مساء الخير

تزوجت الحمدلله منذ 5 شهور تقريبا وحياتي مع زوجي يعني فيها مشاكل يمكن يسموها مشاكل بداية الحياة الزوجية وها الشي يمكن لأني مو متعودة على الحياة الجديدة وخاصة إني مازلت أدرس بالجامعة وباقيلي فصل فيها ....

المهم .. تزوجت وظليت مع زوجي شهر ونص وبعدين بدت الدراسة الجامعية مرة ثانية وهذا آخر فصل ان شاء الله ( ادعولي) وطول ها المدة الى اليوم وأنا أروح اسبوعيا عن زوجي وما أقابله إلا يومين في الاسبوع
هو يكون راجع تعبان من دوامه لأنه مو في منطقته وأنا أكون راجعة من أيضا تعبانة وخاصة إني حامل في الشهور الأولى ..

أنا أحاول والله يشهد علي إني ما أعصب من تصرفات زوجي .. أحسه مو مهتم فيني وكله يقول" أنا مشغول وتعبان" .".أنا راجع من الدوام تعبان" . .. وأنا الله يهديني أعاتبه في أمور واايد وأهم شي المصيبة اللي طلعتلي مدري من وين والمسمااة ..( أخو زوجي )

أكره أخو زوجي كره العمى والسبب إنه زوجي يفضله علي في أشياء واايد ..بتقولون كيف أنا أقولكم :

من شهر تقريبا وأنا أقول لزوجي نبغي نروح مع بعض ها الاسبوع وأجي عنده لأني أخلص دواماتي مبكر بالكلية وأكون فاضية وأبغي أكون وياه ... يرد ويقوللي لا ماأقدر أخوي بيجيني ها الاسبوع وهو ضيف وعلشان ها الشي ما أقدر أكون وياج !!!!!!!

أوكيه ما عليه طنشت مرة ومرتين بس الحين ما أقدر أطنش ..قلتله اليوم أبغي توديني في الويكند عندي أغراض أبغي أشتريها ضروري قاللي تعرفون شو قال : " لا ما أقدر أخوي بيجيني ها الاسبوع فيه معرض سيارات صاير ويبغي يشوف ويكون عندي " ..أنا هنا على قد ما عصبت على قد ما زعلت بس والله ما قلتله شي وبعدين خليته وما تكلمت ( هذا الكلام كان اليوم بيننا بالتلفون ) وسكرت التلفون وقعدت أفكر ... والله إني زعلانة من كلام زوجي وخلاص ما أقدر أجادله أكثر لأني جادلته في نفس الموضوع من قبل وقال لي إنتي ما تراعيني وإنتي ما تحسين إني أتعب بالشغل وإني مشغووول ...أقول في نفسي مشغول بس لما يكون الشي يخصني لكن لما يكون حق أخوك ولا يهمك حتى لو كنت في نص شغلك ...

أنا ما ابغي أعصب أكثر لأنه مو زين لي أصلا أنا حامل في الشهور الأولى وفوق هذا بعيدة عن البيت وفي نص دراستي ..و ما أبغي أجادل زوجي أكثر أو أعصب عليه أو أناقشه لأني تعبت ...هو يفضل أخوه علي فلا يلومني إذا فضلت شي ثاني عليه في أوقات هو يكون محتاج لي ...

بالله عليكم شو أسوي ...وشنو الحل ... صدق تعبت وأحاول أضبط أعصابي بس عادي أنفجر في وجه زوجي إذا اتصل الحين ....

وعلى فكرة : أخو زوجي أكبر عنه ومتزوج بعد من فترة كم شهر لكنه متزاعل ويا زوجته وطلعت من البيت وهو ماخذ رااحته على الآخر ويطلع ويروح على كيفه .... اذا هو حياته خربانة لا يخرب حياة غيره ..

طولت عليكم بس اسمحولي

__________________
الظلال تمد ايديها لنا !
هل يا ترى تكون ارفق علينا من الضوء؟

الله يكون في عونك هذه مشكلتنا جميعاولوكنتي مكانه كان عفس الدنيا.وش نسوي

قالواوش يصبرني على المرالاأمرمنه.الصبرزين ياقلبي وتفاهمي معاه بالحسنى.

[حرام عليك كل الكره لية كرة العمى عشان يطلع مع اخوة

يااالله عليكم حريم الوقت ما تتحملون شىء واى شىء يزعلكم......


أكره أخو زوجي كره العمى والسبب إنه زوجي يفضله علي في أشياء واايد ..بتقولون كيف أنا أقولكم :

[اتقى الله ما سوالك شى الرجال الغلطة غلطة زوجك هو ما لة ذنب

[لاتحملين اخوى زوجك تقصير زوجك الله يهديك ويهدى زوجك لك

__________________

فوز البكري + بلبل : الله يصبرني بجد
المرة وهي حامل تتنرفز من أي شي
أبذل مجهود كبير علشان أضبط أعصابي وأسوي الصح

بندروزا : أخوي لو كنت أنا فعلا غلطانة فالله يسامحني بس أخوه أحس ما يحب الا نفسه

صمت الهوى: أخذت بنصيحتج إختي وان شاء الله يسخر لي زوجي

ناصر : لا مو طفشانة من حركات زوجي بالعكس أنا أراعي زوجي في اشياء وايد مالازم أقولها فليش هو ما يراعيني في ها الشي البسيط ... أخوه انسان متزوج أيضا مو فاضي لكنه مهمل لزوجته مثل ما هي مهملتنه .. الله يسامحك

