بسم الله الرحمن الرحيم
اخوانى جميعاً
حيث انكم جميعاً
تعرفون قصتى
فأنا اتمنى ان نتواصل فى هذا الموضوع الجديد
واتمنى من الادارة حذف الموضوع الاخر
لاننى صراحة اخشى ان يقرا فية احد القريبين منى اى شىء
لاننى صراحة استفضت فية كثيراً
واخبرتكم واطلعتكم على جميع اسرارى
وعلى حالتى فى خطبتى بالكامل
اتمنى من الادارة بارك الله فيهم
حذف الموضوع
على ان نتواصل هنا
يسر الله لكم اموركم جميعاً اخوانى
((الاخوة _ ابو مريم - نورة - لكل شىء حد - لووووف - الخ
اتمنى منكم جميعاً التواصل هنا
وبالله عليكم اى حد عندة اى رأى لى فى اى شىء يكتبة هنا

يا اخوان ما عاد بينا الان الا انى ارن عليها الفجر بس
والله حتى موضوع النت
احس انى رديت على ابوها غلط
احس انى ضيعت الفرصة من ايدى
ترون انى احسن
اكلمها واقول لها
ما فتحتى الايميل يعنى ؟؟؟
................
ولا اية ؟

معليش اخوي ما اعرف قصتك ... ممكن باختصار تذكر لنا علي الاقل الاحداث المرتبطة بردك اللي فوق ؟

__________________

اخى الحبيب انا من سألت هل انا مخطى؟؟؟

انا نويت اليوم
من بعد ما كلمتها مكالمة
طبعاً هى مطنشة خالص ولا كانها مخطوبة ولا كان هناك اى شىء
كلمتها وكلمت والدتها
وعلى نفس الحال الرد على قد السؤال
....................................
لو ما بعثت لى رسالة او قالتللى هكلمك عالنت او اى امر تريد بة التواصل
سأنتظر فى اقرب فرصة وابعث
بأهلى اليهم لينظروا فى اجراءات الطلاق
وان شاء الله سيكون هذا الامر قبل نزولى
حتى احدد نفسى
وابحث عن انسانة تقدرنى وتحبنى بحق
واجد معها ما تمنيتة وما كنت ارنو الية
(( والله انا كنت اشتريتلها اطقم وملابس واشياء تقدر بالالاف ))

ولكن انا الحمد لله عملت اللى على وعدانى العيب
يعنى انا مفيش على اى غلط
انا بتصل الحمد لله
برسل
بسأل عن اهلها
عملت كل شىء
........................ز
هى ...رد ما ترد على كويس
يوم ابوها ولا امها يتعبوا ..ما تتصل وتخبرنى
اذا حصل لها اى شىء ....ولا تخبرنى باى شىء
كلامها معى واسلوبها مش كويس ابدا
مش اسلوب واحدة مع خطيبها
انا هكلم اهلى فى الغد الم تتصل هى او ترسل او تبعث باى اشارة تدل منها على انها تريدنى
لاخبرهم بان يسيروا فى الاجراءات
انا لا اتحمل ان اعيش مع انسانة تكرهنى وتفعل ما تفعلة هى بى
(( كل شىء سأقولة لاقيم عليها البينة فى هذا الامر ))
اخى ابو مريم انت من مصر وتعرف تماما ماذا تفعل الخطيبة لخطيبها
فما بالك بالمتعاقدين
والله انا كان لى قريب ...كان يمسك خطيبتة يزعق فيها ويهزقها ويبهدلها فى التليفون ويقولها مش عايزك خلاص ويقفل تليفونة ...........تقعد تبعث على التليفون 5000 رسالة وتتصل على اى حد قريب منة وتقعد تبكيلة عشان يكلمها ووالله العظيم يا اخى ما كان ينقصها شىء كانت على خلق ودين و19 سنة و ابوها مرتاح ماديا ومؤدبة جدا ومحدش بيسمعلها صوت ...لكن كان لما تكلم خطيبها عارفة يعنى اية خطيبها وعارفة قيمتة وعارفة ازاى تحترمة وتوقرة وعارفة ان الراجل رجل والست ست .....مش واحد بتتكبر على خطيبها وبتكلمة كأنها بتكلم واحد شغال فراش عندها وبتعطف علية بالكلمة
.............
يا اخى انا الحمد لله كانت نيتى خير من الاول ...جبت شبكة وقلت اعقد ودخلت البيت من بابة و حبيت اعرفهم انى شارى
دى جزائى هو دة جزائى
انا خلاص اخدت قرار وعازم علية ولن ارجع فية ان شاء الله ....
.............
دعواتكم

انا بصراحة حاسس لنى اتخدعت
والله حاسس انى فى فيلم رهيييب
انا حاسس ان كل حركاتها دى تمثيل
كل حركاتها كذب
حياءها كذب
خجلها كذب
كل ما تفعلة هو مجرد تصنع
انا حتى والله استغربت بالاول
فى اول مرة جلسنا
صح فعلاً هى كانت حاطة وشها فى الارض
وكان باين عليها الكسوف
لكن لا وشها كان محمر زلا اى شىء
حتى لما اتكلمت معاها ولا تلعثمت فى الكلام ولا اتلخبطت ولا شىء
ولا كان رجليها بتتهز ولا بترتعش ولا اى شىء
...............................
انا حاسس انى وقعت ضحية لخدعة كبيرة جدا والله
مش عارف حاسس ان كل اللى انا فية كذب فى كذب وتمثيل فى تمثيل
حتى دلوقتى لما بكلمها
انا حاسس ان كل اللى هى بتعملة عشان تفهمنى انها كدة مكسوفة وخجولة
وشعل بنات مراهقة
انا فعلاً كنت وثقت فيها
لكن بعد اللى هى عملتة دا كلة
واللى بيحصل منها
انا حاسس ان كل الكلام دة فى الفاضى
بالعربى ,,,,,,تصنع
..................................
دعواتكم بالله عليكم

رد عالسريع...

