السلام عليكم

كيفكم شخباركم؟

طبعا موضوع البوصلة الشخصيه كلنا نعرفه

كثير منا عرف هو جنوبي او شمالي او شرقي او غربي

انا بصراحه استفدت كثير من هالمعلومات ... وجربت مع زوجي ونفع ...

طبعاً انا ابغى الجميع يشارك بتجاربه سواء رجل او انثى

وكل واحد يقول شخصية اللي معه ايش؟؟

وايش اللي نفع معه ؟؟

وانا رح ادخل واحط تجربتي وقصص اخرى لبقية الشخصيات من تجارب ناس

يالله همتكم ........


وهذا رابط الكتاب للتحميل لمن ارد الاستزاده

http://www.4shared.com/file/35458268..._by_witch.html

حذفوا الموضوع الي به رابط البوصلة أو نقلوه ودورته بالتطوير الذاتي مالقيته

اقتباس:

المشاركة الأصلية كتبت بواسطة pressone حذفوا الموضوع الي به رابط البوصلة أو نقلوه ودورته بالتطوير الذاتي مالقيته

هل تقصد هذاا الموضوع اخي الكرريم

بوصلة الشخصية (( تحديد أنماط الشخصية)

^^^^^^^^
اذا طلع مووجود

__________________

ما عندي علم عن اللي تتكلمين عنه !

بدور بقوقل وارجع باذن الله

__________________

انا ما اعرف شنوزوجي
مع اني قريته باحد المنتديات

__________________

شكرررررررررررررا اختي المشرفة مررررررررررررررررررررررررررررررررررررررررررة شكرا

انا بجيب لكم نبذه عن كل شخصية وقصص

وكل وحده تقول وش استفادت .......

واللي ماعرفت شخصية زوجها تقدر تعرفها من ااضافاتي الحين


نتكلم عن الشمالي:

الشماليون عموما ....


يتكلمون و يتحركون و يأكلون بسرعة

ينظرون مباشرة في أعين الناس

يصافحون بثبات

يتحدثون بجرأة و سلطة

يبدو أنهم يعنون ما يقولون

يرفعون رؤوسهم عاليا و أكتافهم إلى الوراء

يأخذون خطوات واسعة و ثقيلة

يظهرون طاقة و تحملا عاليا

يتحركون بحس غرضي

يظهرون واثقين و مسيطرين

يبدون شجعانا لا يعرفون الخوف

يناقشون القضايا المهمة بالنسبة لهم

يعملون من أجل التسلية

يكرهون تضييع الأوقات

يفضلون أن يتكلموا على أن ينصتوا

يستمتعون بتركيز الإنتباه عليهم و إطرائهم

يتصرفون أولا ثم يفكرون لاحقا

يحبون أن يكونوا مسئولين

يضعون الأهداف في أعلى قائمة أولوياتهم

يجدون التبريرات غير محتملة

يواجهون الصراعات مباشرة

يتجاهلون الحديث التافه

يمكن أن يكونوا مخيفين لغير الشماليين

غير حساسين لمشاعر الآخرين أحيانا

يصبحون غاضبين عند توقف السير أو غيره

يعرفون ماذا يريدون و ماذا يفعلون

يشعرون بأنهم على حق أكثر الوقت

يحترمون ذوي الإنجاز المرتفع

يتنافسون تقريبا في كل شيء

يلعبون ليربحوا

يتخذون قرارات سريعة و حاسمة

يقدرون النجاح و القوة و السرعة

بهذي الصفات كيف ممكن نحكم على هذا الشخص ؟

طبعاً رجل ذو شخصية قوية ... مستقلة ... صاحب قرار ...يهتم بعمله وطموح ... شجاع ... يمكنك الإعتماد عليه ..... له حظور في المجالس ...واثق من نفسه ..

أليست هذه صفات فارس أحلامك من قبل ؟

هل تعتقدين أن رجل يحمل كل تلك الصفات سيتهاون في أن يجد بالمقابل من يثني عليه ويعلنها أمامه
بأنه محط إعجاب ... ؟

في الجزء المقبل سنتعرف على نقاط مهمة .. تابعوني

نبدأ بالجزء الثاني وهو شرح لأهم النقاط ... مع الأمثلة

صفاتهم كأزواج
____________

1- ممكن الإعتماد عليهم

وهذي صفة رائعة بالزوج بل من أهم الصفات التي تميز الرجولة عموماً والزوج على وجه التحديد .

