السلام عليكم
رجعت بيتي بعد شهرين غياب
بس مارجعت مباشرة
اخذني زوجي من بيت اهلي للمطار
رحنا دبي 3 ايام
بعدها رجعنا البيت
طول الرحله كنا رسميين مع بعض
حاولت ابادر واكسر الحاجز
هو ماتقبل.. فرجعت رسميه
وبمره قربت منه قبل النوم
عطاني ظهره وقال تعبان
وانا بكيت شوي ونمت بعدها
وهو يقول: خلك طبيعيه (قصده اثقلي)
المهم
رجعنا البيت
عطاني قلاده الماس ببرود
كان تاركها فوق التسريحة
قال تفضلي
شكرته
هو متغير معي كثير
سألته عن السبب وحملني المسؤوليه
تجادلنا وشدينا مع بعض
وضمن كلامي قلت اني صرت اشك فيه
وتكلمت بتصرفاته المريبه
اخذ المصحف يحلف انه مخلص لي
سألته ليه رامي الدبله؟ قال مثل مارميتيها زمان!
قلت ممكن ترجعني بيت اهلي؟!
وشد معي لدرجة انه بكى وقال احبك
هدينا شوي
جاء العيد وعيدنا
بس انا داخلي مكسوووور
ببساطه زوجي رجع لنظامه
سهر مع اصحابه (امس يوم العيد)
مالمسني من رجعت
ولا فكر يقول كلمه حلوه
عايشين مع بعض كأننا اخوان
صحيح يتعامل بطيبه
وصار يتعمد يترك جوالاته مفتوحه
ومن يومين عطاني جواله
وقال اذا كلم اللي يمسح السياره قولي له يجي س4

احس يحاول يخليني اثق فيه
بس انا ناري مابردت
ومتضايقه من دائره الروتين والمسؤوليات
ولاني مو عايشه كزوجه بصراحة
المهم
قلت له اليوم الصبح ايش رايك نطلع اجازه
بدون الاطفال ونجدد شهر العسل
ناظرني بطرف عين وقال خلصت الصيفيه!
قلت عادي نسافر نص الترم
قال اصلا انتي ضيعتي هالشهرين علينا!
انقلب مزاجي
وقلت له انت شكلك تتلكك
بدليل ماجيت تاخذنا الا مع نهايه الاجازه
قال سفر مافيه وانتهينا
قمت وتركته
بعد ساعه طبخت الغداء
هو ما اكل يقول الرز نيء
قلت له لي شهرين مدلله ماكنت اطبخ
قال خلاص ارجعي لاهلك تدللي!
قلت ياليت!
وقمت الم اغراضي
جاء يقول لي عيب خلاص
قلت طلقني دام رجعتي احسن
قال انتي منقهره لاني قلت مافي سفر
قلت ايه المفروض تخيرني بدول اوربا
قال لو ذكيه عرفتي ان دبي تصبيره
واني ناوي اسفرك اذا ركدنا شوي
قلت: كان قلت هالكلمتين قبل!
قال: انتي اصلا راجعه لي تبيني اسفرك
قلت: دام هذا تفكيرك ردني لاهلي
قال الله يهديك وطلع

اكثر شي قاهرني
جملته: شايفه نفسك على ايش!
قلت لو مو عاجبتك طلقني
قال: الله اكبر يا المنيكان! احمدي ربك بس!
قهررني وانفعلت
بعدها جاء يعتذر!!
طيب لي تحسسني اني مو ماليه عينك
ليه تحسسني اني شينه بعيونك
هالشعور قاتل جدا


انا تعبانه.. مو مرتاحه
لا معه ولا بدونه
ما ادري كيف افسر لكم مشاعري
بس بداخلي شي كبييييير انكسررر
الشهرين اللي مضوا كانوا صعبين علي
تعبت وتألمت فيهم كثييييير
وكل من شافني بالعيد قال: نحفاااانه
وجهي شاحب ونفسيتي متوتره
وهو موسع صدره وعايش حياته
وانا اكل بنفسي
تعبانه كثير
اخر شي اخذ الاطفال
وطلع معهم السوبرماركت
وانا جلست لحالي بالغرفه
مو طايقه نفسي

الله يعينك

دام العلاقة الحميميه مارجعت بينكم طبيعي
بيظل الوضع كذا وأسوأ ايضا
ليش مايقربك
وليش ماتسألينه ليش ماتقربني كزوجه
مشكلتكم هنا اثنينكم لا سفر ولا معامله ولاهدايا تغني عن هالشي ابد بين اي زوجين طبيعيين !
وطبيعي حالتك جدا
اخوانك مالين بيت اهلك الله يحفظهم
ماتزوجت تبين اخ
تتزوج الوحده تبي زوج يعفها ويشاركها مشاعر الحب والموده والرحمه
لازم تجلسين معه بهدوء والأطفال نايمين وبدون تشنج وتسألينه ليش ماتقربين ؟؟؟؟؟؟!!!!!!!!

