السلام عليكم ....

اعود إليكم اخوتي واخواتي بموضوع بدأت اشعر بأنه سيكون ازمة جديدة بيني وبين زوجتي ... قد يكون البعض قد علم مشاكلنا السابقة ... ولكنها حلت الحمد لله وولت بلا رجعة ان شاء الله مع وجود مناوشات بسيطة هي دارجة في اي بيت واي حياة ... ما اعاني منه الان ((اسراف)) زوجتي وعدم احساسها بقيمة النقود .... تحب وتعشق الشراء ... لا تضع رجلها في سوق او مول او سنتر إلا واشترت منه شي ... تكلمت معها مرارا وتكرارا ان هذه العادة لا تعجبني ولكن دون فائدة تذكر ... تستجيب لفتره ثم تعود من جديد ... ما جعلني اليوم اكتب لكم هو ما وصل إليه الحال بكل صراحة من الضيق لدي ... سأحكي لكم مقتطفات من سيرتها التسوقيه ...

زوجتي تحب المشتريات لدرجة قد تشتري شيئا لا تستخدمة إلا بعد شهور .... تخيلوا مره اعجبتها شنطة واشتريتها لها ولم تستخدمها إلا بعد 6 شهور وعند سؤالي لها ((ليش ما استخدمتيها ترى نسيت اني شاريها لك )) تقول : (( دورها كان ما وصل للان)) طبعا لان خزانتها مكدسة بالشنط ....

اليوم وانا وهي في احد المولات اعجبت بعباءة قالت وبكل دلع : (( زوجي حبيبي نفسي فيها )) قلت لها ((عندك من العباءات ما تكفيكي انتي والجيران وانتي شاريه عباية ومتصايحين عليها)) لانها شرتها بمبلغ جدا غالي ((بكل ما تحملة كلمة غالي من معنى )) !!!!!!!!! والله عقلي كان بيطير ... اقلها وانتي مو شايفه ان هالمبلغ يجيب لك خمس عبايات ... كان عذرها غير مقنع وسكت لان العباية اشترتها وانا مسافر يعني الكلام ما بيزيد غير حرق دمي وبس .... قلت ما فيه عباية ولا شي وطبعا كان الموقف انها ((زعلت)) مع محاولات لعلي اغير رأي واشتريها لها


طبعا لا ننسى الشوزات اكرمكم الله اللي تارسه الخزانه والملابس اللي من افضل الماركات ... والله اني تعبت ... تعبت من عدم تفكيرها بالمستقبل ... صحيح هي موظفة وانا موظف ومستورة والحمد لله بس هي ما تفكر بشي اللي بجيبها تصرفه .... جلست معاها كثير يا زوجتي يا حبيبتي عندنا اقساط سيارتك وسيارتي نبي ننهيها بسرعة حتى نتفرغ ونشتري بيت ... لا حياة لمن تنادي

واليوم بصراحة وصل الحد منها لدرجة صحيتها من النوم وصارخت وخرجت من البيت ... الموضوع ان وانا في السفر لاني واصل من اسبوع ... قالت تبي تشتري (كاوية ملابس وهيتر حق تسخين الماء)) قلت اوكي اشتري وحددت لها نوعيات معينه واشترتهم ... انا رجعت اشوف الشغلات ما لقيتها مثل ما حددتها ... وافتح الكاوية ألقاها مستخدمه ... سألتها انتي استخدمتيها قالت لا ... طبعا عرفت انها كالعادة تاخذ وترمي بالعربة وانتهينا ... قلت اوكي هذي لازم ترجع هاتي الفاتورة قالت بيت اهلي ... ومر على هالموضوع اسبوع واليوم جابت الفاتورة وانا اطالعها انصدمت ... مبلغ غالي جدا ما توقعته .... صحيتها من النوم وصارخت الصراحة فقدت اعصابي ... قلت شايفة مرتباتنا كم حتى تشتري شغله بهالسعر وتدري انها لازم نرجعها وساكته لليوم ... ما تحسي بقيمة تعبنا ... ومن هالعبارات ... ترد علي وتقول انت ما شفت السعر من اول ؟؟؟ قلت كيف اشوفه والفاتورة جايبتها اليوم من عند اهلك ... وتركت البيت وطلعت ...


