السلام عليكم
الحمد لله يارب أنا خطبت وملكت ولي تقريبا 4 شهور ونص .
و ودي أخذ رايكم بموضوعين يتعلق بخطيبتي

الموضوع الاول أنا من يوم الملكه الا اخر زياره ما قد بوستها* مع العلم ان زياراتي قليله تقريبا* ثلاث مرات
وتواصلي معها على الواتس مكالمات نادر ولا أطول تقريبا 10 دقايق اذا طولت مافي سوالف ولا اعرف اتكلم هل هالشيء يضيق البنت
لانه بصراحه أحس مشاعرها بااااااارده معي طول هالفترره يعني يالله في الاسبوع او الاسبوعين ترسل كلام حلو طبعا ما قد بادرة يوم ترسل او تتصل تسال عني حتى اذا سولفت معها في الواتس بس أنا من يسولف وهي ساكته و سولفها قليله صحيح انها ترد علي بكلام حلو اذا قلت لها بس أحس انه موطالع من قلبها بس تقول كذا مجاااامله ودي يا اخواني وخواتي توضحون لي طريقة التعامل معها مع العلم اني ما قد زعلتها بشيء
طولت عليكم اسف بس والله جننتني هالبنت
*😩😩


تم تغيير العنوان ليتناسب مع المضمون

برودها معك عرف عند البنات..يقول
اثقلي علية ..طريقتك اشوف انها
جيدة لابوجد بها اندفاع عاطفي وتتعامل بحكمة وروية
بنسبة لتبوس سابق لي اوانة
موفق يارب

__________________
سبحان الله وبحمده سبحان الله العظيم

شكرا لك أخوي

انت تتواصل معها نادرا
عشان كذا هي تتواصل معك نادرا

لا بالعكس اختي شبه يوميا

لازم تعرف أنه في فترة الخطبة فيه اختلاف بين الرجل والمرأة
الرجل سبحان الله يحب ويتعلق بالبنت من يوم يقذف الله في قلبه الراحة في الشوفة الشرعية وبناء على ذلك يتحمس للحياة القادمه ويتفانى في البناء لها

بينما البنت إذا حصلت الراحة ماتحب الرجل حب الزوجة لزوجها إنما ارتياح وتقبل نفسي
لكن مع الاشباع العاطفي و العشرة والمواقف تتعلق فيه وتحبه وغالبا هالشيء بعد الزواج وكل ماتتقدم السنوات تلقاها تتفانى في سبيل التمسك بزوجها ومملكتها

فلا تتوقع منها مبادرة إذا كنت تتمنى وصلها فواصلها أنت بالرسائل والهدايا حتى تتعلق فيك

إذا زرتها امدح تربية أهلها ، امدح شكلها وذوقها في اللبس
امسك يدها وترا فيه بنات يستحون جدا ويرتبكون فعادي لو صار لها كذا

وادع كثيرا بالتوفيق .. الله يوفقكم

صحيح كلام غرناطة ^
البنت بعد الشوفة تكون مشاعرها مجرد ارتياح
اما الرجل فيكون مندفع و يقذف الله في قلبه الحب ..

عموما بعد الزواج باذن الله بيتغير كل شيء

طيب هذا الموضوع الاول .. وين الموضوع الثاني؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

هو موضوع واحد بس خاني التعبير!!

نصيحة لاتكثر كلام معها
امس تهاوشت مع خطيبتي بسبب برودها معي وعدم تجاوبها
بردت قلبي فيها بس تزاعلنا وحضرتني بالواتس واالتويتر
صحيح احبها وحبيتها من كل قلبي يعلم الله
لكن برودها ذبحني وقهرتني
نصيحتني لك خفف رسايل والمكالمات بشكل عام
تجنبا للمشاكل لاقدر الله