السلام عليكم ورحمة الله وبركاته..


كيفكم ..... ان شاء الله بخير .......


ابغى مشورتكم .....لاخلاولاعدم...



ماني عارفه اتعامل مع هالبني آدم اللي هو زوجي..

ابقولكم موقف صار قبل يومين / طلبت منه يوديني عند اختي فرفض بحجة انه جاي تعبان ومافيه للمشاوير .. للمعلومية بيت اختي يعتبر بعيد عن بيتي انا بجنوب جدة وهي بشمال جدة..

المهم .. اختي اتصلت عليا خبرتني انها بالمول اللي قريب من بيتي وقالت لي تعالي انتي وزوجك ..

كلمته وهو على نفس الموال مايبغى يوديني عشان تعبااااااااااااااااااااااااان وهلكان وقال لي خليها تمر عليكي..

رحمته من التعب اللي يشتكي منه وهو فعلا صادق لانه من طلع الصباح مارجع الا بعد المغرب..

المهم .. اتصلت عليه زوجته وطلبت منه يوديها مشوار ابعد من مشواري وبدون اي تردد قال لها طيب وقام يبغى يوديها..

انا هنا ولعت نااااار .............. وحسيت بالغبن ...طيب انا مو مكلمته قبلها...بصراحه حارق قلبي هالشي..

وماهو كذا بس .. حتى لو بروح مستشفى وهي تبغى تروح يوديها قبلي ولو عندي مستشفى ويكون يومهم ممكن انه مايوديني عشان يبغوا يتمشوا....مرة مقهورة منه..

كانت في حمله للتطعيم قبل فترة وكلمته عشان بنتي فقال لي خليها مره وحده مع اختها ...طبعا اختها من زوجته الاولى كانت معنقزة ولاينفع تاخذ تطعيمة بذاك الوقت ...المهم خلصت الحمله وبنتي ماتطعمت..

ولما جات حملة ثانيه للتطعيم انا ماكنت ادري ..وبدون اي كلمه ما دريت الا وهو داخل عليا الصباح ويقول هاتي البنت ابطعمها مع اختها..راح هو وزوجته وبنته واخذ بنتي من غيري..وانا ولاكان لي دخل بالموضوع لقيته مره ناكرني ماكني امها....

حتى لما اطلبه يجيب مقاضي كالخبز او المويه مايجيب ولما اسئله يقول نسيت لكن اوقات من غير ما اطلبه خبز او بعض مقاضي اللقاه جاي مقضي ليبه مقاضيهم كلها وانا متذكرلي اني قبل فتره طلبت خبز...



وغيرها من الاشياء اللي تصير كذا عيني عينك .......

حاسه اني بحترق من القهر وهو يقول انا مو مقصر معاكي..

على فكرة هي من نفس بلده وانا غريبه عنهم كليا.. انا من الخليج وهو من الشام....

ياناااااااااااااااااااس بموت قهر .. ياعسى واحد او وحده فيكم تعطيني الحل... قسم بالله احسه مو طبيعي ..

او عشانها من نفس بلده والله ماني داريه ..كل اللي اعرفه اني غريبه في بلدي صرت..

ابوي وامي متوفين واخوان >>>>>>>> لاحد يعتب على احد كلا في حاله حتى بمشاكلي كلهم ماعندهم غير حل واحد عقيم اني اتطلق .. اذا جلست عندهم بنية اني اتطلق منه يصير موضوعي كالمعامله اللي بالدوائر الحكوميه <<<<<< راكده ولو تكلمت معاهم عشان اللقى الحل قالولي خليه يتربى >>>مفكرين انه مهتم بي من اصله..

ياجماعة كنت باليوم 14 من نفاسي وضربني وكسر عصاة المكنسة على ركبتي وبهذلني عشان كنت اقوله لما تكلم زوجتك بالجوال اخفظ صوت الجوال صوتها طالع وانا ما احب اسمع طريقتها معاه>>>تتكلم معاه كنها هي الزوج وهو الزوجه...

جلست بعدها عند اخوي شهر وحسيت ان حقي وصلني من ضرته لي لان اخوي ماقصر فيه خلا مويته وزيته يختلطو من الخوف>>>كذا الطريقه الوحيده اللي تنفع معاه..واخوي مايبغا الطلاق عشان البنت اللي معاي...


طيب ياناس والله قهر اللي صاير..........

اقوله ابغى مشوار ولو مستشفى مايوديني اذا هي بتروح..

وغيرها من الاشياء اللي يبديها عليا...

ايش اسوي انا ....

ماغير صرت ادعي عليه كل ماحسيت بالظلم<<<< لانه يتجبر عليا وهو يدري اني بلا ام وبلا اب وبلا اي احد

واحيانا ادعي ان الله يهديه وينور بصايره ويشوف الحق حق ولا يظلمني...

كيف اتصرف بالايام الجايه ياناس>>>>> احس الايام الجايه غير مبشرة ابدا...

إللي مابيده حل يكفي يدعي لي بظهر الغيب....وربي بنتي كاسرتني كسر ...

بتنظار مشورتكم........................................... ام دانة

__________________

أخصائية التجميل : HANDEA

سبحانك اللهم وبحمدك ..

الحمد لله انه احد رد عليا.......

لي متزوجة خمس سنين

ولي بنت وحده عمرها الان ثلاث شهور واسبوع

وعن سؤالك >>>مالذي جعلك توافقين على الزواج برجل ليس من نفس جنسيتك ؟

1/ سبق لي الزواج من قبل..

