السلام عليكم ورحمتوا الله وبركاتوا وبعد..
مدري كيف ابتدي فأنا محتاره وضايعه تفكيري مشتت ونفسيتي تعبانه ومافيني حيل واعذروني على اسلوبي
حتى مب عارفه كيف اكتب قصتي بس راح اختصرها قد مأقدر واتمنى انكم تساعدوني بكلمه بعد الله سبحانه
اناعمري29وعندي ولد وزوجي عمره31ولنا 5سنوات من زواجنا راح اعطيكم نبذه عن زوجي انسان بارد لدرجه ماتتخيلون ومهمل
صحيح انه طيب عن الزوم وعمره ماقصرمعي ماديا اما باقي الامور مقصر بقوه المهم بدخل بالموضوع
من سنتين تدهورت حالتنا صارت العلاقه بينا معدومه يعني مافي ود ولا حب ولا حنان هو بغرفه وانا بغرفه
بدون سبب وكان كل نتهاوش على شي تافه ولما اتقرب يتهرب ولما اسولف مهوب حولي بعدها تعبنا نفسيا وجسديا لدرجه تركنا الشقه وصار خلاف وارسلي مسج يعتذرويتاسف ويقول انتي طالق كانت لي صدمه انهرت
وبعدها رجعني والمشكله عند اخته يبكي يقول مدري ليه سويت كذاا وبعدها رحنا لشيخ نقرا اكتشفنا انا حنا مسحورين سحرتفرقه سبحان الله تخيلوا مانذوق طعم النوم حتى ولدي الفراش حقنا فيه حشرات غريبه يوم جبنا مكافحه الحشرات استغربوا قالوا اول مره نشوف زي هالحشره شغلو البقره وبعدها تشافينا مو كثير المفروض نستمربالرقيه وبالذات زوجي مستمروبعدها غيرنا الشقه وسكنا شقه جديده تخيلوانام معي بالغرفه اول ليله وبعدها
ينام بالصاله لنا سنه ونص وحنا على هالوضع يروح الدوام ويجي ينام ويصحى ويطلع للقهوه وانا لحالي اكشخ
والبس محد حولي جاني احباط صرت محب اكشخ ولا البس تكلمت معه بسلوب مافي فايده وكل متكلم معه على طول يعصب واسكت حتى ولده مايهتم فيه اذا نبي طبيب بالموت يودينا حتى اغراض البيت مايجيبها
الا بطلعه الروح واذا تكلمت قال انتي حنانه والمشكله اذا سكت عادي مايجيب المهم من شهرين ونص جاته
دوره بالرياض ورحت معه عند اخته لاحظت اختها معاملته معي حتى ولده مايهتم فيه صار بينا خلاف قوي لدرجه اول مره يضربني وبعدها صارينام بالمجلس وانالحالي قلت اصبرشسوي وكنت اروح له اجهز ملابسه واكلمه واسوي له اللي يبي وهو كالعاده مع جواله الايفون وبالمجلس تعبت تكلمت معه مافي فايده يقول طيب بعدل وضعي ولاشوف شي قلت خلنا نروح لشيخ رفض من جد تعبت منه قال خلينا ننفصل انا مصلح اكون زوج ومافي توافق ومدري ايش قلت الحين تقول كذا طيب والولد اللي بينا وش ذنبه يتشتت قال عادي مب ضايع
قلت مبيه يصير يتيم وابوه حي قال عادي انا تيتمت وانا صغيرمن جد انقهرت وقفلنا الموضوع خليته على راحته
مع اني بداخلي نار تشب قهراشوفه بالمجلس لحاله وش يضمن لي انه مايعرف وحده واكيد يعرف بنات كل على هالجوال ويحط رمز سري ولا يبي احد يقربه تعبت من جد قلت بروح لهلي فتره المشكله انه مايسأل ولا يهتم عالاقل ولده واللي قاهرني انه مايبيني اعرف اي شي عنه المهم رحت لهلي وبعدها قفلت جوالي تعبت
نفسيا مدري ايش اسوي واستغربت انه كان يدق ارسل رساله يهدداتركي حركات الخبال وولدي باخذه غصب عنك
