السلام عليكم .

زوجي رافض يوديني لأهلي هذا الاسبوع واللي بعده يقول بعد العيد اوديك


بحجة زحمة الدائري وماله خلقه . كل اسبوع اشيل هم من الدائري وزحمته


وتغير مزاج زوجي منه وش اسوي اسكت . يوم بان على الزعل زعل هو مدري من اللي


يزعل اصير طبيعيه وماكأن شيء صار ولا ازعل شوي .

مع العلم أن زوجي عنده اكتئاب لأسباب في الماضي ويجيه من اي سبب بسيط

قبل كم يوم كان مكتئب وما صدقت رجع طبيعي وأنا احاول ما ازعله عشان ما يجيه الاكتئاب .

عفواً تم تعديل العنوان ليتضح المضمون
الاشراف

اقتباس:

المشاركة الأصلية كتبت بواسطة زوجة الغااالي السلام عليكم . زوجي رافض يوديني لأهلي هذا الاسبوع واللي بعده يقول بعد العيد اوديك بحجة زحمة الدائري وماله خلقه . كل اسبوع اشيل هم من الدائري وزحمته وتغير مزاج زوجي منه وش اسوي اسكت . يوم بان على الزعل زعل هو مدري من اللي يزعل اصير طبيعيه وماكأن شيء صار ولا ازعل شوي . مع العلم أن زوجي عنده اكتئاب لأسباب في الماضي ويجيه من اي سبب بسيط قبل كم يوم كان مكتئب وما صدقت رجع طبيعي وأنا احاول ما ازعله عشان ما يجيه الاكتئاب .

وعليكم السلام ورحمة الله

،، ،،


الحمد لله

على كـلامـك اختي ان اهـلك بنفس المدينـة اللي أنت ساكنه فيها ...

والله حسبـت أنت وزوجـك في منطـقـة وأهـلك فـي منـطـقة بعيـدة


فـلا تضغـطـي على زوجـك، و إذا وافـق على ذهـابك لزيارة أهـلك فاطلبي من احد اخوانك
أنه من يجـيـك ويـأخـذك ...

وعموما لا تضغـطي على زوجـك وتزيـدي عليه أكثر مما يـعـاني، وتـرى فيه ألف حـل وحـل...

والله يشفيـه




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

فعلا اختي زي ماقال الاخ عزوبي خلي يوديك احد من اخوانك وداريه واحتسبي وسوف تجديه عند الله

إذا خليت واحد من اخواني يوديني ويجيبني

بيتعود وصعبه اخواني كل مرة يودوني ويجيبوني .

فهمي زوجك بأن اخوانك سيقومون بهذا المشوار نيابة عنه في رمضان فقط (مؤقتا بسبب زحمة الشوارع في رمضان ) وبعد رمضان يقوم هو بهذا المشوار كالمعتاد .

ياختي هونيها وتهون ودامه رافض قولي له لبيه وسم اللي تبي مايصير تضغطي عليه صادق الايام هذي الواحد مايحب يطلع من البيت بسبب الزحمه وراعي نفسيته ترى ماصار شي خليهم يفقدونك شوي وسةي نفسك متغليه عليهم عشان تعرفين غلاتك عندهم اذا مره فاقدينك بيرسلوا لك احد اخوانك معليش حبيبتي انت في عصمة زوجك صدقيني اختي بيتها جنب جدار بيت اهلي واذا قال لها زوجها لاتروحين ماتروح ياختي زوجته وبكيفه الله يشفيه ويتم عليه ويصلح بالك ويهدي سرك معه وتقبلي مروري

عليكم السلام ورحمة الله وبركاته

مو ضروري يوديك بنفس الطريق يغيره فيه أسهل وأقل زحمة أو اقنعيه تطلعين بعد الفطور بدري الشوارع

والدائري بكبره فاضي ..

اقنعيه
انتي وشطارتج

__________________

معليش يا الاخت زوجة الغالي

انا مع زوجك والله ما تعرفوا كيف الواحد يسوق السيارة بالذات في زحمة رمضان

وإن شاء الله خير لكم وبعدين يعني الطلة على الأهل تكون أحلى في العيد إن شاء الله

أختي أنتي تقولين إن زوجك فيه اكتئاب وتقولين ماأبغى هالمرض يرجع له وأنتي ترجعين له الإكتئاب وأنتي ما تدرين

إذا سوى شي مجبر عليه أو ماله خاطر يسويه وسواه مجامله بيرجع له الإكتئاب وهذا مو من عندي شي عايشته مع أحد قريباتي

والسالفه ومافيها إن والدة الفتاة أخذت موعد للفتاة بمستشفى معين والفتاة كانت تقول لوالدتها لالالا مابي أروح له يعني مو مقتنعه بالفكره

طبعا والدتها ما سمعت كلام بنتها وأخذت موعد وقبل الموعد بثلاث ساعات الفتاة أصبحت طريحة الفراش وقفلت عليها باب غرفتها وأهلها وأخوانها ينادونها ولا ترد ولا فتحت لهم إلا لما جاء موعدها في المستشفى وكانت في حاله يرثى لها

علما أنها تأكل حبوب للإكتئاب وبدأت حالتها تتحسن ولكن بسبب عدم خبرة الأم في هذا المرض رجعت بنتها أشد مما كانت عليه بسبب اجبار والدتها على شي لم تقتنع فيه

أسأل الله أن يشفيها وجميع مرضى المسلمين

الغرض من سردي للقصه حبيت أوصل لك رساله وهي إنك ما تبغين زوجك يجيه الإكتئاب وأنتي تسببين له هالشي وأنتي ما تدرين

زوجك يتعقد ويتنرفز من الزحمه ومعه عذره

الزحمه تقلب نفسية الواحد لو كان صحيح معافى فكيف بمن هو مريض !!

أسأل الله أن يشفي زوجك ويشفي جميع مرضى المسلمين

__________________
إن بعض القول فن ، فاجعل الاصغاء فناً ..
>> المعرف لرجل <<