بختصار انا حامل وولادتي بعد شهرين ، وزوجي يقولي كالعادة يعني مو شيء جديد انه مسافر قبل ولادتي وراح يرجع بعد اربعه شهور ، بوالدتي الاولى ماكان معايا وابوي اللي وداني المستشفى ولدت بالصباح وجاني بالليل
وكنت قبلها عند اهلي من الشهر الثامن هو اللي نزلني وقال خليك عند اهلك ووش اسوي فيك اولدك انا ؟؟
بحملي الثاني حددوا ان ولادتي بالإجازة وقالي انا بسافر شهرين للدعوه وبكيت قلت خليك معايا لاتروح وقَعَدت أترجاه شهرين بالدموع والبكا بالزعل و الصد ، وبدون فايده قال منتي اول وآخر وحده تولد وايش اسوي لما أكون معاكِ اولدك ولا كيف ؟ وانتي ولاداتك ماتجي الا بالإجازة واذا جلست معاك بشوفك يوم والباقي بتكونين عند اهلك وش بسوي فيه بيضيع وقتي ع الفاضي لازم نقدم امر الله ع كل شيء ومن ذا الكلام قلت له انا ما ابغى اروح عند اهلي بقعد هنا في البيت قال انا ما اعرف اهتم فيك و كل كلامي معاه ماجاب معه نتيجه ، ومره امه اتصلت عليه وكان يكملها عني وقال بزعل ان هذي ولاداتها ماتجي الا بالإجازة ومن كلمته ذي كرهت الحمل وقلت الله يقلعني اذا اني جبت من ذا اولاد ، ذا مايصلح أب ....
الخلاصة ولدت بدون مايكون جنبي اشوف الازواج متلهفين وخايفين ع زوجاتهم وجايبين لهم ورد وهدايا الا انا أولد لحالي وارجع لحالي لبيت اهلي ولما رجع بعد اسبوعين من ولادتي ماكلف ع حاله يجيب لي شيء نفس ولادتي الاولى ، ورغم اني نبهته بعد ولادتي الاولى وجاب له عذر فاضي وقال بولادتك الثانيه بتشوفين كيف ونفس الشيء تكرر بولادتي الثانيه
وحطو ع كلمة كان الف خط بس انه فكر وقال بخليها تختار هديتها بنفسها وعشان تشتري الشيء اللي تحبه قلت له انت مو قلت لي اول ماجيت من السفر انك جبت الهديه بس في البيت واللحين جايب لي كلام جديد ؟؟؟ قام يلف ويدور في الكلام قلت له خلاص بكم حتكون حدود الهديه قال بدون حدود لك اللي تبينه قلت له ابغى لاب ماك بوك قال طيب وقال بعد ثلاثه شهور بشتريه لك لانه غالي مرت الثلاثه شهور زي الحلاااااوه وماشفت شيء ههه 😂😂 واللحين عمر الصغير سنتين والهديه مدري وينها ☺💤 ، طبعا من بعدها كرهت الحمل وقلت توبه اجيب من ذا أطفال
وقت الولاده ما أشوفه و بعد الولاده م ألقى من يمسك بيدي ويخفف علي حتى الهديه مستكثرها علي رغم اني قلت له من اول والله لو هديه بخمسه ريال انها تفرحني وتسعدني 😀
وهذا انا حملت بالغلط وأول مادريت اني حامل اكتئبت وكرهت الجنين وتمنيت اني أجهض لكن إرادة الله فوق كل شيء وطبعا ولادتي بالإجازة بنفس الشهر اللي ولدت طفلي الثاني فيه وقال انا بسافر اربعه شهور وذي فرصه ماتعوض انا اول ماقال لي كذا قلت له مو غريبة اصلا ماهمك غير نفسك وبس روح الله لا يوفقك ، قال عشان الدين لازم نضحي والصحابه فعلوا وفعلوا وتركوا أهاليهم من اجل للدعوه قلت له انت فاهم الدين غلط وطال الكلام بيننا وطبعا ذي المره ماكثرت معاه كلام لاني فاقده الأمل فيه ، وقلت له اهم شيء دبر لي فلوس الولادة بمستشفى خاص قال طيب وقبل شهرين قلت له خليك معايا أبغاك تكون جنبي لما ولد قال طيب انا ماراح اسافر بس ماني دافع ريال واحد وتولدين بالمستشفى الحكومي اللي جنبنا (قال كذا لانه شافني خايفه من الولاده ولان لي تجربتين مريرة بذي المستشفى) وخيرني بين الاثنين وهو عارف وقلت له اصلا قبل ما احمل اني مرهر ثانيه ابغى أولد بمستوصف خاص وقال طيب وابشري وقلت أبغاك توقف معايا مو زي دايم تروح وتخليني وقال طيب واللحين جاي يستلعن عندي واصلا هو مخطط مع أصحابه يعني انا ماحطني في باله ، برأيكم هذا يصلح زوج وأب ؟