كيف ممكن تعتمدين على زوجك الشمالي !! هل أحمله همي وأشيله الجمل بما حمل ؟

لااااا طبعاً ... الشمالي يحبك تعتمدين عليه بما يخصه كمسؤوليات أولاً وتثقين فيه ... يحبك تعتمدين عليه بالأمور المهمة ... وتذكري ** الإعتماد والتزام الصمت يعني تتراجعين للخلف ولا تزني على راسه ....(وش صار بالموضوع يا فلان !! شلون يعني بتتصرف ؟ ... تتوقع تقدر تسويها ؟)

كل هذي الأمور محضوووووره ولا بتلقين رد تتحملينه عقبها أو يشيل يده من الموضوع تماماً ويقولك تصرفي انت احسن وفكيني ...


2- لديهم إجابات و حلول عند الحاجة لذلك
يعني إذا حسيتي نفسك محتاره بموضوع مهم ...مشكلة معقده وتحتاجين مستشار واعي (إستوعبي جيداً كلمة (عند الحاجه))**

وتذكي دايم أنهم يمكن الإعتماد عليهم في الأزمات وضروري جداً تعطيه الثقه بأنه قادر على مساعدتك .


3- يشعرون بالقرب ممن يعجب بهم و يمتدحهم
هذي حطي تحتها خط أحمر أو علقيها مثل الحلق على أذنك ... الناس ما تعيش من غير أوكسجين ...أما الشمالي ما يعيش بدون إعجابك فيه ومدحك له ...((لاحظي المدح أيضاً له أصول عشان يوصل صح ويقتع هالشمالي .. ))

4- يستطيعون عادة أن يجعلوا الآخرين يفعلون ما يريدونه هم

ما قلت لك أنه رجال بكل ما تعنيه الكلمه ؟ يمشي الناس على كيفه ومثل ما يبي هو ... حتى لو يتبع أسلوب السلطه ... أو أسلوب إحباط غيره في سبيل يسيطر على تفكيرهم ويمشيهم مثل ما يبي .

بس على مين يا بابا .. .. خلك معي وتابعيني للنهاية
وإن شاءالله بتتعلمين كيف توقفين الشمالي عند حده لو حب يسيطر عليك .

نقطة مهمة ....*** كيف تخلين الشمالي يحترمك ويقدرك .... ولا يفرض رأيه عليك ؟؟

الشرح في النقاط القادمة ...... ولكن في شي مهم يالغالية :::::: قبل لا تعرفين كيف لازم تحاسبين على ردود أفعالك معاه .... وكذلك لازم تكونين تستحقين الإحترام والتقدير حسب نظرته الشخصيه هو .

أكيد أنت إنسانه محترمه مافيها تشكيك طبعاً وأكيد تستحقين التقدير والإحترام من وجهة نظرك ونظر المجتمع ... بس الشمالي ماله علاقه بكل هذا ... هو ينظرلك من منظار واحد فقط . وركزي معاي *

1- هل أنت إنسانة ناجحة ؟

2- هل لديك شهادات ؟

3- هل لديك إهتمامات ومسؤوليات أكبر من هم البيت والتنظيف والطبخ ؟

4- هل أنت إمرأه عصريه .متحدثه . لبقه .. أنيقه .. نشيطة ... مستقلة ..

5- هل لديك شخصية جذابه .. أو مركز إجتماعي .؟

هكذا تستطيعين إستمالة الرجل الشمالي ...وتشجعيه على إحترامك و الإهتمام بك وبكل ما يعنيك .


بعد ماعلمتكم كيف نستميل الشمالي ... ونلفت نظره ... ونجبره على إحترامنا .. كلها مواصفات مقدور عليها في تصوري ... كم وحده فيكم جامعية ... وصاحبة حظور ... وأنيقة ... إلخ

بس وينك وين تنمية شخصيتك وصقلها ؟ هل تتوقفين عند الشهاده والأناقه وتقولين ألف واحد يتمنى وحده مثلي ؟
لأ ... كلنا نقدر نطور أنفسنا للأفضل ... مو بس عشان نرضي أزواجنا ....
عشان نرضي أنفسنا بالدرجة الأولى ... ونعرف كيف نفرض وجودنا على الساحه .
البلد مليانه بنات ...متعلمات ...جميلات ... أنيقات ... ويتمنون ربع زوجك ... ما تعتبرينهم منافسات لك ؟

إذا جوابك لأ ... معناها أنت مكانك سر ... ما تحركتي ولا صحيتي على عمرك ...

علميني بس كم مره قريتي كتاب من أجل الفائده الشخصية ..؟ وكم مره فكرتي تسجلين في دورات كمبيوتر أو لغات من أجل تطوير قدراتك ؟
أنت تطورين نفسك وزوجك ولا هو حاس بتطورك معناها ... محتاجه أكثر وأكثر وأكثر

خلك إنسانه طموحه ... ليش اليأس ؟ كل هذا عشان تنجحين كونك إمرأه في عام 2007 ..

