجع وقال لاتزعلين من نقاشنا كله نقاش ماله دخل فيك والكلام مو موجه لك وأنا متأكدة انه كل كلمة كنت انا واهلي المقصودين فيها خاصة انه قال بلسانه " بعد الزواج
مالي دخل بأهلك ولا راح اجيهم " بس عذرته وانهيت المكالمة ,

اليوم الصبح كلمني وجلس يرمي كلام بداية المكالمة وانا امشي معاه لين قال اكتشفت فيك عيب يعني باتعب معك بعدين قلت له انا اعترف ان هالشي فيني بس نا احاول اغيره بجدية ومن زمان ,, سكتنا ورجع ع سالفة الفلوس لين قال لو مو انت ماتزوجت
سألته ليش قال العزوبية زينة وليش اجيب وحدة غثيثة وكلام كثير لين وصلنا لمربط الفرس تكاليف الزواج ورجع قال لو مو انت كان تزوجت من اي قبيلة ثانية وتركت التخلف اللي عندنا ( وذكر كم قبيلة ) وع قولته رخيصين مهور قليلة والحفل عليها وأثاث البيت عليها أو يكون بيننا بالنص انا راضي ,, قلت له كل القبايل اللي قلتهم اعرف مهورهم ,, عصب وقال أنا تناقشت مع اخوياي وكلهم انصدموا ان الحفل علي والبيت واثاثه علي بالاضافة للمهر
وقام يقول ولو كانوا ياخذون 100 ألف كل شيء بيكون عليها وانا ماعلي الا ايجار البيت ولما قلت له تعال نحسبها قام يسكتني بأسلوب ممرة سيء ويقول انه مافي تخلف الا عندنا ,,
حاولت اهديه وقلت له مو ضروري نأثث البيت كامل سكت شوي ورجع قال
( واحد من اخوياي يوم خطب اهلها ماطلبوا منه شي بس شافها وبعد فترة بسيطة ملك عليها وما سوى غير ذبيحة وحدة وفي بيت أهلها واخذها معه لا زواج ولا طقطقة ولا شيء ,, وخويي الثاني زوجته تكفلت بغرفة النوم والمطبخ )
انكتمت صدق وقلت له شوي اكلمك وسكرت منه
واقسم باللي رفع سبع ونزل سبع ان تكاليف الزواج من مهر واثاث وحفل أقل من قيمة سيارته ..

مخنوووووووقة وموقادرة ابكي ماابغى اهلي يشوفوني ويسألون ماابغاهم يعرفون شي
وياخذون عنه صورة سيئة ولا قادرة تخذ قرار انفصل عنه لاني صدق ابيه ,

ماعرف وش اسوي اعاتبه والا اسكت ؟ والا اسحب ومااكلمه رغم اني عارفه لو سحبت يرجع يدق ويرسل وانا اضعععف اذا شفت اتصاله خصوصا اانه يقلب السالفة علي ويحط انه مايقصدني وهذي مجرد فضفضة واذا عاتبته يبطل يحكيلي باللي بخاطره
بس انا مااتحمل انجرح واسكت

تم تعديل العنوان ليتناسب مع المضمون
مستجد الرد 20



http://www.66n.com/forums/showpost.p...1&postcount=20




مستجد الرد 35


http://www.66n.com/forums/showpost.p...4&postcount=35

كل هذا وانتم لسى مخطوبين اجل اذا تزوجتوا بيذلك ع كل قرش دفعه
عموما حطي ببالك هذا وهو بعيد اجل لو كنتي عنده وصرف عليك واعطاك راح تتعبين
ومن الحين يبي يقلل من شان انسابه الي هم اهلك وانتي ساكته
بكره تشوفيه لا يعزمهم ولا يهديهم ولا يقدرهم
من جد انتي ليه صابره وانتي لسى عند اهلك
اذا صار عندك اطفال منه راح تتعبي مصاريفك ومصاريف البيت والاطفال كلها عليه وبيظل يعايرك ع كل قرش
مرررره عيب يناقشك كذا ويناقشك عن مهرك وحفلتك
انتي ماشيه حسب الاصول وانتهينا
ترى كل ماشافك ساكته بيتمادى ويزيد وانتي ماراح تستمتعين لا بحفله ولا تجهيز
كذا هو نكد عليك
وبعدين اهلك خط احمر لاتسمحي له ياذيهم بكلمة بغيابهم

