السلام عليكم



ابي اعرض عليكم مشكلتي مع زوجي


انا وزوجي زي اي زوجين بيننا اختلاف في بعض الامور لكن يصير تنازل احيانا والاكثر من طرفي لانه فيه طبع العناد وانا احاول امشي الامور بالحسنى


فيه تناغم بيننا في المرح وكثير من الامور


اهتم فيه كثير وادلعه .. لكن بالمقابل للاسف هالامر صار تأثيره عكسي علي


لانه صار ما يبغاني اتركه ابداا ولا حتى عشان اروح لاهلي بالاجازات

الآن غيرت من معاملتي له عشان احاول اعوده انه يبعد عني

بصراحه صار كاتم انفاسي جداا بالبيت ما يطلع الا للدوام ونادر حتى يزور اهله او يطلع مع اصحابه


انا ما يرضى لي اختلط بالناس الا نادر .. اضطريت اقطع اغلب علاقاتي مع الاقارب وصديقاتي

بصراحه مليت من اسلوبه المتسلط هذا صحيح يقول انه يحبني بس هذا تعذيب مو حب

يغار علي غيره قاتله .. من كل شي .. حتى اخواني يتضايق اذا سلموا علي .. وفيه اقارب لي من الرضاعه اجبرني اتغطى عنهم

واقارب لي محارم لي يتضايق مره لما اقابلهم يقول يناظرونك بشهوه ...!!!


الآن حاصله بيننا مشكله كبيره لاني ابي اسافر لاهلي بالصيف وهو مو راضي ..

وانا ملييييييييييييت من حياته لدرجة انه الطلاق صار ما يفرق معاي


جاني اكتئاب قبل فتره من كثر ما هو محجر علي بحياتي ..

والآن حطيت شروط اذا يبغانا نستمر سوى

انه الاعياد والاجازات اقضيها عند الاهل لان دوامه صعب ولا يعطونه اجازه وانا مليت من الغربه خصوصا انه اهلي بمدينه بعيده


فعلا احس ان نهاية زواجي للاسف قربت

وهو عنيد ومو راضي يتنازل وانا صار لي اكتئاب من الحياة معاه


بالاخير عرضت عليه انه يتزوج وحده ثانيه عشان يعطيني حريتي واروح لاهلي على كيفي .. رفض وقال ما يبغى يتزوج غيري .

ارجوكم ابغ حل اكون انا المستفيده فيه او اتطلق احسن لي والله يعوض الجميع

__________________
سبحانك اللهم وبحمدك اشهد ان لا اله الا انت استغفرك واتوب اليك


لا اله الا انت سبحانك اني كنت من الظالمين

السلام عليكم ورحمة الله وبركاته

أختي جمانة البحر

أولا هدي أعصابك ومافي شي يستاهل

زوجك ماشاءالله مبين عليه أنه يحبك بس حبه من النوع الثقيل شوي

وأحمدي ربك ....... الأن عندنا في المنتدى في موضوع مطروح كيف تخلي زوجك يتعود على ريحتك

عشان ما يتركك

والزوجات بيسوو المستحيل على يتعود زوجها عليها وما يقدر يفارقها

أنا أقصد من كلامي هذا أنه زوجك فيه هذا الطبع صح ؟ يعني إنتي ماراح تقدري تغيري زوجك

لكن ممكن تهذبي هذاالطبع شوي ....

أختي أنظري للإيجابيات ...يعني قولي

الحمد لله أنا زوجي يحبي .......زوجي ما يرغب في وحدة غيري .....زوجي يغار علي ......زوجي

ما يقدر يفارقني ......

طيب والسلبيات ...........

أهلك ممكن تروحي لهم بس أكيد بحكم طبع زوجك راح تخف زياراتك لهم

صديقاتك وعلاقاتك راح تكون قليلة ومحدودة أيضا بحكم طبع زوجك

أختي لا تزعلي ولا تتضايقي الزوجة دائما تمشي على طبع زوجها

أعرف وحدة ساكنة في فيلا كبيرة مليئة بالغرف والصالونات وغرفالطعام ولا تستقبل أحد من صديقاتها

السبب ........زوجها لا يحب الضيوف

الخلاصة

حاولي معه بالحسنى

ووفقك الله لما يحبه ويرضاه

أختي الكريمة جمان ..


