السلام عليكم ورحمة الله

أنا متزوجة منذ 8سنوات
مشكلتي من بعد سنة من زواجي إلى الآن علاقتي مع زوجي كلها قلق وتوتر ومشاكل والسبب من صديقة قديمة لي
أثناء خطبتي قام زوجي بإرسال رسالة لي وجت قيد الإرسال اتصلت صديقتي وانا أحاول فتحها وقلت لها عن الرسالة وجت لمساعدتي
وفي وقتها لاموني صديقاتي ليش اعطيتها الرسالة وحاولت تفتحها بالاب توب قالوا انها عليها حركات وانها تبي توصل لزوجك من رقمه ولا كان عندي اي خلفية في هذا الامر
وقتها كانت وسايط
ولكن هالصديقة اثناء ملكتي قالت ارسلي صورك انتي وزوجك وانا بنيتي ارسلتها وحلفت ان تلغيها ولم تفعل
تفاجات بعد الزواج بسنتين انها لسه محتفظه بها
المهم
كنت اسولف لزوجي عن صديقتي كل شي وصار يعرف عنها وهذي اعتبرها غلطتي
اثناء الملكه شكيت فيها انها تكلم زوجي بعد مالموني صديقاتي
واستمرت معنا لبعد الزواج
ودائما اصبحت لما زوجي يغيب او ينشغل خطه اقول ايه انت معها
وجا يوم وطلب رقمها قال فيه رقم يزعجني ابي اتاكد هي فلانه
وقتها كنت بعيده عنه وقالي أبي اتاكد اعطيته بكل ثقه
وبعدها بدأت الحيرة
طلع رقم جوال ثاني
وراح يفتحون ويقفلون سواء ويحطون حالات سواء
جننوني
لدرجه خلاص يأست
وقت اتصاله نفس وقت اتصالها نفس الدقيقه قامت تحط اشعار وصور
علماً ان لها علاقات سابقه مع شباب وحقت اعجاب بالبنات
واستمر الشبح لوقتنا الحالي
ولاحظت ع زوجي من ذو سنتين الاهتمام بالهندام والعطر والتنعيم لوجهه وكثر خروجه من البيت للفجر
واصبح ينتقدني وادنى مشكله يتنرفز ويسمعني كلام
ومره طلب مني ارسل الشغالة للبيت وانا بعيده عنه وارسلتها ونظفت البيت
وقتها هالصديقة قامت بعرض صوره غريبة شكيت ودبت بيننا مشاكل
لدرجه احسهم رابطين جوالهم ببعض
وحلف لي ان ماله علاقه بها ع القران ووداني المدينة وحلف
وحلف حول الكعبة
وكنت اجاريه
بس رسايله وتغريداته يوضح أنه يحب قبلتها واسمها
وكان يوديني الحي الي باسمها كذا مره
لدرجه شكيت في الامر وقمت اهدده باخبار اهلها
علماً انها متزوجه لها 5سنوات ولا انجبت
ولا زلت الاحظ سر هالعلاقة المبهمة
انا تعبت من الحيره والتفكير
ارجو مساعدتي
يدور في بالي هل الحاحه ع الانكار من اجل ان يتزوج بها مستقبلا ?!
ام لانه متورط معها في حاجة ?!

ملاحظة
ايام ملكتي قامت تقول انا حلوه وما انخطبت
شافت فستان الزواج حقي وحاولت تحطيمي مو حلو
وكان الشهاده لله يهبل
وقتها انخطبت بمطلق
وجلست بملكته سنه وكانت تقول انا المفروض ماخذ مطلق
انا ليش كذا
انا احس انها داخله بيني وبين زوجي
احساسي انه معها
ولا زال منكر وانا الى هذه اللحظة ادري انها معاه بالرغم من زواجها
حالياً صار زوجي بالبيت مثل الضيف جالس وحده مابيننا تواصل لأنه احتد النقاش بيننا هو ينكر وأنا اشوف كل هالأدلة ويقولي اثبتي إني لي علاقه فيها ويعتبر اللي اقوله كلام فاضي
ارجو حل مشكلتي جزاكم الله خير
Rhel🌷

مافهمت ليش تشكين في زوجك وخربتي حياتك بدون دليل
ممكن إنها آخذه رقم زوجك وتراقبه وتحط نفس صورته وحالته وهو مادرى عنها

وزوجك صاد عنك بسبب إنك شكاكة اتعبتيه فاختار الانسحاب

يا بنت الحلال لا يسرق الشك اللي بقى من عمرك معه

يعني بالعقل لو بينهم شيء فعلا ... فعلاااا كان بالثلاث سنوات الاولى من زواجك وهي كانت عزباء صار بلاوي بينهم وتزوجها ووووو

الحين انتي منجنه وهي تحت حكم واااحد اكيد انه حرص عليها وهي تخاف منه


شيء ثاني لو قلنا انه عندها رقمه .. فهي اللي تعير التوبكات والصور حسب حالته هو ..

