السلام عليكم
ان شاء الله راح اشوف الحل عندكم بعد الله ...

متزوجه لي 3 شهور وحامل لي شهر زوجي كان في فتره الخطوبه ملائكي نوعا ماا وزعلنا كان قليل بعد الزواج بيومين كان يامحلاه بعدها سافرنا الى مكه وصرنا حتى لو نتناقش نقاش عاد نتضارب وكل بعد كم يوم يحصل اي نقاش لو تافه نضارب ومره من المرات كنا ف السياره وحصل بيننا نقاش ومد يده عليا ورحت عند بيت اهلي كم يوم واتصل عليا واتصالحنا ورجعت معاه ..
هو مو مقصر معايا وحنون وطيب بس حساس ويزعل بسرعه ومايمشيلي مع انو بيننا فارق عمر 10 سنين يدقق على كل تصرفاتي وحتى لو نبره صوتي ف النقاش ارتفعت شووويه كبر المشكله وزعل ...
انا كنت ااراضيه واحيانا هو يرضا بنفسه ..
المشكله هنا :
انا ساكنه في عماره مافيها سكان جديده وكل يوم يجو عمال ووانا اخاف كل مايروح العمل ..
انا الان في بيت اهلي جابني قبل اسبوع على اساس عنده دوام يبعد عن المدينه الي عايشين فيها 100 كيلو تقريبا ومايرجع الا متاخر وكان يومين فقط وداني عند اهلي بما اني ااخاف اجلس لوحدي رحت نمت عند اهلي كان هو شويه تعبان اتصلت عليه بعد مارجع من العمل تاني يوم ابغا اطمن عليه مارد عليا وكلمني بعد كم ساعه في الواتسب انا طبعا عصبت مره ارسلتله ماينفع كدا انا اتصل عليك كم مره وانت ترجع تكلمني واتس ع الاقل اتصل فيا شوف ايش ابغا ايش التقدير هذا اتصلك جوال تكلمني واتس قلي انا كنت نايم ومني فايق الان ولمن افوق اكلمك قولتله امكن ابغا شي مهم وهو عارف وضعي كيف مع الحمل مقرف جدا وهذه مو اول مره يسويها كم مره يطنشني لمن اكون في بيت اهلي اتصله احيانا يتصل واحيانا لا وكم مره عاتبته والمره هذه ماقدرت .. عموما قولتله طيب خلاص براحتك ما ابغاك تتصل ولا شي طبعا شاف الكلام ولا رد وطنشني..
انا عندي دوام ف الكليه ثاني يوم كلمته ع اساس اروح مع سواق اهله الكليه بما انه هو عنده عمل خارج المدينه الي ساكنين فيها وانا ماعندي رقم السواق وهو اتاخر قمت اتصلتله وقلي السواق جايك الان .. رحت الجامعه خلصت واتصلتله كم مره مايرد تقريبا 15 مكالمه ومقفل جواله والكليه فضيت قمت اتصلت على الوالد ورجعني البيت وبعدين هو اتصل مره وحده بعد كم ساعه !!! ماقدر ابدا اني اتصلت تقريبا فيه 15 مكالمه ولا سال فيا رجعت البيت او لا ممكن تعبت ممكن صار لي شي ف الكليه مع الحمل ما اهتم ابدا تخيلو لثاني يوم ماكلمني وانا في بيت اهلي ... قمت ارسلتله رساله في الواتس قولتله (شكرا اهتمامك فيا انا اقدر اعاملك بالمثل بس سوي الي يريحك انا ماحجبرك على شي مو ماشي على هواك ) قري كلامي ولارد وفضل 3 ايام لاسال عني ولا شي وانا ف بيت اهلي وانا عارفه انه فاضي وماعنده شي بعدها بكم يوم قال الوالد لازم اشوف ايش فيه وجابه وصار يقول للوالد غير تعتذر لي هي غلطت عليا !!!!!!
الوالد قال خلاص اتصلي له واتكلمي معاه وصار يقولي كلام زي السم وغير تعتذري لي قولتله انا ماغلطت في حقك قلي ليش تقولي لي انا ما امشي على هواك قولت له انا ماقولت كدا وانا اقصد كدا اقرا الرساله كويس قلي اذا ماتبغي تمشي على هوايا اجلسي في بيت اهلك قولتله انا انسانه لي شخصيتي وكياني مستحيل احد يمشيني ع كيفه وما احب السيطره .. قام قلي اجل خليكي ف بيت اهلك قولت له اجل طلقني طالما تبغاني اجلس عند اهلي قال لي ابشري وقفل السماعه ف وجهي !!