حاولت اقرب منه وحنا مسافرين
اعتذر بحجه ان هالامور يبي لها وقت
وطلب مني اتركه لحد مايجيني من نفسه
فتركته طبعا براحته
وقبل امس جتني الدوره الشهريه
فزيدي اسبوع مع الايام اللي راحت
انا ما ادري هل العلاقه السبب والا ايش
تصرفاته تقول انه يحبني
احتفاءه برجعتي يقول انه يحبني
تقبله لانفعالاتي يقول انه يحبني
بس انا منهاره من داخلي

الحمد لله على السلامة.. برجع اكتب مداخلة اذا سمح الوقت..

ما خلصت قراءة الموضوع.. بس استوقفني جدا.. كلمة بدي اسافر،، والمفروض تخيرني في دول اوروبا.. وين خليتي عقد الماس كامل ماشاء الله؟؟؟!!! ولا عندكم عقد الماس مايسوى شي؟؟ ولا الرجل بيكون قاعد كذه وبيجيه عقد الماس من السما..

هو مابيقدرك حسب كلامك.. .. بس انتي كمان مابتقدريه.. راح تضلوا بهالدوامة.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

زوجي بفلوسه يقدر يشتري عشر عقود
مو واحد بس
لا هو اللي جمع ولا هو اللي استلف
عنده خير يغطي نور الشمس ماشاء الله

توقعت هيك بتجاوبين..

هلا الي زوجها غلبان زعلانه لانه ماجاب هدية.. والي زوجها ربي مسهل اموره زعلانه لان الهدية مو شغلة.. .. مشكلة..

بتظل هدية غالية يا كنافة.. ومو انتي طلبتيها.. هو من نفسه فكر،، افكار تاخذه وافكار تجيبه،، ايش الي بيفرحها، ويجبر خاطرها،، وراح للمحل، وتخير وحاول يجيب شي لايق فيك.. لو عنده مال قارون.

عمرك ماراح تقدري لفتات زوجك.. يمكن لانك تربيتي في الخير الكثير مابتحسي بقيمة الاشياء.. وزوجك مقهور من هالشي مو قادر يثبت حبه لك.. مشان هيك دابم يقول شايفة حالك..

وبما انه زوجك كان على قد حالو زمان... فعقد الالماس يسوى عنده كثييير.. حتى لو حاليا غني.. ومايشوفه ولاشي زيك.. مشكلتكم في اختلاف الطباع.. وعدم فهم الآخر..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

مسك ايش الفايده احد يعطيك هديه
بدون نفس.. ببرود.. بصدود..
والله لو اخذني من اهلي بهدوء
مع صحن بليله والا شاورما
واخذني باحضانه وشفت شوقه
كان احسن عندي مليون مره
من هدايا وخرابيط
بس هو يعاملني بشكل مادي
واليوم جيت اتطلب على نفس وزنيته
وماعجبه طلبي

مبدئيا أتفق معك.. لكن تكلمت بناء على طلبك المادي.. المفروض يخيرك في سفريات.. فتعجبت ليش تلوميه عالسفره وما فرحتي شهر بعقد الماس بالأول..


عموما هدي شويه. وشيلي من لسانك وديني لاهلي.. كل يوم بتجيب الملل وبتصير اغنية وبس..

تبين تثبتين له انه ما جاب راسك وانك لسه مستغنيه عنه.. هو فاهم الفكرة.. من زمان.. وهنا مربط الفرس.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

اظنه الغرور الذي انكسر بداخلك
وزعلانه انه انكسر وتشعري بفراغ مكانه
لاني لاحظتك رددتي عليه كلمة ودني لاهلي رجعني لاهلي حول اربع مرات
(( وتوك بتموتين في اخر موضوع لانه "تاخر فقط" في الرد عليك!! ))
وكانك جالسه تثبتي لنفسك وللاعضاء اني ما زلت مغروره
ونكدت عليه ومازال متمسك فيه وماوداني لاهلي
شفتوا انكم غلطانين يوم قلتوا انه رباني!!!

الله يعينه
طلع مو هو بس اللي ماعنده ثقة بنفسه!

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

يا اختي شككني بنفسي.. قهرني..
غايبه عنه شهرين والى يومك مالمسني
ولما بادرت صدني
ابش استفيد اذا مايبغى يلمسني
لاهو غرور ولا شي
بس اي وحده مكاني بتحس بهالنار
اقول لك صرت اشك فيه
وصرت مكسووووره من داخلي
يقول يحبني ومحسسني اني مو مرغوبه