__________________

خلاص يافارس رجعها
يالله اكثر من كذا
والله حرااام
وتبي رأي كمان
اشك فيك
هالولد مجنني في حياتي>>>>>اعتبرك ولدي لانك على اسم ولدي فارس

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

و ين الدعوى سلق بيض يا ماما لازم نركد شوي ركادة الرجال فمن الحكمة ان اهدي الموضوع

لأنهم محترقين يبوني باللي هي به

__________________

اخي الكريم اذهب الى اهل زوجتك وشوف الموضوع ..

واذا ابوك يروح معك خير وبركه مافيها شيء

وحاولوا تتفاهموا بكل هدوء
وبإذن الله ترجع المياه لمجاريها وترجع زوجتك وشريكة حياتك لبيتكم المصون وتعيشان احلى حياه


اخي الكريم يعلم الله عز وجــــل انني دعيت لك عند الافطار وامس الجمعه بعد العصر ولاخوه واخوات في منتدانا العزيز على قلبي ..


اخي الفاضل الان ساعه فضيله استغلها بالتقرب الى الله والدعاء الدعاء الح على ربنا الكريم الجواد انه يحب عبده الحوح
ثلث الليل الاخر وقت نزوله سبحانه وتعالى نزولاً يليق بجلاله فيقول هل من سأل واعطيه مسئلته هل من مستغفر فاستغفر له ... انه الله الرحمن الرحيم ارحم بالطفل من امه .. وفي رمضان شهر القران شهر الغفران وايضا في افضل ليالي السنه العشر الاخير الله اكبر .. اخي تضرع الى الله ربك وخالقك ورازقك تضرع اليه في سجودك ..



اسال الله الفرد الاحد الصمد ان ييسر رجوع زوجتك إليك وينزل في قلبيكما الموده والمحبه والقبول ويهديكما

__________________

ماشاء الله تبارك الله

أخوي في أحد ردودي قلت لك أحس إن مشكلتك قرب انفراجها والحمدلله على كل حال المشكله الحين انفرجت وانحلت أكبر عقده فيها وهي العناد وتجاهلهم لإتصالاتك واتصالات أمك

حدد موعد مع أبوها لزيارتهم والتفاهم معهم

واعتذر على كل غلط سويته لها وعاتب على كل غلط فعلوه بك <<< عتاب محب وليس تجريح

ولا تبين لهم إن حياتك ما تمشي إلا مع بنتهم عشان ما يستغلونك بشروط أنت بغنى عنها

وبصراحه ما أقدر أقول لك متى الموعد المناسب إنك تروح لهم لكن العلم الأكيد لايجي يجي ثاني أيام العيد إلا هي ببيتك ومنتهيه مشكلتكم

لكن قبل تروووووووووح لهم اشتر لها هديه واشتر لأهلها سلة حلاو أهم شي لاتروح خالي اليدين

رجع زوجتك وتفاهم أنت وياها إنها ما تطلع أسرار بيتها

ولا تدخل في صدامات مع والدها ولا ترفع صوتك دايم اللي يرفع صوته بالحوار يكون ناقص

اكبت غضبك في صدرك وتحمل

هذه ليست نصائح فأنت أكبر من أن يقدم لك أمثالي نصيحه لكن مجرد تذكير

الله يرجع لك زوجتك عاجلا غير آجل

__________________
إن بعض القول فن ، فاجعل الاصغاء فناً ..
>> المعرف لرجل <<

اقسم بالذي لا اله الا هو اني فرحتلك فرحه كبييييييييييييييييييييره

يابن الحلال روح اعتذر وتعذر شوف انا بحط نفسي فمكان البنت ماتبي الا اعتذااااااااااااار وحبت راس

هذا وانا اقولك ومشكلتي مازالت قائمه واكيد ماحيتصلوا


وليش يتصلون

مثلنا هو غلط علينا هو يعتذر مو احنا نتصل ونقول تعال

ادعيلي ضاقت علي

الظاهر أن الله استجاب دعائنا .. الكل دعا لك

المهم .. تبي شوري

بس بسألك سؤال

أغلى انسان في الدنيا على أمك وأبوك مين ؟؟

أكيد انت .. ما يبي لها كلام

عشان كذا اقولك رح عند أمك وأبوك وأحكي لهم على الي صار بينك وبين زوجتك

أو أختار من بينهم أكثر واحد تقدر تتكلم معاه بصراحة ..

