دايم اشوف مواضيع من الزوجات يشتكون من خالاتهم(أم الزوج)

أو يشتكون من سلفاتهم(زوجات اخوان ازواجهم)


انا مشكلتي تقريباً مثلهم لها علاقه بأهل الزوج ... عمه زوجي ..


خالتي ام زوجي وعيالها عايشين عنده جد وجده زوجي في بيت واحد وزوجي عمانه كلهم متزوجين

ولا عنده الا عمه وحده هي مربط الفرس..


هالعمه الوحيده بين اخوانها والمدللــه بين اخوانها وهي بال30 من عمرها تزوجت قبل سنتين

بس مشكلتها




دايم محاربتني وتحب تفشلني قدام الحريم ... اذا شافتني شريت جهاز جوال جديد تفشلني قدام

كل الحريم تقول وووووووووع ياشينه هالجهاز مو زين ابداً

اذا شافتني لابسه حلو قالت ووووووووع هالموديلات ما أحبها

أخرتها كلهم يمدحون لون صبغه شعري الا هي تقول :


يا شين هاللون عليك مو حلو شين بشع


بنتي ما سلمت منها تشيلها على يديها وبنتي زي باقي الاطفال لسى بالشهر الرابع ترجع شوي حليب

تقوووووول وع وش هذا انا ما أحب الأطفال اللي يرجعون خذي بنتك وع الله يقرفها؟!


مع أن ولدها يوم كان صغير الى الأن وسخ ويرجع وشيطان ومزعج بس ماعمري قلت لها اي شي



مرة تعبت من المعده والقولون ونحفت نحف فظيع بس غصب عني

قامت تفشلني قدام الحريم تقول وش هالنحف تخوفين صرتي جلد على عظم؟؟



ولما تشوف بنتي لابسه بدله حلوة ومن محل زين تقول ياشين هالمحل كله ملابس شينه وألوانها شينه




بنتي تشبه أبوها تروح تنكر قدام الحريم تقول وش هالبنت الشينه ما تشبه لنا

راسها طويل وليش سمرا_*مع العلم انا ما استهزء بس ولدها أسمرررر مرة *_





مع اني والله محترمه معها ومؤدبه ولاعمري غلطت عليها بحرف واحد


يوم هي بالنفاس و اهل زوجها زاروها بالبيت

أركض واساعدها وألبس لها ولدها وأرضعه ... ودايماً اشتري هدايا لأخو زوجي الصغير عمره 4 سنوات

ولا انسى ولدها اشتري له


والمصيبه ان قلت لها كلمه لو كنت على حق بتزعل امها اللي هي (جدة زوجي)

وما راح اقدر ازور خالتي ام زوجي بحكم انها ساكنه معهم بالبيت...


وان سكت مرضت من القولون العصبي وألم معدتي ..


تكفون وشلون اتفاهم معها تعبت منها ومن اسلوبها اللي يطفش معي انا بالذات حريم اخوانها

ماتسوي لهم كذا .. الا انا دايم تفشلني قدامهم..مدري ليش؟

تعديل بسيط على العنوان ليتضح المضمون

__________________

الله يعينك عليها .....لكن باين عليها غيرااااااااااااااانه منك مرررررررررررره....

انا اقترح عليك لو قالت لك مره ثانيه وععععععع او اي شي .قولي لها ماحد طلب رايك .وخليها تنكتم

اتغاااااااااااااااااااااااااااااااااار منك .. زيادة عن اللزوم ...

انتي طنشي وريحي بالك ..


ولا تهتمين ماعندها سالفة ..

ولا تتعب نفسيتك وصحتك عشان وحدة ماعندها شي وباين انها اتغار منك

__________________
ربنا هب لنا من أزواجنا و ذرياتنا قرة أعين واجعلنا للمتقين إماما

أرجوكم ادعو لي ..بإن ربي يجمع بيني وبين زوجي على خير

إلى زوجي ..إلى مقلتي.. إلى فؤادي...إلى بسمتي... إلى دمعتي... إلى حياتي وروحي... إلى عشيقي، حبيبي، فارسي، أميري، إلى القلب والكيان... والحب والهيام...

الـعزيـــــــــــــــز بو وداد..

أحبــــــــــــك ...

طنش تعش تنتعش
ببساطه طنشي وخلي عنك سوالف الحريم

طنشيها اختي و لا تعبريها و لا تهتمي لامرها ابدا
اشعريها انه لا يهمك رايها و انها مهما قالت لن تؤثر فيك
اعتقد و الله اعلم انها غيرانة منك لسبب ما هي ادرى به
و كان الله في عونك

__________________
[/size]

أنا أرى والرأي لكم ، بأن تطنشيها وأنتي مشفقة عليها

لأنها تعاني من نقص رهيب أمامك ، لأنها بتصرفاتها هذه بتثبت من غير أن تدري أنك انتي أحسن منها


فتكفيكي هذه الشهادة منها .


وأدعيلها الله يعينها وتكمل النقص اللي فيها


وفي أمان الله

لا تسمحين لها تهينج انتي انسانة لج كرامتج خليها تخاف منج وقفيها عند حدها واذا ضحكت عليج او شي على طول فشليها ولا تسكتين عنها قولي لها عاد من زين ابنج وعلى الاقل الروس ماتتساوى وخلي الحريم تضحك عليها

واول ماتدخل على حريم قعدي عاد اضحكي عليها وفشليها ولا تخليها تاخذ حقج العين بالعين وهي اللي بدت ويبالها حد يوقفها عند حدهاااااااا لا تسكتين عن حقج

__________________
اللهم ارزق كل محروم من الانجاب عاجلا غير اجل

ووفق كل زوجين والف بين قلوبهم وزوج كل شاب وشابه

أأأأمين



فرج همي يارب يارب يارب

والله يا اختي هاي اكيد بتغار منك وبتحسدك وانت الله يعطيك العافيه مو مقصره بتردي لها الصاع صاعين باخلاقك الزينه والاصول اللي تربيتي عليها انت خليك الاحسن دائما وخليك على افعالك الزينه ترى انت بتذبحيها بكرم اخلاقك والله يوفقك يا اختي

__________________
العربي ابو محمد

والله الاخوة الاعضاء ماقصروا مافي احلا من التطنيش اسئليني انا وحده مجربته وفي النهايه انا اللي تغلبت عليها وفي مثل يقول(لو تبي يصاحبك يموت عطه السكوت) انت بسكوتك تقهرينها وتكبرين بعينها لانك ماتتنازلين لمستواها اصلا حركاتها حق بزارين اذكر ايام الابتدائي كنا كذا نسوي

__________________
اللهم لك الحمد حمدا كثيرا

مشكورين على ردودكم


الله يعطيكم العافيه


بس حبيت أوضح للأخوات اللي قالوا ردي عليها بكلام يسكتها لا تتركينها تهينك


قلت لكم هي دلوعه أمها يعني جده زوجي ولو غلطت على بنتها بحرف ولو انا الصح يتزعل

وبكذا ما راح اقدر ازور ام زوجي وخواته لأنهم عايشين عند جدتهم اللي هي أم هالؤذيه....

__________________