زوجي مو طبيعي ... مشورتكم
السلام عليكم ورحمة الله وبركاته..
كيفكم ..... ان شاء الله بخير .......
ابغى مشورتكم .....لاخلاولاعدم...
ماني عارفه اتعامل مع هالبني آدم اللي هو زوجي..
ابقولكم موقف صار قبل يومين / طلبت منه يوديني عند اختي فرفض بحجة انه جاي تعبان ومافيه للمشاوير .. للمعلومية بيت اختي يعتبر بعيد عن بيتي انا بجنوب جدة وهي بشمال جدة..
المهم .. اختي اتصلت عليا خبرتني انها بالمول اللي قريب من بيتي وقالت لي تعالي انتي وزوجك ..
كلمته وهو على نفس الموال مايبغى يوديني عشان تعبااااااااااااااااااااااااان وهلكان وقال لي خليها تمر عليكي..
رحمته من التعب اللي يشتكي منه وهو فعلا صادق لانه من طلع الصباح مارجع الا بعد المغرب..
المهم .. اتصلت عليه زوجته وطلبت منه يوديها مشوار ابعد من مشواري وبدون اي تردد قال لها طيب وقام يبغى يوديها..
انا هنا ولعت نااااار .............. وحسيت بالغبن ...طيب انا مو مكلمته قبلها...بصراحه حارق قلبي هالشي..
وماهو كذا بس .. حتى لو بروح مستشفى وهي تبغى تروح يوديها قبلي ولو عندي مستشفى ويكون يومهم ممكن انه مايوديني عشان يبغوا يتمشوا....مرة مقهورة منه..
كانت في حمله للتطعيم قبل فترة وكلمته عشان بنتي فقال لي خليها مره وحده مع اختها ...طبعا اختها من زوجته الاولى كانت معنقزة ولاينفع تاخذ تطعيمة بذاك الوقت ...المهم خلصت الحمله وبنتي ماتطعمت..
ولما جات حملة ثانيه للتطعيم انا ماكنت ادري ..وبدون اي كلمه ما دريت الا وهو داخل عليا الصباح ويقول هاتي البنت ابطعمها مع اختها..راح هو وزوجته وبنته واخذ بنتي من غيري..وانا ولاكان لي دخل بالموضوع لقيته مره ناكرني ماكني امها....
حتى لما اطلبه يجيب مقاضي كالخبز او المويه مايجيب ولما اسئله يقول نسيت لكن اوقات من غير ما اطلبه خبز او بعض مقاضي اللقاه جاي مقضي ليبه مقاضيهم كلها وانا متذكرلي اني قبل فتره طلبت خبز...
وغيرها من الاشياء اللي تصير كذا عيني عينك .......
حاسه اني بحترق من القهر وهو يقول انا مو مقصر معاكي..
على فكرة هي من نفس بلده وانا غريبه عنهم كليا.. انا من الخليج وهو من الشام....
ياناااااااااااااااااااس بموت قهر .. ياعسى واحد او وحده فيكم تعطيني الحل... قسم بالله احسه مو طبيعي ..
او عشانها من نفس بلده والله ماني داريه ..كل اللي اعرفه اني غريبه في بلدي صرت..
ابوي وامي متوفين واخوان >>>>>>>> لاحد يعتب على احد كلا في حاله حتى بمشاكلي كلهم ماعندهم غير حل واحد عقيم اني اتطلق .. اذا جلست عندهم بنية اني اتطلق منه يصير موضوعي كالمعامله اللي بالدوائر الحكوميه <<<<<< راكده ولو تكلمت معاهم عشان اللقى الحل قالولي خليه يتربى >>>مفكرين انه مهتم بي من اصله..
ياجماعة كنت باليوم 14 من نفاسي وضربني وكسر عصاة المكنسة على ركبتي وبهذلني عشان كنت اقوله لما تكلم زوجتك بالجوال اخفظ صوت الجوال صوتها طالع وانا ما احب اسمع طريقتها معاه>>>تتكلم معاه كنها هي الزوج وهو الزوجه...
جلست بعدها عند اخوي شهر وحسيت ان حقي وصلني من ضرته لي لان اخوي ماقصر فيه خلا مويته وزيته يختلطو من الخوف>>>كذا الطريقه الوحيده اللي تنفع معاه..واخوي مايبغا الطلاق عشان البنت اللي معاي...
طيب ياناس والله قهر اللي صاير..........
اقوله ابغى مشوار ولو مستشفى مايوديني اذا هي بتروح..
وغيرها من الاشياء اللي يبديها عليا...
ايش اسوي انا ....
ماغير صرت ادعي عليه كل ماحسيت بالظلم<<<< لانه يتجبر عليا وهو يدري اني بلا ام وبلا اب وبلا اي احد
واحيانا ادعي ان الله يهديه وينور بصايره ويشوف الحق حق ولا يظلمني...
كيف اتصرف بالايام الجايه ياناس>>>>> احس الايام الجايه غير مبشرة ابدا...
إللي مابيده حل يكفي يدعي لي بظهر الغيب....وربي بنتي كاسرتني كسر ...
بتنظار مشورتكم........................................... ام دانة