انا زوجة منذ ثلاث سنوات وام لطفلتين اعاني مشاكل كثيرة مع زوجي خاصة بعد ان افترقنا في السكن انا موظفة في مكان اخر غير مكان سكنة عند اهلي وهو عند اهلة مشاكلنا كثيرة وغريبة لما يجي من سفرة مايفكر يجيب معه اي شي حتى لو عصير احس انه بخيل .. قبل كان يهتم بزعلي فجأة صار مايهمة واذا زعلنا مايفكر يتصل ابد ا ولايسأل حتى لو عن بناته حتى لما نخرج مع بعض لمطعم او شي يحسنني انة مامعام فلوس فادفع انا ومايفكر ولا مرة يقولي انا ابي ادفع حاولت معاه يفتح حساب لبناتي بالبنك بمبلغ بسيط ورفض ولا مرة اهداني هدية حتى لما اولد حتى اسما البنات تهاوشنا عليها ومافكر يسألني وش تبين تسمين واسم الولد اللي للحين ماجا مختارة من الحين ويقولي غير هالكلام ماعندي لو اقول تعبانه اويشوفني اتألم مايفكر يقولي لو مجاملة سلامتك ولا مرة قالي كلمة حلوة واذا زعلت وعاتبتة يقولي انا مااحب اجامل وانتي تدرين اني احبك من دون مااقول يفكر بأهلة في كل صغيرة وكبيرة وانا اخر همة حتى لما اسافر عندة واجلس مع اهلة لا طلعة ولاروحة الا لما نتهاوش فكرت مؤخرا اني اشتري شقة في مكان سكنة عشان اذا سافرت بالاجازات اجلس فية معاه لحالنا يمكن احس بالاستقرار وانا الحين افكر بالاثاث ولما قلت لة ادفع معي قال من وين لي بأختصار مايبي يدفع اي شي حتى لما اسألة عن راية ب؟أي شي يقول انتي بكيفك انا مالي دخل والله تعبت والله لولا بناتي خلصت نفسي من زمان لدرجة اني اللحين في الفترة الاخيرة مرات ادعي علية ومرات احس اني انقرف منة كل مشاعر الحب اللي بقلبي ماتت احس اني بديت اكرة لكن ظروفي اقوى منى مااقدر اتطلق حياتي من دونة رح تكون اسوأ شوروا علي بالحل ولايكون كلام نظري والله الدمعة صارت ماتنشف من عيني حتى صرت اذا رحت للسوق او اي مكان وشفت اثنين ماسكين ايادي بعض احسدهم مع اني قلبي طيب وماكنت كذا

الله يعينك طيب اذاجالك في منطقة عملك وين يجلس
وفكرتك للشقه في منطقة حلوه ياأختي لايساعدك انتي اشتريها وافريشيها شوي شوي مولازم شي فخم وسجليها باسمك انتي حسي بالاستقرار لوفي الاجازه بس
يمكن ظروفه الماديه صعبه فمعتمد على راتبك في مصاريف البنات ومن ناحية الاسم هو من حق الوالد لكن انتي خوذيه بالمسايره
الله يصلح امرك ويجمع شملك مع ابوعيالك على خير

بعد اذن صاحبة الموضوع سؤال للاخت بنت اهلي وناسي: ممكن تفيديني من وين استنتجتي ان التسميه من حق الوالد ؟ هل اساس استنتاجك ديني ولا اجتماعي ولا ايش بالضبط..

__________________

لي عودة ان شاء الله

اشتري شقة باسمك

والله اني ندمانة ان ماعندي شقة باسمي وخاصة بعد أبوي الله يرحمه

الموظفة زوجها نادراً ما يصرف عليها وعلى عيالها وتتحمل ديون تهد الحيل

وظل الحيط أحياناً أكثر نفعاً من ظل زوجها

غيري مكان دوامك الى منطقة

ترا تعب السفر والطريق الطويل مو سهل ....صحيح ان الأنسان يحب سلط الطرق الطويله للتفكير ...

ولكن ليس يوميا او كثيرا !!

لاتنسي هموم الرجال في حفظهم للمال ...

عموما انتي لاتقصرين معاه بشيء وانشالله راح يحاول ان يغير عمره !

ودائما تذكري..........البنوتات الحلوات ودهم يتربو بين امهم وابوهم !!!!

