السلام عليكم ورحمة الله وبركاته

مشااااااااااااكل مشااااااااااااااكل مشااااااااااااااااكل
حياتي كلها مشاكل من تزوجت الى الان حتى بات من الروتين اليومي لحياتنا

انا صار لي 8 شهور متزوجه والان حامل بأول شهور لي
مشكلتنا ان نحن مو قادرين نتوصل لحل لمشاكلنا ودايما نسكر عالمشاكل
قبل ما نلاقي حل لها واعتقد هالشيء يخليني مثل اللي قاعد على فوهة بركان
ممكن ان ينفجر بأي وقت وعلى اي مشكله نطلع الجديد والقديم .....

بداية زواجي كانت مشاكلنا ماديه لاني ما تعودت اعيش بمستوى يحدد فيه مدى الانفاق
ادري هالشيء عادي لاننا ببداية حياة جديدة وان الزوج ما راح يقدر يصرف علي مثل اهلي
اللي كنا نصرف بلا حساب

المهم كنت احسه مو بس انسان حريص بل بخيل نوعا ما
ولما كان يمر بفترات شح ما كان يقول ما عندي كان يلف ويدور
المهم لما تجاوزنا هالشيء وصرنا صريحين مع بعض من بعد محاضرة من اهلي واهله
لاني كنت اكبر الموضوع واخلي السالفة توصل لاجتماعات عائلية لاني بصراحه
كنت اخجل او ما اتنزل اني افتح معه موضوع الفلوس

المهم صرنا نتبع قانون المصروف وانا بداية اعجبني لاني انا من اقترحته
وفعلا ارتحت من حرج الطلب منه بس الحين صار ما يكفيني
وصرت ما اقتنع بحججه لاني بديت افهمه وصرت اعرف صرفيته ومدخوله
يعني انا لما ابى يتحجج بألف عذر وعذر ويطول لين انسى
بس لما هو يبى لسوالفه مثل سيارة ولا يسلف ربيعه ولا سفره مفاجأه
سبحان الله الفلوس تطلع بقدرة القادر!!!!!
عشان جذي صرت ما اراعي ظروفه لاني صرت ما افرق بين الصدق والكذب

هذي احدى المشاكل..... ننتقل للي بعده ( ترى السالفه لها مغزى بالاخر تابعوا )

المشكله الثانيه انه من امارة وانا من امارة بس انا لما خذته كان صار له 3 سنين بامارتي
وهو يشتغل هنا ونحن وافقنا عليه على هالاساس عشان اكون قريبه من اهلي
المهم صار قانون انه كل اسبوع خميس وجمعه ينزل عند اهله
بدايه ما تقبلت الامر وكنت اخلق مشكله كل نهاية اسبوع الى ان رضخت للامر
الان هو يدرس بجامعه بامارته وكان الاتفاق انه يدرس كل خميس يعني بايام زيارته
بس بعدين صار لازم يروح الاربعاء والخميس وانا ما قلت شي وحبيت اشوف كيف بيحلها الحين
بس سكوتي خلاه يروح من الاربعاء الى الجمعه خليته اسبوعين بعدها فتحت معاه الموضوع
وقلت انت كنت تقولي بخلي لك الاربعاء كإجازة نهاية الاسبوع والان صار من ضمن شغلك
فلازم ترد يوم الخميس عشان تصير اجازة نهاية الاسبوع يوم الجمعة لي....
بتقولون لي هو عندك طول الاسبوع بس يا ناس طول هالاسبوع نحن بدوامات ومو فاضين لشيء
هو يكون تعبان طول الاسبوع ومرهق وماله خلق لاي شي
فمن حقي بنهاية اسبوع اقضي فيه مع زوجي بطلعه حلوه صح ولا لاء؟؟!!

كان المفروض نبأ من هالاسبوع بس الحبيب دق من اهناك يقول لي ان الدوام ارسله بدوره
لمده راح يعرفها يوم السبت بامارته هنا انفجر وما سكت عنه وقلت كلام يجرح وبالاصح قليل ادب
بس يستاهل وانا مو ندمانه على هالكلام....
راح اصرحكم بجزء من اللي دار..
هو: انا ببدأ دورة يوم السبت باماراتي يعني مو جاي هالاسبوع..!!!
انا: لين متى؟
هو: ما ادري..
انا: وانا؟!!
هو: شو انتي؟ روحي عند اهلك..
انا: اوكي مو مشكله روح وان شاء الله عمرك ما رديت انت اصلا واحد طرطور بالدوام مو محصلين واحد يمشونه على كيفهم غيرك
هو: مب جذي السالفه انهم يعرفون اني من هالامارة عشان جذي يرسلوني انا لانهم ما يوفرون سكن لنا...
انا: طز فيك وفالدوام وخله ينفعك دوامك اللي بـ(امارته) واللي بـ(امارته) اقصد اهله بهالشيء.. ويلا مع السلامه
هو: ........
انا: مع السلامه ابى اروح اصلي
هو: مع السلامه
بعدها ما اتصل فيني الى اليوم اللي هي ثاني يوم من الضرابه بس انا اعرف انه جذي ولا جذي راح يتصل

ننتقل لجزء آخر من المشاكل....

