السلام عليكم ورحمة الله وبركاته

أسعد الله أوقاتكم بكل خير


تمضي بنا الأيام وتتعاقب الأسابيع وتتوالى الشهور، ويقترب منا قدوم شهر الخير والبركة والرحمات، ويعلو نداء المؤمنين ودعاؤهم الخالد.



كل عام وأنتم بألف خير بقرب حلول شهر رمضان المبارك




موضوعنا كما كل عام لنستقبل الشهر الكريم بالمزيد من الافكار عن مفرزنات شهر رمضان



والهدف من المفرزنات المساعدة على تنظيم الوقت وعدم تضييعه في الوقوف في المطبخ والتفرغ للعبادات واستغلاله لكسب المزيد من الأجر والثواب


وخاصة من تقسم وقتها بين بيتها وأسرتها أو بين بيتها وعملها أو من تساهم في مساعدة والدتها

وهنا سنطرح بعض الافكار عن تجاربنا وكيف ننظم حياتنا ووقتنا في هذا الشهر الفضيل

ومن منا لا يطمع في كسب الأجر في مساعدة ومشاركة الغير مما نعرفه
أخواتي الفاضلات يجب أن لا ننسى أن نبتعد عن استغلال صومنا للإسراف في الطعام الذي يزيد عن حاجتنا له
وأن نأخد الحكمة من هذا الشهر الفضيل بأن نتذكر جوع غيرنا ممن لا يمتلكون ما يسد به قوت يومهم
وأن لا يقتصر شعورنا بهم فقط في هذا الشهر بل ليمتد لباقي شهور السنة

كل عام وأنتم بألف خير

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

يسعدلي مساكن يا عسولات❤❤❤
بالنسبة الي هالشهر ما رح يكون في مفرزنات كتير متل كل شهر لأنو رح يكون في افطار بالمصلى
وزوجي الاولاد بإذن الله ما رح يفطروا بالبيت
بس انا كرمال عم يكون عندي كسل وتعب وانحطاط بشكل مش طبيعي وخاصة من بعد آخر فحص لقرر الدكتور يوصفلي ادوية من بعد اعادة نفس الفحص تلات مرات خلال تلات شهور ونص
وبالاول كان قايلي انو عندي نقص حاد بفيتامين د كوني ما بحب اتعرض للشمس وبتجنبها طيلة ايام السنة وعندي هرمون الغدة مرتفع عالحدود وطلع باخر فحص نقص حاد بالحديد بالدم
بالرغم من اكثاري للخضار

ومن كم يوم بلشت بتناول الادوية

فرح فرزن شي بسيط ويكون جاهز متل بيتزا وبطاطا بالاعشاب بحطها بالفرن واصابع السمك الجاهزة لاول اسبوع
وطبعا رح اعمل الشوربة كل مرة عن تلات ايام والفتوش نفس الشي
والفنوش ليبقى طازج ما بخلطه ولا بضيف عليه الزيت والحامض والملح والسماق الا وقت الاستعمال
وبقسم الكمية بأكياس الحفظ او بتبرويه
والشوربة برجع بسخن بس الكمية اللي بحتاجها


ومن بعض افكاري وتجاربي السابقة
فينا نفرزن كل انواع المعجنات ونخبزها نصف خبزة ونفرز حسب الكمية اللي بنحتاجها لكل يوم
والبيتزا بنفرزها مع الصوص من دون اضافة الجبنة والخضار
ولنحصل على طعمة طازجة علينا قليها وهيي مجمدة مباشر الى الزيت الحامي

فينا نعمل صوص البيتزا ونفرزها حسب الكمية


واغلب الصائمين بيحبوا البطاطا المقلية بنقدر نقليها نصف قلية ونفرزها

ومن المقبلات المحببة ورق العنب كمان بنقدر نلفه ونفرزه ونطبخه وقت الحاجة

ونفس الشي الرقاقات بالجبن او الخضار والكبب المحشية ونصيحة لمنع الالتصاق نمدهن على صينية ونفرزهن لمدة ساعة ومن بعدها نقسمهن لحصص

ومن اكتر الاشياء اللي بتخفف عنا وقت هيي تتبيل اللحمة والدجاج ان كان اسكالوب او فاهيتا او شاورما وغيرها وتفريزها لحين الحاجة


لي عودة للتكملة بإذن الله
والاسبوع الجاي ان شاءالله رح ابدأ بتفريز لأول اسبوع من شهر رمضان ان شاء الله وبوضعهن على شكل صور

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

جزاك الله خيرا معلومات مفيدة

مشكورة كتير ولك اضعاف ما دعوتي

نورت الموضوع ورمضان كريم 🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

سلامتك يا ميمو أسأل الله العظيم رب العرش العظيم ان يشفيك شفاء لايغادرسقما
جزاك الله خيرا على هالافكار للتفريز انا ما أحب افرزن

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

الله يسلمك حبي تسلميلي ان شاءالله
بالنسبة للتفريز لو بتشوفي اللي بعرفهن وببلدنا وبعض الدول المجاورة كيف بفرزنوا والهمة اللي عندهمماشاءالله
يببقوا اسبوعين يشتغلوا باكلات التفريز قبل حلول الشهر الكريم
وخاصة الاشياء اللي بدها شغل ووقت بعملانها ولفها وتقريبا بشكل يومي بتكون موجودة عالسفرة متل الرقافات والفطاير والكبب المقلية والسمبوسة
انا هالسنة بس جبت اشيا جاهزة لاني لوحدي رح افطر بالبيت واجمالا فطوري خفيف
الله يبلغنا قيامه وصيامه

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

السلام عليكم ورحمة الله وبركاته
مبروك علينا دخول الشهر وان شاء الله يجعلنا من عتقائه

سلامتك حبي ميمو من كل شر
ماما عندها نقص في فيتامين D والغدة ايضا
والحمد لله بالدواء صارت احسن بكثير
رغم انها تمشي كثيرا في الشمس وتتعرض لها
وشمسنا لطيفة لكن ربما جسمها لا يمتص
وهناك خلطة جربيها مفيدة كثيرا
تين مجفف منقوع في زيت زيتون
عملها بابا لامي وايضا لي بسبب فقر الدم
جدا مفيدة
هي صعبة الصبح على الريق لولا انه حلفني ما اكلها لو اموت
لكن استفدت منها استرجعت بعضا من قواي

اما الموضوع فمشكورة عليه
احنا في اختبارات وامتحانات اخر السنة لذلك اليوم ساطبخ بعض الاشياء وافرنزها للغد او ليومين لانه ارسلت لامانة الامتحانات وما اعرف متى ادخل المساء
فانا مضطرة والا لست ممن يفرنزن
انا من انصار كل يوم ورزقه وغدا من الغيب
وسلامة الجميع
وصحا فطوركم ❤❤❤