وزوجك رجل يبحث عن إمرأه ناجحة ... ليش ما تثبتين للكل أنك ناجحة بالفعل ؟

ما ودك زوجك يشعر بأهميتك ؟ ... ويقدر كل عمل تقومين فيه ويحترم أفكارك ...وعلى هالأساس يعاملك معاملة تستحقينها ؟

إذن طبقي الكلام المكتوب فوق ...وكوني إمرأه عصريه بكل ما تعنيه لك الكلمة .

إذا كنتي بالفعل عصرية .... وفيك كل هالصفات الروعه ...

إفتحي نقاشات هادفه مع زوجك العزيز .... ناقشيه بكل شيئ .... استفيدي منه ... وحسسيه أنك تستفيدي ... إمدحي أسلوبه واستمعي له بكل حواسك ... ابتسمي إذا الأمر استدعى ... وانفجري بالضحك إذا الأمر استدعى ... وأظهري علامات التعجب والإنصات وتفاعلي معه بكل حواسك ...

إحفظي عبارات من فمه وردديها أحياناً سيطرب لك ويشعر بأنك معجبه بتفكيره وكلامه وأسلوبه .

طيب تعالي هنا .... لا تكونين بس نمط شخصيتك جنوبي !!!!!!!!!!!!!

إنتبهي حبيبتي ... تراك في خطر الوقوع في دائرة الإحبــــــــــــــاط

تدرين ليش الشخصية الجنوبية أمام الشمالي في خطر ؟

لأن السبب واضح مثل عين الشمس من سؤالك يا قلبي ...

تقولين الشخصية الجنوبية تمتص غضب الشمالي ..... أوكي ... تمتص الغضب وين تروح فيه ؟

وإنت عايشه مع زوجك وظيفتك إمتصاص غضبه والتخفيف عنه ...وفي المقابل ... بتحصلين على نفسية مرهقه ... ومخزون إكتئاب ...
وشغلك الشاغل لا يزعل ولا يضيق صدره هالشمالي .

وإنت مين يمتص إكتئابك وألمك ؟ لا تتوقعين من الشمالي يلتفت لك وإنت حزينة .

تبينه يلتفت لك لازم يسمع منك أنك محتاجة لمساعدته ... دموعك ماراح يفهمها ... يفهم صوتك وكلامك .. فقط .


بس أنصح كل وحده زوجها شمالي بالدورات

بالأخص اللغة الإنجليزيه تعمل عمل السحر على الشمالي ...

والمركز الإجتماعي ... يجي من الثقافة ... والإجتماعات ... من قوة الحضور ... والثقة بالنفس ...

تذكري أن الشمالي يبي زوجة يفتخر فيها قدام الناس ....

حتى لو يرز عمره فيك عند موظفة الإستقبال في الفندق ... أو حتى البواب ...

يبي زوجته متحدثه وعندها لغات ... وجريئة .

فركزي على الثقافة ثم الثقافة .... وأكديله أنك ممكن يكون لك مركز إجتماعي .

سنتحدث عن الشمالي والمال ...
____________________________

غالباً ما يكون الرجل الشمالي ناجح في عمله وحقق مركز مرموق أو في طريقه لذلك ... لذا هو يستطيع تنظيم ميزانيته والحفاظ عليها كما يجب ... فهو طموح ولا يتخيل نفسه في يوم من الأيام يكون طفران ... تلقينه قبل لا يوصل لنص ميزانيته دبر نفسه ورفع مستواه المادي للحد المطلوب ...

لأن المال يشكل جزء من شعوره بالأمان ... فهو ليس بالبخيل ولكن ممكن تصنيفه ضمن الحريصين .لأنه يخاف من فقدان الأمان . ويصرف على نفسه وعلى بيته كما يجب ...


وبما أن الشمالي نعتبره رجل نفاخ ويحب الزين ...ويحب يتباهى بنفسه وبزوجته وعياله وكل بيته ... فهو لا يشتري ولا يصرف نقوده إلا على الشيئ الجيد ... يهتم بالنوعية كثيراً ... يحرص على الجوده ... وانتقاء الأفضل دوماً ....

يحب يتباهى بزوجته كثير أمام الجميع حتى لو أمام طفل ... يبيها دايم كشخه ورزه ...+ الماركات .

مهم عنده يلقى ختم كريستيان ديور أو إيف سان لوران أو شانيل ... (الماركات الكبيره)

لسببين ... الأول حتى يكون واثق من جودة البضاعة ... وأن فلوسه ما راحت إلا على شي يستاهل .
والسبب الثاني ... هو التباهي والإفتخار . فهذا ممتع بالنسبة للشمالي .


متى يكون الشمالي بخيل ... ويصعب عليه تقديم المال ؟ ...وخصوصاً مع الزوجة .

مثل ما عرفنا أن الشمالي ما يحب يصرف فلوسه على شي نوعيته غير جيده ....

إذا كان غير واثق من أن نقوده مع شخص يثق برأيه وذوقه فلن يقدمها إلا بشق الأنفس .

