انا ثبات تكفون ادعوا لنا بالثبات حياتنا تمر بتقلبات شديدة جدا

زوجي خفف لحيته مرة والحين مسافر لدولة عربية مع صديقة لاحد يروح فكرة لبعيد لاني بإذن الله واثقة فيه لكنه يقول انه بيروح ييرتاح شوي ويغير جو

كلمني امس يقول انه طرد صديقه لانه دخل عليه سكران والحين هو جالس لحاله

المهم الحين كلمني وقال تلقين بالدرج عشرة الاف طبعا هذي الفلوس حقت اخوه اليتيم ومرت أبوه الارملة

يقول اباخذها سلف حطيها في حسابي

أنا سكت قال ...... في الفلوس انا مبسوط وماصدقت ينشرح صدري (علما انه يتناول علاج نفسي وخفف الجرعة قبل فترة ورجع له الاكتئاب والحين رجع للجرعة )

وش اسوي تكفون قال لي بدق عليك بعد العشاء

تكفون انا محتاجه لكم ماحد من اهلي اقدر اشاوره

تكفون ساعدوني
تكفون الله ييسر أمركم

تم تعديل العنوان
الإشراف

انصحك ماترسلي له الفلوس لانه مال يتيم

الله يثبتنا واياكم

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

مشكورة فيافي على الرد

بس وش أقوله ؟؟؟

هو يقول وش دخلك وأكيد راح يزعل علي لو ماارسله لانه لما قلت له وش رايك ترجع السعودية وتروح الدمام ارخص لك قال لاتخليني ادق على خلق الله اتسلف منهم انا عارف انك بتسوين لي سالفة

والله ياختي الوضع غريب شوي, لكن ماسالتيه ايش يبغى بالفلوس. وبعدين ما تقدرين تكذبين وتقولين ان صاحبة المال جات وطالبت بالفلوس.

الفلوس يبغاها لانه يبي يجلس اسبوعين ويقول اسعار الشقق غاليه ويبي يتسوق ويتنزه المشكلة انه خلص راتبه الحين وراتبه خمس الاف كلها راحت

وماله من سافر الا اربعة ايام

المشكلة احنا عندنا متطلبات كثيرة ايجار البيت الشهر الجاي ورسوم الجامعة والفواتير يعني اكيد بتتراكم علينا الديون انا مرة ضايق صدري وهو يقول الله اللي يرزقنا مو انتي

اما بالنسبة عن اقوله راعية المال جات واخذتهم اصلن اخوه مخليهم عنده علشان يحفظهم له لكبر

يعني مااقدر اصرفه

تكفووووووون ابي كلام مقنع من غير مايزعل علي وتكفون ادعوا لي وله تكفون

اختي الفاضلة الله يهدي زوجك ويرده الى طريق الحق

من الواضح أن زوجك بدء في الانجراف ناحية ؟ ؟ ؟ يرغب في صرف مبلغ عشرة الالف في اللهو ممكن والله امور اخرى عذرة اسعار الشقق غالية ويريد التنزهة مالها الفنادق يوجد درجة ثالثة وثانية باسعار معقولة ولماذا؟ لذا بيني له الامر وقولي له لماذا هذا المبلغ عشرة الالف وأنت راتبك خمسة الالف ولا غير الالتزمات الاخرى
نعم أن الرزاق الله وفي هذا الشأن قول أبن الخطاب إن السماء لاتمطر ذهب و لافضة
الله عز وجل قال احفظ مالك وليس بعثرة في السفر و الخربيط بعدين هذا مال يتام امانه عنده وهو بهذا الشكل لم يحفظ الامانه هذا ما حبيت أن اقوله فقط

والله ياأختي الوضع غريب ويخوف الله يفرج كربتك ويحفظ زوجك

اولا اكثرى من قول لا حول ولا قوة الا بالله


وتحججى بأى شىء اليوم قول له لم الحق البنك

واكثرى من الدعاء قبل صلاة الفجر

وان شاء الله غدا ربما يكون هداه الله سبحانه وتعالى

__________________

والله هذا مال ايتام .. و انتي مره ولا في يدك شي

لو ارسلتي له هو الي بيكتوي بناره مو انتي


{9} إِنَّ الَّذِينَ يَأْكُلُونَ أَمْوَالَ الْيَتَامَى ظُلْماً إِنَّمَا يَأْكُلُونَ فِي بُطُونِهِمْ نَاراً وَسَيَصْلَوْنَ سَعِيراً {10}
الله يفرج همك

هذا الي اقدر اقوله

__________________