السلام عليكم ورحمة الله وبركاته

الحمدلله والفضل لله وحده تمت الخطبة يوم السبت الماضي رسمياً بعد ظهور نتائج تحاليل الزواج

اتجهز الآن للملكة وعقد النكاح عندي مشكلة وهي اني اخجل جداً

فحاب اعرف نظرة المتزوجات حديثاً وقديماً ايضاً هل زعلتي او تضايقتي ان زوجك مالبسك الشبكة بحضور اهله وتصوير وحركات او كان عادي الموضوع

للامانة في زواجي الاول رفضت خجلاً ما ادري ليه ما اقدرت ادخل مع ان التنسيق كان اني ادخل والبسها الشبكة يمكن خفت ان خواتها موجودات ويناظرون او خجلت من خواتي وامي ماقدرت حسيت بخجل ومااحب هالمواقف احس انها احراج طلبت نجلس الحالنا وماحصل هالشي لضيق منزل اهلها

وصارحتني ام العيال بعد الزواج انها حقدت علي اني مادخلت وتهاوشنا على هالموضوع

اتمنى تفيدوني بالموضوع

اخاف هذي بعد تشيلها بخاطرها

تم تعديل العنوان ليتناسب مع المضمون

ماشاء الله تبارك الله
الله يوفقك ويسعدك
ويجعلها داخلة عليك بالنواصي المباركة والرزق الوسيع
والله يخلف على طليقتك خيرًا

بالنسبة لتساؤولاتك حسب المجتمع اللي انت خاطب منهم
احنا عندنا مافي حركات تلبيس شبكة ، ملكة عائلية
والشبكة يجيبها عادي بدون ما يكون فيه تلبيس

جزاك الله خير على دعواتك
والله يعوض ام العيال باللي اخير مني وافضل
شكرا على ردك والله عاداتهم ماادري اذا عندهم او لا

الف مبروك فرحت لك والله
اللهم اجعلها زوجة صالحة متدينة تقر بها عينك وتسعد بها والله عوضك على صبرك
و معاناتك ..بس طليقتك لاتدري بالوقت الراهن
عشان مايزيد جرحها جرح لو كابرات الجرح غاير
ورمي الخجل وراى ظهرك وفلها فقير مات غني مات
وشمر عن ذراعيك وزغرط ولبسها ولبس ابوها بعد
انا لاسمعت بالعرس قام البطين الايسر يرف
الله يوفقك يارب

__________________
سبحان الله وبحمده سبحان الله العظيم

الله يبارك فيك اخوي شاطئ الراحة المشكلة انا مااقدر ارتبك واعرف اني بجيب العيد
اخاف ازنطها بالغلط

الله يجزاك خير عدل مشاركتك والله تشوفها زوجتك ان تفتح لك سالفة اجل البطين الايسر يرف
والله معها حق تخاف لا وبعد حلمت والتفسير بتتزوج هههههه شكلك بتجيب العيد

انا يوم البسها سحبت اصبعها بغيت اكسرة تذكرني
زوجتي لا جاء طاريها بلبسها وهي ثانية اصبعها بالله وشلون
تدخل الدبلة اما انا ماد اصبعي من يوم دخلت بيتهم لدبلة
ههههههه
لا تخاف اسوي خروج من المنتدى قبل لاطلع
واكثر الردود من الاستراحة 《《《 مخ ياولدمخ
الله يوفقك ويكتب لك الخير وبن ما كنت
بس لاتنسى تعزمنا نفزع ونرقص هههههههههه
سؤال
لو بغت طليقتك ترجع ترجعها؟

__________________
سبحان الله وبحمده سبحان الله العظيم

لا والله مالي نية ارجعها الله يرزقها باللي افضل واخير واصلح مني

ماشاء الله تبارك الله
وفقكم الله و جمع بينكم على خير

اترك المايك لاخواتي
في الاجابة على اسئلتك

و لكن بشكل عام
حاول ان تغلق الابواب امام كل "فكرة او طاري"
عن تجربتك السابقة او ان تتوقع امرا
فالنساء مختلفون ، ثق بالله و تفائل به خيرا
نعم .. انت تريد زواجا ناجحا بكل المقاييس
و لكن لا تجعل مثل هذه الافكار الصغيرة تنغص عليك.

الحمدلله الله يكتب اللي فيه الخير وكلي ثقة بالله
انا بس ماودي تشيلها بنفسها خصوصا ان الزواج عائلي ايضا

لبسها
ولا تخليها بنفسها
الله يوفقك
بس شلون على موضوع عيالك
هل هي متفهمه انهم بيكونون عندك