تعبت وانا احاول افهمها ... الاسراف حرام ... اليوم عندنا بكره ما نعرف ... غيرنا يتمنى يشتري بقيمة ساعة من ساعاتك غرفة نوم ولحاف ينام ويتغطى من البرد ... غيرنا مو لاقي ياكل وانتي ترمي هنا وهنا بدون تفكير ...
واللي قاهرني اكثر انها تشوف نماذج من اخواتها وقريباتها يصارعون الحياة حتى يعيشوا بمستوى معقول وهي تبذر ولا همها كأن الحال مستمر ... والاعجب اذا قالت (( بكرة يزيد راتبك وانا راتبي بيكون وصل للمبلغ الفلاني ونرتاح شوي )) يعني مبيته النية للاسراف ولا شلوووووووون !!!!

اسف طولت عليكم بس كان لازم افضفض واتكلم ... لو كان عندكم طرق او اي اسلوب في التعامل مع الموضوع لا تبخلوا علي فيه ... يعلم الله اني مو بخيل معاها ... بس في نفس الوقت ما ابي اضيع شبابنا ومرتباتنا واذا كبرنا لقينا نفسنا ما زلنا بشقة اجار ... ورصيدنا صفر ...

تحياتي لكم

..................
تم توضيح العنوان
الاشراف

هذا من عيوبنا نحن النساء

والإسراف تقريباً صفة غالبة علينا إلا من رحم ربي وهدى


مستحيل تغير طبعها هذا بكلامك واظهار زعلك لانها بتحرجك وتسألك تبخل علي وانت طبعا ماتبخل وتضطر تسايرها الين يتفاقم الامر

أنا اشوف انك لازم تتعامل باسلوب اذكى شوي بدون ماتحس انه مقصود الين تعودها على الاقتصاد

ليه ماتحددلها مصروف شهري هي تتصرف فيه بشرط ماتطلب غيره الين يجيها المصروف اللي بعده ؟

ليه مثلا ماتقولها وراي مشروع واوهمها انك فعلا داخل مشروع قد يجعلك تمسك شوي ع الفلوس خليها تشاركك معنوياً عشان تحس بقيمة المال

كثير من الآباء نجحوا في تعويد زوجاتهم وأبنائهم على الإقتصاد في المال ودربوهم بوضع ميزانيات تضبطهم .


الله يصلح حالكم

الله يكون في عونك...ان الله لا يحب المسرفين...والله هيك كتير والله حرام تروح هاي المبالغ على أشياء أغلبها غير مهمه ونقدر نستغني عنها....لازم تشد عليها شوي واعمل متلي كل ما أمرق من بيت أنا الي أقول لزوجي شايف ما شاء الله شو حلو لازم نشد حيلنا ونشتري أحسن منو...حاول تثير فيها الغيره مثلا شوفي فلانه كيف بيتها لازم تكوني أفضل منها وأشطر منها وتقدري تجيبي أحسن منها ..مافي امرأه في العالم ما بتغار وبتحب تكون أحسن وحده في العالم...وخصوصا انها موظفه وتقدرون تشدو شوي وتأمنو الأولويات وأهمها البيت...حطو ميزانيه معينه وحددو فيها المشتريات وحاولو قدر المستطاع أن تتفقو مع بعض انكم ما تتعدوها الا في الظروف الطارئه لا سمح الله...ربنا الحين معطينا الصحه والقوه والرزقه حرام تروح هدر على الكماليات...الله يوفقكم

اذا كانت تصرف من راتبها فهي حرة فيه تصرفه كيفما تشاء ,,
اما من ناحيتك ضع لها مصروف شهري ثابت و عودها تشتري مقاضيها بنفسها و ريح راسك ,,
بهالطريقة راح تضطر هي تضبط مصاريفها و راح تقدر انت تركز على الاشياء الأهم كالبيت و السيارة ..الخ

