السلام عليكم ورحمة الله وبركاته
اسعدني انضمامي لمنتداكم الرائع واول مشاركه لي
متضايقه ولي سنه ونص ونوم الليل محرومه منه كله من زوجي الله يسامحه ويهديه ويصلح احوالنا
تزوجت من سنه ونص من رجل كنت قد اوهمتني بنت اخته انه الرجل المثالي مع ان الخطاطيب اقسم بالله انه بسنه وبدون مبالغه تقدم لي 14 رجل لكن القدر والنصيب اقوى من الاختيار لذلك هي حبت تزودها في المدح ومدحته بزياده خطبني ووافقت وتملكنا وتزوجنا بعد ملكتنا ب5 شهور
مشكلة زوجي تتبلور في خيانته لي من اول اسبوع زواج لي واكتشفته وانا برا السعوديه بشهر العسل بس قدر يضحك علي وانا جاهله في التعامل مع الرجال صدقته ومشينا حياتنا بس ضلت جمره بقلبي
ورجعنا السعوديه وعاونته بكل امور البيت واعطيته ذهبي لاجل نكمل تاثيث البيت وهو امانة رجعه لي في اقل من شهر لما نزل له قرض الزواج
بعد شهر العسل حملت وبعد حملي بثلاث شهور حسيت انه زوجي يبي يصرفني ولما اجي يغطي جواله ويروح بعيد عني وبطريقتي فتحت جواله و اكتشفت انه يخونني مع وحده متزوجه وله معاها اربع سنوات وهي كانت حامل بشهورها الاخيره انا انصدمت وبكيت واخذت رقمها وسجلته بجوالي وهو مايدري ولما جيت اقفل الجوال وصلت له رساله من وحده ثانيه انا انصدمت انا وش قصرت عليه لسى عروس وجمييله حتى بطن ماابين علي ولا بعد ارقص له ماني محسسته انه حامل ويجي من دوامه وانا بكامل كشختي وعطري معبي البيت والطبخ احلى شي من يطلع دوامه ماانام يجي والبيت كامل وانا احلى شي موفرت له احلى جو
المهم رحت بيت اهلي وماعلمت احد ارسلت لزوجي رساله وخبرته انه ماعاد ارجع له لانه خانني وببيت اهلي كلمت البنات وتحسبت عليهم المتزوجه تقولي هو حبيبي من قبلك بكل بجاحه وكل شي بحياتكم من تحت امري اقسم بالله كلامها صواعق علي بس رديت عليها برد قهرها واعطيت اخوي رقمها وقلت طلع لي هي مين وهددتها اذا ماوخرت عن حياتي لافضحها والبنت الثانيه نفس الشي المهم انا تعبت ورحت المستشفى وجاء زوجي ويبوس يدي سامحيني وانا قلت له لو صار لجنيني شي ماراح اسامحك ابد وفعلا تعب جنيني وهو الي رجعني بيت اهلي وجلس يتسامح مني ويطلبني ارجع بيتنا انا رفضت وبالنهاية وافقت بس ارتاح يومين عند اهلي لاني لسى مصدومه ورجعت وتعدل فتره وبعدها حصلته مع بنت وكان مواعدها يروحون دبي وكشفتهم وخربت عليهم بس ماسكتت طلعت من البيت ولحقني يترجاني وانا تكلمت بكل حزم وقلت له اختار انا او البنات قال انتي ونسينا الموضوع وبعدها بكم اسبوع تغير علي وفجاءه وحنا بمجمع جاه مسج فك يدي وقام يصارخ علي وركبني السياره ووداني مطعم وجلس بعيد عني ورفض ياكل ورجعنا البيت وعرفت انه بنت المهم صارت مشاكل ورجع اعتذر واكتشفت بعدها بكم اسبوع انه مع بنات تقريبا اربع او خمس وانا هنا انهيت الموضوع وطلبت الطلاق ورحت اهلي وهو اعتذر وبعد محاولات وحلف رجعت
طول فترة حملي مرضت ارتفع ضغطي وسكرالحمل واحتبست السوائل وارتفع وزني والبيبي ماصار يوصله الغذاء بسبب ارتفاع انزيمات الكبد وولدت بالشهر الثامن بعد خمس ايام ولاده ولله الحمد جبت ولد يجنننن وللامانه كان واقف معاي وماتركني ولا يوم واخذ اجازه ورافق معاي ماتركني بس انا ماقدرت اسامحه كل ماشوف ولدي واشوف جواله ابكي واشوف صور زواجي وشهر العسل ابكي زياده احس من كثر خيانته كرهته ومااثق فيه ومااحس بالامان معاه وربي كل يوم انتظر شي منه اقسم بالله انه مهيئه نفسي لشي مصيبه منه
اهملت بيتي واهلمت حياتي صرت اخاف مرره من حياتي معاه
حاليا ماشفت عليه شي واوقات يعصب علي وينقلب واوقات كويس بس الاغلب كويس بس انا ماقدرت انسى الي صار لي منه وكثر ماتنومت منه
ابي منكم اراء هل انا طبيعيه او احتاج الى فعلا تدخل استشاريين وارتاح والي عنده مشاركه نريحني الله يسعده الي يريحني اعرف طولت عليكم بس ابي افضفض لااحد

