قرأة هذي القصة واعجبني ذكا ء هذي الزوجة مع زوجها

بقول لكم قصتي مع تعاملي مع زوجي ابي الكل يستفيد منها لاني اقرأ كثير اللي يشتكون من ازواجهم انهم ما يحبونهم و يخونون و و و ...
لي سنتين و نص متزوجة تقريباً و الحمدلله حياتي الزوجية سعيدة و جميلة و مرتاحة فيها ..
بقول لكم بداية زواجي طبعاً كل بنت مرت بذا المرحلة انها تستحي و لا تعطي زوجها حقه ووو..
انا خجولة مرره لدرجة اني ما قدر اشوفه استحي مرره المهم ندخل في الموضوع قدرت اتخلص من الخجل بس مو مره المهم كنت احب المفاجآت و الهدايا طبعي كذا
و كنت دائم حريصة على الهدايا
كنت ما انام الا الين ينام إذا شفته نام ارسل له رساله مع انه جنبي بس ارسل عشان يستانس اذا فتح جواله اكتب مثلا صباح الخير او نوم العافيه.. و قبل ما يروح لداومه احط في ملابسه ورقه و اكتب فيها اشتقت لك أو اكتب لا تنسى أن تعطي المحتاجين على طريقك عاد على حسب في فصل الصيف او الشتاء و و اكتب لا تحزن لان قمت و عشان تجيب لنا الرزق كنت اكتب كلام حلو بس الحين نسيته 😂 و قبل ما يرجع من الدوام اكون مجهزه له ملابسه و معطرتها و معطره البيت كله عشان تنفتح نفسيته و اجهز له ماء و عصير و اول ما يدخل اضمه و اقول له اشتقت لك و اذا جاء وقت العصر قبل ما يطلع اعطيه كل بقايا الأكل يعطيه المحتاجين و اكتب عليها عبارات حلوه و قبل ما ينام احد هدية بسيطة و كلام حلو..
و الله كل يوم كذا و يستااانس يشجعه الكلام و يصير يحبني و فيه مره ما كتبت له و يزعل يقول وش فيك لاني عودته على كذا خليت كل مكان يشوف فيه كلامي او اسمي اي شي يذكره فيني حتى اذا شاف التلفزيون اكتب على الريموت ورقة يعني عاد عندي استكارات كثييير..و اذا جا وقت الراتب اكتب له اسعد من تحب من الراتب او اسعد الفقراء أسعد من تحب اقصد نفسي😂💘
او اقول هل والديك لهم نصيب من الراتب؟!
و اسوي أشياء كثيرة اسعده و اسعد نفسي و المحتاجين سبحان الله اجد بركة في كل شي و حياة حلوه مرره ..
يمكن اذا سويتوا ذا الشي البسيط يمكن تقربين من زوجك !

من هذا المنبر اقول لزوجي حبيبي لا تنساني من الراتب و كل اللي معه راتب اسعدوا ازواجكم و من تحبون و المحتاجين💘💘💘

انا لو هالزوجة عندي قسم بالله لاحطها فوق راسي و افخر بها امام الجميع

أما أكتب على الريموت !

وش أكتب لا تتفرج إلا سبيس توون

أشُّك في أنوثتي لمّا أقرأ هذه المواضيع

لو احصل زوجه كذا مو اعطيها شي من الراتب بس الا اعطيها الراتب كله والي جاب الراتب فوقه !

والله اتوقع ان زوجاتكم يسون كذا بس ما يبان في عيونكم .....

للعلم كنت اسويها وبطلت.....مافيه تشجيع ..

هذا الأسلوب مجدي مع الإنسان الطيب فقط ،، النذل واللئيم مايبين في عينه شي..

معقول في رجال بيحبوا هيك ؟؟

انا حسيت ان الاوراق هذه بزيادة .. كتير كتير خنقه يا ناس

بعدين الزوجة هذه توها متزوجة سنتين ويمكن ما انشغلت بمسؤوليات اطفال ومن هالمواضيع

بكره لما يجيها اولاد وياخذوا اهتمامها رح يقل موضوع المبثره الي مسويته لزوجها ويمكن يلومها انها ما عاد تحبه

كل شي بحدود برأيي .. حتى اظهار المشاعر بحدود

__________________

معلييييييه

هذه وحدة اتوقع مؤلفة قصة من رأسها و تحلم بزوج المستقبل
لكن ما جربت الزواج فعلا

و لو فعلا جربت الزواج
لسى عشان توهم عرسان

اقل شي ممكن يقوله الرجال لما تقول له زوجته الكلام الي هي تقوله
( طيب بعدين ) و يحط راْسه و ينام ..

هذه احلام وردية ..
كثروا منها .. أقول لصاحبة القصة

و الزوج الي عنده زوجة مثل كذا

بيستغل طيبتها و يشوف انها وحدة سهلة و يستخسر فيها اي شي