السلام عليكم و رحمة الله

ما اعرف كيف أبدأ بس انا جيتكم هنا علشان تنصحوني و تحلون لي مشكلتي و إن شاء الله أستفيد منكم

مشكلتي إني أنا متزوجة من رجل طيب و حنون و يحبني و أحبه الحمدلله و قبل ما تقولون إنه عصبي إذا قلت لكم القصة لا أبدا زوجي مو عصبي و هو دايما يقول أنا ما اعصب إلا مرتين في السنة و لا أذكر شفته معصب او غضبان لكن عندي أخ صغير مراهق في المتوسطة تقدرو تقولو ما عنده مسؤولية و دلوع و أبوي ما يرد له طلب
أخوي متعود كل شي يوصل له و يسب و يشتم بدون إحترام يسبنا حنا يالاخوات الكبار و يقل أدبه على أبوي و أمي لكن هو آخر العنقود و دلوعهم اللي ما يزعلونه أبد

زوجي دايم يشتكي من أخوي و يقول إنه لا يمكن يطلع رجال و إن أهلك دلعوه و إنتي ربوكي نعم التربية و يلمح إن أهلي دلعوا أخوي محمد بعد ما تيسرت حالنا و صار يصرف آلاف الريالات في الشهر على ألعابه و على البلايستيشن و كل شهر بجوال جديد أما انا و أخواتي تربينا وقت الشدة على كلامه
و أحيانا ينتقد أخوي إن ما عنده أصدقاء حقيقيين و طول يومه يلعب


المهم اللي صار إن في يوم زوجي كان يتعشى عند أهلي و محمد شتمني و رفع صوته علي قام زوجي قال محمد يا شيخ الرجال المقدار لعمي صوتك لا ترفعه على أختك و أبوي وجهه تغير وقتها و أول يوم برمضان جاء زوجي يأخذني من بيت أهلي لقاني أشيل أغراض مع الشغاله و محمد جالس و انا ما شفت زوجي قلت يا محمد هذا ثقيل ساعدني شتمني و ----شاف الموقف زوجي قام ضرب أخوي كف و صار يشوته برجله حتى إنكسر سن أخوي الضعيف و إنصرع بالأرض انا خفت و ما تكلمت بس بالبيت زعلت عليه و المشكلة الأكبر إن ابوي درى و زعلان من زوجي و من يومين زوجي يتصل يعتذر منه و أبوي ما يرد عليه و أنا بعد زعلانه عليه حزني منظر أخوي يبكي
الضرب كان مبرح

الله يسعدكم إنصحوني



تم تعديل العنوان ليتناسب مع المضمون

بيض الله وجه زوجك نعم الرجل و نعم الزوج

ماشاء الله تبارك عليه الله يخليه لكي

موقف صعب الصراحة لكن اخوك زودها انت متزوجة الان كيف يعاملك بهذه الطريقة وربما مستقبلا قدام اولادك . لم احبذ اسلوب الضرب خاصة داخل بيتكم والظاهر ان زوجك كان شايل عليه وانفجرمرة وحدة
دورك الان في اصلاح الامور اولا بالتحدث مع ابيك
ومستقبلا اختي لا تطيحي الميانة مع من هم اصغر سنا ولو كانو اخوانك ان كانو لا يعرفون حدودهم

مهما قال لك اخوك وسبك وشتمك
وتدلع وتدلل زوجك ماله شغل
زوجك تطاول ع نسيبه وخال عياله وعيب كبير في حق العائله كلها الي صار
ترى كسر سنه
هذي فيها حقوق
والمصيبه شوته وكف يعني حقوق
وربي عيب عيب
ماله شغل فيه ماهو ولده ولا اخوه زوجك للاسف مايعرف السلوم صح

مع هذا الراي

عاد تبين الصدق ماينلام. زوجك
وزعله وكلامه على اخوك من حبه لكم ومن حبه وخوفه على اخوك
لو مايهمه كلن قال ايش عليا منهم يصطفلو
لكنه شايف غلط التربيه..