الطبيعي أن الزوجه إذا شافت زوجها حريص حبتين ...تحاول ترضيه ولا تشتري الغالي عشان ما تضيق صدره ... فتروح الطيبه وتشتري من المحلات الرخيصه ... وتجيه فرحانه ...والله يا بو فلان طحت لك على محل لقطه ... تخيل شريت لعيالي ملابس تكفيهم سنه ... بــ300 ريال بس ...

هو في هذي الحالة ... يدور في مخيلته أن زوجته شارية (عفواً) زبالة السوق ....
وأنها ما عندها ذوق ولا تهتم بالمظهر . وهمها تدور الرخيص ولا تهتم بمدى جودته .

بينما لو قالت له ... تصدق يا بو فلان ... توني جايه من شارلز جوردان .... ولقيت عندهم قطعتين هم أحلى وأرقى مافي المحل ... حتى المس خامة القماش شوف كيف ناعمة وبنفس الوقت واضح عليها قيمتها ...

في هذي الحالة وش يدور في رأس الشمالي ...!

بالفعل نوعية جيده وتستحق الشراء وحقها فيها ... وزوجتي تستحق بالتأكيد .

ليـــــــــــــــش ....؟؟

لأنك أرضيتي غروره ... وبنفس الوقت أقنعتيه بطريقة غير مباشرة أنك تستحقين الأفضل .

..نجي لمثال ثاني ...

تصدق يا بو فلان ... صديقتي ساره أمس كانت مع زوجها في مطعم أكلهم روووووعة ... تحلف أنهم شبعوا وبعدهم مشتهيين يكملون الصحون من لذة أكلهم ... وتصدق أن فاتورتهم طلعت 70 ريال بس
وهم طالبين سفرة تكفي عائلة بأكملها !!

وش رايك يابو فلان نروح الليله ناكل بهالمطعم ..؟ تراه رخيص وقريب من محلات أبو ريالين اللي على الشارع الخلفي بنفس الحاره اللي ساكنه فيها أم مشعل .

وش يدور في رأس الشمالي !!!!!!!!!!

وش ذا المطعم المتخلف اللي بتوديني عليه هالحرمة ... مدري بس متى ترتقي بذوقها وتعرف تختار الأماكن الزينة ... والله ما بعد انهبلت أدفع فلوسي بمطعم في حارة أم مشعل بعد .


بينما لو طلبتي منه يعزمك على مطعم في الدور ال44 في برج المملكة ... وقلتي نفسي والله أرز عمري الليه في سهرة راقية ... كان اختلف الوضع ... وصار دوووم يبتكر لك الأماكن الأفضل والأرقى عشان يرضي ذوقك ...ويرضي ذاته بنفس الوقت

وعلى فكره .... تأكدي أن الشمالي يحب كثيراً إسعاد زوجته ...لأن هذا سيعود عليه بالإفتخار بنفسه وبقدراته ...

الشمالي يبقى شمالي حتى لو ما اجتمعت كل الصفات الشمالية فيه ...لأننا عارفين أن الشخصيه الوحده تنقسم إلى أربع أقسام
1- النمط السائد
2- النمط الدون الغالب
3- الثلاثيه
4- الحلقة الأضعف .


ليس بالضرورة أن تكون الشخصية متمثلة في نمط واحد فقط ...
قد تأخذ الشخصية الواحدة صفات من جميع الأنماط ...
و لكن لابد من أن تكون هنالك حلقة أضعف ...


مثلا إن كانت الحلقة الأضعف هي الجنوب فإن الطبع الغالب سيكون الشمال، أما بالنسبة للشرق و الغرب فإن أحدهما أو كلاهما سيمثلان الطبع دون الغالب ...

يعني الشمالي له الشخصية السائده عنده شمالي طبعاً ولكن يجب أن يكون له صفات أخرى من الشرق أو من الغرب حسب النقاط التي ظهرت في الإختبار فنحدد النمط الدون الغالب ...

وبالنسبة للنمط الجنوبي له نصيب أيضاً من شخصية الشمالي في بعض الأحيان حتى لو كانت صفات قليلة جداً جداً ...

وإن شاءالله سنتحدث بالمرات القادمة عن النمط الدون الغالب وتأثيره في إختلاف بين شخصيتين شماليتين ... فأحدهم شمالي شرقي والآخر شمالي غربي .


بنات .. انا اكتشفت ان زوجي شمالي
وبعدين لقيت فيه صفات جنوبيه
يعني الشمالي دفش وماعنده احساس ويطنش يعتبر كلامي هذره او ماله داعي
بس مرات اذا زعلني يراضيني ويفكر فيني وهذي من صفات الجنوبي

لان الجنوبي رومنسي جداااااااااااا وانا انتظر تفاعلكم عشان احط معلومات عن كل شخصية
ونستفيد من بعض