مساء الخير ..
استفيد من نصائحكم ..
صار بينى و بينه موقف سخيف و زعل و رجع لاسلوبه البايخ معى وهو التطنيش !
او الهجر او صد مدرى ايش اسميه بس ينررفزني هذا الاسلوب ويتعب نفسيتى جد ..
قبلها تكلم لما تناقشنا و يقول انتى فيك انانية واضحه !
كل شيء تطلبيه اسويه لك و احرص ارضيك و مازعلك و ان طلبتك انا
ماتسوي اللى اطلبه و ان سويته تسوينه بعد لكاعه !
قلت اناا ! يقول ايوا انتى .
ويقول عنيده و تستعبطي علي ! اغلب اسلوبك استعباط !
زعل هنا من كلام قاله ورديت عليه بسخريه ، دون قصد واعتذرت منه
قال اعرف انه طبع فيك مو قصد ..!
و طنشنى كم يوم مايرد علي و كاتب بالواتس " قدري اعشق كل قبيح وجهه حسن "
بالله مو كلام يزعل ؟! المفروض انا ازعل مو هو ..!
وسافر امس دبي عنده شغل اسبوع و كم يوم و قبل يسافر ارسلت له
لانه مايرد علي قلت بفقدك رد قال كم يوم وارجع قلت ترجع بالسلامه حبيبي قال يسلمك
وقفل جواله ..! اعرف انه زعلان وخاصه بعد كلامه لي ..
و شيء ثانى انا كنت جايبه للحفل مطرب و مكلمته ودافعه له عربون
و ابوي عرف من وحده و ررررفض ! و كلم ابراهيم انه مايحضرون الحفل ناس كذا
طبعا كل كلام الوالد ينفذه ابراهيم و قالى الغيه قلت انا ابغاه قال نجيب غير من هنا
قلت انا ابغاه هو وانت عارف كم دافعين له عربون راح يروح علينا ! قال ابوك بيطربقها
فوق روسنا ! قلت لا تخاف هو بيجى هنا بنفس يوم الفرح و مامن نفسه ..
وقال ماحد يقدر يوقفه بالفرح الا انا و بامر منى انا ..
سكت مارد ااخاف ااكد دحين الحجز ويقوم يزعل !! و بنفس الوقت ماخلانا نتفاهم عليه
وبعدين يقول ايواا عنيده !!

الغي حجز هالمطرب
واخبريه بذلك. فقط

__________________

كيف الغيه وهو مارد علي !
بخليه مثل ماهو ..

من إليّ مايرد. زوجك؟؟
أو المطرب

أتوقع قصدك زوجك. لكن لم افهم هل تنتظريه يرضى ويرد ثم تلغي الحجز
الغيه يا بنت الحلال. واذا كلمك سيرضى ويفرح بتصرفك
انا عارفة ان الخلاف أعمق من حجز والغاء
لكنها خطوة أولية لتهدئة الوضع. وبعدين كملو نقاش عن الطباع و نقطة تواصل هادئة بينكم

__________________

كيف تلغي المطرب؟

المطرب اهم من المعرس

المعرس هو اللي اختارها

بينما المطرب هي اللي اختارته

المعرس دفع لها مهر

بينما المطرب هي اللي دفعت له العربون

المعرس راح تقفل عليه بعد الزواج

بينما المطرب راح تقعد شهور والناس تتكلم عنه في زواجها

يعني مافي مجال للمقارنة

المطرب اهم

لان فليكا هي اللي اختارته وبالتالي الرفض سوف يؤثر على نفسيتها

ياجماعة الخير هذي ليلة العمر ولن تتكرر (نقول يارب) وبالتالي لازم تكون ليلة مميزة جداًجداً جداً

وخاصة انها ستكون في الثلث الاخير من الليل

__________________

اخوي لا تحكم علي وانت ماعندك تصور كااامل للموضوع و خاصة حفلة الزواج هذى
قلتها قبل لو علي انا ابغى زواج بسيط مختصر بفندق و معازيم محددين جداا < مابغى بعض الناس تحضر نهائيا مابغى حضورهم ..
لكن اهل ابراهيم رفضوا رفض قاااطع وانه كيف و هذا زواج و اهلنا و الناس ..!
كم حفلة صارت قبل الحفلة الكبيره هذى ؟! لو على اكتفي فيها !
بعد الحفله اللى ببيت الوالد صارت بعد حفلة بقاعه خاصه للخالات وبناتهم و المصورات < من اهله
ناس وهذا عرفهم و عادتهم و اضطريت اقبل !
حفلة الزواج هذى طبعا بتكون اكبر بكثير شاورونى فيها و انها تكون على ذوقي
قلت اللى يعجبكم اعملوه مو مهم قالوا لااا لازم ذوقك و لازم يكون ملكي ..
سلمتهم كثير امور الا المطرب طبعا عشان ماحد ينسى ليلتى 😊

الله يعينه عليك ....!

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

الله يرجعه لك بالسلامة

امين ، مشكور ...




مشكوره جزاك الله خيرا..

الغي المطرب ترى من جد عنيده و ياليته على شي حلال .
لا تجادلين في كل صغيرة وكبيرة راح يزهق وبعدها ما يلبي لك شي
ايش اللي زعله ممكن نعرف؟