خييير الي هذا اوله ينعاف تاليه
فكر بعقل واتركي العاطفه

الله يعينك عليه نكدي ويحسب للفلس ، المفروض ماتتواصلي معه نهائيا الا بعد الدخله ، لان اغلب النقاشات تجلب المهاترات والجدال ، لازم تكون امك بالصوره وتفاتحه بموضوع التكلفه شنو يكون عليه ويلتزم به ولايكثر كلام ، وانتِ لاتكلفين زوجك بأشياء خارجه عن الاراده هو مكلف بالمهر وتأثيث المسكن وصالة النساء للحفله شي اضافي كوش تصوير طقطقه اهلك يتحملونها ، اذا ماأنتِ قادره تفاتحينه وبوضوح لازم تدخلي امك بالموضوع وتكون امك حكيمه للوفاق بينكم ووضع حل وعدم المساس بكِ وبأهلك ...! والله المستعان

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ناقشي احد اخوانك وابوك بالموضوع، العصبية وموضوع المال مزعج

مررتُ في الماضي بموقفٍ مشابه .. رغم الفارق في التفاصيل.

ووجه الشبه أن المشاركة المادية ستكون قسراً وبالغصب .. وإلا ....




المستقبل مع هذا الرجل واضح يا عزيزتي.

أرى أن تفكري جيداً وتعيدي حساباتكِ.

__________________


اللهم طِيبَ الأثر .. وحُسْنَ الرحيل.

يعني راح ياخذون عنه صورة سيئة ظلم؟

وانتي ليش تبيه رغم كل الي ذكرتيه؟

يقولون المكتوب مبين من عنوانه.. عرفتي عيوب كبيرة وساكته وبدك هالرجل.. انتي المسؤولة عن حياتك الي عالأغلب حتكون بائسة بعد الزواج..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يعينك هذا يحب المقارنات والنظر في الناس وبخيل في الفلوس
عزيزتي استخيري وفكري في امر الزواج هذه حياه جديده لازم تكوني مرتاحه فكري بعقل مو بس بالعاطفة

حطي في بالك أنتِ الان في بيت أهلك في البر في المنطقة الامنه التي تستطيعين أن تتخذي قرارك بسهولة أكبر من بعد الزواج ، بعد الزواج سيكون التعايش معه أصعب و الانفصال أصعب و أصعب.
لابد أن يعرفوا أهلك بكلامه عن المال ، لابد أن يضعوا له حد ، إما تتقبل تكاليف الزواج كماهي و إما الانفصال .
الحياة مع هذا الشخص واضحة المعالم من الان ، لاتتوقعي أي تغير مالم تكون لكِ ردة فعل

الله يسامحك كيف مرخصة نفسك ...وما تبين اهلك يعرفون بعد،،، غلطاااااااااااانة ...هذا عيب كبير جدا في الرجل..والي تتزوج بخيل تعيش محرومة..يا أختي هذي حياة طويلة ومواقف كثيرة مو يوم ويومين راح ينكد عليج الحياة ..اذا عارفة نفسج تصبرين وشايفة له مزايا ثانية اصبري..واذا لا ..لا يكلف الله نفسا إلا وسها..وانا اعتبر انه شيء جميل ظهر على حقيقته اﻵن ولم يمثل حتى تقرري وانتي في اﻷمان ..ولا انك تطلقي بعدين لا سمح الله ومعاك ولد او اثنين ..ما بغى اخوفك لكن هذي معطيات الموصوع تدل على ذلك ..ووين احترام الاهل والكبير ..اذا من اﻵن معدوم....استخيري الله وفكري عدل وشاوري الاهل ...ترى ما حد ينفعج بعد الله غيرهم اذا صار لج شي

استخيري اكثر من مرة في الاستمرار اوالانفصال الله يختار لك الخير

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه