السلام عليكم ورحمة الله وبركاته،
كل عام وأنتم بخير : )
موضوعي باختصار:
حصل لي فرصة حضور مؤتمر في كندا، أخبرت زوجتي عن الموضوع فأصرت على الذهاب معي!
أنا ما أدري وش هالمسكة كلها 3 أيام وارجع طيب!
حاولت أفهمها أنه من غير الملائم أنها تروح وأن معاي زملائي هناك لكن مع الاسف ما اقتنعت!
ولما حطيتها أمام الأمر الواقع وقلت لها ما أقدر آخذك، راحت تكلم والدي عن الموضوع ووقف بصفها وأنا الآن مضطر آخذها معي!
استغربت من اصرارها على الذهاب؟! وليش ما تحترم رغبة زوجها في الذهاب لوحده؟! هل هو نوع من العناد أو استعراض القوة؟!
المشكلة أنها موظفة وصعب تأخذ إجازة ولو أخذت بتخليها إجازة اضطرارية (هذا إذا قبلوا عذرها)
مشيها هالمرة وخذها معك ومنها تغيير جوو لكم الإثنين
هي مو سالفة عدم احترام رغبة الزوج
يمكن غيرانة عليك او بعد الموقف السابق اللي حصل لكم حبت تغيروا شوي عن التوتر اللي صار
ما عليه .. خلها تتحرك شوي وتتنشط ... مو أحسن ما تظل متمددة مثل الفقمة ؟
سفرة 3 أيام وعلى كندا أكيد بتجدد نشاط أي شخص ومعنوياته ... الله يسهل أمور الفيزا والحجوزات .
السؤال اللي يطرح نفسه ... أنت ليش مو حاب أنها تروح معك ؟؟؟
ماشاالله عليها زوجتك شكل معدنها طيب لا تفرط فيها
لو احد غيرها وحصل لها مثل موقفك السابق معها كان جلست عند اهلها استنفرت جميع القوى النسائية في محيطها وسوت لك خطط خمسينية تحكمك فيها خمسين سنة قدام
لكن باين عليها نيتها طيبه وبسيطه وحبوبه الله يسخرك لها ويبسطكم مع بعض