__________________
’’اتحدوا لإنهاء العنف ضد المرأة"[SIGPIC][/SIGPIC] Unite to End Violence Against Women

شكرا جزيلا لمن كتب لي الردود جزاكم الله خيرا ولمن اراد ان يسألني تفضل .

فرج الله همك أختي المعلمة ،،

أنصحك بعدم التفكير في شراء شقة في منطقة سكن أهله ، أجلي الفكرة ،
مشكلة بعض أخوانا الرجال ، إذا تزوج موظفة رفع إيده عن المصاريف ، وما يدري أن الزوجة
لو كان راتبها 10000 ، وكان زوجها يعطيها 300 ريال ، تكون ال 300 أغلى عندها لأنها تحسسها
بالأمان ، هذه فطرة .. الله المستعان

عيشي حياتك واحذري من المقارنات مع أزواج صاحباتك أو بعض القصص اللي في المنتدى ، الرجال يختلفون
حاولي التصحيح بطرق ودية ، خبريه بأن 100 ريال منك أحب لي من مال الدنيا ، اهديه ، وكل ما جاك
عطيه هدية ، بينحرج هو ، وبيهديك ولو مجاملة ..

لا تخليه يعرف راتبك ، رصيدك ، انشئي حساب توفير ولا تخبريه ، يمكن وضعك أفضل منه لذلك يرى بأن
هذا السبب يطعن في رجولته ، في ناس تفكر كذا ، لذلك حسسيه إنه أفضل منك دائما ولا تفتحين له
قصة شراء بيت أو استثمار أو ...الخ

بصراحه اني اتعجب وضعكم كيف متزوجين وانت في مكان وهو مكان اخر ولا ترون بعض الا بالاجازات وكأنه شئ عادي وتنتظري من زوجك ان يكون هناك ارتباط بكم وقد تركتيه من اجل وظيفه انكم كالضيوف مع بعضكم
كيف سيكون هناك حب او مشاعر لعله يري انك تركتيه وكأنه لازال اعزب تخدمه امه ويؤنسه اهله فماذا قدمتي له كزوجه حتي يقوم بدوره كزوج

اري ان الحل كالاتي قبل ان تلومي زوجك
اذا كان بقدرتك شراء شقه فقومي بذلك حتي تشعري بالخصوصيه وامامك حلين
اما ان تسعي الي نقلك او وظيفه في نفس ديرته او ان تتركي الوظيفه علي الاقل بصفه تجريبيه وتتفرغي له
فهو لن يرتبط بك وببناته وانتم بهذا البعد المكاني والروحي
فالزوجه سكن لزوجها فقومي بدورك قبل ان تطلبي منه ان يتحمل مسئوليته فهو يصرح بأنه يحبك ولكن انشغالك عمليا عنه ولد نوع من الجفاء وشعورا انه لا يكفيك ماديا
فيجب ان تكيف الزوجه نفسها علي ظروف زوجها فعلي اي اساس تتهميه بالبخل ونحن لا نعرف ظروفه ولنا في زوجات الرسول اسوه حسنه

فأنا الومك فهو قد يتزوج اخري ليشعر معها بالاستقرار وربما يدخر لها راتبه

__________________
اللهم اجعل عملي كله صالحا واجعله لوجهك خالصا واجعله عندك متقبلا

اوهميه انك دخلت مشروع معين وخسرت كلللللل اللي عندك وعليك ديون كمان ,,
وسوي لك حساب خاص .
وبطاقتك اللي معاك عادي ممكن تعطينه احيانا يسحب لك منها عشان يشوف الرصيد المتبقي وانت طبعا خلي شي بسيط جدا ,,
وداااااااااايم وضحي انو ماعندك شي وانك تعبت نفسيا لأنو الحال تغير ,,
وخذب اجازة وروحي عنده وخلي بناته في حلقه ,,
وان حصل وصار الجو مهيأ عند أهل زوجك انقلي بناتك عنده وانت ارجعي لدوامك قولي ماااااااااااا أقدر أتحمل مسؤوليتهم لوحدي لحد ماتحدد لهم مصروف ..
وكل ما كلموه بناتك تليفون خليهم يطلبون هدايا ,,
بابا لاتنسى هديتي,,بنات خالتي ابوهم جاب لهم ابيك تجيب لي,,
المهم اخترعي خطط تجبره ع الانفاق ,,
تصرفي سوي اي شي,,
أهم شي لاااااااااااايعرف كم عندك أبدا ,,أبدا