وفتحت جوالي احتريته يدق مادق وطبعا معطاني مصروف الا قليل من جد محرجه من هلي والمشكله اذا قلت له ابي فلوس يقول ماعندي مع اني اكتشفت انه شاري له بلاك بيري ولاقال لي شي يقهرالمهم فتحت المسن عشان اكلمه سلمت وقال نعم رد علي وهو معصب قلت اعصابك قال وش تبين انتي ماتجين الا اذا تبين تتهاوشين قلت وش قصدك بالرساله قال افهمي زي ماتبين واذا قفلتي الجوال راح ابيعه قلت تقصدجوالي عليك بالعافيه خذه مابي منتك قلت له وش صار على موضوعنا قال اي موضوع قلت تسوي روحك غشيم قال مدري
قلت ابي اعرف وش موقعي من الاعراب لاني متزوجه ولاني مطلقه وش الحياه قال اذا جيت تعرفين قلت لا ابي اعرف الحين قال شوفي توافقين على شروطي وترجعين معي اهلاوسهلا ماتبين الله يستر عليس يابنت
الناس قلت وشهي شروطك المشكله شي يضحك انه يشرط يقول ابيك تكشخين لي وابيك ماتحنين وابيك تسمعين كلامي شروط سخيفه انا ضحكت قلت موافقه بس انت بعد توافق على شروطي قال بعد لس شروط
يلا قوليها قلت حالي حالك اذا برجع ابي بجد اكون زوجه لك مب بالاسم قدام الناس وابيك تكون معي بالغرفه وتهتم فيني وتعطيني حب وحنان اصلن مافي ودبينا قال توك تدرين قلت من زمان بس كل ماتقربت انت تتهرب سكت قال اسف تبين ترجعين وافقي على شروطي وانتي لا من جد شي يقهر قلت وش هالمذله اذافيها
مذله مب راجعه اسفه الله يوفقك ويسهل دروبك وماله داعي تجي للشرقيه ارسل ورقتي بدون ماتجي وخليته ورحت وانا حاليا نفسيتي تعبانه افكربالطلاق انا ماابيه بس وش الحل اخاف يبيعني هو متغير مغسول مخه تعبت من التفكير انا قلبي يحترق من داخل افكر لو تطلقت شلون بعيش والله اني صبرت عليه في المر والفقر
لين ربي فرجها عليه وكنت كاتمه اسراره ولا اطلع بس تعبت والمشكله انه كارهني نسيت لااقول لكم انه مره قالي انه كارهني ومب متقبل مني اي شي تعرفون صعبه على الحرمه تسمع هالكلمه من زوجها وسكت ومابينت له اي شي خليت الحره بقلبي والمشكله كل يوم اكتشف اشياء كثيره فيه وفي موضوع ثاني بعد عندي
بنت اختي حاليا عمرها18وتصير بنت اخوه في نفس الوقت لو اقولكم انها تكرهني وهي بنت اختي كره العمى بسبب اني نصحتها انها ماتمشي مع بنات سمعتهم سيئه ومن عقبها وهي قالبه علي وتقول اني اشيش امها ودعت على ولدي حسبي الله ونعم الوكيل ومن عقبها وانا ماعينت خير يعني يوم اقرا عند الشيخ كنت افكر فيها وكنت اتحلم فيها باستمرار كنها تطاردني وكانت الخبيثه علاقتها مع زوجي اوك تبي تخرب علي تنتقم مني واكتشفت من فتره بسيطه انا زوجي كان يعرف وحده يحبها وكانت هي حلقه وصل وكانت صدمه لي مقهوره مدري ايش اسوي يمكن تقولين بنت اختك تبالغين لاوالله مبالغ في كلامي كنت اذا تحلمت في شي
يتحقق وقلت لزوجي يقطع علاقته فيها ذيك الفتره بس اشك انه مايكلمها بتقولون صغيره بس عليها عقل خبيثه
مقول الا حسبي الله عليها تكفون انا فرشت سجادتي وترجيت الرحمن ينصرني ويفرج همي وثم جيتكم تساعدوني
المشكله قلت لمي وخواتي بطلق رفضوا بس يوم قلت اسبابي وعلاقتي به شبه معدومه قال كيفك بس انا شاريته
كيف اخليه يرجع علي اخاف يبيعني مدري وش اسوي تكفون ردوا علي الله يرحكم دنيا واخره
وسامحوني على كلامي اذا مب مرتب لاتلومنوني
13-03-2011, 12:17 PM
ضوابط المشاركة
العرض المتطور