بتقولون لي دوامه وشو بيده يسوي بقولكم ان دوامه زفت وما راح ينفعنا للمستقبل خصوصا ان في بيبي فالدرب
قلت له مره يغير وظيفته لانه كراف عالفاضي والمعاش ما يساعد
غير جذي باماراتنا اغلب الوظايف الحكوميه توفر بدل سكن الا هالمكان...
والعالم تجي من آخر الدنيا عشان البدل مخلين اهلهم وعيالهم وهو مع زوجته ولا فكر يغير
علما انه هو نفسه يشتكي من دوامه
بتقولون مو سهل يحصل بس بقولكم اللي قاعد وحاط ايده على خده على امل توصله الوظيفه
تراى ما راح يوصل لشيء صح ولا لاء؟

ننتقل لمشكله اخرى .....

باختصار هو ولد امه ويخاف منها ومشاكلنا اسبوعيا توصلها وانا من النوع الكتوم اللي ما احب حد يدري عن خصوصياتي
حتى لو كنت رايحه الجمعيه ما ابى حد يدري واظن هذا من حقي....
المهم اعترف لي مرتين بعد ما تعمقنا بسوالفنا انه خبر امه عن بعض المشاكل اللي انا اشوفها شخصيه جدا
من هنا عرفت انه فتان ولما صارحته قالي تعلمت منك لانك انتي بعد توصلين لاهلك
هنا انصدمت ..!!!
لاني لما (كنت) افتن على قولته كنا ببداية حياتنا الزوجيه وما كان هو يفهمني ولا يسمع لي
كان غارق بمشاغله لين فهمه ابوي مره لما اشتكى له عن هالمشكله
وقاله لو انت جربت تسمع لها وتتفاهم معاها صدقني ما راح ادور حد غيرك تفضفض له
وفعلا هذا اللي صار وانا صرت ما اطلع سوالفنا لبرى بس هو مازال يفتن مو لاي حد بس لامه
ولما سألته ليش رد علي بكل بروح وحقاره لانها امي ولازم تعرف...!!! يا سلام..
بس السالفه اللي فجرتني هو خبر الحمل انا عرت قبل 3 ايام من يسافر لمكان (لمدة اسبوع)
المهم قلت له لا تخبر حد من اهلك لين ما نتأكد وهو ثاني يوم كان راح امارته ورد ولما سألته خبرت اهلك
قالي نعم..!!!
هنا الشياطين الحمر كلها نقزت جدامي وقلت له انك ولد امك وانك فتان وطلعت كل اللي بخاطري
وكانت ضرابه عوده...كل واحد جرح الثاني ...
تدرون شو رد علي لما سألته ليش استعجلت وخبرتها...
قال لام حد من اهلي يعرف لاني مسافر ويمكن يصير لي شي....... عذر اقبح من ويهه
رديت عليه ليش يعني لو مت هناك كنت بقولهم انا هذا مو لدكم وهذا ولد حرام مثلا..!!!!
يعني مو بذمتكم عذر بايخ ومومقنع..!!!؟؟!!

بخبركم نبذه عن حياة اهله عل وعسى يشفع لسلوكياته...
ابوه متزوج على امه لانه اراد يأدبها لانها طردت امه من البيت فهي صارت ما تعطيه حقوقه
ولا تبيه يصرف عليها فصارت تاخذ من عيالها وبطريقتها قدرت تكسب عيالها وتخليهم يشوفون
ان ابوهم غلطان وهي الصح لانه ظلمها بزواجه عليها متناسين الجرم الاكبر لها ...
المهم انا اعتقد ان اهمال زوجها لها بعد ما صارت تمنع حقوقه ولا تحترمه جدام العيال
صار عندها نقص وتحس انها مهمله لذا تحاول ان تخلي عيالها كلهم تحت امرتها
وانا اقول نعم الام اللي قدرت تخلي عيالها يسمعون كلامها
بس اي وحده تاخذ عيالها راح تحس ان هذي مو تربيه صحيحه هذي تسلط
لانها دايما تحاول ترضي نقصها باصدار اوامر على ابنها المتزوج الوحيد اللي هو زوجي علما انه الثاني من اخوانه
لتثبت انه الى الان تحت سيطرتها....
وانا تأكدت من هالشيء بأكثر من موقف

