السلام عليكم ورحمة الله وبركاته,,,



اخواني & خواتي

انا بدش بالموضوع على طول .. لأني عجزت من التفكييير !!


انا بنت عمري 22 عام تزوجت قبل 4 شهور من شخص لا أعرفه ..يعني زواج تقليدي بحت

زوجي اصغر مني بعام ونصف يعني انا اكبر منه بالعمر ..

مو هني المشكلة

المشكله اني مو مرتاااحه معاااه أبدا أبدا ..

انا قبل الخطوبة ما كنت اعرف انه مو مكمل تعليمه يعني فقط معاه شهادة المتوسط ..

وانا جامعية هذي آخر سنة لي واتخرج بإذن الله .

يعني في فرررق كثييييييير من ناحية التفكير ونظرتنا للحياة

.أم زوجي ما قالت لي بالضبط شنو شهاده ولدها قبل الخطوبة ؟؟


المهم لما تزوجته اول الايام الوحده ما تقدر تفكر بشي مخها وافكارها ملخبطة وحياه جديدة وناس ووجوه جديدة عليها ...

ما استوعبت اني حطيت نفسب بمأزق الا الحين ..


زوجي انسان أجوف فكريا وعقليا... تفكيره محدود .. عقله صغيره .. ما قدرت أحبه

وبصراحه ما اقدر اعطيه حقوقه الشرعيه نهائي لأنه طلع من خااطري واحس انه مو الانسان اللي كنت

متوقعه اني اتزوجه أحسه مو عايش معانا بنفس العالم ... تفكيره هو واهله غريييب جدا يمكن بسبب عدم اكمالهم لتعليمهم ..


انا في بعد الاسابيع الاولى من زواجي تعبت حيييل نفسيا وجسديا وطلع فيني عين ونفس واستمريت

اعالج واقرى عند شيخ دين .. واصير زينه فترة وأرد لكآآبتي اياااام ..


وعندي مشكله أخرى ..

انا لي علاقه قبل الزواج بواحد يكبرني بعام واحد ..لكنه طالب جامعي وتخرج قبلي انا عرفته من النت طبعا ..


لكن لو اوصفلكم شنو هالانسااان ماراح أقدر ..باختصار هو اللي انا أبيه .. نفس تفكيري عالاقل ؟

أحس انه رجل بعكس زوجي اللي احسه انه طفل وتافه ...

هو كان يتودد لي كثيرا بس ما قدر يخطبني بسبب عادات بعض القبايل ما يقدر انه يتزوج قبل اخوانه ال4 الكبار .

لازم الدور يمشي وخصوصا انه كان بفترة خطوبتي وملجتي لازال طالب يعني ما يقدر يتقدملي ببوقتها..






و الحل ؟؟


انا في حيره شديدة من أمري ؟؟ مو قادره اكمل واعيش مع زوجي ؟

ما تتصورون كيف أبكي كل يووووم .. احس انه دموعي خلصوا وراح أبكي دم .. عمري ما حزنت ولا عرفت الكآبه الا من بعد الزواج ؟؟



ناطره ردودكم ضروري ..


لأني محتاااااااجه رأي حيادي

أختي الكريمة .... أسأل الله أن يكون في عونك هذا أول شيء

الأمر الثاني ..... ألا تعتقدين أن الموضوع متأخر الآن؟؟ هل ترضين بأن تكوني مطلقة لو تم الانفصال ؟؟؟ أكيد لا

أنا ودي أن تبرمجي نفسك بشكل ايجابي أكثر و تحاولين أن تغيري كل الصفات السلبية التي ترينها في زوجك و أولها أن يكمل دراسته و بعد كذا كل الصفات التي تريدين تغييرها

أعتقد أن المشكلة في أنك رفضتي شخصيته تماما وليس لك رغبة في تعديل هذا التفكير السلبي فابدأي بهذا أولا و قبل كل شيء!


همسة : خديجة رضي الله عنها كانت أكبر عمرا من رسولنا عليه الصلاة والسلام!

صح ان ما في بنت تتمنى انها تكون مطلقه ..انا معاك

بس ماادري وش الحل .. احس انه اهون علي من العيشه معاه !!

زوجي ما يقدر يكمل تعليمه لأنه اصلا ما يعرف يكتب خير شررر.. يقولون انه كان ينجح جوازا قبل ومعجزة انه أخذ شهادة المتوسط .. لأنه كان مرييض جدا ودايما يدخل المستشفيات وينام ..ف عشان هالسبب اهو كره الدراسة ..!!

