حتى الان وزوجتي تمنعني من نفسها ولاتعطيني حقي الشرعي وش اسوي لها تقول اني خاين وانها تتذكر خيانتي كلما اقتربنا من بعضنا تقول ماتقدر تتخيل نفسها معي تقربت منها وهي حاولت تتقرب مني لكن بسرعه ترجع لها الحاله وتتلفظ علي بألفاظ قويه صرت اطفش منها زهقتني وهي صارت عصبيه مررررره وتعصب لاتفه شي وتضرب اطفالنا وبسرعه تندم وش اسوي

أخي الفاضل..

لا تلوم زوجتك فأنت من خلقت درة فعلها الطبيعية..
مهما كانت نوع الخيانة .. فاسمها "خيانة" "خداع" ..

هل يا ترى لو وضعت نفسك مكانها ممكن تتقبل تقربها منك؟؟
كمان تقول زهقتني .. معليش بس لو وحدة غيرها كانت سابتك وسوت أكثر..
الحل ..
انك تتوب إلى الله وتقولها أنا والله ندمان ودايما ادعي ربي انه يسامحني
وانا احبك وانتي حبيبتي وتحاول تحسسها بكبر مكانتها..

أخي الكريم..
اكيد كثير قالولك انه المرأه تنجرح جرح كبيييييييير لما زوجها يخونها ..
ومحا أعيدلك نفس الكلام لازم تغيير طريقتك معاها..تبغاها تتغير وترجع زي الأول؟؟
غرقها بالغزل والكلام الحلو .. أرسلها مسجات وانت في شغلك.. دايما كلمها لما تكون بره البيت
جيبلها هدايا وقولها انتي حبي الوحيد ويارب مايحرمني منك..
قولها مااقدر اعيش من غيرك.. قول كل الكلام الي تقدر عليه والي ماتقدر عليه..

الله يجمعك انت وزوجتك على خير

__________________

>> لا إله إلا أنت سبحانك إني كنت من الظالمين <<

أقترح تزورون طبيب نفسي ..
أو مرشد إجتماعي لاجل تتجاوزن المحنة ..
الله يفرج عنكم ؛

نعم..
فكرة الأخت أم داليا ممكنة .. الذهاب الى استشاري أسري
ماهو عيب ولا حرام وحيكون شي خاص بينكم..

الانسان كم مره حيعيش في الدنيا دي.؟
ليه أضييع أحلى أيامي وأنا حاط أيدي على خدي مستني..!
ولا مزعل و مضايق شريك حياتي..

أرجوا المعذرة منكم بس والله حسيت بضيق في صدري

__________________

>> لا إله إلا أنت سبحانك إني كنت من الظالمين <<

طبيب نفسي معقووول نروح له اخليها تفضحني عنده اشوفها صعبه جدا

كيف تفضحك .. إنت الي راح تتكلم ..
فعلا زوجتك ماهي قادرة تتجاوز الازمة وحدها ..
لابد من مساندة ..
أخصائي نفسي .. مرشد إجتماعي .. إستشاري أسري ..
اللي يريحكم .. إتفقوا على هالكلام بهدوء ..
و قول له أنا إستهوتني نفسي الامارة بالسوء .. و إنزلقت قدمي و ارتكبت الحرام و أنا تايب و ندمان .. لكن زوجتي الى الان ما غفرت لي .. و حارمتني من حقي الشرعي .. و أنا طالب المساعدة .. و تأكد إن حالتك ماهي الاولى اللي تمر عليه ..
إبذل هذا السبب .. و إنتظر الفرج ؛

غريب امرها...
عادة الزوجه تتناسى الخيانه لكن مستحيل تنسى بس ماتوصل لها الحال..الا اذا كانت الخيانه مع قريبه لها او وحده تعرفها زوجتك وشافتك بعينها وانت تخون..ممكن توصل لحالة زوجتك...ماتنلام بصراحه

وانت من جهتك حاول قد ماتقدر ترجع الثقه فيك..فهمها ان مافي احسن منهالو تلف العالم كله

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

بعد اذن رجل ولكن..

أختي ليه الغرور..
تصرف زوجته يدل على مشاعرها المرهفة و وطيبة قلبها ومدة حساسيتها ..
لانها تحبه وانصدمت فيه.. والله أعلم كيف خانها..
مهما كان أسلوب الخيانه النتيجة وحده..
قلب مكسور.. ثقة مهزوزة

__________________

>> لا إله إلا أنت سبحانك إني كنت من الظالمين <<

الطبيب يقسم قسم السرية لمرضاه قبل ما يبدأ مزاولة المهنة ... وما قلنا روح لطبيب أو مستشار يقرب لكم أو صاحبك .
روح لمستشار واعمل بنصيحة الأخت أم داليا .. مافي غير هالحل .

أو ممكن تطلق زوجتك واذا أهلها سألوا عن السبب بتقول لهم .. من تحب انه يعرف .. المستشار وللا أهلك وأهلها ؟؟؟

__________________

خايف تنفضح عند طبيب وماكنت خايف من رب العباد
ولا خفت على مشاعر زوجتك..

في مراكز محترمة وكثير ناس يروحوها لأسباب مختلفة مشكلة بينهم .. مشكلة في تربية ولدهم..
ماحد عارف انتو رايحين ليه غير الاستشاري
إذا هذا الحل صعب بالنسبالك .. خليه آخر حل وحاول معاها من جديد..
بس لاتستهون بيه

__________________

>> لا إله إلا أنت سبحانك إني كنت من الظالمين <<