فيه عندي حل لك .. ممكن تعرفين من خلاله اذا تخميني بمحله ولا

خليه في الواتس يحط الحاله والظهور فقط لجهات الاتصال .. اذا صارت حالته بالراتس و وهي مختلفين اعرفي انه فقط هي اللي تتبابعه وهو ما درى عنها

واخير استعيذي من الشيطان الرجيم فالشيطان يريد ان يفرق بين الزوج وزوجته

اجل وااتس اب وصور عرض بتطيرك من بيتك

__________________
أعلل النفس بالآمال ارقبها .. ما أضيق العيش لولا فسحة الأمل

اذا شفتيهم متصلين بنفس الوقت وزوجك بالبيت روحي اجلسي جنبه وشوفي وش يكتب،، عالعموم اذا له علاقه فيها ترى الله بيفضحهم عاجلا ام اجل الخيانه عمرها قصيررر ..

لو اشوف بعيني ويحلفلي حول الكعبة اكذب عيوني واقول يمكن يتهيالي

استهدي بالله يا اختي وانعلي الشيطان المراة متزوجة

ولا تملكين دليل

انت تشكين يعني احتمال يكون بريئ الا تخافين انك تظلمينه وتحاسبين
وعنده الحق انه ابتعد عنك لان الحياة مع الانسان الشكاك متعبة

وان لم تكفي عن شكوكك سينتهي بك الامر اما بترك زوجك لك او بحالة نفسية

ادعي الله ان يذهب عنك هذا الاحساس ولا تتبعي اتصالاته ولا تراقبي اي شي

الله يريح بالك

خلاص لاتتبعينه ، طفشتي الرجال .. اقري سورة الناس
واقري سورة البقره كامله خليها تطرد الشيطان من بيتكم .

على فكره اعرف وحده ازعجت زوجها بفتاه ، كل شوي تقوله انت ناوي تتزوجها ، اعرفك انت بتخطبها

وتزوجها فعلاً عناااد لزوجته خاصه ان اللي تزوجها تصير من قرايبه .

كبري عقلك يابنت الحلال وبطلي وسوسه واستسمحي من زوجك وبطلي مراقبه

صديقاتك الي حذروك منها
سبب هدم بيتك
سبب كل المشاكل الي انتي فيه
لما تفتحي اذنك لناس وتسمعي وتصدقي كل كلمة تقال
معناة حياتي انتهت حياتك بتمشي على رأي الناس مو رأيك انتي
حذروك طيب !!! شفتي شي قدامك وقت حذروك ؟
يمكن لا
بس الشيطان بداء يلعب في راسك
والشك بداء يزيد
وانتي بديتي تلاحقين زوجك وين راح
وايش سوى
وتلاحقين صديقتك ايش فعلت وايش سوت
وهي والله مادرت عنك
وعايشه حياتها مع زوجها ومبسوطة
وانتي تعيشي في دوامة شك طول الثمان سنوات
اشغلتي نفسك فيها
واشغلتي زوجك عليها
طيب الى متى وانتي بتشكي فيه الى متى ؟
واذا صار توقعك صح ايش ممكن تعملي ؟؟

__________________

الغلط انك تواجهينه بدون دليل قاطع لانه راح يقلب الطاوله عليك ويصير الحق عليك وتصيرين لااخذتي لاحق ولا باطل
كيف علاقتك بصاحبتك للحين مستمره؟؟توصلك اخبارها!!الله يكفيك شر من فيه شر ويصير كل الي تفكرين اوهام ويرتاح قلبك يارب

يابنت الحلال والله مريت بهذه الظروف لدرجة كنت اراقبه الفجر والله ماتعبت الا نفسي
الحمدلله ان ربي انقذني من وسوسة الشيطان
انا مشكلتي كانت صديقتي مطلقه وتقول فيه رجال من رجالكم ياصديقاتي يرسلي ويقول يحبني
وانا جاني ابليس والله فترة مجنونة مريت فيها
لكن انتبهي تلفتين نظر زوجك لها
وخير ياطير خليها تولي واذا هم على علاقة ماراح يزيدك مراقبتك شي
تعوذي من ابليس وشوفي لك اي شي يشغلك عن زوجك ومراقبته
لو يبيها ماراح يتردد ويتزوجها ويكفيك انه اختارك انتي اللهم لا شماته
خليك منه وتعوذي من ابليس كل ماجاتك الوسوسة ترا الشك خراب بيوت وقاتل اذا دخل البيت