السلام عليكم ورحمه الله وبركاته

بنات تكفون ابغى حل لمشكلتي مع زوجي ماادري ايش اسوي
اطلب الطلاق وافتك من خياناته وكذبه لي او اجلس عنده دخيلكم
ابي حل انا متزوجه من ست سنوات وعندي ولدين من بدايه زواجي
وزوجي يخوني كلام بالمسن والفيس والجوال وصابره عليه وكل مره
اكشفه يحلف لي انه راح يتغير تعبت نفسيا منه يابنات ماادري ايش
اقولكم لكن والله اني اعاني بالمره حقوقي حارمني منها والبنات كل
شي يسولف معاهم الحلال عنده حرام والحرام حلال عندي كل شي
عيب ومايصير ومع البنات كل شي مباح المهم قبل شهرين شفت له
محادثات اتقشعر البدن مع اكثر من وحده وياليت بس كلام كل واحد
يفتح المايك وتعرفون ايش يسوون ويقولون والله انجنيت لما قريت كل
المجادثات فواجهته عصب علي وحلف علي طلاق غير احذفهم كلهم
وان اذا علمت احد بالمحادثات فانا طالق يستهتر بكلمه طالق علشان
بنات كلبات انا تعبانه والله مو قادره اتكلم حتى لابتوبي كسره المهم
اتصالحنا وحلف لي على المصحف انه ماراح يخون وحذف كل البنات
اللي بالمسن اتفاجات البارح بمحادثين مع بنات ونفسهم اللي حذفهم
ضايفهم في ايميل ثاني وعلاقته مع وحده فيهم كانها علاقه زوجيه
انا متزوجه ست سنوات عمره ماقال لي او فعل معاي زي مع البنات
واجهته عصب واتنرفز وقال تستاهلين ليه تفتحين واتفتشين قلت اللي
ابطنه ريح مايستريح والله يابنات حتى لما يدخل دوره المياه ياخذ معاه
الجوال واتفاجأت بعد من المحادثه انه عنده جوال ثاني انا ماادري عنه
اتهاوشنا مع بعض ووصله لسما لدرجه قال انتي رخيصه وبطلقك علشان
بنات والبنت اللي تتكلمين عنها بتزوجها وبتصير ضرتك ايش رايك قالي
كلام يحرق القلب وينرفز بكيت ودعيت عليه من قلبي قدامه المهم يابنات
قبل اشوي جاي ومعاه باقه ورد قلت ايش هذي قال باقه ورد علشانك زعلانه
قلت لا ياشيخ يعني هالباقه بترضيني المهم طلع وقل لارجعت بنتكلم دخيلكم
قولولي ايش اسوي معاه او ايش اقول وكيف افتح الموضوع انا ابغاه يتوب ويترك
البنات وةمغازلتهم ابغى يتوب وويوعدني اخر مره انه مايخوني انا كنت قايله له
خلاص بروح عند اهلي ابغى الطلاق وكان يقولي هذي الساعه المباركه وهذا
اللي ابيه من زمان فهددته ان عندي له محادثات مع البنات وانا صادقه قلت والله
لااوريها اهلك واهلي الله يجزاكم خير ابغى الحل اطلب الطلاق او اجلس عنده
وكيف اتعامل معاه بعد اللي صار لأني ابغى رد اعتبار على اللي سواه معاي
ارجوووووووووووووووووووكم ابي الحل وانتظر ردودكم الله يجزاكم الجنه.

الرجال هذول مدري اش صاير فيهم

كنهم نسخ من بعضهم

الله يعينك ويعينا

ماعندي حل لكي غير الدعاء له والصبر بيجيه يوم ينهد حيله ويعرف الله حق

شوفي شو اللي ينفع مع زوجك وسويه لكل رجل شخصيه

وفيه شي ينفع معاه ماينفع مع غيره

لكن من رايي ..

وقفي وقفه قويه بوجهه

وروحي لاهلك لين يتأدب

خليه يحسب لك حسااب

والله يهديكم ويعينكم

__________________

انا راح اقولك نصيحة وانتي بكفيك

لاتخرجي مشاكلك هذه برى بيتك

اذا موعشانه عشان سمعة عيالك بكرة لما يكبروا

لان فضيحة والدهم راح تأثر عليهم وخاصة لو عندك بنات

يااختي تدري اش تسوي دحين قومي اتوضي وصلي وادعي ربك وتيقني ان الله راح يهدي زوجك واقري قران واستغفري وزوجك لازم تتخذين معاه موقف جاد تكلميه في وقت يكون مناسب وباسلوب جاد وبدون صراخ وضحيله ان اللي يسويه حرام وقوليله ايات من القران وقولي انك ماترضي عليه الحرام لان الدنيا فانيه وربي بيحاسبنا على اللي سويناه انصحيه وحاولي تذكريه بالدين وادعي ربك يهديه وقولي المفروض قبل ماتخاف من الناس خاف الله لايغضب عليك اوتموت وانتي تسوي شي حرام قولي يااخي اتقي الله في نفسك وانشالله ربي يهديه

حبيبتي ياروجي فوشي !!!