ثاني يوم اتصل عليه الوالد وقاله مايصير كذا قاله الوالد اذا رحت اخذت اغراضها من البيت ماحترجع بسهوله قاله بكيفك !!!
كبر كل شي وهو صغير وتااااااااااااااااااافه .......
رحت اخدت اغراضي وانا الان في بيت اهلي وما اعرف ايش مصيري غير اني مقهورا ع نففسيي عروسه وحامل وومكن اتطلق لكن الحمدللله ع كل حال ..

افيدوني

مرحباً أختي
أكيد طبعاً ماتبغي تطلقي... صح
طيب ليه نكبر المواضيع ونحن نستطيع حلها بعض الأحيان بسهولة وبكلمة واحدة.
ليست الفكرة فيمن غلط أو من يعتذر... ولكن هل حجم الغلط أو تقديم الإعتذار يوازي حجم تدمير أسرة وتفرقها... ولا يعقب ذلك إلا الندم.
أنا أعلم أنك ترغبي بالإهتمام من زوجك وتقديرك ومراعاة مشاعرك... ولكن لابد أن تضعي فكرة أنكما لازلتما تتعايشان لفترة بسيطة... لم تستطيعا التأقلم مع بعضكما بسرعة أو معرفة طريقة تجاوز العقبات إن وجدت.
كوني حكيمة... ولاتجعلي الغضب أو التسرع يكون مصير فشل حياة جديدة إنتهت بسرعة.
حاولي تدارك الأمر... ولامانع من المصارحة والعتب الخفيف لتوضيح بعض نقاط عدم الإهتمام التي تشعري بها.
وأكثري من دعاء الله بالخير والتوفيق وصلاح الأحوال والحياة السعيدة.


أعانك الله

الله يسعدك اخوي ,
مع كلامك ,

يا اختي والله العظيم قرات موضوعك وانا مسترخي وقمت كذا على حيلي ,
تعرفي ليه ؟
لان انا وزوجتي كنا على هذا الحال وزعل وسوء تفاهم
وزوجتي كانت تقول لي نفس الكلام ما اسمحلك تمحي شخصيتي ,,
وقلت لها انا ما امحي شخصيتك بس كمان لا تنسي اني زوجك ورجال البيت ولي كلمه عليك
تعرفي كيف اتوصلنا لحل جذري لهذا الخلاف ؟
في البدايه قلت لها اذا عصبت وانقهرت بالنقاش لا تردي علي لاني راح ازيد وممكن اجرحك
وراح تكبر ,, وفعلا ترد علي وتكبر وتتغير النفوس ومانلاقي انفسنا الا مفترقين اما معنويا
او جسديا تروح في بيت اهلها ,,

الين فهمتني وصارت تناقشني واذا شافت الامور زادت وبدا كلام قوي وبدات النرفزه
صارت تسكت واوقات في اول الزعل تقولي كلمه حلوه ,
والله يا اختي ان كل العصبيه والقهر يتبخر يرووووح , واكلمها واسمعها اكثر
او على الاقل ماتوصل مواصيل زي زمان ,

وزوجتي كانت بحكم سنها واول سنوات بالزواج كانت قليلة خبره
وصارت الان متمكنه اكثر ,, تاخذ الي تبغاه مني باسلوب ذكي واحترام وكلمه حلوه
وانا طبعا اسمحلها تاخذ الي تبغى اهم شي الرجال مايحس ان كلمته مالها قيمه
ومايحس بعدم سيطره في بيته ومايحس بشيء من النديه والتحدي ,

وعلى فكره اوقات كثيره اذا صار شد بالكلام وانفعلنا هي تقول لي تعوذ من الشيطان
والله بطريقه تخليني انسى العصبيه كلها وينتهي الموضوع بسلام
وفعلا الشيطان مثل ما جاء في الحديث اقرب منزله من ابليس الي يفرق بين المرء وزوجه ,

الملافظ سعد , والكلمات احيانا لها وقع على النفس سواء ايجابي او سلبي ,
بعض الكلمات احد من السيف الشطير , وبعضها اطيب على القلب من البلسم