2/ عندي اخوان "اجاركي الله" كنهم النار وانا الحطب من غير مبالغه وماصاروا كذا إلا بعد وفاة ابويا الله يرحمه.....

3/ تقدملي قبله شخصين سعوديين وماصار نصيب...

وعن تصرفاته ماهي جديده لكنها من سيء لاسوء يعني كل مالها بالتطور للاسوء.....


يا اختي انا ابغى حل عملي .. كيف اتصرف........كيـــــــــــــــــــــــــــــــــــ ــــــف ..


وجزاكي الله على تفاعلك معايا

اختي الحبيبة..

كم اكره الظلم، احس بمعاناتك تماما..

هل انت الزوجة الاولى ام هي؟؟؟

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

حسبي الله ونعم الوكيل

اختي عليك بالدعاء .. والاستغفار

الطلاق ماهو حل لان مالك احد فلا سمح الله ممكن بالطلاق تتعذبي اكثر مما لو انك على ذمته

ادعيله بنص الليل ان ربي يهديه ويسخره لك ولا تدعي عليه

الله يكون بعونك

انا ايضا زوجة ثانية واقول لك ان الوضع طبيعي لانهم جميعا يشكون من الاولى حتى اذا تزوجوا اصبحت جميلة الجميلات وام العيال ونسوا كل عيوبها على قول المثل تعالي يا جديدة تعملي للقديمة بخت

احس انه جزء كبير من الحل في هالسطر :

"
جلست بعدها عند اخوي شهر وحسيت ان حقي وصلني من ضربته لي لان اخوي ماقصر فيه خلا مويته وزيته يختلطو من الخوف>>>كذا الطريقه الوحيده اللي تنفع معاه..واخوي مايبغا الطلاق عشان البنت اللي معاي... "


.. والله يوفقك ويرعاكي ..

__________________

اختي الفاضلة

اسأل الله تعالى ان يوفقك ويفرج همك وكربك

ويبدل حالك الى كل خير


أختي ليش ماتطلعين انت وتجيبن غراض ولوازم البيت

يعني افضل من اللي قاعد يصير

وفي سبيل الابناء يهون كل شي

وعشان بنتك تحملي

وفي نفس الوقت تجنبي المشاكل

وين يدخل لك البيت عامليه ان ملك زمانه

وانسي تماما ان عنده زوجه غيرك

كوني له كل شي

وحاولي قدر الامكان عدم ذكر سيرة ضرتك

وان ذكرها تجاهلي

وخليه يحس بالراحة في بيتك

والرجال يحبون المرأة اللي تمدحهم زي النساء تحب الرجل يغازلها

فانت امدحيه وما تبينيله ان مقصر

لما انت هتسعديه بعيدا عن المشاكل

هو لحاله هيحس بالتقصير

حاولي ثم حاولي ثم حاولي الابتعاد عن المشاكل

وجربي هالطريقة معاه يمكن يتغير

ونصيحتي لك ان تعملي بما قلت لك لعل الله يبدل حاله

ويبدل لك حياتك ودائما تفائلي خيرا

وابتعدي عن موضوع الطلاق

__________________

اللهم صلي وسلم على سيدنا محمد..استغفرك اللهم وأتوب اليك..اللهم ان رحمتك وسعت كل شي ،، فارحمني رحمة تطمئن بها نفسي وتقر بها عيني..

اللهم أفتح لها كنوزك وابسط لها رحمتك وسخر لها احبابك
ويسر لها اسبابك وأجزها خير ثوابك يارب كن لها حبيبا" وقريبا"
ولدعائها سميعا" مجيبا" اللهم اشرح صدرها وارفع قدرها واغفر ذنبها ..
( تمنياتي لك التوفيق والحياة الهانئه عزيزتي والسعاده في الدارين )
صدقا" لاأملك لك سوى الدعــــاء ..

__________________
توقيع مخالف

بداية حبيبتي الله يسعدك يارب ويسهل أمرك

أول شيء عليك بالاستغفار نتائجه وربي عجيبة
دائما استغفري
لأنه مانزل بلاء الا بذنب
ولعل هذا تذكير لنا في الدنيا لاجل نستغفر ونتوب قبل الآخرة

الشيء الثاني
اللي يسلك نفس الطريق بيواجه نفس النتيجة
الرجال أنواع ولكل نوع أسلوبه..غيري طريقتك معه يمكن ماتناسبه
شوفي زوجك ودوري على مفتاحة
وش اللي يهمه وش اللي يلين راسه
وإذا كان زوجك من النوع النكدي
فنحية لوجه الله هالنوع يحب الزوجة المطيعة والذكية
يحب اللي ماتعطيه مجال يقول لا>>طبعا بأسلوب الطلب
ولايفضل الخيارات الكثيرة..>>وهذا أعتقد أسلوب زوجته
هذا الشيء يحتاج منك أسلوب+وقت مناسب+تسشتخدمي ذكائك

بس رفضه لطلباتك لايضطرك أنك تستغني عنه
أنت حتى لو استغنيتي بنتك ماراح تستغني
فدائما حسسيه بحاجتك له من غير ما تضغطي عليه
ولاتحسسيه أنك تقدرين تخلصين أشغالك بنفسك هالشيء ابدا مو بصالحك
ممكن سنة سنتين تتحملين بس بعدين لا

ولما تشوفي الوقت مو حلو ولا مناسب أصلا لاتطلبين شيء أجلي
والا لما يرفض خذي موعد ثاني



والله يوفقك يارب