بسم الله الرحمان الرحيم

اخواني اخواتي بها المنتدى الرائع .......ضاقت بي الدنيا ولم اجد غيركم بعد الله سبحانه .

ترددت كثيرا قبل كتابة الموضوع لكن حاسة اني بمووت من الفهر

اقولكم مشكلتي ويا رب الاقي منكم الراي الصواب الي يكون السبب في حل ها المشكلة

انا متزوجة صارلي 3 اشهر.... احب زوجي جدا لكن من شهر تقريبا اكتشفت ان زوجي يحشش ..... والله انصدمت فيه ولحد الحين مو قادرة اصدق.
كان لما يطلع برا ويرجع للبيت عيونه تكون حمرا ... كنت استغرب لكن ما حطيت فبالي شي .... ومرة وانا بعلق له الجاكت طاحت منها قطعة صغيرة من مادة ما عرفها حاولت اشمها ما عرفت
شبتكون ... دخلني الشك لكن كنت اقول لا مو معقولة .... ومن يومها وانا صرت ادور باغراضه........لحد ما يا اليوم المشؤوم كان الجاكت معلق ودخلت ايدي بجيبه ولقيت المصيبة - قطعة بنية كبيرة ملفوفة بورق المنيوم ......والله الدنيا دارت فيني وصرت اضرب في خدودي من هول ما لقيت ,وقتها تاكدت مليون بالمية انه بيحشش

رحت اجري على الانترنت وبحثت عن ها السم ولقيته يعمل بلاوي... وبديت ابكي حظي على ريالي الي مدمن وانا ما ادري
ومرة من المرات لقيت قطعة بجيبه قمت اخذتها وقلت اشوف اش بسوي ....ما سوى شي لانه ما راح بجي يواجهني ...من وقتها ما عاد يحط بجيبه شي عرفت انو لازم يخبيهم بمكان ثاني وصرت اقلب البيت كنت بدور وادعي ربي اني ما لاقي شي .... ليين لقيته مخبيهم فوق الخزانة ........

قعدت ابكي لين عيوني تورمت .
من وقتها طاح من عيني وما عدت احبه مثل لول ... ساعات ادعي عليه --بين نفسي--وساعات ادعيله بالهداية ..........
حاولت اني اواجهه واقله بس ما قدرت ما ريده يحس اني عرفت عشان ما يحس بنقص او ايحس انه طاح من عيني --مع انو جذي للاسف-- ولاني خايفة يقولي ايه بحشش و ما راح ابطله


والله ما دري شسوي هل اواجهه ايش بقله والله راسي يعورني من كثر التفكير بالموضوع
ارجوكم خواتي اخواني شورو علي اش اسوي شلون بتصرف

الله يجزاكم خير والله انا عايشة بغربة لا ينبي قريب ولا صاحب يساعدني

تم تعديل العنوان ليتضح المضمون ..

[info]الاشراف: ينقل إلى مكانه المناسب (عالم المتزوجين) [/info]

__________________

اختي ...السكوت مو حل

لازم تتكلمين معاه في هذا الموضوع وبحزم

خاصة انكم في بداية حياتك قبل ما يكون بينكم اطفال وبعدين تتورطين

واذا انت حاولتي معه وما فاد ...لازم تخبرين احد من اهلك

هذا حشيش وادمان بكرة يتطور الامر الى اكثر من الحشيش

الله يعينك

والله عارفة انو ما لازم ينسكت عنه
بس الله يستر

مشكورين على ردكم خواتي

__________________
اللهم اني اشكوا اليك ضعف قوتي , وقلة حيلتي , وهواني على الناس

اي تأخير في مواجهة المشكلة يؤدي الى تعقيدها لازم التدخل المبكر عن طريق صديق او قريب له خلوق ملتزم من دون ما يعرف هو بالسالفة هذا اذا لم تستطيعي مواجهته بالأمر

الله يعينج اختى لكن لابد من المباشرة بالكلام والتفاهم الجدي في هالمشكلة لانها خطرة علي حياتكم وانتوا توكم في بداية المشوار ادري صعب عليج لكن عشان تنقدين حياتكم الزوجية وحياته الصحية لازم تاخدين موقف

الله يهديه يارب

لاحول ولا قوة الا بالله الله يهديه ويصلحه

نصيحه لك من انسان معاشر حشاشين لاتحولين توصلين مع زوجك لباب مسدود لازم تحاولين معاه بالطيب والكلام الحلو والصبر الصبر وماتعلمين احد يمكن له اسنين يحشش وتبغينو بسرعه يسيبه يمكن يقولك حاضر ويخبيه عنك ويحط قطره وتحسبينو سابه الحشيش ماينترك الا بقناعه وصبر وخليه يحبك ويتعلق فيزياده وزياده تراء هو ماحشش الامن فراغ عاطفي والاصحبة سؤء كل شي ينترك في هده الدنيا ادا كان هناك صبر وعزيمه والحشيش تركه اسهل من الدخان لان غالي وصعوبه في الوصول اليه وسمعيه اشرطه دينيه ليوسف الصالح ود خالد الجبير وشويه شويه يتركه واهم حاجه الدعاء له وانصك بان لاتانبيه كتير عشان مايتحطم

والله كلامك ريحني شوي وحسيت ان هذا اللي لازم اسويه

الله يجزاك الجنة اخوي

__________________
اللهم اني اشكوا اليك ضعف قوتي , وقلة حيلتي , وهواني على الناس