مساء الخير والسرور
اشتقت للمنتدى وللاخوة والاخوات النصوحين فيه

انا ياجماعة ما اجيكم الا اذا عندي مشكلة مع زوجي
والحمدلله مشاكلنا صايره متبااااااعدة
لكن الحياة لا تخلو من المنغصات والمشاكل

قبل اكثر من سنه كنت كل أسبوع بمشكلة
ماكنت فاهمته ولا هو فاهمني
وقتها كنت موظفة ولظروف معينة تركت الشغل
لكن ماكان لعملي أي علاقه بهذي المشاكل
ومع الوقت تحسنت علاقتنا
وخفت المشاكل كثير الحمدلله
وانا بحثت عن وظايف وزوحي كل مره يطلع عيب
مره يقول المكان بعيد ومر يقول مختلط
ومره يقول الراتب مو عالي
وانا مليييييت من جلسه البيت
ومؤهلي عاااااااالي الحمدلله
وكنت متفقه معه من قبل الزواج على العمل
وكان موافق.. لكن يمكن هو استحلى جلستي بالبيت!!
ومايقدر يقول لي مباشرة مافي شعل
لانه كان معطيني ومعطي اهلي كلمه بهالموضوع

المهم
جتني وظيفة الحمدلله براتب كويس وشركة كبيرة
وهو كالعادة رفض وهالمره بحجه ان ساعات العمل طويلة!
وانا اصريت لاني ملييييت من جلسة البيت
ياجماعه انا مهندسه ودارسة هندسة 5 سنوات وعندي طمووووح
والحمدلله ماقصرت بالسنين الماضية
لا بحقه ولا بحق بنتي ولا بيتي
من حقي الان التفت لنفسي شوي وادور مستقبلي
ولأول مره أقول له اني استخرت ومقتنعه بهالوظيفة
قال: يعني رأيي مايهمك؟
قلت: رأيك على عيني وراسي.. بس اشتغل فيها وادور وظيفة مستقبلا
ولا أجلس بالبيت وتقدم شهادتي وخبراتي ويروح عمري!!
طبعا هو طلع عيوب الدنيا باسم الشركة وبطبيعة عملي وشهادتي
بالاخير قال اعملي اللي تشوفيه خلاص انا رايي مو مهم
وانا سكت وخلاص


بعد المغرب جاني يعلمني ان فيه احد من اهله بيجي منطقتنا عنده مراجعة مستشفى
وهذا الشخص مررررريض مسكين وكل شهرين يجي ويجلس أسبوع او أسبوعين
لكن ولا مره سكن عندنا
زوجي قال فلان بيجي وراح اعرض عليه يجلس عندنا
قلت له صعبه رجال غريب يسكن أسبوع وانا جالسه بالبيت واخوانه موجودين
قال لا صعبه ولا شي.. هالمره راح أكون شهم واعزمه!!
انا سكت وتغير وجهي.. وهو قال لو انك سنعه كان ماعارضتي!!
قلت خلاص هذا بيتك اعمل اللي تبي
قال خلاص بعد ايش!! المفروض من البداية قلتي تأمر امر!!
بعدين قال: أصلا هو ماراج يرضى يجي بس كنت حاب اشوف ردة فعلك

حسيته حاب يخلق مشكلة
واتهمني اني ما احترم كلمته وانا دايما اضغط نفسي عند اهله عشانه!
وقال لي بالحرف: انتي مستقوية علي ورأيي عندك ماله قدر.. عندك هرمونات ذكوره زايدة يمكن!!


انقهرت منه.. وشدينا بالكلام وطلع وتركني
من زمان ماجرحني كذا.. وفوقها اتهمني اني ما اهتم لأهله وجماعته
يعني كل هذا عشاني اصريت على العمل بالشركة الفلانية
بدل ما يقول الله يوفقك او عالبركه او يتركني بحال سبيلي
يتخانق معي بالنهار ويفتعل مشكله بالليل



