بسم الله الرحمن الرحيم

السلام عليكم ورحمة الله وبركاته

ارجو منكم مساعدتي وتوجية المشورة لي انا متملكة ع شخص من 6 شهور ومابقي ع الزواج الا فترة بسيطة اقل من شهر ،هو شخص حريص على الصلاة حتى ع الوتر من كلامه انه لازم يصليها ،، خطيبي انسان لم افهم شخصيته اولا ( لايتصل بي الا بالشهر مره + مايزورني ومااشافني الا مرتين فقط بعد الملكة العيد جاء لزيارتي وماجاب لي هدية ابدا فقط اعطاني 500 ريال ،، اسلوبه معاي غير متفاهم ابدا ودائم يوجه لي الاتهام بالتقصير والاهمال ع الرغم اننا نحادث بعض بالواتس فقط يوميا ،،
مزاجي وعنيد وبعض تصرفاته كرهتني فيه ،، في يوم كلمني وكنا نسولف اثناء المكالمة هددني اذا ماسويت الشغلة اللي يبيها ( ان يقلب شهر العسل نكد علي ) سكت وانصدمت من اسلوبه وكلامه وبكيت اثناء المكالمة وكان يسالني وشفيني زعلت وعاتبته واعتذر مني ويقول انه ماكان يقصد ومدري وش طبعا ماصدقته ولا بصدقه ابدا ،، الشغلة الثانيه انو يحاول يستفزني دائما بكلامه ،، اسلوبه ابدا مو عاجبني ،، الفترة الحين لاحظت كثرت انشغاله عني جدا واهماله ع انه يقول يحبني ويموت فيني ؟؟!
واذا عاتبته يقول عذره المعتاد مشغول بالبيت ،، ( رغم ان البيت جاهز ومأثث من والى ) ،، حاولت اصدقه بس للاسف تصرفاته تقول غير كذا وجوده ع الواتس 24 ساعه ومشغول مع غيري !!
اليوم كنا نسولف وفي اثناء السوالف ( بالواتس طبعا ) فضحه كلامه وشككني فيه .. مدري هل هو يحاول يختبرني او فعلا هو شخص خائن !! قال كلام وانصدمت منه ثم قال لالا امزح سالته عن كلامه ارتبك وماعرف وش يرد وبعدها ع طول قال جاني النوم وسحب ع كلامي وراح ينام او ممكن يكون سهران مع غيري !!

طبعا هو ساكن لحاله بنفس منطقتي واهله بمنطقة ثانيه بالايام السابقة كان يسهر معاي الى بعد الفجر وسوالف ووناسه ومن فترة تغير كانه انسان ثاني ،، طبعا شهر العسل رفض انه نسافر بالطيارة نهائيا وتهاوشنا وزعلت منه وللحين شايله بخاطري عليه ولا حاول او فكر يرضيني ابدا ،،
اكثر من مره فكرت بالانفصال واحس ان هالشئ بيريحني جداً خاصه ان غلطاته كثرت معاي وانا ماعاد فيني صبر له تصرفاته تضايقني كثير ،،
الكوشه رفضها بحجة المصاريف ( بخيل ) ورفضت انا الا اخذها واخذتها ..

وشغلة ثالثه وهي اللي زادت خوفي منه وقلقي وخربت فرحتي بالزواج دائم يتكلم عن الجنس من الخلف وانه يعشقه ومايبي الا هو من كلامه واسلوبه ؟؟ حاولت اكثر من مره ان المح له ان هالشئ ماراح يصير وماله الا اللي ربي حلله له كان ردة فعله يتضايق او يصرف ويقول كل شئ بوقته ،،

الله يسعدكم هل هو طبيعي ان الزوج يحب الجنس من الخلف ويعشقه !! اذا تحدث عن الجنس ماايجيب سيرة الا المؤخرة وابي اسهر معاها ومدري وش وكلامه كله كذا ؟ اذا سكته يقول حلالي وبكيفي مااحد يقدر يحرمني انتي كلك ملك لي وبكيفي اللي اسويه !!

مشاعري تجاهه ( مااحس بالحب ناحيته ابدا ، من فترة ماعاد حسيت بالارتياح معاه ، تصرفاته اسلوبه كلامه ماعاد يروق لي ) دائما يحط الغلط واللوم علي مشاكلنا كثرت بالاسبوع لازم نتهاوش والسبب هو !!
هو بخيل في مشاعره مايشتاق لي ولا يفقدني احس اهتمامه تصنع يحاول يكسب اهتمامي !!
بالاسبوع مره او مرتين يقول لي ( احبك ) ،، مكالماته بالشهر والشهرين مره زيارات مافيه ، يحاول يتحكم فيني في ابسط شئ ( اكلي - نومي - شربي - سوالفي مع مين ؟! ) حاولت اسايره وطنشت ومشيت له امور كثيرة مانفع معه بالزعل والهواش والمشاكل برضو مانفع معاه ماعرفت اتصرف معاه او وش الاسلوب اللي ممكن اتبعه معاه ؟!
كل ماحاولت اطلع اللي بقلبه يقول اعوضضك قريب ومدري وش صراحة ( عايفته ) !!
ودائما اتمنى ان ربي يعوضني باحسن منه وشخص يستاهلني ويقدرني !!

املي في الله ثم فيك ترشدوني والله العظيم مالقيت احد يوجهني التوجية الصحيح ،،

بقي ع الزواج اقل من شهر ( هل اطلب منه الانفصال او اصبر لبعد الزواج لعل الله يهديه )
هل تتوقعون انه انسان سوي وتصرفاته واهماله وتقصيره وكلامه طبيعي ؟! وش تفسرون تصرفاته هل هو فعلا يحبني وصادق معي ..

اخاف استمر معه واتوهق بعدين خصوصا انه ( الجنس من الخلف جنونه وعشقه اخاف على نفسي يوقعني في الحرام ،، ؟

شورور علي انا في هم لايعلم فيه الا الله ،، عسى ربي يفرج همكم والله
ويجزاكم الفردوس الاعلى من الجنة ..

اعتذر ع بعض الالفاظ وعلى ركاكة الاسلوب