احمدي الله إن أنت بهذا الوضع بسبب حبه لك وليس للشك أو التسلط .

فالكثير من الزوجات يتمنون أن يكون أزواجهم هكذا . اقنعي نفسك بأن

هذا الوضع في حياتكم هو شيء ممتع وأنك لا تستطيعين التخلي عن

هذا . استعملي حبه لك في الحصول على الأشياء التي تسعدك ربما

يحتاج الأمر بعض الوقت لكن لن يمانع في هذا لكن بطريقة حب ودلع وليس

بالعناد والمشاجرة .

وأن تكوني أسيرة معه وهو يحبك خير من أن يطلق عليك مطلقة .

اشكركم اخواتي سمو اميره واميره سعوديه ع التجاوب السريع ..



كلامكم بالفعل منطقي لكن انا تعبت نفسيا ..

حاسه اني بمعتقل مو زواج ..

اتمنى حياتي الاولى قبل الزواج الحريه الصديقات الاهل ..

ليه ما يتوفر هذا كله بالاضافه الى الزوج ..

لكن للاسف زوجي تعبت من محاوله تغييره .. مو راضي يقتنع انه الامور يصير فيها توازن ..

الحين لما يجي لاي انسان اكتئاب ينصحونه بالتغيير ..


كيف تتحسن نفسيتي مع هذا الزوج ..فعلا كرهت الزواج هذا سجن حقيقي مو زواج

افكر اخلي اهلي يتدخلون بالموضوع لكن خايفه انه الوضع يزداد سوء ..


الله يعين ..

__________________
سبحانك اللهم وبحمدك اشهد ان لا اله الا انت استغفرك واتوب اليك


لا اله الا انت سبحانك اني كنت من الظالمين

اختي نصيحه من القلب
لا تتذمري من هذا الوضع
صدقيني انا مو متزوجه ورقراتمشاكل بالمنتدى عم عزوف الأزواج وجفافهم
اختي بالعكس الزواج احلى لو كان فيه حب وغيره
لا تزعلين مني لكن ادعو الله ان يرزقني زوج مثل زوجك
الله يديم لكي زوجك وتعوذي من الشيطان لأنه شاطر بالتفريق

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

شي غريب ..!!


انا اعرف انه شي حلو انه الزوج يتمسك بزوجته .. بس هذا بزياده


مو لهذي الدرجه .. صرت احس نفسي منقطعه عن الدنيا


صدقوني انا بمشكله حقيقيه ..


لما انقطع عن العالم كله وانحبس ببيت .. وتلغى تقريبا علاقاتي الاجتماعيه


فعلا الحياة تصير مو طبيعيه

حتى اهله دايم اقوله خلنا نروح لهم حرام عشان خاطر امه يقول بعدين ولا نروح

بيتوتي جدا .. ويبغاني جنبه هههههههه

من جد شر البلية ما يضحك

الله يعين

__________________
سبحانك اللهم وبحمدك اشهد ان لا اله الا انت استغفرك واتوب اليك


لا اله الا انت سبحانك اني كنت من الظالمين

أي شئ إذا زاد عن حده ينقلب ( ,,,, ) !!

وموضوعك بالنسبة لك ( مشكلة ) لكن لغيرك ( نعمة ) تحسدين عليها !!

لكن مثل مايقولون مايعرف النار اللاّ رجل واطيها !!

أنا طبعاً طبعي شخص ( ملول ) وبصراحة أستعجب من بعض الأزواج أو حتى الزوجات اللي يصيرون ( لزقة ) جونسون وأصلية بعد !!!!

صحيح أنتي بمشكلة لكن مها كــــــــــــان ماتوصل حتى بالتفكير إلى ( الطلاق ) !!!

(( إن أبغض الحلال عند الله الطلاق ))

لذلك أنا رديت عليك علشان أقول لك ، أنتي فعلاً بمشكلة ولكن لا تخلقي مشكلة أكبر وبمراااااحل وتندمين عليها العمر كلّه !!!

أبحثي عن الحلول فلكل مشكلة حل ...

وبرأيي أشغلي وقته ووقتك ...