ماله داعي تزعلي فوق زوجك
لانه اصلا اخوك غلطان
زوجك غلط بتدخله بينك وبين اخوك
بس بالنهايه غلطه من قهره عليك
وشكله كلن كااااتم وبالع الكثير وانفجر مره

الحين يكفي زوجك زعل ابوك واهلك منه لا تصيري انتي وهم عليه
خاصه انه المشكله كلها لانه زعل عليك

حاولي تهدي الامور بينهم خلي الموضوع يهدا شوي كم يوم
وحاولي تكلمي امك تكلم ابوك تتوسط
ويروح زوجك لعند ابوك وياخذ له هديه ويستسمحه

اما اخوكً الله يهديه ضروري اهلك يربونه والا
تشوفون منه الويل لما يكبر

بالعاده الوحده تقول اخواني وعزوتي
لكن اعتقد بموقفك العكس زوجك عزوتك
الله يخليكم لبعض

__________________
سبحانك لا اله الا انت اني كنت من الظالمين

مع هذا الراي

منذ حوالي تسع أو عشر سنوات كنا في زيارة جارتنا.

جارتنا عندها ولد .. كان عمره آنذاك حوالي ثلاث سنوات .. وهو آخر العنقود .. أنجبته بعد فترة طويلة من آخر إنجاب لها .. فكان بالفعل هو الدلوع اللي ما ترضى عليه.

يومها كتا جالسين في المجلس .. وجارتنا راحت تجهز الضيافة .. وفجأة دخل علينا ولدها .. ما أذكر شو قال بالضبط لكن وحدة من خوات زوجي قامت تكلمه وتلاعبه .. جان يقول لها: جب!!!

فما كان مني إلا أن نظرت له بحدة وقلت له: عيب .. يالله اطلع برا .. ويا ويلك إن رجعت.



الولد هذا صديق ابني الآن .. ويتزاوران باستمرار.
.
.
.
ومنذ بضعة أيام وصلني مقطع لبرنامج يُعرض حالياً .. يشبه الكاميرا الخفية .. كان الممثلون يؤدون مشهداً لابن يتطاول على والده أمام الناس لمعرفة ردود أفعالهم .. أحدهم سكت وسكت ثم انفجر وقام بضرب الشخص الذي كان يؤدي دور الابن مستنكراً: أنت كيف تكلم أبوك جذي؟!!!!


لذلك فأنا في الحقيقة متفهمة موقف زوجكِ.


ربما ليس لنا حق على البعض .. لكن قلة الأدب لما تتجاوز الحد فلا نملك إلا أن نتخذ موقفاً .. بغض النظر عن العلاقة التي تربطنا بمن يُساء إليهم.

__________________


اللهم طِيبَ الأثر .. وحُسْنَ الرحيل.

اخوش نرفزني فكيف زوجش في كل مره يشوفه يتعامل معاش ومع امه وابوه بقلة ادب

حاولي تنصحين والديك يغيرون طريقة تعاملهم معاه لصالحه ولصالحكم


اخوش مشروع ابن عاق و14 سنه ما اعتقد انه طفل

__________________
وهل من مصير اخر ؟

شلونك مهرة
الشهر عليك مبارك و هذى لك

جارتكم هذى عرفتك عن تصرفك ؟!! اتوقع لو عرفت ماضيفتكم

مالنا حق بتربية عيال الناس يامهرة و تحطيم نفسياتهم وخاصة الاطفال

ونسوى اننا بنعدل سلوكهم و نربيهم لاهلهم لان ماعجبنا تربية اهلهم لهم. ..

بالله عليك يامهرة ترضين يجى واحد شحط و رجال كبير يضرب سلطان وهو صغير بالمتوسط
ضرب مبرح و فيه اهانه له كطفل و كذكر ... يشوته و يكسر اسنانه و يغيبه عن وعيه بحجة يربيه !!!

لا تقولين ايه لان هذى اهانه لك و لابوه و سب فيك قبل اهانة لابنك ...
عمرها ماكانت تربية هذى ...

كنت بعزمك بس خلاص هونت خفت منك