فيه مشاكل موبسيطه ولا سهله يبي لها وقفه قويه

عشان يتأدب عالاقل ويحترم زوجته

وانا قلت شوفي شو المناسب مع زوجك وسويه وهي ادرى !!

لكن المشكله موهنا المشكله بهالمنتديات تعرضين مشكلتك وانتي ماتدرين صراحه

بتلقين الراي السليم والحكيم من اهل الخبره او لا ؟؟

والكل يكتب ووبس المراهق يجيب لك حل

واللي حياته يبي لها حلول واللي واللي

وهنا المشكله

تجي وحده وتاخذ بالنصيحه اللي ماتصلح لها ولا لزوجها وتروح بخبر كان

عشان كذا انتي شوفي شو الانسب لزوجك وسووويه

والله يوفقك دنيا واخرى حبيبتي

__________________

شكرا لكم ياخواتي على ردودكم والله يجزاكم الجنه
انا فعلا ودي اخذ موقف واخليه يحسب لي حساب
لانه ابد ماهمه انا يقولي اصلا هذي الساعه المباركه
اللي تنقلعين فيها عن وجهي اتركيني وريحيني والله
العلي العظيم اليوم الصباح يقولي انا لو مكانك ابد
مااجلس واذا جلستي ابدا ماعندك كرامه

كل هذا الجرح ولساتسالين ايش تسوين معاه..الرجال هذا لويحبك مايخونك ولا ويقول ماعندك كرامه ورخيصه

انتي الي خليتيه ياخذ هذي الفكره عنك لانك سكتي من اول يوم وسامحتيه كثير..الا الخيانه ماينسكت عليها

لاتسمعين الي يقلك يتغيراصبري عليه..اصبري على الفقر او على الضرب لكن الزنا والخيانه لا ومليون لا


الموقف المفروض تاخذيه من زمان من اول خيانه اكتشفتيها الحين خلاص معاد يفيد

لان حاط في باله انك تسامحين وانك ماعندك كرامه...شخصية زوجك واضحه..لمايجيبلك باقة ورد موعشانك

اوعشان يراضيك اويقلك كلمتين وصدقتيه

لايااختي الورد الي جابه عشان خايف انك تفضحينه عند اهلك واهله ..ست سنوت خيانه وصابره في الاخير

بتمرضين..لازم تدخلين احد كبير..مع انه متاكده الي زي زوجك ماحيتغيرحتى بعد ماصارعنده ولدين وبرضه

ماتغير...

ايش تنتظرين.؟؟ينقلك مرض من البلاوي الي عنده

وريه انه عندك اهل وانك مانتي رخيصه زي مايقول فهميه انك ماراح تفضحينه ابد وراح تسترين عليه لكن

ماحتسامحينه على الي سواه فيك..اكتبليه رساله عتب وحطيهاوروحي بيت اهلك وريه انك عند كلمتك

كفايه ضعف وجرح واهانات

هدوء مزعج

ماحد قال لاتوقف وقفة جادة معه

لكن ماكنت اقصده انها لاتفضح زوجها وتطلع مساوئه خارج بيتها

لان صدقيني ماراح يغفرها هالشيء مستقبلاً ان كانت لها رغبة في الاستمرار معه

نصيحة أخت في الله

لا تجعلي زوجك محور حياتك

لا تحطي زوجك تحت المجهر

لا تفتشي ورا زوجك

لا تحاسبي زوجك

لا تواجهيه ببلاويه

لا تنتقديه

طنشيه تماما

كل اللي عليك

زيدي الإهتمام

زيدي جرعات الحنان

ابذلي الأسباب الممكنة عشان ما ينفرد باللابتوب والجوال

واجعلي حب الله رقم 1 في قلبك

وادعي دوما اللهم إني أسألك رضاك اللهم إملأ قلبي بحبك، واجعل كل حب موصولا بحبك

السعادة من الله فتعلقي بحبل اللي يعطيك السعادة لانه حبله متين ما ينقطع

لا تتعلقي بحبل زوج لأنه بشر حبه واهي ضعيف

اجعلي لنفسك قيمة

يعني تعلمي كيف تحبي نفسك وتدلعيها وأعط لنفسك الاولوية في كل شئ

مو معناه تطنشي زوجك لا كوني هينة لينة معه من أجل رضا الله

يعني اجعلي غايتك رضا الله

خلي زوجك يدخل عليك البيت ويراك مصلية مسبحة ذاكرة الله قارئة للقرآن سيتغير بإذن الله

بدليل إنه حريص على مشاعرك ويريد رضاك ولولا ذلك ما حلف ولا أحضر الورود

أتمنى كلامي يدخل قلبك وتستفيدي منه

لانه أنا لما طبقته ارتحت كثير ولله الحمد والمنة والفضل