السلام عليكم ورحمة الله وبركاته...


شخباركم يا حلوات ...لحقوا علي


ابي اعرف شو كان شعوركم يوم زفوكم يعني اقصد حفلة الخطوبه...اكيد عزمتوا ناس وكل شي...:14:


كيف كان شعوركم هل وقت الزفه حسيتوا برعبه...وكيف يوم دخلتي على الحريم




وشو شعورج عقب ما قعدتي على الكوشه هل زاح الخوف؟



وآخر سؤال والله: شو كان شعورج والمعرس داخل ..يلبسج الشبكه




لأني ميته من الخوف

__________________

بصراحه شعوري يومها امتزج بالخوف والفرحه لاني احسست وكأني اميره ولقد جاء الجميع ليشاركوها فرحتها ويوم الملكه من اجمل واحب الايام التى لا انساها انا وزوجي

فنصيحتي لكي تغلبي علي خوفك وعيشى هذا اليوم بسعاده لانه لن يتكرر

واتمنى لكي السعاده مع خطيبك

كان يوم رائع ممزوج بالخوف والفرح...في زفتي كل الناس كانت تطلع حسيت إني شيء مهم ههههههه لا لا بجد حسيت برعب اول ما دخلت عشان نظرات الحريم اللي تخوف هههه وبعدها لما طلعت على الكوشه عملولي اخواتي وقريباتي وصحباتي مفاجأه عمري ما انساها..واتمنيت ان الحفله ما تخلص لدرجة انهم كانوا يقولوا خطيبك ينتظرك عشان يلبسك الشبكه..اقلهم لحظه. انتظرني خطيبي لغاية ما عصب وكره نفسه(تصدقي) لما لبسني ما جلس معايا من كثر ما زعل مني..
حبيبتي استمتعي ولا تخافي ترى دا اليوم حيكون احلى يوم في حياتك..لا تقولي يوم الزواج احسن لا..عشان الزواج حتبعدي عن اهلك وحيكون كله خوف(حيتقفل عليك انتي وزوجك باب) بس الملكه حترجعي مع اهلك يعني............ امااااااااااااااااااااااان.............
والله يحفظك ويتمم لك بخير
ومبروك مقدما
أختك سبيال

تسلمون حبيباتي ازال 2006 و سبيال


هههههه ضحكتيني يا سبيال...بس شو نسوي لازم نخاف..انا من يبون طاري المعرس احس بمغص وخوف ومااشتهي آكل...الله يستر بس



عموما شاكره لكم مشاركتكم الحلوه ^_^

__________________

السلام عليكم ورحمة الله وبركاته


عروستنا الحبيبه

هدي نفسك وتوكلي على الله


ليش الخوف


صلي واستخيري

وخليك هاديه ولاتشغلي نفسك بأمور بأمكان احد من افراد العائله ان ينفذها

جهزي نفسك شخصيا يعني تقليم اظافر وصنفره وماادري ايش كله قبلها بالليله او ليلتين كمان

وجهزي اغراضك اللي بتلبسيها كامله من الليل

وصلي واستخيري ونامي

واشبعي نووووووووووووووم

واصحي فطور معتبر فطور ملكي على اصوله

ولاتنسي العصيرات الطازجه

اشربي سوائل

وريحي نفسك على الأخر

وخليك بغرفتك واذا في احد يشارك بغرفتك دوري لك غرفه في قلة الحركه يعني غرفة الوالده


اجلسي فيها خليك مسترخيه


واذكري الله وسبحي واستغفري

ومن بدري اتجهزي على رواق


ولاتدخلي في اهلك


مين جا؟ ليش ماجيبتوا؟ ليش مااعرف ايه ؟ وليه كذا ؟ وتجلسي تذاكري لفلان وعلان؟ اواواو