للأمانه انا مصرة عالعمل لعدة أسباب
أولها طموووووووحي ((وهو احس ماتعجبه الزوجه الطموحة))
ثانيها ان العمل أمان للمستقبل وضمان لي بعد الله
تخيلوا قبل أسبوع صديق زوجي تزوج على زوجته لأسباب تافهه
ما استبعد بكرا زوجي يسويها لأنه اعز اصدقاءه!!
غير كذا احس زوجي اناني
وهو يتهمني اني انانيه لاني ماقبلت استقبل قريبه ببيتي
وانا اشوف بيتي مو فندق وصعبه ينام عندي رجال غريب بالايام

ما ادري ايش الكركبه هذي اللي صارت اليوم
المهم انا ان شاء الله مصرة اكثر عالوظيفه
لان بهالمواقف افقد الأمان مع زوجي
خصوصا مع قسوة اتهاماته وافتعاله لمشكله من ولا شي


انا ما اشك بحبه لي
لكن زوجي عنده خوف من فكره استقلاليتي وعملي
ويربط مشاكلنا القديمه بدوامي واني كنت مرهقه
والله مو صحيح
وقتها ماكنا فاهمين بعض صح
وهو برضو يخاف ان العمل يعطيني قوة وسيطره
لانه من النوع اللي يحب يكون المسيطر على كل شي
هو اللي يصرف عالبيت ويكون مسؤول تماما عني
فخايف اذا اشتغلت تقل هالصلاحيات
وزوجي للأمانة كريم جدا معي ماشاء الله
ويهدد من الان انو اذا اشتغلت بتتغير طريقه تعامله معي
ويقول ماراح يكون لي علاقه بمصروفك ولا فواتيرك واغراضك
على أساس هذي ضريبه طلعتي من البيت
او يمكن يضغط علي عشان أخاف وانسحب من نفسي


انا متضايقة
مو قادره افرح بالوظيفة اللي تمنيتها
ومستحيل أكون غبيه وارفض هالوظيفة
لاني ندمت على وظايف سابقه رفضتها بسبب زوجي
وهالوظيفة جتني بسبب واسطة كبيرة سعى فيها اخوي
فصعبه على اخر الوقت أقول لا واحرجه واحرج نفسي
والفرصه اذا جت ماتتكرر




تفكيري مشوش


مستجدات
الرد 30
http://www.66n.com/forums/showpost.p...6&postcount=30

للامانه زوجي ولامره قال مافي شغل
بس يبغى وظيفه بشروط معينه وصعبه
وكأني بنت الوزير!!
ويقول اصبري لاتستعجلي.. والعمر يركض
يعني مو على كيفنا الوظايف
وانتم عارفين حال البلد وكثره البطاله
وانا قلت له مو خسرانه شي لو ما ارتحت اتركهم
برضو ما اقتنع
ويعتقد اني راح اقصر بحقه وحق البيت
ويتهمني انو نفسيتي تتعب من ضغط العمل
واني ماراح اتحمل الخ الخ

على فكره الدوام عادي
مو طويل مره زي مايقول
ينتهي الساعه ثلاث ونص
ودوام زوجي ينتهي الساعه 4
يعني انا قبله بنص ساعه

ماشاء الله
عالبركه
عن نفسي ماأفضل الانسحاب في فرصه ماتتكرر
حاولي معاه بهدوء لان رضاه مهم بعد
لتجنب المشاكل فيما بعد
شوفي كنافه الشروط حق قبل الزواج غالبا
تندعس بعد الزواج
يعني بعد عشرة عمر ماعاد يمديك
تقوليله كان شرطي
بيقول كان فعل ماضي!!
لان بعد الزواج خلاص يبدأ يتحجج الزوج بألف عذر
عشان كذا انتبهي تجيبين سيرة انه كان شرطك وانت رضيت
بيقلب الطاوله عليك وبيزيد فلسفه
لاتذكرينه بهالشي الا ان تطور الموضوع
وان شاء الله مايتطور ولا شي إلا للأفضل
والخير لكم الاثنين
رضا زوجك مهم بعد
وفي نفس الوقت لاتحسسينه انك ميته على موافقته
عشان مايزيد عناد

فعلاً لا تجيبي سيرة انه شرط هذا يجعله يختلف مشاكل اكثر واكثر

بالنسبه للمشاكل الي اختلقها يابنت ولا كأنه قال شي هو عارف انه انتي مش كذا بس حب يحطمك عشان تتركي الوظيفه
حاولي تكوني هادئه معاه مرررره اذا خلق مشكله هو يبغى ينرفزك ويقول الوظيفه السبب فأنتي امسكي اعصابك كثثير واهتمي فيه حتى لو زعلتي منه عسى يرضى بتعاملك الحلو معاه