لا تجزم انها تمثل لان ردات الفعل تختلف.... انا كنت اضحك و ابتسم مثل الخبله.... و من داخلي ميته من الحيا بس هذي ردة فعلي الغريبه...*

والله احترت يا اختى
انا والله اعيانى التفكير
واعيانى ما تفعلة معى
اهذا جزائى
انا قدمت الاحسان والطيب
والله اى شىء كنت احس بس انها تريدة ما تأخرت
والله فى مرة كنت ذاهب عندها
وفجأة جالها صداع
نزلت اجرى رحت اشتريلها دوا
ابوها يستهزأ بى ويقللى انت قلبك خفيف
...................
تخيللى انة يقول كلمة كهذة امام ابنتة
والله ما استبعد انه اذا جلس معها
واخبرتة اننى اتصل عليها او ابعث لها رسائل
او اى شىء من هذا القبيل
يقول لها : دا واقع سيبك منة
وهى بالطبع تنفذ كلام ابوها
......................
لا انا ان شاء الله ادور على انسانة
تعرف قيمتى تحترمنى تقدرنى
واعرفهم ان كل ما كنت افعلة لابنتهم
هو من الواجب على
لكن ما لهم بالطيب
والله ما كنت اظن ابدا فى بالدنيا
حد بالشكل دة
ان لله وانا الية راجعون
.......................

سأضع المكالمة التى وردت بيننا بين ايديكم

انا هقولك على مكالمة امس اللى خنقتنى وخلتنى قلت الكلام دة
المهم احاكيك
انا : السلام عليكم
هى : عادى ردت السلام
انا : اخبارك
هى : الحمد لله ( كأنها لا تريد الرد والله اعلم لان صوتها بحس منة بكدة )
يعنى الرد بذبول وليس رد بفرح كأنها مبسوطة ان خطيبها اتصل عليها
انا : اخبار المذاكرة
هى : الحمد لله
انا : شد حيلك احنا عايزيين مجموع حلو السنة دى ربنا يوفقك
ان شاء الله ناوية على كام
هى : ربنا ييسر
انا : انا مش هرضى بأقل من الاولى على مدرستك
هى : ان شاء الله ربنا ييسر
انا : يا رب ان شاء الله ربنا ييسرلك ان شاء الله
اخبار والدك ووالدتك
هى : الحمد لله تمام
انا : يعنى بخير ووالدك اخبار مرضة الاخير اية
هى : الحمد لله
انا : يعنى بقى احسن
هى : اة الحمد لله
انا : خللى بالك منة وقوليللة ياخد دوا ولا شىء
هى : لا هو مبيحبش الادوية
انا : ازاى ربنا خلق لكل داء دواء واحنا لازم ناخد بالاسباب
هى : هو بيشرب اعشاب
انا : طيب تمام خير ماشاء الله
انا :انتى مش ملاحظة انى بقالى فترة يوم ويوم كدة برن عليكى
هى : اة
انا : طيب انا اليوم اللى مكنتش برن فية دة كنت منتظر انتى اللى ترنى
هى : انا اصلاً بنام قبل الفجر
انا : لية
هى : بخلص مذاكرة وانام
انا : ربنا يعينك لية مبتخليش المذاكرة لحد الفجر
هى : ببقى عايزة انااااام
انا : اة انا عارف والله انك بتتعبى ربنا يعينك معلش اهى سنة وهتعدى وبعد كدة ان شاء الله الامور تتظبط وهتبقى تمام
هى : ان شاء الله
انا : انتى هتعمللى اية دلوقتى
هى : مش عارفة
انا : يعنى مش حاجة محددة ؟ انتى بتذاكرى امتى
هى : يعنى مش وقت محدد
انا : اة طب والدروس اخبارها اية
هى : ازاى يعنى من ناحية اية ؟
انا : يعنى بتراجعى اول باول وبتذاكرى عللطول ولا اية ؟
هى : اة الحمد لله
انا : .....( سكوت ) انتى مالك فى اية انا حاسس انك زعلانة من شىء هو عمى كويس صحتة بقيت تمام الحمد لله
هى : الحمد لله
انا : امال فى اية الدراسة تمام والدروس
هى : الحمد لله
انا : طيب الحمد لله ربنا يعينك ويوفقك وييسرلك امرك يا رب
انا يمكن انزل ان شاء الله قريب مش عايزة اى شىء من هنا
هى : لا شكرا
انا : شكرا بردة ....شكر الله سعيكم يا ستى ( ضحك ) اية شكرا شكرا لسة بردة شكرا
بجد مش عايزة اى شىء من هنا أأمرى
هى : لا شكرا
انا : طيب شدى حيلك فى المذاكرة بقى انتى مش عايزة توصية ولا عايزة حد يقعد يقولك اهتمى وذاكرى صح ولا اية ؟
هى : اكيد ان شاء الله
انا : طيب يا حبيبى يلا السلام عليكم
...........
بصراحة انا مخنوق والله مخنوق
مش عاجبنى الاسلوب بتاعها دة
وكل لما افكر فى الكلام
اصلا والدتها كلمتنى قبل ما اكلمها ((حوالى ثلث ساعة ))
الحمد لله المرة دى متكلمتش عننا فى اى شىء
كل كلامها كان (( اخبارك واخبار الجو وتحكيللى عن حال الدنيا هناك وتسألنى عن حال الدنيا هنا ))
المهم يعنى كانت تتكلم معاى
صدقتونى لما اقلكم انا بحس انى هتجوز امها مش هى