بأدخل في الموضوع على طول
زوجي يخونني في الفراش000((شي عادي صار عندي بعد ماكان من أكبر المصائب))
يعني بعد كل أسبوعين يغيب يوم كامل عندها وأنا متأكده 100% وماهي زوجته يعني بالحرام
برضوا عاااااااااااااادي جاني تبلد
في البدايه كنت أروح لأهلي ويجي ويتسامح دخلت ناس ثقه كلمت أمه ((والده متوفي)) يعني مافي فايده مستحيل 00
والطلاق منه مستحيل000لان الوالد والوالده يبغوني أعيش معاه واصبر
((بعد عشرة خمس سنوات وبعد البحث وتجربة جميع المحاولات النتيجه كالتالي))
زوجي معترف بعشقه للنساء والخلل ماهو فيني هذا طبع وعاده
عنيد جدا يعني اللي في راسه يسويه ومايفكر في العواقب كأنه يقول(( ذا الشي فيني رضيتي أم أبيتي))
حقود00 هو في باله(( أنا موفر لك أغلب متطلباتك وأخرجك وانت عليك بالظاهر والباطن بيني وبين ربي))
كنت أول كل مايغيب أزعل ساعات أصارحه وساعات أهجره وساعات أواجهه بعنف وساعات أبحث عن الاسباب وأدور وش فيني ناقص وأكمله مع الدعاء يعني شغاله على طول كله في سبيل استرجاعي له
ومافي فايده والآن خلاااااص تعبت 0000وعندي ايمان قوي زوجي مستحيل يترك هالطبع الا اذا ربي هداه واقتنع من نفسه00


حابه استشيركم
لي اسبوع متجاهله خيانته أعامله كأن شي ماصار حتى لما رجع من آخر نومه سويت نفسي مو مهتمه وماعندي علم واستقبلته بابتسامه ورحبت فيه والامر صار عادي جدا قلت في نفسي يمكن يراجع نفسه في يوم من الايام ويمكن الطيب يجيب نتيجه معاه 000هل اللي سويته يخليه يتمادى أكثر؟
مع العلم حسيته مبسوط مني والمكافآت اللي جاتني منه وكلام الحب شي مو طبيعي كأنه يدفع ثمن سكوتي000
وش رايكم؟
وتكفون لا تقولون ألبسي 00أغريه00 خليك جريئه 00جددي00أشبعيه 00أهجريه كلميه وبيني له الشي اللي يسويه حرام ودين 00،أنصيحه00أطلبي الطلاق 000لاني على طول كذا ومااااااااااااااااااااااااااااااااااافي فايده

وهو يحبني والمصيبه يموت فيني ياكافي هذا وهو يحبني لو مايحبني كيف؟
وفيه جوانب ايجابيه كثير وهذا اللي مصبرني

__________________
(سيدة الموقف)
لم ننساك ونسأل الله ان تكوني أنتي وأولادك بخير

لا اعلم ماذا اقول لك ؟!!
اسأل من بيده قلوب البشر ان يهدى لك زوجك ويبعده عن الحرام ...
نصيحتي لك يا اختي ان لم تستطيعي ان تحتملي نار ذنوبه ولهيب اقترافه ان تزوجيه فلعله يكفيه الحرام ولعلك تنامي سريرة البال (( كان الله في عونك وزاد صبرك وهون عليك امرك ))

نصيحة :
لا تتهاوني فيما حرم الله ولا ترضي بالحرام والاهانة وان كانت بسيطة في نظر من حولك
انار الله دربك وسدد خطاك.

مدري وش اقول صراحة مصدومه جداً

ماتخافين على نفسك من الامراض وانتي عايشة مع شخص زاني لاحول ولاقوة الا بالله

وش فايدة يحبك ولايموت فيك ..!!

عزيزتي زوجك اذا مرة مايصبر على حرمة وحدة زوجية افضل من طريق الحرام وقرفه

على الاقل يحصن نفسه ويحميك من الامراض والايدز اللي منتشر بشكل رهيب

أختي قمر النساء يعطيك العافيه
والله جاني تبلد وماكنت كذا أنا مستغربه من نفسي كنت دايم أدعي اللهم هون مصيبتي علي والأكيد ربي استجاب دعائي
وهو مايبغى يتزوج يبغى يعيش حياته لعب قلت له تزوج قال مستحيل أتزوج عليك ياعيني يموت فيني ويقول الزواج مسؤليه ماني قدها

__________________
(سيدة الموقف)
لم ننساك ونسأل الله ان تكوني أنتي وأولادك بخير

لا تبغين الصراحة ..
يموت فيك ومايبي يجرحك بالزواج ..
بس المسكين يزني بالحرام ..
كل هذا لأنه يحبك ويموت فيك ..
ومن حبه بكرة بينقل لك الأمراض الجنسية ..
ويتسبب لنفسه ولك بالعقم ..
وقعدي صيحي تبين عيال بعدين ..

استغفر الله ..
يعني ناس يزنون عيني عينك ومايهمهم شي ..
هو لو كان عنده شك إن مايهمك الطلاق والفراق كان يمكن راجع نفسه ..
لكنه يدري إنك متعلقة فيه ومستحيل تتطلقين عشان أهلك يبونك تصبرين ..
بكرة يجيبها على فراشك ..
ويزني بها في غرفتك ..
وآثار الحرام على سريرك ..
بعدين قعدي صيحي بدل الدمع دم ..

سامحيني أختي إذا يضايقك كلامي ..
بس قهرني هذا اللي اسمه ( زوج ) ..

فعلا اعرف وحده مرت بنفس التجربة وبعد هذا اللي صار..
الله يهديه.. ويصبرك..

__________________

أخت عروب الله يحميني حبيبتي
وعلى العلاقه جربت أهجره وابعد عنه شهور في الاخير في ظروف معينه تصير
وصح أنا ماهمني يحبني وكم مره قلت له كذا كثر ماهمني يعف نفسه
وقلت له أنا زوجتك حلالك بأكون لك مثل ماتريد
وهو أكيد ومن الطبيعي مايعترف ولا يجاهر بأفعاله واذا واجهته اطلع انا مريضه ومتوهمه
الا الحرام من قال اني ارضاها لنفسي وله
وامي اذا تركته تمرض وتتعب ومن مستشفى لمستشفى مسكينه تبغى سعادتي بالقوه
وانا وحيدتها عالاقل أضحي عشان خاطرها الا امي

__________________
(سيدة الموقف)
لم ننساك ونسأل الله ان تكوني أنتي وأولادك بخير

اخت بحرينيه ولكن عمري مابينت اني راضيه
ياما روحت لاهلي وطلبت الطلاق وجلست بالشهور وهجرت بالشهور
مستحيل يطلق والشي اللي يضعفني أمي

__________________
(سيدة الموقف)
لم ننساك ونسأل الله ان تكوني أنتي وأولادك بخير

انا أقول يموت فيني على سبيل المزاح لاني اتمسخر على كلامه

__________________
(سيدة الموقف)
لم ننساك ونسأل الله ان تكوني أنتي وأولادك بخير

شاقول لك ..
الله يعينك بصراحة أنا زوجي بس كلم في التلفون ويمكن يمكن واعدهم بره ..
حسيت بنار في صدري ماقدرت أطفيها وبغيت أموت ..
وأشلون لو يزني ..
يمكن أموت أو أذبحه ..
لكن مستحيل أعيش معاه وهو يخون ..