وسالفة انه صديقه تزوج يابنت اتركي الافكار هذي ولا تفكري تذكريها لزوجك وتجريه لها عيشي يومك خليك رااايقه

دامك بتتوظفي وظيفه بتحققي طموحك يامهندسه اكيد بتحبي حياتك وبتطوريها للافضل وخاصه مع زوجك

ومايمنع تدفعي لنفسك وتجيبي هدايا لزوجك وتصرفي بالمعقول

ذكرتي انه زوجك كريم معناته يستحق انك تخففي عنه شوي

ابتسامه ورد
والله ماذكرته ولا افكر اذكره بشروطي
ولا عندي استعداد اقلبها حلبه مصارعه معه
خلاص انا قلت له بهدوء ابقبل الوظيفة
وهو حاول ينكد علي قد مايقدر
ولاكلمني باقي اليوم
ومكبر قصه اني ماقبلت قريبه ينام عندي
الله حسيبه
غصبا يطلعني سيئه حتى يريح ضميره

متفائله
كلامك عين العقل
بس قهرتني قصه اني ما اقدر اهله
عمل فتنه كبيره بيني وبينه
وطلعني وحده ما اعرف الاصول ولا بنت رجال
وانا اساسا مخي مشوش وافكر بالوظيفه
وجاء يشغلني بقصه اخترعها من راسه
وفوق كذا طلع بدون مايقول لي
ورجع زعلان ودخل ينام
انا بهالمواقف افكر اروح لاهلي
خصوصا اني حامل وتعبانه ومحتاجه من يداريني

كنافه انا معك بالوظيفه ومعاكي حق تقبلينها
مشكلتك ماتعزفين تسايسين زوجك
وتجيبي راسه بالكلام الحلو
هو مارفض كثر الله خيره
لو واحد ثاني كان قال ولا تعتبي الباب وتتوظفي حتى لو اهلك شارطين عليه ومصروفك يجيك
لكن هو لين
المفروض لما قال عن الضيف قلتي ياهلا ومسهلا
ضيوفك على عيني وراسي
يعني بتصيرين احرص من زوجك بوجود رجال غريب
طول عمرنا نستضيف ناس ورجال غرب
لهم مكانهم ولا نختلط فيهم
بس انتي الله يهداك ماعرفتي تتصرفي
ولو بادرتي بالكلام الزين اصلا ماكان الرجال بيقبل
وتكوني طلعتي بالزينه
خلي دايم لسانك حلو
واقنعي زوجك ان الزمن محد يامنه
لو يصير له شي يكون عندك مبلغ مادي ومصدر دخل ماتتبهذلي انتي وبنتك

انا مع مبتعثة،، للاسف كنافة انتي ماتتعاملي مع زوجك بأنوثة وكلام حلو وكيد نساء عشان تاخذي منه اللي تبي،، وترى حتى زوجك حاس بهالشيء عشان كذا قالك انتي عندك هرمونات الذكورة زائدة،،

كان من المفروض تقنعيه بموضوع الوظيفة وانتو جالسين بجو رومانسي بأسلوب دلع أنثوي وبكلام حلو ،،

وبالنسبة لمشكلة ضيف زوجك اللي يبي يستقبله كان من المفروض مافتحتي جبهة جديدة عليك وانتي فاتحة جبهة الوظيفة ،، كان عديتها عشان مايقعد لك زوجك عشان الوظيفة ومايتمشكل معك،،

في شيء زعلني في كلامك عن زوجك لما قلتي يبي يكون هو المسيطر ،، حبيبتي ترى هذي حياة زوجية ماهي حرب يسيطر فيها طرف على آخر وإذا هو بنظرك يسيطر عليك بقوامته فأنتي تقدري تملكيه بأنوثتك ودلعك وكلامك الحلو ،، ولا ياكنافة

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مرحباً أختي

بإختصار... حسب ماقرأت من كلامك عن شخصية زوجك في هذا الموضوع


وظيفتك في كفه... وإستمرارية الهدوء في حياتك الزوجية في كفه


أعانك الله