عمري 25 سنه من سنتين تعرفت على رجل كبير بالسن و احببت أسلوبه و طريقة اهتمامه بنفسه .. أنا كنت شديدة الاهتمام ببشرتي وجمالي وشعري و جسمي .. واجهته في احد الدول الغربية و أنعجبت فيه تعرفت عليه و كانت بيننا اتصالات وهو من بلد غير بلدي ويكبرني بعشرين سنه ولأن كل بنات العيله اللي اعرفهم اصغر مني كانو ومتزوجين فقلت ظل راجل ولا ظل حيطه خل احاول اتزوجه بما انه ثري ووسيم و مثقف حاولت معاه بشتى الطرق دللته وايد و كنت اسوي المستحيل علشانه لدرجة احسست فيها اني احبه بجد ومرت الايام و كشفت زوجته اللي بيني و بينه وعندها قلت يا اما تتزوجني والا اتركني وارجع لها وهو كان وقتها متعلق فيني و تزوجني بشرط ان يبقى الزواج سر وما افكر اني اعيش بالبلاد اللي اهو يعيش فيها وهو فهم ابوي انه يبي وقت عشان يصارح ام عياله ابوي اقتنع بكلامه خاصة وانه كان معاه ناس ثقه و معروفين من القبيلة و شهدوا على الزواج وتم كل شي والحمدلله و لكن الحين أحس اني تمللت و متحسفه لأني مثل المعلقه يجيني مره في الشهر وما يطول و اذا سافرت له ما يبات عندي و مااقدر اكلمه لما يدخل البيت واحس انه لما يكون معاي يتعب بسرعه وينام كثير ويفكر وايد بشغله ومب عارفه وش الحل خاصه انه زوجته تعرف اللي كان بيننا و كشفت العلاقه قبل الزواج مرتين وهددت اذا اكتشفت بالثالثه راح تترك له البيت والعيال ... من جذيه مااقدر اعلم انه زوجته انه متزوجني ولا اقدر احمل لأني أخاف يصير بيننا شي ونفترق لا سمح الله و فيه شي وايد يزعجني انه في حياتنا الخاصه دايما يقول لي انتي احسن من زوجتي وانتي اصغر واحلى و هي يمج ولا شي انا في خاطري احس انه ما يبي مني الا هالشي و استحي اقوله لا تجيب طاريها لأني أزعل وأغار ...

أرجوكم حياتي صعبه و ضايعه بليز ساعدوني عطوني حل ما اخسر فيه

سالفتج صعبه الحل! شكل زوجج مب قادر يواجه زوجته الأوليه وعامل الها حساب كبير وانتي في نفس الوقت مب قادره تتأقلمين ومب قادره تضغطين عليه أكثر لأنج رضيتي من البداية وأقحمت نفسج فهالزيجة يعني مافي غير انج ترضين على هالوضع!
وتدعين ان الله يفرجها عليج!

الله يهديك اختي...ليش اني صغير فيه كثير اكبر منك وجاهون اصغر منهم ...

حرام دمرتي نفسك....شوفي قلبك وش يقول لك....

اذا كنت واثقه من حبه لك....وتحبيه اصبري

بس اصبري لاتحملين عشان حرام تجبين طفل وبنهايه رلح تفقدين ابوه...

اعرفي حبيبتي...ان الله مع الصابرين...

اكثري من الدعاء في نصف اليل....

__________________


اللهم أغفر للمسلمين والمسلمات و المؤمنين والمؤمنات الأحياء منهم والأموات ..
سبحان الله وبحمده .. سبحان الله العظيم ..
لا حول ولا قوة ألا بالله ..

لااله الا انت سبحانك اني كنت من الظالمين

استغر الله الذي لااله الا هو الحي القيوم الذي لايموت واتوب اليه



وارجوا منكم الدعااء لي بتوفيق

الله يهديكي يااختي طيب ليش من اول وافقتي ووافق ابوكي ان يكون الزواج بسر لازم تخذين جزاء الي رضيتي فيه وايش الي كان جابرك تاخذين واحد اكبر منك بعشرين سنه وبعد متزوج وانتي علي كلامك انك حلوه ومافيكي شي علشان تقبلين با ها الوضع وحتى لوقلنا بنات العائله كلهم اتزوجوا وانتي لا كان استنتي تاخذين واحد في سنك ومومتزوج قبلك لكن خلاص الحين الكلام مايفيد الحين الازم تحطين حد لها الشي ان يكون الزاوج معلن وانك تجيبن عيال منه زي كل زوجه وتراكي ماتسوين شي حرام لوانه يخصص لكي بيت في بلده ويوم عندك ويوم عند زوجته الاوله وعياله واصلا ايش حتلقين من واحد يتكلم في ام عياله وسامحيني علي القسوه في كلامي وتقبلي مروري

تكفون ادعو لي الله يصبرني و يقويني

مشكوورين على الرد وبجد انا ضيعت نفسي بنفسي وبصراحه احس اني بس بالاسم متزوجه واغبط صديقاتي لما اشوفهم مع عيالهم او بناتهم وازواجهم مقاربيين لسنهم يركضون ورا عيالهم ويسولفون معاهم و يفهمونهم اما انا فاحس انكتب لي الشقا وانا ماادري كنت اضحك وفرحانه يعني دايما لما نطلع مع بعض يسألوني هذا ابوج ؟ أجاوب لا زوجي وأس اني احرجه قبل لا انحرج ومن جذيه ما صار يطلع معاي في مكان عام كثير ...

متاره وقلبي يقول هذا نصيبي بس ما يصير ابقى جذيه يعني لو ما حملت بكون ضيعت فرصة و لو ملت ادري كلها كم سنه ويمكن زوجي ما يقدر يربيه معاي محتااااااااااااااااااااااااااااااااااااااااره أحس كني كنت مغمضه و توني فتحت


هذا يثبت فعلا إن الحب مب كل شي والله يابنات كمو عقولكم ...


انا بصراحه مقهوره من زوجته ام عياله وايد حاسب لها الف حساب و خايف انها تطلع من البيت او تقول حق عياله ....


أبي أعرف لو درت وش ممكن يصير؟؟؟؟




شكرا على الردود الله يوفقكم

تبين تعرفين شيصير راح يطلقك انت ويرجع ام عياله باي ثمن وهي راح يرضيها هذا الشيء و تطلعي انت الخسرانة من كل الحسبة

الزوج من أي بلد ؟

الله يرزقك السعادة الزوجية اختى
اعتقد ان حل هذه المشكلة واضح كالشمس وهو ان تطالبيه بالعدل
تقسم وقته وحياته بينكما والعلنية وان يراعي مشاعركي كما يراعي مشاعر زوجته الاولى
العدل بينكما هو الحل والمطلب المنصف هنا
ولا تندمي على شىء قدر الله وما شاء فعل
وليس من الحكمة البكاء على اللبن المسكوب فاطلب العدل وتوكلي على الله واحسني الظن به فهو وحده القادر على ان يجعل لكي من كل هم فرجا ومن كل ضيق مخرجا

__________________

الله يعينك يا أختي ... ما املك لج الا الدعاء

الله يكتب لج اللي فيه الخير وين ما كان ..

عليج بالدعاء بنت بلادي
مادري شاقولج احسه صعبه شوي
بس لاتتضايقين وادعي ربج

__________________