السلام عليكم ورحمة الله وبركاته
انا في حيره من امري
حبيت استشير الاغضاء الكرام واخذ رايهم في موضوعي
انا متزوجه من شهرين ودايم يتكرر علي حلم ان زوجي يخونني واقوم ضايق صدري
وبعد تكرار الحلم كثرت الشكوك
في يوم راح نام وترك الجوال عندي دخلت الواتس ماوجدت شي دخلت الانستقرام وغيره من البرامج مالاحظت شي
وحطيت الجوال مكانه ' بعدين فكرت بالارقام ليش ما اشوف الارقام
نزلت بالقائمه وكلها اسماء عاديه ماتثير الشك
لما نزلت اخر شي حصلت رقم محفوظ بدون اسم " حطيته بالنمبر بوك طلع اسم بنت
وكان احد صفقني كف " اسم بنت اول مره اسمعه
فكرت اواجهه واساله وفكرت ان اذا واجهت بيصير شي مايحمد عقباه
استعذت بالله من الشيطان الرجيم ومسحت الرقم وهذا الكلام العصر
تقهوينا المغرب وانا نسيت الموضوع وزوجي مشجع لفريق الهلال شفنا مباراة وفرحنا بفوز الهلال وقرر يكافئني عشان الهلال فاز
طلع من البيت يجيب هديه وانا بانتظاره
دخلت الواتس حصلته متصل
ورجع ومر اليوم عادي باخر الليل تغيب زوجي قليلا وكان جواله عندي
تذكرت الرقم حبيت اتاكد اذا رجع او لا " دخلت جواله وتفاجأت ان الرقم رجع لقائمه الاسماء وانا ماسحته بيدي ومسجل بنفس اسم البنت
بدا قلبي يدق وركدت الجوال " وجا هو جلس جنبي
اخذت الجوال فتحت عالرقم وسالته بكل هدوء هذا رقم مين
هو ارتبك وقال ماعرررف ؟؟؟؟؟ وعلت نبرة صوته
قلت انا مسحته بنفسي والحين اشوفه رجع جوالك ' قال والله مادري ماعرف منين جا
قلت اوك انا بتاكد ب نفسي " دخلت الواتس من جواله وكتبت للبنت السلام عليكم '
ردت هي وقالت مبروك فوز الهلال بدون ماترد السلام عليكم وبكل ميانه" هو انصدم وخذا جواله من يدي وكتب لها من انتي من انتي لو سمحتي > هي بتفهم ان زوجته جنبه من سواله لها ماهي غبيه
قلت عطيني الجوال وعيا يعطيني وقلبت الدنيا ع راسه وصارت عاصفه وغيمه سوداء
وانا ساكنه ب مدينه ماعندي احد من اهلي او اهله ب غربه .
ثاني يوم اعتذر وحاول يراضيني جاني وحلف عالقران قدامي ان ماخاني ولا يعرفها وانا ك زوجه ذكيه ما ابي اهدم بيتي سويت نفسي مصدقه وقررت احتويه واجيبه ل صفي واخليه ينساها لو فعلا بينهم شي
بعد فتره لاحظت ان دخوله للواتس قل وانه انصدم من الي صار ومو مستعد يغامر ويرجع يكلمها ويخرب بيته عشان علاقه عابره
لاحظت ان لا سافرنا ونزلني عند اهلي وراح بعيد يدخل الواتس وهذاك اليوم كانت مو داخله هي وهو مو داخل وفجاه دخلو مع بعض باخر الليل
انا قرصني قلبي ودخلت عليه وانصدم اني مانمت يقولي احسبك نايمه مانمتي ونكدت عليه ليلته وانا ماعندي دليل كافي صعب عشان يبرر سبب غضبي وهو شك ان انا عرفت وقام يلاطفني بالواتس
وبعد مانكدت عليه راح نام
وثاني يوم اكلت بهذله منه لان نكدت عليه وانا بلعتها وسكت لان ماعلمته بالسبب الحقيقي الي خلاني انكد عليه بس بعد ماهزأني قلت له انا متضايقه لان صديقتي تطلقت لان رجله طلع راعي بنات وانا لو مكانها وصار معي نفس الشي بتطلق > دقيته بالكلام وهو فهم وسكت وماتكلم وقام يفكر
واليومين هذول حنا مسافرين لاهلي واهله ل ديره ثانيه ونزلني امس وشفته مادخل الواتس هو وهي من اربع ساعات رغم انه يدخل واتس بالساعه اكثر من مره
ورجع قلبي قرصني
ابي مشورتكم وايش اسوي لان مابي انصدم مره ثانيه
نصيحتي لك ابعدي عن المراقبه
لان الرجال اذا في راسه شي بيسويه والله
وبدون ماتدرين ..
لذلك المراقبه بس تبي تخلي نفسيتك زفت
وتكرهينه وهو يمكن ماله في هالامور تصير مجرد
شكوك.
الزمي الدعاء والاستغفار والله ان تشوفين نتيجه
ومن تجربه يااختي .
اسال الله ان يبعده عن بنات الحرام ويرزقه غض البصر
ويصلح حالكم ويوفقكم ويولف بين قلوبكم .
التعديل الأخير تم بواسطة fofo1435 ; 10-05-2014 الساعة 09:39 PM
انا اعرف حساب البنت بالانستقرام وتو دخلت علي بالتويتر وسوت لايك على احد تغريداتي والي يقهر انها حاطه صوره شخصيه انا حاطتها باحد البرامج
ما ادري وش افهم من حركتها هذي
يوم دريت انها تتواصل معاه ارسلت لها سب من رقمي وهددتها تبعد عن زوجي وقرت ولا ردت علي
وبعد فتره عطتني بلوك بس اكيد حافظه رقمي بجهازها واطلع عندها بالبرامج الثانيه
وايه تدري انه متزوج
اول شي ابدئي بالحلول البسيطة اقري ملفات ناعمة الهاشمي وشوفي بوصله الشخصيات ونمط زوجك وشوفي التعامل مع هذا النمط كيف
ولا تحاولين تصارحينه بشكوكك بالعكس بيني ثقتك له
وحاولي تسحبينه منها بدون مايحس اما هي اتركيها ولاترسلين لها سب ولا تخلينها في بالك انا بصراحه استغرب من فكره ملاحقه المرأة يااختي اللي خانك زوجك هي انسانه مالها شغل فيك و ماخانتك خذي زوجك منها وانتهينا
وزوجك لاعاد تجيبين له سيرتها لأن ممكن بحركاتك هذي يتعلق فيها أكثر وأكثر والحمدالله أنها وحده سهل تتخلصين منها
ربي يوفقك ويسعدك