بسم الله الرحمن الرحيم

ماشاء الله تبارك الله

مسائكم / صباحكم عسل وجمعه مباركة على الجميع

<<اليوم على الغداء سويت رز بالحمص اكله مكاويه شعبيه معرررروفه اكيد عند الكثير خصوصا اهل الغربيه


المقادير

لحمه ضانى او حسب الرغبه وممكن دجاج كمان

حمص

ارز

بهارات مشكله

بصل حلقات وبصل جوانح

زيت


طريقه العمل

نسلق اللحمه على النار ونخليها تنضج تماما



ونسلق الحمص ايضااا



طبعا لمن ينضج اللحم تماما <<< معلقه على تماما المهم
نحمر البصل الحلقات في قدر اخر



ونضيف عليها بعد مايحمر الارز




بعد كده نضيف اللحم




ثم المرقه طبعا لازم تتصفى




ونضيف البهارات

عيارة عن قطعه قماش فيها بهارات مجمعه نفس بهارات شوربه الحب (فلف وكموم وقرفه وقرنفل وشيبه وكم شي مجمع

دا شكلها



نضيف حبه للرز ونضيف شويه فلفل وكمون مطحون وملح





بعد كده نغطي ونخليهم ينضجوا تمااااما


في دا الوقت نضج الحمص نصفي عشان نضيفوا للرز


هنا نضيف الحمص للرز




ونخلطهم سوووياا




نتركهم 10 دقايق تقريبا عشان تنشف المويه



7



7


7


كده كلوو تمام ياباشا ونطفى النار



نحمر البصل الجوانج مع قليل زيت لتزين الرز



وانتهيت من التحمير






نقدم الرز ونزينووا بالبصل


ودا الشكل النهائي

الصورة الوحيده الا كتبت عليها اسمى




كان يمي يم من جد ترا مابمدح نفسي <<<بس انا شطورة ماشاء الله

ولازم معاه سلطه طحينه بالخيار






<<اما بالنسبه لغديا الحقونى على قسم اطباق الرجيم في وصفه خطيرررة


وبالهناء والشفاء

<<<لازم اخد تميز تعبت كتير

__________________
ياررب ارح قلبي وعوضني خير

ما شاء الله
باين عليه كتيييييييير زاكي

اي والله كتير زاااكي

تسلمى على مرورك

__________________
ياررب ارح قلبي وعوضني خير

بالفعل غاليتي باين عليه لذيذ جدا"

إن شاء الله راح أجربه و أخبرك

مشكورة على الوصفات الرائعة و المتجددة دائما"

الله يجزاك خير

__________________
اللهم ارحم أخي رحمة واسعة و أجعل قبره روضة من رياض الجنة

شكله يفتح الشهية ماشاء الله على الابداع والفن حفظك الله



الله يوفقك ويسعدك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

اللي يبي يتعلم الرز بالحمص على اصوله لا يسأل إلا مكاويه

ماشاء الله تبارك الله

بنوته حبيبتي هالحين الحمص اسلقه بس بمويه مااضيف شي ثاني ؟

وقد ايش ياخذ الحمص وقت؟

وفيه حمص معلب ينفع؟

يعطيكِ العافية بغلبكِ معاي

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}

جداا جربي وراح يعجبك ان شاء الله

العفوو انتظر تجربتك ورابك

تسلمى على مرورك

امين يارب ويسعدك يارب اسعدنى تواجدك


الله يعافيكي يارب اسعدنى مرورك عادي اي سئوال انا حاضرة اهم شي يظبط

__________________
ياررب ارح قلبي وعوضني خير

كان نفسي اسوي سلطه الباذنجان بالطحينه المبخره افضل من الطحينة بالخيار 100 مرره بس للاسف ماكان موجود

__________________
ياررب ارح قلبي وعوضني خير

بالف هنا يابنوته انا اموت على الاكله دى لكن للاسف ماسويها كتيير لان زوجى مايحبها يلا اعزمينى عندك

__________________
اللهم بارك لى فى اولادى وزوجى وعوضنا خيرا مما فقدنا

كالعااده بنت مكه مبببببببدعه

تسلم يدينك يااحلووة

__________________
لااله الا انت سبحانك اني كنت من الظالمين