لالالالا خليك رواق لاتكلمي احد او شي

وسكري جوالك

واجلسي كذا برواق



واثناء نزولك خليك رااااااااااااااااااااايقه على الأخر ولاتفكري بأحد سمي بسم الله

وربي معاك وييسر امرك ياعروس


لاتشيلي هم


لاتنسي (الا بذكره الله تطمئن القلوب)

وحصنتك بلا اله الا الله

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

والله للحين اتذكر يوم خطوبتي

طبعا كان فيه خوف تدرين ليش ؟؟ لانه راح تكون الانظار كلها عليك وبس ... والله انا كنت ارتجف ... وكل

شوي اشرب مويه .. مادري شفيني ... بس لمن بدا يخف عدد المعزومين راح الخوف شويه .. صارو الي

موجودين معظمهم معارفنا ...

وطبعا انا الي دخلت على زوجي بالمجلس .. لانه الحفله كانت ببيتنا لظروف ...

المهم دخلت عليه ومن اولها .. كنت بتكرفس .. من الخوف مو عارفه امشي هههههههههههههههههههه


وقت مالبسني ماكنت اناظر فيه اصلا ... وكلها كاانت خوف في خوف


لكن ماعليك شوي شوي وتتعودين ..


الله يوفقك يارب

هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

اكيد راح تكون فرحة ممزوجة بخوف
اهم شي جهزي نفسك من كل شي.. عشان تكوني مرتاحة

مثلا اعملي البوديكير والمونكير قبل بيوم.. حمام مغربي قبل بيومين

قبل بيوم طلعي ملابسك وعطريها بخريها ورجعيها مرة ثانية

بنفس اليوم اعملي حمام الهنا ولاتخلين عطر ولاكريم ولابودرة ماتحطينها..

واذكري الله وكل ماحسيتي بخوف تذكري انك نجمة الحفل راح تفرحين صدقيني

حاولي استمتعي بهاليوم طبعا راح تكونين حاجزة قبل مكياج وتسريحة وحددي موعد بدري عشان تخلصك بدري وترتاحين

واستغفري لحد مايجي العريس وخلاص ياحلوة الباقي ماتقدرين تتحكمين فيه حسب الظروف
وتصرف زوجك والحفلة نفسها

موفقة ياحلوة

__________________
اللهم لك الحمد والشكر
"ولئن شكرتم لأزيدنكم"

هلا والله هلااااااااااااااااااا بالحلوات : روح الغالي + هموووم + شوبارد


هههههههههههههه ماشالله عليكم احس كلامكم راااااااااااااااااااايق ..



وخاصة سوالف هموووم ضحكتني والله ...ههههه الله يسعدكم جميعاااااااااااااااا يارب


كلامكم والله وايد عجبني وريحني واتخيل نفسي ...وااي قلبي يدق




تسلمون حبيباتي والله يوفقكم جميعا يارب

__________________

اختى في الله اميرة الذوق بسم الله ماشاء الله الف مبرووووووووووك ......... اخواتى ماقصروات معاكى وقالوا كل حاجة
بس انا حبيت ارد على شوبارد اصل عجبنى ردها .........الله عليكى يا شوبارد بسم الله ماشاء الله ......والله حسيت انك بتتكلمى عن نفسك وانك انتى خلاص اليوم عرسك............ ان شاء الله قريب جدا هتبقى عروسة ان شاء الله يارب ........

ألف مبروووووووك ........ أنا الصراحة يوم حفلتي كنت ميته من الخوف و كنت أخجل أمشي أمام الحريم تعرفين بعد الحريم شلون يطالعونج من فوق و تحت و جهي صار لونه أحمر مثل الطماط عندما دخل زوجي ... أحيانا أذكر هالموقف أضحك على نفسي وأقول كان شي عادي و دوم أقول لزوجي اشرايك أنسوي حفلة خطوبة مرة ثانية لأني الصراحة ما فرحت عدل بسبب خوفي .......... والله يتمم عليج و لا تخجلين و خلج عادية لأن هاليوم ما يتكرر إلا مرة واحدة في العمر


مع تحياتي
أم حمد