(تم تعديل العنوان ليتناسب مع المضمون)

كان الله في عونك ممكن يكلمه احد من عائلته. له تاثير عليه

خلي والدك يكلمه انهم غير مسؤلين عنك وعن اولادك وانه مو كل مره يرميك وأولادك ويطاردوا هم معاك في المستشفيات
يقوله اجلس لما تولد وتطمئن عليها وعلى عيالها بعدين سافر لدعوتك وأهل بيتك أولى ....

ابويه مات 🙂

سبحان الله كثير من الرجال سار ماحد يعتمد عليهم ،، وماخذين الزواج شي لا بد منه اما مسؤولية فلا يوجد
كيف زوجك معاك في الأمور الأخرى ؟
بمعنى هل قايم بأمور البيت ومقاضي الثلاجة بشكل جيد ؟
كيف تعامله معاك من ناحية العاطفة واهتمامه فيك بشكل عام ؟ كم تعطينه من عشرة ؟

كم عمرك وعمر زوجك وكم لكم متزوجين ؟

من ناحية مقاضي البيت مايقصر ، اما العاطفه والاهتمام منه يكاد ينعدم
أحب فيه انه يضمني ويقبلني كل يوم اما كلام الحب ما اسمعه منه كثييير زي اول ، مايتكلم معايا كثيير مايجيب هدايا ، مايمشيني ، مايساعدني في البيت ... أعطيه 5 مِن 10

عمري 21 وعمره 30
لنا تقريبا 6 سنوات وعليها

وين يسافر هو؟؟سفرته عشان الدعوة. و الإ هو جاب مثال عن ان الصحابة يفارقون ازواجهم فترة!
و ماهي إيجابياته ؟

__________________

سافر دول كثيره منها اندونيسيا وإفريقيا الخ و دول الخليج قطر والكويت الخ ودوّل الشام
طبعا الدول العربيه مايطول فيها بالكثييير اسبوعين ويرجع

هو شي جارح ان الزوجة تولد وزوجها ولا همه
واؤيدك بانه شعور مؤلم جدا...
واقولك مجربه شعورك مع زوجي في ولادتي الثالثه ومثلك كرهت الحمل والولادة

زوجي فيه كمية انانية درجة اولى ..اهم شي عنده نفسه وراحته
على الاقل زوجك فيه شي يشفع له انه مسافر للدعوة و لهدف اخروي ..

حاولي قدر المستطاع ان هالشي مايكدر عليك ايامك ويضيق صدرك
خلاص اللي عليك سويتيه( عتاب ..بكاء ..حوار ..نقاش .. الخ)

انت حاولي تستمعين بنفسك لاتنتظرين منه شي
يكفي نعمة ان اهلك بيلتفون حواليك وقت ولادتك وبيقومون فيك
وهذي نعمه بحد ذاتها ..
فعلا الاهل عزوة وسند ونعمه تستحق الشكر ..


قومي وانفضي الهم وعيشي حياتك مبسوطه واستمتعي بفترة الحمل وتجهزي لك ولطفلك واستمتعي بالتجهيز وزوجك خليه على جنب

اصلا انا بحملي ذا يوم جاء قال لي بسافر والله مابكيت ولا شيء وماقلت له لا تسافر غير 3 مرات بس وبعدها سكت عنه قلت اهم شيء اعطينا مصروف و افتح لنا حساب بالبقاله و أعطني فلوس للمستشفى ...

لان خلاص كسر قلبي مرتين مو مره ، والمره هذي حسيت ببرود تجاهه
بس لما اتذكر الحريم اللي والدات وسررهم جنبي وأزواجهم جنبهم وجايبين لهم هدايا وورد احقد عليه واكتئب ، والمشكلة تخيلي بعد ذا كله يجي يقولي ابغى 10 أطفال ☺

و صراحه صرت أفكر اربط عنق الرحم وارتاح لان اللي عندي مايصلح أب ولا حتى زوج 🙂

وربي يسعدك ياقلبي ❤