وصدقيني كثير امور زي السياسه والمداراه والسكوت والحكمه والكلمه الحلوه ماتكون ضعف
تكون ذكاء , تقدري تكسبي بيتك وزوجك الحنون وتربي ابنك بهدوء وبنفس الوقت تاخذي زوجك
بالكلمه والسياسه وتفهميه , وانا احس بالضبط بالشيء الي يحس فيه زوجك
والله غبنة الرجال ماهي سهله وقهره , ولهذا السبب الرجال يكبر الامور لانه يحاول ينتقم للالم الي يشعر فيه بداخله ,
لكن بمجرد مايحس انك تحبيه وانه رجالك راح يمد يده لك قبل ماتمديها انتي ,
ولا تنسى انكم عرسان , يعني بتفهميه اكثر قدام , ونصيحه لا تعندي ولا تسمعي كلام احد
شوفي الصح هذا بيتك وطفلك وزوجك , بتخسري عشان امور تافهه ,,!!
ياستي حسسيه انه رجالك وقولي حاضر , وبطريقه ثانيه اقنعيه وتمسكي فيه وقولي له كلام حلو
ينسيه نفسه ,

اتواصلي مع الاخوات الي لهم فتره متزوجات ,
وشوفي كيف طريقتهم واسلوبهم مع الزوج , تكون باعطاء الزوج حقه من القوامه
وبنفس الوقت تتعامل مع المعطيات بذكاء وتستغل انوثتها وضعفها لصالحها

واسال الله لك التوفيق وان يجمع شملكم على خير
وان يوفقكـ الى مايحبه ويرضاه ,,

يااا شيخ الله يسسسعدك وكلامك جميل اخي وشكرا لنصايحك ..

وعليكم السلام ورحمة الله وبركاته ..
أختي الكريمة من الطبيعي جداً هذه الإختلافات بين أي زوجين في أول شهور زواج ، وأنتِ جداً متسرعة في أحكامك وهذا لن يُفيدك مطلقاً ..
كوني مرنة معه عندما اتصلت ولم يرد ، عديها ولا تعاتبي في الوقت الذي أنتِ به غاضبة ، اختاري وقت وصارحي ..
ولا تُرددي بكلمة طلقني على أمور صغيرة جداً ..
وأنت كذلك الحمل جاعلك حساسة ألم تلاحظي : )
اذا أرسل إليكِ تواصلي معه ، ليتحدث مع الوالد لتعودي .
وتمعني رد الأستاذ الكريم الرسمي ، وأصلح الله حالكما ..

لابد أن تثقفي نفسك جيدا فيما يتعلق بحق الزوج واحترامه
فمابالك وزوجك يكبرك بعشر سنوات
كوني هينة لينة واخفضي جناح الذل ، ولا تجادلي كثيرا وكوني مطيعة
وأظهري له احتراما كبيرا فالعلاقة الزوجية التي تسيطر عليها الندية غالبا ما تفشل
لا تخسري حب زوجك لك بكثرة الجدل والعتاب واللوم والتقريع
فستندمين على ذلك ولن يفيدك الندم
أصلحي من تعاملك معه وسيتغير لا محالة للأفضل .

-لن أقول شيئاً بخصوص تصرفات أو تصرفات زوجك، ولن أرمي بالخطأ أو اللائمة على أحد.
-إنما أخذك لأغراضك من البيت إضافة لحديث والدك الأخير معه وجواب الزوج (اذا رحت اخذت اغراضها من البيت ماحترجع بسهوله قاله بكيفك !!) هذا سيعقد الموضوع كثيراً، والعلم عند الله.
-إن كنتِ تريدين حلولاً أعطيناك فيما بعد إن شاء الله.

بسيطة يااختي بتمر والله ياما مرينا بهيك امور بسيطة

خليكي شطورة
صالحيه و ابدئي بالسلام وكوني افضل منه

وخليكي بعد هيك كم يوم باردة

بمعنى لاتتصلي ولا تجري ولا تلحي في السؤال ابدا ....

اتركيه عراحته وحتشوفي انو هوة الي صار يتصل فيكي

الرجال كلهم مابحبو الالحاح والترجي والاستجداء في العاطفة ابدا ابدا ابداااااااااااااااااا

ولو قلك وين مابترني ولاتتصلي قولي عادي حبيبي انشغلت مافي شي

ماتعقديها ولو اجا يصالح افتحي له باب الصلح و هدي الجو

واكثري من الاستغفار وان شاءالله خير

__________________

انا مالحيت ولا اترجيت بس انا انقهرت من التصرف هذا لانو مو اول مره ف كان رده فعل مني طبيعيه تقريبا ..
شكرا لردك اخي

كم مره تذكرين أتصل به وأرسل له .... كثيييييييير وما عديتهم


خنقتيييه وحاصرتيه واصبح الزواج بالنسبه له مجرد هم


أراك متسرعه

متطلبه

حنانه وزنانه

__________________
وهل من مصير اخر ؟