اختي الكريمة
الرجل او المرأة لا يردعهم من الخيانة الا دينهم لكن هناك اسباب اخرى ولا اريد ان اخوض الحديث فيها بما ان زوجك لم تلاحظي عليه شيء في الفترة الأخيرة فقد يكون تاب و تغير فعلاً
انصحك بأن تهتمي بزوجك و بطفلك في هذه الفترة

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

يرجع يمل صدقيني اهم شي لاتفتشين وراه،،شكله متعود من قبل يعرفك ع العلاقات ،،توه ماتشبع من مراهقته..وربي فيه ارداء من زوجك ومن نفسه ترك هالسوالف ورجع،،اهم شي لاتحولين حياتك جحيم وتجلسين تنتظرين خيانات لاااا ،،بالعكس تفائلي ،،اذا انتي مقرره تستمرين معاه ..شوفي المنتدى فيه رجال صابرين ع خيانات حريمهم بس عشان العيال والفضيحه ،،ترا الدنيا وربي مافيها كمال ولا احد مرتاح نهائياً ،،استمتعي بولدك وبحياتك،،وانتي غيري من شخصيتك ..خليك غامضه معاه مايعرف انتي تحبينه اولا التهي عنه باشياء مفيده

انا ماعندي حل لك مع زوجك لاني نفسك عانيت من الخيانة بس عندي كلام لازم تستوعبيه أنتٍ عدل عدل
1.ما فيه اي مبرر لفعله انتِ مالك دخل بخيانته ولا لك ذنب
2.زوجك مايستاهلك ولا يستاهل تعبين حالك عشانه ولا تدمرين صحتك انتبهي النفسيه تأثر بالصحة العامة كثير
3. ولدك هو ضناك وقطعه منك أنتِ لاتقسين عليه بسبب خيانه ابوه يكفيك يكون لك ولد وفي معك

وان شاء الله تحصلين حل مع زوجك

تسلمون على المرور
بس زوجي من النوع الي يحب ابين له حبي ويحبني استقبله عند الباب وبصراحه مااحرمه من هالشي واحسسه انه تاج راسي بس اوقات يغلبني التفكير وارجع ابكي قدامه والومه واسبه ومره سبيته بكلام سيئ بس لما افكر اغفر لنفسي مقابل خطيئته وهو بعد حاسس بعدم استقرار نفسيتي
وواوقات يجيني تفكير اتركه بس مااقدر اغيب عن بيتي ولا لحظه لان طفلي شديد التعلق باابوه وبسريره يعني نفسي اروح اسبوع عند اهلي عشان تصفى نفسيتي بس ماقدر من طفلي

الجئي لله وحده سبحانه ، وسليه أن يحفظ بيتك زوجك من شياطين الانس والجن
- اشبعي عواطفه قدر الإمكان وبكل السبل خاصة الكلام الطيب
- كفي عن جو النكد ولومه وتأنيبه أرجوك ، وحسسيه إنك ستمنحينه القة للمرة الأخيرة
-انتبهي ثم انتبهي ثم انتبهي لتركه أسبوعا والمضي لبيت أهلك فستصل إليه واحدة من إياهم ويبدأ مسلسلا جديدا
اقرئي عن سبب تعدد العلاقات عند الرجل
- لا تشوهي صورته أمام أهلك أو أهله احذري
- علقيه بابنه كثيرا
- هيئي له أجواء طيبة في المنزل وللمرة الثانية كفي عن اللوم والتجريح
- زوجك في أصله طيب وما زال يحبك فلا تخسريه .

__________________
## مهم ##
هل تتعرضين للابتزاز في الانترنت؟


هنا من ينقذك

أنا مع أختي آفاق المجد - جزاها الله خيرا -

و أحب أضيف :
بما أن زوجك ابتعد عن المكالمات المشبوهة
عليكِ أنتِ أن تغييري نظرتكِ له و تفكيرك عنه
أخلقي له صورة جديدة في عقلك الباطن
لأن المشاعر السيئة تنبع من الأفكار السيئة
و العكس المشاعر الجيدة تنبع من الأفكار الجيدة .

بالتوفيق

__________________
أستودعكم الله الذي لا تضيع ودائعه .. و احفظوا عني :
إن لم تكن إنسان إرادة تلتزم بفعل ما تريد فكن إنسان شغف و أحب ما تريد الالتزام به و ستنجح بإذن الله .

روحي له وبجلسه مصارحه وقولي له ترا مثل ماتكلم برا اكيد راح الله يبليك ويكلم جوا يعني اختك او ارسلي له مقطع عن الي يكلمون بنات الناس الله يبلاهم بخواتهم

من طق باب الناس طق بابه

يمكن الي تسويه في بنات الناس تجي على خواتك

اختي جروح شكرا على مرورك ووعلى نصائحك
وبالنسبة لطفلي يشهد الله علي انه احبه واخاف عليه من الهواء واهتم فيه

حياتي مبعثره انا من النوع الي احب اوراق حياتنا المشتركه تكون مكشوفه وعلى مراى مني ومنه فقط
وعملنا جلساات مصارحه
بس انا مو قادره انسى وربي مو قادره لما اصحى من النوم وهو كان نايم جنبي وماحصله افز ابكي اخاف
لما اروح معاه مجمع مااثق فيه لما نروح اي مكان مااثق فييه ولا يمكن اثق فيه لي سنه ونص وانا احاول ارجع ثقتي