والمشكلة مو في العمر ..ياما ناس كانوا زوجاتهم اكبر منهم وعايشين بحب وسلام ..

المشكلة في عقليته

[QUOTE.أم زوجي ما قالت لي بالضبط شنو شهاده ولدها قبل الخطوبة ؟؟][/QUOTE]

فين دور اهلك والسئوال عنوو وليش لمن هدفك واحد عندوا طموووح وووو ليش وافقتى وظلمتى ولد الناس


دي اكبر مشكله التفكير في غير زوجك والمقارنة


الله يهيديكى لنفسك احس المشكله نابعه منك حاولى تتاقلمى مع زوجك وقولى الحمدلله على النعمه

__________________
ياررب ارح قلبي وعوضني خير

فين دور اهلك والسئوال عنوو وليش لمن هدفك واحد عندوا طموووح وووو ليش وافقتى وظلمتى ولد الناس



دي اكبر مشكله التفكير في غير زوجك والمقارنة


الله يهيديكى لنفسك احس المشكله نابعه منك حاولى تتاقلمى مع زوجك وقولى الحمدلله على النعمه[/QUOTE]




اهلي كانوا يدرون بس الخطأ خطأي لأنهم قالوا انه هو عسكري وانا فكرت ان لازم كل عسكري معاه شهاده ما ادري انه عادي مو ضروري الثانوي !!!!


الحمدلله على كل حاال ... وانا اعلم ان المشكلة نابعه مني وطرحتها لأجد لي حل !!

الشخص الي كنت تحبينه نصاب وشلون مايقدر يتزوج قبل اخوانه هذا كذاب,لان الرجل إذا بغى شيء ما احد يوقف في وجهه
هذا يبغى يقطع بك وقت ويأخذ حاجته منك وبس, ولو كان يبغاك كان ضحى من اجلك
اما زوجك فعليك بتعليمه وبذل الهمه فيه من اجل ان يتعلم ,ويواصل تعليمه
انا اختي معاها ماجستير وزوجها كان معاه متوسط حاولت معاه حتى كمل دراسة والان في اخر سنه من قسم إدارة اعمال
فالناس الان يثنون على اختى لما بثت فيه الحماس وعلى زوجها المثابر

كلام ذهب اخونا الفاضل
ارى صاحبة الموضوع تنبش عن سيئات زوجها
احمدي اللله
انا ايضا مهندسه وزوجي خريج صناعه

استمريت معه رغم كل شي لاني لااحب ان اضلم احد لمجرد انه اقل تعليم مني او اني كنت احب احد
اختي الكريمه طوري من زوجك وحاولي معه وسوف ترتاحين وابعدي عنك الطالب الجامعي الذي لم يستطع الزواج منك فهو كما قال الاخ نصاب

__________________

عليــكم السلام ورحمة الله وبركـــــاته

أختي الحبيبة ,, مرحبا فيك ويانا .. إن شالله تلقين الحلول اللي تسعدك

لا تقارنين بين حلالك وبين شخص ثاني بعيد عنك مو في يدك ..

ولا تحطين نفسك محل إختيار بين هل تكملين حياتك معه أو تنفصلين ..

في ناس متعلمين تعليم عالي .. لكن أخلاقهم وتعاملهم وثقافتهم ماتتصورين شقد في الحضيض .. كأنهم ماتعلموا

وفي ناس غير متعلمين ماشاء الله يعرفون في كل شي و أدب وأخلاق ونفس طيبة وصفات إيجابية كثير

وكلا الطرفين فيه السلبي والإيجابي .. لكن إنتِ حاولي .. ثم حاولي .. ثم حاولي إنك تنظرين وتحبين الإيجابيات اللي بزوجك وتغيرين رأيك فيه من خلالها

هذا زوجك وحلالك .. مايستحق منك محاولات وتضحية وصبر ؟

زي ما قالوا الإخوان .. شجعيه يكمل تعليمه بأسلوبك الحلو وصبرك وحتى لو تأخر سنة سنتين أهم شي إنتِ تصيرين معاه وتشجعينه .. وبإذن الله مرده يكمل تعليمه

ما أقولك صيري أمية معاه أختي .. لكن إنزلي لمستواه ومستوى تفكيره ..

