السىلام عليكم

اخباركم

عضوة جديده وحابه اعرض مشكلتي واملي بالله ثم فيكم الاقي حل واودع درب الهم

انا متملكه من سنه وزواجي بعد شهر
بدينا بالمسجات بعد الملكه بشهر ومامر اسبوع الا اشوفه يعصب ويتوعد ويهدد والله ماتمر 3 اسابيع الا صايره مشكله من لاشيء
طلب مني اتصالات ومارديته
زاد بعناده وعصبيته

مع اني احاول اخليه يهدا بس كلامه يجرح وكل مشكله اكبر من اللي قبلها يمكن 10 مرات قال لي بعطيك ورقتك بكلم اخوانك واتفاهم معاهم احيانا يقول عطيني رقم امك بكلمها واعلمها عنك احس انه عقله عقل طفل الى الان مانضج
تعبت وررررررررررررررررررررررررربي صرت كل ليله ابكي منه ومن تصرفاته مايقول لي الا بنت ابليس
اقول بنفسي كل الي تزوجوا صارت لهم مشاكل مثلي وعايشين حياتهم بس هو احسه غير وربي عقل صغار
ماياخذ قرار من راسه كل شي يشاور فيه ربعه حتى امورنا الخاصه يسالهم عنها

بخييييييييييييييييييل ويحسب الريال ويتسلف مني بالالاف ولا يسددها
ابين لاهلي ان امورناتمام وان مافيه مثله
بس هو الله يهديه كل شي يقوله لربعه واهله احس اني صرت ولاشي بنظرهم
مكشوفين قدامهم
امور قديمه لها شهور تناقشنا فيها وانهيناها يرجع يعصب عليها صار فيني برود مو طبيعي صرت اخاف من كل احد مافيني ثقه بنفسي
نبدا مكالمه اسلوبه حلو وفجاه يقول انا طفشان ويبدا يعصب بدون سبب لدرجة يقول لو انك عندي شوهت وجهك

مابقى شي ع الزواج واخاف اسلم نفسي له مابي اندم بعدين

حبيبتي الله يكون بعونك لاتتضايقين كثير خلاص زواجك قرب
اطلبي الله بسجودك يصلح حاله وقوة الله اكبر من كل شي

امين الله يكون بعوننا جميعا

واملي بالله يصلح حاله ويهدي قلبه

مشكورة ياقلبي

أنت في حالة غير مستقرة ليس لديك ضمان ينجاح الزواج..

الزواج هنا في حالك مجرد مجازفة....فهل المجازفة شيء معقول في الزواج؟....لا طبعا

من الصعب علي ان احكم هنا وهو غائب...ربما هو لديه حجته ومنطقه....لكن لا اؤيد اي منطق بهذا الشكل من التعامل مع المخطوبة/الممتلكة!

اذن يا بنتي افضل شيء اراه لك هو ان لا تجازفي بالزواج

هناك طريقة زواجية تسمى:

الزواج مع وقف التنفيذ

هذه الطريقة مناسبة لحالك، اما تنجح وتقرر او تفشل وترجع من هذا الزواج من غير دخلة ولا ان تخرجي من بيت اهلك....لكنك تتمتعين معه كما تتمتع الزوجة بزوجها من غير المعاشرة...لكن في بيتك

هو ياتي اليكم وانتي لا تذهبين اليه

هذه مرحلة تجريبية لتجرب سلوكه

ارفق لك هنا ملف حول الزواج مع وقف التنفيذ فاقرئيه

آسف ليس هناك امكانية رفع الملف لك في المنتدى

كيف اعطيك الملف؟ لا اعلم

لو كان موجود
راح يكون هو الصح وانا الغلط مثل كل يوم
انا اسكت ولا ارادده مثل مايقول
واذا سكت قال ليش ماتكلمين
طبعا هذا كله بصراخ يبي يثبت انه رجل قدامي

ومثل ماقلت زواج مع وقف التنفيذ لحد مايصلح ربي حالنا
ويجمعنا على خير او نتفرق على خير

مشكور ولا هنت

نزل الرابط هنا

حبيبتي نصيحه لوجهه الله

اجلسي مع اي شخص تثقين في رايه من اهلك واشرحي له وضعك وضحي لهم تصرفات هالادمي
وصدقيني اي هذا اوله ينعاف تاليه

وترى عاقبه الصبر اذا كان مع رجل مايقدر يعتبر بنظري غباء من المراءه
مايخالف اصبر واعطيه دمي الي بعروقي لكن فيه نتيجه فيه شي بالمقابل اخذه

والا خسساره صحتي وراحتي هي الي بتكون مقابل لتنازلاتي ..

تكلمي معاه في البدايه وحاولي توضحين له الي مضايقك ومزعجك منه
اذا ماشفتي نتيجه عندك اي احد واعي يتفاهم معاه ويعرف نفسيته اكثر

لان بكره اذا تزوجتي بيعاملك بنفس الطريقه بيصير انتي في المقابل الي تتحمل
وتسكت وتمشي الامور
وهو الي مو رايق ابد ولا يتقبل منك شي وووو

شخصيته من خلال كلامك عنه جدا سيئه ..

الله يعينك ياااروحي

__________________
سبحان الله وبحمده

لتحميل الزواج مع وقف التنفيذ استخدمي الرابط ادناه....انه موجود داخل كتاب اسمه: العلاقة الزوجية والصحة النفسية في الاسلام وعلم النفس...كتاب ربما نشروه في النت من غير اذن المؤلف، لا اعلم هل حلال ام حرام...تحمليه؟
..........

مشكور والله يجزاك خير

راح احمله استفيد منه لنفسي ماراح استغله لشيء او لمصالح
واذا نفعني اكيد ماراح انسى المؤلف من الدعوه الصالحه

الله يسلمك اخوي

ماقصرتوا الله يجزاكم خير

وبانتظار المزيد من الاراء

بما اني امر بنفس وضعك تقريبا
ولو الود وده يسبني لكن عارف اني ما بسكت
وعليها طلعات مدري وش تبي ومشاكل وهم وغم
وكل اسبوع بشغله مشاكل مو تافهه الا اتفه من التفاهه
ويشوفني كاني بزر عنده وما افهم شي ويستهزء على تفكيري
وومن هالكلام واكيد اني ما اسكت كلمه مني وكلمه منه وبالاخر اقول طلقني ويجي يترجاني ويحاول لين اصدقه وارجع وما بقى ع الزواج الا اقل من عشرين يوم واعطيته خبر اني ما عاد ابيه
وبخل قرف وما حبيت اجازف معه واضيع وقتي معه على الفاضي
وانتي استخيري وشوفي وضعك لكن دام ذا اوله ينعاف تاليه
اعطي امك او ابوك او اي احد ترتاحين له واستشيريه بالوضع
كنت زيك اقول مالت طلع الزواج كله مشاكل وعلى بالي انو كلهم كذا طلعت انا بس
وبعدها غسلت يدي منه بعد ما حاولت افهمه واحذره من تصرفاته
ينعدل يوم وعشره لا
والله يوفقك واذا لك خيره تكملي معه تكملي واذا لا الله يصرفه عنك

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..