مع اني اهتم فيه وارعيه وادلعه لما نكون متصافين حتى احس انه مستانس انه حد يهتم فيه
لان ببيتهم محد يدري عن الثاني ولا حد يهتم له حتى وهو بعيد عنهم ما يتلهفون له
بس لازم يجي كل اسبوع ...!!!!!!

الان نجي لصلب الموضوع واللي اباكم تساعدوني فيه...

انا قررت اني اقطع اتصالي به وان ما اردله لين يصير اللي انا اباه..
لانه تعود يعيش بلا قيود وبحريه وبتساهل مني فصار انسان عديم المسؤوليه واظن اني ساعدته بهالشيء
لان البيت لازم يكون له قوانين تحكمه ولا صار فوضى صح ولا لاء؟

سابقا كنت ازعل واروح بيت اهلي ويظل يتصل فيني لين نتصالح وارد له
وكان زعلي يكون سهل وارضى بسرعه وارد له
بس هالمره قررت اني اراويه العين الحمرا لانه ما ينفع معاه الاسلوب المتساهل
واخاف يجي يوم ويصير زعلي عادي عنده وهذا ما لاحظته فالفتره الاخيره.. لانه بدأ يتعود عالمشاكل والزعل

فقررت اني اقطع عنه فتره يعني تقريبا اسبوعين لا اخليه يقدر يوصلني ولا يكلمني
وانا متأكده انه ما راح يسترجي يجي بيتنا ويدق يسأل عني خوفا اني افشله
عشان جذي راح اغلق موبايلي وهذي طريقة اتصاله الوحيده معي
وما راح استخدمه الا لما ابى انا اوصله عشان اوصله الفكره والطلبات

المهم بعد الانقطاع راح اقوله على شروطي للعوده وهالمره بجد وبدون تنازل مني
وهي:

- اولا يزيد لي المصروف لانه ما عاد يكفيني.
- من الساعه 8 ونص يكون بالبيت...
- لازم يرجع كل خميس من امارته..
- لازم يكون لي طلعه محترمه كل اسبوع او اسبوعين عالاقل..
- يوفر نت لي بالبيت..
- يوفر لي خادمه تجيني يوم بالاسبوع عشان تنظف لاني حامل وما اقدر على شغل البيت
- يحاول جديا البحث عن وظيفه جديده لاضمن مستقبل طفلي...
وغيرها راحت عن بالي الحين

وما راح ارد له لين يسوي لي كل اللي اباه واظن شرطي سهله وهي بالاحرى حقوق مو شروط
ولا شو رايكم؟؟؟!!

ادري طولت السالفه ومع ذلك احس اني ما وصلت كل اللي مفروض يوصلكم عشان تفهمون المشكله صح
عشان جذي راح يكون مستجدات بسياق المناقشه ان شاء الله

الله يخليكم لا تطنشوني لاني راح اتابعكم خصوصا اني حاليا بعز المشكله وانا جديا افكر
بالطلاق وهذا ثاني مره تجي على بالي وبجد هالمره
تستسهلون مشكلتي لانها اكبر من جيه وتحتاج صفحات لاعرضها بالتفصيل بس انا مو شاطره
بالتعبير ولا بايصال الفكره ....

انتظر ردودكم الله يخليكم..

اشكركم على الرد السريع والتفاعل مع المشكله
وانا فعلا رجعت لاني حسيت اني قصرت بطرح المشكله
وكان لازم اكتب عن ايجابياته وشي من طريقة تعامله معي

والحمدلله ان الاسلوب سلس لاني احس اني عقدت الموضوع ...