أخي الكريم عطر الزمان

بكل اختصار

كما قالت الاخت رواء الايمان

إقطع لها مصروف شهري على ان تتفق معها ان لاتطلبك غيره

وإذا إحتاجت لشي ضروري قبل حلول الشهر أعطها واخصمه من مصروفها

أو تحدد لها الذهاب للسوق مره كل شهر أو شهرين أو كيفما تراه مناسب

وتحدد لها ميزانيه تصرفها حين ذهابها

لابد من وضع نظام صارم لها لانك أنت الممول وأنت المحاسب بالدرجة الاولى

دائما يردد في الدعوات اللهم لاتؤاخذنا بمافعل السفهاء منا

وهذا الاسراف بالمال من السفه أخي وعليك ظبط الامور

اعانك الله وسدد بالحق خطاك


للتذكير هذه مواضيع اخينا السابقه

http://www.66n.com/forums/showthread.php?t=162906

http://www.66n.com/forums/showthread.php?t=164211

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

وانا رأيي من رأي اختي ليتني اسلى

ولازم تكون صارم شوي اخويه ...لا ترضخ لها لانها بتفسر طيبة قلبك على انه ضعف

وان شاء الله بتلاحظ تغيير في تصرفاتها ...والله يفرج همك ويهديكم ويبعد عنكم كل شر

اختك ---- لمني بشوق

__________________

والله ما ادري شو اقول لك ترا هاذي ترجع لنفسية الشخص و يمكن اكثرية النساء يحبون يسرفون بس انت حدد لها مبلغ محدد كل شهر و لا تعطيها و اذا نقصها خلها تدفع من جيبها بكرا لما شافت ان فلوسها نقص و ما يكفيها راح تعرف ان تدخر علشان تقدر تشتري اشياء ثانية و انت حاول تدخر من راتبك للبيت الجديد و قول لها انا ناوي اخلص الاقساط و اشتري بيت و انت لج شهريا مبلغ مثلا 500 ريال مب اكثر و راح اشتري لج الاشياء الي تحتاجينها و الي لازم كل زوج يوفرها لزوجته و الاشياء الي ماله داعي و تبين تسرفين كيفج عندج راتبج و انتي حره و حتى اقساط سيارتها خلها اهي تدفع من راتبها، كذا تكون انت تدخر من صوب و تعلمها درس من صوب اذا بدت تدخر كان كويس لك و لها و اذا لا، تكون على الاقل انت مدخر شي للمستقبل

مرحبا اخي الكريم

اصلح الله شانك مع شريكة حياتك ... ووفقك لما يحبة ويرضاة

ارى اخي ان افضل وارقى تعامل في مسألة المصرف للمرأة من قبل الزوج ان يقطع لها من مرتبة الخاص مصروف شهري يقدرة هو بحسب راتبة ومادياتة ومستلزماتة
وان لايكون للزوجة غيرة وهذا المصروف شامل خرجاتها هداياهها مصروفاتها مشترياتها وكل شيء يخصها حتى التحف المنزلية اعني الكماليات

اما بالنسبة لمقاضي البيت الاخرى فمن الافضل ان تكون معها في المشتريات حتى لايحصل سوء فهم .

تقديري واحترامي لك

__________________
ant0inette

what kind of people kills its own queen

شوف اخوي الصراحه انا زوجي دايما يخانق يقول اني مسرفه مع اني والله يشهد مااصرف شي على نفسي الا على الاولاد والبيت يعني مااشتري لنفسي شي الا كل كم من شهر (مع انه راتبي انا مااخد من ماله ولا ريال ) بس لما تعبت من كتر كلام زوجي عن مصرفي (( خاصه انه بنخطط متلكوا انا نشتري بيت بس ربنا يفرجها ويصير عنا مبلغ يساعد ))قعدت معا حكيتله انت تقول اني انا مسرفه خلص لي كل شهر مبلغ *** واذا تعديته لك الحق انك تقول اني مسرفه شرط انك ماتعترض على اللي اشتريه طبعا المبلغ من راتبي واللي اشتريه مهما كان سعره دامه من مصروفي مالك تعترض

ليه ماتحدد نفس الشي مبلغ معين لزوجتك يكون بايدها تتفقوا عليه مع بعض تصرفه على اللي بدها اياه ومالها غيره الا مع بداية الشهر الجديد

وصدقني هدي الطريقه للتحويش جدا حلوه انا اقدرت اجمع مبلغ حلو لاني ماعدت امد ايدي على الفلوس اللي في البنك الله يرزقنا واياكم المال الحلال

تحياتي

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

هلا أخي

أنصحك تكلمها بأسلوب ومن دون إنفعال وإنه لازم توفروون للمستقبل المجهوول وأهم شئ عش الزوجي وبيت

العمر وخذها في جوله تشوف البيوت الجديدة والرائعه والجذابة وقل لها ماتتمنين يكون عندك مثل هالبيت وأكيد بتقول

طبعا اتمنى وقل لها فيه طريقه حلوه وبنجربها انا وأنتي إن كل واحد يفتح حسابين حساب يكون للتوفير والثاني

للمصروفات مثل ألفين شهريا يكون للصرف والحساب الثاني يجمع فيه باقي المبلغ وطبعا بكذا ماتقدر تصرف من حساب التوفير

__________________
لو لم تكن الحياة صعبة لما خرجنا من بطون امهاتنا نبكي:
سبحان الله وبحمده & سبحان الله العظيم