مع أني أنصحك تتكلم مع أبوك وتقوله عن كل شي .. لأنه رجال مثلك

لا تضيع خبرتهم وحكمتهم عنك .. في تاصيل كثيرة هم أخبر منك ومنا يعرفونها

أحنا كل واحد يشور عليك على ضوء خبرته وتجاربه وبيئته وتربيته وشخصيته .. لكن أمك وأبوك غير

صدقني مراح يقولون كلمة إلا يدورون مصلحتك قبلها وبعدها ووراها وقدامها

يا فارس أنت قطعه من قلبهم .. أنت أول ولد يجي لهم .. مارح يقولون لك اعمل شي وهو يضرك

ومثل ما أنا شايفه أن أمك وأبوك ماشاء الله في عز شبابهم يعني في لغة حوار بينك وبينهم

استهدي بلله وروح عند ابوك الله يطول بعمره وتكلم معاه بالي صار و قوله عن كل شي واطلب شوره

مو تقعد تقول له ما سويت شي .. قل كل شي .. واسمع رايه .. خله بالصورة ويعرف كل التفاصيل مو يتفاجأ

خله يسمع كل شي منك أحسن ..

تراه أخبر بالدنيا منك .. لا تقول انا مو بزر .. أدري انك رجال .. بس مثل ما يقول المثل ( أكبر منك بيوم أعلم

منك بسنة )

بالاضافة إلى أن أهلك أدرى بالبيئة الي انتوا عايشين فيها وأدرى بهالناس الي انتوا مناسبينهم

ويعرفون شنو ورا تصرفاتهم .. لا تستهين فيهم

إذا في شي ورا تصرفات البنت أو امها .. تأكد أن أمك بتلقطها وهي طايرة .. ترى النسوان ادرى بالنسوان

وأمك مستحيل تشوف شي يضرك وتبقى ساكته .. وأبوك بعد

بس ليش أنا أقولك روح عند ابوك .. عشان نبتعد قد ما نقدر عن العواطف

وصدقني مهما أخطأت تأكد ابوك مارح يسوي شي خلاف مصلحتك

وبعدين لا تخاف من ابوها .. شنو يضربك وخرابيط .. لو كان ناوي على ضرب كان دخل عليك من ذاك اليوم

و برد قلبه فيك .. لأن مافي واحد محترق قلبه على واحد ينتظر عشان يضربه

لأنه لو انتظر خلاص بردت النار الي بقلبه

أنت صحيح غلطت لما ضربتها لكن لا تنسى أن عندك مستمسك عليهم وهو شيلة ابوها لها من غير علمك

وهذي نقطة ابوك راح يخليها منفذ لمصلحتك

أمك وأبوك قدامك روح لهم وأعمل بشورهم

وإن شاء الله خير

__________________

اخيرا صار شي معاك نصيحه مني لا تثقل كثير ويشيلون عليك اكثر من كذا وتكبر المسأله بس اهم شي اذا قابلت ابوها خبره انزعاجك من حركته انه ياخذبنته بدون ما يخبرك وكمان لا تنسى حركة بنته وهي خروجها من بيتك من غير ماتدري هذا اهم شي
والله يوفقك يارب ويصلح حالك

__________________
يارب أربط على قلب كل فاقد

مبرووووووووووووووووووووووووووووك عليك

بس تحرررررررررررك

روح لهم

كلم ابوك يكلمهم واشتر لها هديه ..خاتم ذهب مايزيد عن 200 ريال

وكيكه حلوووه من بيت الكيك

وروح لهم مع ابوووك وحلق وتكشخ وتعطر

وحب راس ابوها واعتذر واوعدهم انك بتحطها بعيووونك

واطلبه يناديها تعتذر منه

وقول لو تبون اكتب لكم تعهد اني ماضربها انا مستعد .....

خلك مطاوعهم لانك انت اللي غلطت وضربتها

ياااااااااااااارب ترجعون لبعض

يا اخي تراك غلطان
طاقهاتعرف انت وش مسوي
يعني لاتقول اعتذرت ومدري وش

انت غلطان

لا تقول طلعت من بيتي
ومدري وش

لا تكبرها تراها هانت روح واعتذر
وقول حقي برقبتي
وهي ادبها بينك وبينها وقول لها اخر عهد بيني وبينك لو طلعتي سر برى البيت لو وش تغدينا

زهب عذر لسبب طقك لها وتنتهي السالفه

__________________