هو انسان طيب ورائع دام اني راضيه بتصرفاته وساكته عن اخطاءه وتقصيره معاي
بس هالشيء ينعكس على نفسيتي فأنا انسانه عصبيه واذا كتمت راح انفجر

في اشياء كثيره اظن راح تنذكر وتغير من نظرتكم للمشكله
انه لما تخاصمت معاه عشانه فتن عن سالفة الحمل
طلع هو من البيت كان عنده شغل بهالوقت قلت يا بنت اهدي وحاولي تضغطين على نفسج
وحاولت اقنع نفسي بعذه وان لازم اهله يدرون ترى هم بالنهايه اهلي واهل الولد اللي فبطني
فلما رجع كان يبى يروح يتشرى حق السفر فقلت بجي معاك استغرب بس ما اعترض
وطول الفتره وانا ساكته والف فكره وفكره ادور براسي
وعلى فكره ترى هذي اول مره اتبع هالاسلوب بس تدرون شو صار فيني بنهاية اليوم
تعبت فالليل واتصلت باهلي وخليتهم يجون ا حبييت اخبره عشان يحس بالذنب وهو كان نايم بالصاله
لما رحت المستشفى طلع ان ظغطي مرتفع جدا والدكتوره قالت اكيد من مشاكل ولا انك متضايقه..!!!
عطتني مهدىء خفيف لاني حامل ومب زينه الادويه حقي
لما رديت قلت له تدرون شو صار ردينا فتحنا نفس الموضوع وانفجرت صح هالمره
والحمدلله ان امي كانت معاي وسكتتني مو عشانه عشان الدكتوره قالت لازم راحه ولا ترى الجنين بيتأثر
يعني ما راعى حالتي المهم عنده يدافع عن اهله وامه مو مهم انا ولده ....!!!..
هذا اكثر موقف اثر فيني وعرفني بقيمتي عنده

-------------------------

الان برد عليكم على حده...

بسمة رضا
كنت اتمنى تقرين الموضوع كله عشان تفهمين مشكلتي صح
وانتي سألتي ليش ما انزل معاه....

انا فعلا كنت انزل معاه تقريبا كل اسبوعين اذا ما كان كل اسبوع
بس انا لاحظت ان اهله ما يحترموني ويخلوني قاعدع بروحي طول الوقت
فهمته وكلمهم وحسيت انهم اشوي تغيروا يعني بدل ما اقعد بروحي صاروا يطرشون كل مره حد ياخذ مكان الثاني!!
يعني كانهم مجبروين اقعد على هالشيء
وهو تأثر بهم او ما ادري شو صار فيه وصار ما يحترمني فبيتهم او كأنه يستقوى لانه فوسط اهله
فنحن لما نروح ننام بملحق خارجي فهو يقول لي انا رايح اقعد معاهم مع انهم والله العظيم يكونون توهم راحين ينامون
يعني فالليل بس يبى يغيظني؟!!!!
وانا ما عندي مانع بس المشكله اني اخاف اقعد بروحي ونفس الوقت ما ابى اروح معاه لاني تعبانه وابى ارتاح
هذا شيء...
مره او هي مرتين بالاحرى
لما كنا نتغذى انا استحي اقرب بدون ما حد يقول لي المهم عزمني ابوه
وقعدت جنب زوجي وابوه يقول له حط لها وهو مطنش
ولما جت اخته قالها وين صحنج عشان احط لك!!!!!
انا اهني حسيت صدق بمهانه.. وكانت فرصه اني اقول من السفره جدام اهله عشان يتأدب
لان ابوه كله ولا حد يقلل احترام حد وكان اكيد بيوقف معاي
بس انا ما حبيت اجرحه وافشله جدام اهله...

هذا شي من المواقف اللي تمر علي لما اكون فبيتهم
قلة احترامه لي فبيتهم خلتني اكره اروح بيتهم يعني المشكله مو من اهل البيت
مع ان ابوه دايم يسأل عني اما اهله من يوم ما تزوجنا ولا مره ما عزموني ولا بينوا انهم يبوني او مشتاقين لي
فمن هنا عافت نفسي زيارتهم وانقطعت عنهم صار لي 3 شهور ولا ولا سؤوال ولا اتصال...
فحبيت ابعد عن الشر واغنيله برضاي...
سابقا كان يجبرني الحين رضى بالواقع...

وبالنسبه لكلامي بالسوء عن امه انا فعلا كنت غبيه والوع جبده بأمه بس والله
صار لي فتره قولي تقريبا 3 شهور من قطعت زياراتي وانا ما اتكلم عنهم لا بخير ولا بشر
لانه صار يفهم كل كلامي عنهم حش وذم وسب فقلت ما في داعي اتكلم ولا اسأل عنهم
دام ان طاريهم يجيب المشاكل......