بالنسبة لك وله على سبيل المثال :

* اشتركوا بمعاهد تدريب أو دورات إنجليزية أو كمبيوتر أي شئ .

* اشتركوا بنادي صحي رياضي.

* أعزمي زميلاتك دائماً ، راح ينحرج ويطلع من البيت وبكذا بيرجع لزيارات ربعه وأصحابه .

يعني هذي بعض الأشياء اللي خطرت ببالي ...

تحياتي لك

ايه والله ما يحس بالنار الا رجل واطيها

بصراحه ردك اعجبني .. لانه منطقي


لكن للاسف هو يتذمر لما اعزم احد يقول وين اروح ..!!!

وبطريقته هذي صرت ما اعزم احد ابد مراعاة لشعوره .. لكن انا تحطمت


وبالنسبه لمعاهد وغيره معترض انه اشترك لانه مو فاضي يوديني


حاولت اقنعه يكمل ماجستير عشان ينشغل وقلت له مبلغ اول ترم لدراسته هديه مني ..لكن رفض يقول ماله نفس يكمل مع انه ذكي جدا ما شاء الله بالدراسه وبمجال عمله ..


بصراحه انا شبابي يمر وانا محبوسه معاه <<<<<<<< للاسف هذا اللي احس فيه

لاني مليييييييييت ابغى تغيير بحياتي واهلي <<< اشتقت لههم مرررررره

__________________
سبحانك اللهم وبحمدك اشهد ان لا اله الا انت استغفرك واتوب اليك


لا اله الا انت سبحانك اني كنت من الظالمين

انا اقول مدام انه يحبك لهالدرجة ( ماشاء الله تبارك الله ) فإنت ان شاء الله تقدرين تقنعينه بالدلع زي ما اقنعتيه بنفسك بالدلع

ولكن زي ما تفضلوا الأخوان انه الشيء إذا زاد عن حده قلب ضده فهو اكيد غلطان بس تراه يتصرف من قلبه مو من عقلة وبالتالي قرار الموافقة لازم يطلع من قلبه

مثلا قوليله
يا حبيبي ( من قلب ) إذا انت شديت علي كذا ترى حبي لك راح يقل لاني بمل وانا ما ابي امل منك عشان كذا فك عن هالطير الحلو شوي ( سوري مو قصدي ) وخليه يتنفس الهوى ويرجعلك طيران.
( طولي بالك في البداية تراه بيرفض بس كثر الدق يفك اللحام ) ولا تستخدمين العقل معاه لانه ماراح يجب نتيجه

كل هذا بهدوء وغنج ودلع
خليه يحس انه من صالحة انه يخليك تروحين وانك تفكرين بالطرفين مو بنفسك وبس.

اللهم يسر ولا تعسر

تمنياتي لك بالتوفيق

الأخت الكريمة ..

أولا ً استعيذي من الشيطان ..

فالحب الذي بينكما نعمة يفقدها كثير من الأزواج ..

وانظري دائماً إلى الجانب الممتليء من الكأس ..

( أولاً )

زوجك محتاج إلى شخص آخر ( غيرك ) يكلمه ويوضح له:

بأن الجلوس في البيت 24 ساعة ليس له أدنى فائدة سوى الكسل ..

بأن لك الحق في زيارة أقاربك وأهلك حتى تتجددي وتستعيدي نشاطك ..

العلاقات مع الأقارب والأصدقاء وزملاء العمل ضرورية للرجل ..

** احمدي الله زوجك يجد الراحة في منزله ولا يجدها في الخارج ..

( ثانياً )

المطلوب منّك حث زوجك على الاتصال ( بداية ) على أقاربه أو أصدقاءه أو زملاءه

ومن ثم زيارتهم تدريجياً شيئاً فشيئاً ..

حثه على الاختلاط مع الجيران ..

ومن الضروري ألا يشعر من ذلك بأنّك تريدين الخلاص من بقاءه في المنزل ..

بل على العكس تماماً اجعليه يشعر بأنك تريدين منه أن يكون زوجاً اجتماعياً..

يحظى بعلاقات طيبة مع أقاربه وأصدقاءه وجيرانه ..

__________________

(( سترى حروفي تسير في عقلك !! ))