الساهرة لربها : آمين

وش أتسمى: هذا اللي أسويه وعسا ربي يسخره لي ويحنن قلبه علي
شكرا

massa: على كثر ما ضحكت على ردك على كثر ما حزنت ..ما أبغي ابني اوبنتي تصير مثل عمها خاصة الطبايع
وأنا أدرس في مدينة وزوجي يشتغل في مدينة ثانية وما نشوف بعض الا مرتين بالاسبوع هذا نصيبنا

roneroro; يمكن اللي تقوله يكون صحيح بس لو كان صحيح راح أزعل أكثر
كيف أخوه يقوله مثل ها الكلام وهو يعرف إن زوجي يحبني وهو اللي تزوجني باختياره مو باختيار أحد ثاني
أنا أحس إن أخوه يحاول يتحكم بزوجي على أساس إنه أصغر منه .. لكنه أكثر سعادة عل ما أعتقد
يمكن الغيرة .... ليش لأ !


sub7an allah: شكرا على نصيحتج الحلوة
بسويها بس لما بهدا شوي أحس إني صدق زعلانة

ام العبد: شكرا والله ييسر علي

memeso: الله يعينك إختي عليهم ... أنا أبغي زوجي لي وبس لأن الواحد خلاص لما يتزوج يصير له عايلة وكيان مستقل ليش أهل الزوج ما يفهمون ها الشي ..ليش ؟؟

al3ion: بخذ بنصيحتج عزيزتي
لكن أخو زوجي مستحيل أحبه ...
أحب زوجي وأبغي أرضيه وابغيه لي مو لغيري لو كانوا أهله لأني أنا أيضا استغنيت عن أهلي وبيت أهلي و ذكرياتي فيه علشان خاطر عيون زوجي
بس الأزواج ما يقدرون أحيانا ها الشي .. ويظلون هم متمسكين بأهلهم مع إن لهم حياة خاصة الحين

يااااااااارب تسخر زوجي لي ولابننا اللي قادم

__________________
الظلال تمد ايديها لنا !
هل يا ترى تكون ارفق علينا من الضوء؟

اصبري على زوجك ولك الأجر

وما تبيني انك متضايقة من موضوع اخوة والله يفتحها عليك

وما بعد الضيق الا الفرج

__________________

حبيبتي اول شي لاتنسين انك حامل والنرفزة والعصبية بتتعبك
وثانيا عليك بالصبر واهتمي بدراستك
ترى الرجال مايحبون كثر الزن والحنه على قولتهم ومايحسون انهم مقصرين

انت اسكتي عنه كم يوم وبعدها اكتبي كل اللي بخاطرك بورقه وحطيها جنب مفتاح السيارة عشان يشوفها وهو طالع
وصدقيني الرسايل لها مفعول عظيم
والله يسعدكم ويهنيكم يارب

__________________
صمت الهوى

اختي انتي طفشانه من حركات زوجك وحطيتي حرتك في اخو زوجك لانك ماودك تكرهين زوجك فلقيتي باب تكرهين اخوه لانك حطيتيه شماعه ايش ذنب اخوه

اعانك الله اختى واحتسبى الاجر

قولي لزوجك ابيك بموضوع ضروري لايتحمل التأجيل اذا قالج شنو الموضوع قوليله شي يخص الطفل الجاي بالطريق ماقدر اقوله بالتلفون لازم اشوفك واقعد معاك اذا اصر انه يعرف قوليله رجاءا احترم رايي ماعرف اقوله بالتلفون
خطه عشان تشوفينه وتقعدين معاه
اذا قالج انا مشغول ولا شي قوليله اذا فضيت لازم اقعد معاك
خلج على رايج ولاتقوليله

اهو راح يصير عنده فضوووول خصوصا اذا شافج مصره على رايج

طلعو البحر اوو اي مطعم تكونون بروحكم واياني واياج تجيبين له طاري اخوه او تبينين له انه يفضله عليج ترا مهما كان هو الغلطان ماراح يرضى وراح يطلعج انتي الغلطانه

قوليله
انا مزعلتك بشي ؟
ليش ماتشتاقلي ؟
انا مو عروستك ؟
مو ام عيالك ؟
مو حبيبتك ؟؟

قوليله انا محتاجه حبك وحنانك احتاج اكون معاك على طول احس ان عندي زوج
احب افتخر فيك واسولف عنك قدام اهلي

وصارحيه باللي في قلبج وانه لج حق عليه شرعا

اذا قالج طيب وش دخل الجنين بالموضوع
قوليله لانك بتدمر حياته
انا خايفه لايطلع بالدنيا ويشوف ابووه دايم لاهي اذا انا بروحي الحين منت قادر تلبي حاجياتي كيف لي جا هو وصارت حاجياتي وحاجياته

لازم يسويله جدول ويضبط وقته

شوفي اللي يناسبج بردي طبقيه واللي مايناسبج شيليه وانتي اخبر بزوجج سوي اللي تشوفينه
لكن لاتعصبين لان مااراح تفيدج بشي


الله يوفقج يارب والسموحه ان قلت شي غلط بس قاعده اكتب بسرعه بسرعه لاني مستعجله لوول

مع السلامه اختي ..

كان الله في عونك حبيبتي وأنت إن شاء الله عاقلة وترى الرجال - وابن آدم عموما - تجيبه الكلمة الطيبة ، فأنت بشوية أسلوب وكلمة طيبة تقدرين تخلين زوجك يعدل الوضع ، طيب ليش ما تتفقين معه وباللين إنه يقسم الوقت له ولأخوه ولك، يعني نهاية أسبوع لك واللي بعده لأخوك وهكذا
شيء مهم أختي أنصحك به هو: دعوة في السجود إن الله يألف بين قلبيكما ويسخره لك وييسر لكما الخير أينما كان .... حفظك الله وسدد خطاك...