خلي العلم درجة ثانوية بالنسبة لك .. وأهتمي بجوانب ثانية .. مثل الحب و العيشة الكريمة العزيزة و الأخلاق والدين

أنا معك بصراحة يوم حطيت نفسي مكانك حسيت بالضياع وإني أخطأت بإختياري .. لكن هل أطلب الطلاق وأخرب بيتي ويمكن يجيني الأسوأ .. وأغضب ربي وأرفض الرجال عشان هالصفة الوحيدة السلبية اللي فيه واللي موقادرة أحبه وأتألقم وياه عشانها

لا يا أختي لا تخربين بيتك .. أهم شي هالرجل ستر عليك وقبل فيك مثـــــــل ما إنتِ ..

شوفي مشاكل غيرك تهون عليك مصيبتك ..

أختِ الغالية أتمنى لك حياة سعيدة وهنية في ظل زوجك

ولا تنسين يمكن أحاسيسك هذي من شر العين والحسد .. الناس تحسد لأشياء كثير الجمال التفاهم الإنسجام والتوافق وكل شـــــــي

ماتدرين إنتِ معيونة في إيش .. لا تحكمين على زوجك إلا بعد شفاءك وهذي نصيحة أقدمها لك على طبق من ذهب

إستغفري كثير .. وإستخيري .. وصلي بالليل وإدعي بإلحاح لرب العباد .. وإدعي لزوجك إن ربي يولف بين قلوبكم ويبعد الشياطين عنكم ..

هذي حياتك .. بيدك تبنينها وبيدك تهدمينها .. اللـــــــــه يوفقك ويسعدك ويهنيك عزيزتي ,, أختك

الله يلهمني ويلهمك الرشد والصواب ويجعل في كل كلمه اقولها لكي نور تنور فيها قلبك بالحق .......

انا معاكي باحساسك والصدمه اللي تحسينها ... بس ياعمري ترا الحياة تجارب واللي حصل معاكي هو النصيب والله اعلم..

بقولك قصتي مع زوجي ويمكن تاخذين منها العبرة.....وتراني ويشهد الله فاهمه كل كلمة كتبتيها عن التفاهه وصغر العقل وا وا إلخ...

زوجي سلمك الله كنت اعرفه قبل الزواج وكان رجل مو من الارض بكل شيء يملكه لدرجة اني خالفت اهلي وتزوجته عشان نكون بشرع الله وفيما يرضيه...

هو من بلاد الشام وانا من الخليج ... هو متزوج وانا مطلقه..

هو اكبر مني بخمس سنين... عرفته لاكثر من ست سنوات قبل الزواج ولكي ان تتخيلي <<>> يعني لو لك رفيقه او جاره وتعرفيها من خمس او ست سنوات وش بتقولي عنها....

المهم تم الزواج اللي ماخليت ثغرة ولا فرصه الا واستغليتها عشان يوافقوا عليه اهلي....

انا سبق تزوجت قبله مرتين ووالدي متوفي ..امي الله يرحمها عارضت بوقتها لكني قلت لها اني ابغى هالبني آدم >>>>وياريتني سمعت كلامها..

حتى الدعاااااء مابقيت وقت الا ودعيت فيه ان الله يجعله من نصيبي عشان اكون مع هالبني آدم بالحلال مستورين....


لكن الطامه الكبرى تكشفت لي بعد الزواج وماهي من جهت اهله وزوجته بس لاء الا من جهت عقليته وطباعه الغريبه.......تخيلي انا الان لي خمس سنين معاه اعاني من تغيره معاي بكل شي الا ان شكله الخارجي باقي على ماهو عليه ......واوقات لما ازعل انوي الطلاق يتغير له كم يوم وبعدها ترجع ريما لعادتها القديمة ...الين قررت اني اعمل على التاقلم مع حياتي هذي واحاول اني اوجد لي مكان لي ولبنتي اللي توها بعمر الثلاث شهور وعشر ايام...

لكن مع الله مافي شي اسمه مستحيل ...عسى الله انه يعدللك اياه ويحببك فيه ويحببه فيكي ويجمع مابينكم بالمودة والرحمة ويبعد عنكم كل شر وسوؤ يارب .....لكل من يقرئ كلامي ارجوكم ادعولي وادعولها ..



ولكي ان تتابعي مواضيعي وانتي تحكمي مع اني ماوضحت فيها كل الجوانب...........لي عودة ان شاء الله..


بس يا اختي صدقيني الرضاء بالمقسوم خير سبيل ولكي انك تحسني من الحال ولا انصحك بالتراجع عن حياتك

والله من وراء القصد.................................فرج الله كربتك

الله يصبرك على حالك صدقيني حاسة فيك