واخير انا ما منعته من انه يقوم بواجبه مع امه
فهو يزورها ويسال عنها حتى احيانا انا اقوله ليش ما تسأل عنها وتتصل عليها...
بس اللي ما اباه منه انه يوصلها مشاكلنا ولا سوالفنا
لانها تعلق او تقترح حلول عليه اكيد مو فصالحي وهذا اللي لاحظته من يوم ما عرفت انه يوصلها الاخبار
وبعدين يا بسمه..
لو فكرتي فيها تشوفين ان فاقد الشيء لا يعطيه
فهي تبى يعاملني ولدها مثل ما زوجها يعاملني
انا شو ذنبي؟!!!...

وانا قسم بالله لما اشوفها احترمها ولا ارد عليها حتى لما تلمح بأشياء تذمني...

أم اثير

الله يبارك فيكي ودعواتك لي بثبات الحمل
ونحن فعلا قريبين من العمر فرق 3 سنوات بينا

وانا لا احاول ان اتقمص شخصيه امه

او يمكن لا اراديا تقمصتها لاني اريد اجرب طريقتها علها تنفع معي كما نفعت معه
اظن سبب معقول وهالشيء استنتجته من كلامك
فهلا تدليني على طريقة افضل منها؟!!

انا ما ازعل من اي كلام ولا اي رد لاني اعرف انكم هنا لحل مشكلتي
ولا تعتبروا ردودي عدم تقبل نصائح بل اعتبروها دافع عن نفسي وانتوا حاولوا تحكمون...

بسمة رضا

اشكرك على قراءة المشكله كلها
انا سعيده بصارحتج لاني هنا لاجد الحل وليس لاتخاصم معك..

اولا انا اقدر ان هذي امه وما عندي اعتراض على تعلقه
بس هذا ما يعطيه الحق انه يوصلها كل شي
وهذا ما تعلمناه من يوم كنا صغار ان البيوت اسرار حتى لو كانت امه
ياختي لو تردين تقرين الرد انا قلت انها تقترح عليه حلول او تعطيه حلول مو فصالحي
وهذا اللي عرفته من كلامه وزلاته لما نتهاوش
كأن يقول صدقها امي لما تقول كذا وكذا وكذا!!!!

تدرين انه لما احيانا وبالغلط لما تطلع منها نصيحه حلوه لابنها عني
اشوفه راجع من اهناك وهو شاق الحلج ومستانس لانه وجد الحل

افهموووووووووني زوجي ما زال يعيش بحض امه
ما يجتهد ليجد الحل بل يبحث عن الحلول جاهزه وماله غير امه....

وبالنسبه للساعه ثمان ونص ترى انا حددته لاني اعرف طلعاته ومشاغله
وهو ممكن يخلص الساعه 6 بس باقي الوقت سوالف مع هذا ومسخره مع هذا

ولما يرجع كعادته 9 ولا 10 يكون هلكان
متى اذا اجلس معاه؟!!!!!

انا ما احاول احطه بثكنه عسكريه انا احاول اجبره ان يعطيني حقوقي
ويمكن اسلوبي يكون غلط
بس هذي اخر امالي فعطوني حل غيره.....

مشكلتي اصدق وبسمة رضا

انا بعدني ما طبقت قانون الثمان ونص وحبيت اتشاور معاكم قبل وارجعوا لردودي السابقه
لاني اظن ما عطيتكم فرصه تقرون الردود اللي جت بعدها
مستانسه احد يرد علي عشان جيه ارد بسرعه

اختي مشكلتي اصدق
انا من حملت وانا احس بضيق وكارهه البيت وعلى قولة اهلي يمكن وحام
وسالفة الطلعات هو عنده وقت بس يتعاجز
وانا فعلا محتاجه اطلع واغير جو من يومين طلعنا طلعه حلوه بعد حنه والله استانست عليها
وهو بعد واحس نفسيتي ارتاحت وااااااااااااايد

اختي بسمه
بصارحج بطبع فيني يمكن ما يعجبج وهو سبب عدم زيارتي لهم
انا نفسي عزيزة علي جدا لدرجه التكبر يمكن.... هذا من كلام اهلي...
لما احس انهم يتناوبون واني علة على قلبهم احس بمذله وارضاها على نفسي
والله يخليج لا تقترحين علي اجبر نفسي
ترى نفسيتي حاليا (بالحمل) ما تتحمل....

وبالنسبه للعصبيه انا فعلا اقنع نفسي بهالشيء
عشان جذي اعرض مشكلتي على اثنين من اعز صديقاتي عشان اعرف المشكله من وجهة نظرهم
خاصه انهم صريحات معاي
فيقولون ان صح زوجج غلطان بس اسلوبج هو الغلط الاكبر مع ان كلامج حق
بس بطريقتج وعصبيتج تخربين كل شي!!!!